Dr. May - For Your Health

29/08/2026

✨ A New Milestone in Children’s Healthcare

မလေးရှားနိုင်ငံ၊ Kuala Lumpur ရှိ Sunway Medical Centre, Sunway City ၏ New Children’s Tower Opening Ceremony သို့ တက်ရောက်ခွင့်ရရှိခဲ့တဲ့အတွက် အထူးဝမ်းမြောက်ဂုဏ်ယူမိပါတယ်။

ဒီလို အရေးကြီးတဲ့ ကျန်းမာရေးကဏ္ဍဆိုင်ရာ မှတ်တိုင်တစ်ခုကို ကိုယ်တိုင်ပါဝင်တွေ့မြင်ခွင့်ရခဲ့ခြင်းဟာ ကျွန်မအတွက် အမှတ်တရဖြစ်စရာ အတွေ့အကြုံတစ်ခု ဖြစ်ခဲ့ပါတယ်။

ကလေးငယ်များအတွက် ပိုမိုခေတ်မီပြီး အရည်အသွေးမြင့် Healthcare Services တွေကို ပိုမိုကောင်းမွန်စွာ ပေးစွမ်းနိုင်ဖို့ ရည်ရွယ်တည်ဆောက်ထားတဲ့ New Children’s Tower ဟာ Children’s Healthcare ရဲ့ အနာဂတ်အတွက် အရေးကြီးတဲ့ ခြေလှမ်းသစ်တစ်ခုလို့ ယုံကြည်ပါတယ်။

Healthcare ကဏ္ဍဟာ နည်းပညာတိုးတက်လာတာနဲ့အမျှ အမြဲတမ်းပြောင်းလဲတိုးတက်နေတဲ့ နယ်ပယ်တစ်ခုဖြစ်တာကြောင့် နိုင်ငံတကာအဆင့်မီ Medical Care တွေကို လေ့လာပြီး မြန်မာနိုင်ငံမှ လူနာများအတွက် ပိုမိုကောင်းမွန်တဲ့ Healthcare Access တွေ ဖန်တီးပေးနိုင်ဖို့ကလည်း ကျွန်မတို့ Medic Journey ရဲ့ အဓိကရည်မှန်းချက်တစ်ခု ဖြစ်ပါတယ်။

ဒီထူးခြားတဲ့ အောင်မြင်မှုအတွက် Sunway Healthcare Group Management Team နှင့် အဖွဲ့သားများအားလုံးကို Many Congratulations! 🎉

ကလေးငယ်တိုင်းအတွက် ပိုမိုကျန်းမာပြီး ပိုမိုကောင်းမွန်တဲ့ အနာဂတ်တစ်ခုဆီသို့… 💙

29/08/2026

🧠 ဦးနှောက်ရောဂါကုသမှုမှာ နည်းပညာတိုးတက်လာတာနဲ့အမျှ ရွေးချယ်စရာတွေ ပိုများလာပါတယ်။

ဒီတစ်ခေါက်မှာတော့ KIMS Hospitals မှာ လေ့လာခဲ့ရတဲ့ Gamma Knife Radiosurgery နည်းပညာအကြောင်းကို ကျွန်မကိုယ်တိုင် လေ့လာတွေ့ရှိခဲ့တာတွေထဲက လူနာတွေအတွက် အရေးကြီးတဲ့အချက်လေးတွေကို မျှဝေပေးထားပါတယ်။

Gamma Knife ဆိုတာ နာမည်မှာ “Knife” ပါပေမယ့် တကယ့်ဓားနဲ့ ဦးနှောက်ကို ခွဲစိတ်တာမဟုတ်ပါဘူး။
Radiation ရောင်ခြည်တွေကို အလွန်တိကျစွာ Target နေရာမှာ စုစည်းပေးပြီး ဦးနှောက်အတွင်းရှိ သင့်လျော်တဲ့အကျိတ်နဲ့ အချို့သောရောဂါတွေကို ကုသနိုင်တဲ့ Stereotactic Radiosurgery နည်းပညာ ဖြစ်ပါတယ်။

