12/08/2026
မိုးရာသီမှာ ဝမ်းပျက်ဝမ်းလျှောရောဂါ မဖြစ်ရအောင် ဘယ်လိုကာကွယ်ကြမလဲ? 🌧️🦠
မိုးရာသီ ရောက်လာပြီဆိုရင် အေးမြတဲ့ ရာသီဥတုနဲ့အတူ ဝမ်းပျက်ဝမ်းလျှောရောဂါတွေလည်း အဖြစ်များလေ့ရှိပါတယ်။ ရေဆိုးတွေနဲ့ မသန့်ရှင်းတဲ့ အစားအစာတွေကနေတစ်ဆင့် ပိုးမွှားတွေ လွယ်လွယ်ကူကူ ကူးစက်နိုင်တာမို့ မိသားစုကျန်းမာရေးအတွက် ဒီ ရိုးရှင်းတဲ့ ကာကွယ်နည်းလေးတွေကို လိုက်နာပေးဖို့ လိုပါတယ်နော်။
💡 လိုက်နာရန် ကာကွယ်နည်းများ
• သန့်ရှင်းသော ရေကိုပဲ သောက်သုံးပါ သောက်ရေကို ဆူပွက်အောင် သေချာကြိုချက်သောက်ပါ သို့မဟုတ် စိတ်ချရတဲ့ သောက်ရေသန့်ကိုပဲ ရွေးချယ်သောက်သုံးပါ။
• လက်ကို စနစ်တကျ မကြာခဏ ဆေးပါ အစားမစားမီ၊ အစာမပြင်ဆင်မီနဲ့ အိမ်သာတက်ပြီးတိုင်း လက်ကို ဆပ်ပြာ၊ ရေတို့နဲ့ အနည်းဆုံး စက္ကန့် ၂၀ ကြာ သေချာဆေးကြောပါ။
• ပူပူနွေးနွေး အစားအစာများကိုပဲ စားသုံးပါ လတ်လတ်ဆတ်ဆတ် ပူပူနွေးနွေး ချက်ပြုတ်ထားတဲ့ အစားအစာတွေကိုပဲ စားပါ။ ယင်နားစာများ၊ လမ်းဘေး မသန့်ရှင်းသော အစားအစာများနှင့် ကြာရှည်အေးစက်နေသော အစာများကို ရှောင်ကြဉ်ပါ။
• သီးနှံများကို သေချာဆေးကြောပါ အစိမ်းစားမယ့် သစ်သီးဝလံများနှင့် ဟင်းသီးဟင်းရွက်များကို မစားမီ သန့်ရှင်းသောရေနဲ့ သေချာစွာ ဆေးကြောပါ။
• အိမ်သာနှင့် ပတ်ဝန်းကျင် သန့်ရှင်းရေးကို ဂရုစိုက်ပါ ယင်ကောင်မတွယ်စေရန် အမှိုက်များကို စနစ်တကျ စွန့်ပစ်ပါ၊ အိမ်သာကို သန့်ရှင်းစွာ အသုံးပြုပြီး အိမ်ပတ်ဝန်းကျင် ရေဝပ်ခြင်းမရှိအောင် ရှင်းလင်းထားပါ။
⚠️ သတိပြုရန်
ဝမ်းပျက်ဝမ်းလျှော ဖြစ်ပွားပါက ရေဓာတ်မခမ်းခြောက်စေရန် ဓာတ်ဆားရေ ကို သောက်ပေးပါ။ အော့အန်ခြင်း၊ နှုတ်ခမ်းခြောက်ပြီး မူးဝေခြင်း၊ မှိုင်ခြင်း သို့မဟုတ် ဝမ်းထဲ သွေးပါခြင်းများ ရှိပါက နီးစပ်ရာ ဆေးခန်း/ဆေးရုံသို့ အမြန်ဆုံး သွားရောက်ပြသပါ၊၊
ကျန်းမာပျော်ရွှင်သော မိုးရာသီလေးဖြစ်ပါစေကြောင်း ဆုမွန်ကောင်းတောင်းလိုက်ပါတယ်! ❤️
#ကျန်းမာရေးအသိပညာပေး
