13/08/2026
ရန်ကုန်မိုးကြီးရေလျှံရတဲ့အထဲ
ကာလဝမ်းက မြွေကိုက်လူနာတွေပါ အဖော်ခေါ်လာတယ်။ အပြင်စာကြိုက်တဲ့ ကျနော်တို့လူမျိုးတွေနဲ့ ကာလဝမ်းရောဂါက အချိန်ကိုက်ပါပဲ။
ပထမတစ်ခါတုန်းက ဒလ သာကေတ
ခုတစ်ခါက လသာ လမ်းမတော် စမ်းချောင်း ကြည့်မြင့်တိုင်က လူနာတွေ အဖြစ်များပါတယ်။
ခုကာလဝမ်းရောဂါက တွေ့ဖူးသမျှ ကြုံဖူးသမျှထဲ တော်တော်ပြင်းထန်တဲ့အထဲပါတယ်။ Comorbid disease များတဲ့လူနာတွေဆို အသက် အန္တာရာယ်ထိခိုက်နိုင်လောက်အောင်ကို ဆိုးရွားလှပါတယ်။
ကျောက်ကပ်ထိခိုက်လို့ ဆီးနှင့်ကျောက်ကပ်ဌာနနဲ့တိုင်ပင်ပြီး ကုသရတဲ့လူနာတွေလည်း ရှိနေပါတယ်။
ဆန်ဆေးရည်လိုဝမ်းအရည်သွားခြင်း
ငါးညှီနံ့လို ညှီစို့စို့နံခြင်း
ဝမ်းလျှောအကြိမ်အရေအတွက် ပမာဏများခြင်း
အချိန်ခနလေးအတွင်း ပြင်းထန်ဆိုးရွားသော ရေဓါတ်ခမ်းခြောက်ခြင်း စသော လက္ခဏာများသည် ကာလဝမ်းရဲ့ အဓိကကျသော အချက်များဖြစ်ပါတယ်။
ဒီအချက်တွေရှိလာရင် မပေါ့ဆဘဲ နီးစပ်ရာ ဆရာဝန်နဲ့ သေချာကုသမှုခံယူရပါမယ်။
သွေးကျဆေး ဆီးချိုဆေး စတဲ့ဆေးဝါးတွေကို ပုံမှန်သောက်နေရတဲ့ လူနာတွေ ဝမ်းလျှောဝမ်းပျက်ရင် ဒီဆေးတွေကို ပမာဏပြောင်းလဲဖို့လိုအပ်ပါမယ်။ ဒါကြောင့်မိမိပြသနေကျ ဆရာဝန်နဲ့ သေချာတိုင်ပင်ဆွေးနွေးဖို့လိုပါတယ်။
သွေးတိုးသမား ဝမ်းလျှောလို့ ဓါတ်ဆားရည်သောက်ရလို့ သွေးတိုးပိုဆိုးတာမရှိကြောင်းလည်း အသိပေးလိုပါတယ်။ ရဲရဲသောက်သုံးဖို့အကြံပြုပါတယ်။
ကာကွယ်ဖို့က ယင်နားစာမစားဖို့ အစားအသောက်တွေ သေချာ cover လုပ်ဖို့ အစာမစားမီလက်သေချာဆေးဖို့ ဝမ်းလျှောလူနာ အညစ်အကြေးများ စနစ်တကျစွန့်ပစ်ဖို့ လုပ်ဆောင်ရပါမယ်။
အမျိုးများအားလုံး ကာလဝမ်းရောဂါဘေးမှ ကင်းဝေးသက်သာနိုင်ပါစေ။