အထူးသဖြင့် Brain Tumor၊ Brain Metastases၊ Meningioma၊ Vestibular Schwannoma၊ AVM နဲ့ အချို့သော Trigeminal Neuralgia လူနာတွေအတွက် ကုသမှုရွေးချယ်စရာတစ်ခု ဖြစ်နိုင်ပါတယ်။

✨ Gamma Knife ရဲ့ စိတ်ဝင်စားစရာကောင်းတဲ့ အားသာချက်တွေထဲမှာ
ခွဲစိတ်အနာကြီး မရှိခြင်း၊ Target ကို တိကျစွာ ကုသနိုင်ခြင်းနဲ့ လူနာအခြေအနေသင့်တော်ပါက ကုသမှုနှင့် Recovery ကာလ တိုတောင်းနိုင်ခြင်း တို့ ပါဝင်ပါတယ်။

ဒါပေမယ့် လူနာတိုင်း Gamma Knife နဲ့ ကုသလို့ရတာ မဟုတ်ပါဘူး။
Tumor ရဲ့ အမျိုးအစား၊ အရွယ်အစား၊ တည်နေရာ၊ အရေအတွက်နဲ့ လူနာတစ်ဦးချင်းစီရဲ့ အခြေအနေကို သေချာစွာစစ်ဆေးပြီးမှ သင့်တော်တဲ့ကုသမှုကို ရွေးချယ်ရမှာ ဖြစ်ပါတယ်။

ကျွန်မအနေနဲ့ Medical Tourism နယ်ပယ်မှာ အလုပ်လုပ်ရင်း နိုင်ငံတကာမှာ အသုံးပြုနေတဲ့ နောက်ဆုံးပေါ်ဆေးဘက်ဆိုင်ရာ နည်းပညာတွေနဲ့ ကုသမှုရွေးချယ်စရာတွေကို ကိုယ်တိုင်လေ့လာပြီး မြန်မာလူနာတွေအတွက် မှန်ကန်တဲ့ Medical Information တွေ ပြန်လည်မျှဝေပေးနိုင်ဖို့ အမြဲကြိုးစားနေပါတယ်။

ဒီ Video လေးမှာ KIMS Hospitals မှာ Gamma Knife အကြောင်း လေ့လာခဲ့ရတဲ့ အတွေ့အကြုံနဲ့ လူနာတွေအနေနဲ့ သိထားသင့်တဲ့ အချက်တွေ ကို ကျွန်မကိုယ်တိုင် မျှဝေပေးထားပါတယ်။

ကျန်းမာရေးနဲ့ပတ်သက်ရင် သိရှိထားခြင်းကလည်း ကုသမှုရွေးချယ်ရာမှာ အရေးကြီးတဲ့ ပထမခြေလှမ်းတစ်ခုပါ။ 🤍

22/08/2026

ခုတလော Facebook ပေါ်မှာ လူပြောများနေတဲ့ အကြောင်းအရာတစ်ခုနဲ့ ပတ်သက်ပြီး ကျွန်မရဲ့ Personal Point of View လေးကို မျှဝေချင်ပါတယ်။ ကျွန်မကိုယ်တိုင် နိုင်ငံခြားဆေးရုံတွေနဲ့ ချိတ်ဆက်ပြီး မြန်မာလူနာတွေ နိုင်ငံခြားမှာ ဆေးကုသမှုခံယူနိုင်အောင် ဝန်ဆောင်မှုပေးတဲ့လုပ်ငန်းကို ၁၆ နှစ်ကျော် လုပ်ကိုင်လာခဲ့ပါတယ်။ နိုင်ငံခြားဆေးရုံကြီးတွေ မြန်မာနိုင်ငံကို စတင်ဝင်ရောက်လာတဲ့အချိန်ကတည်းက သူတို့ရဲ့ နိုင်ငံတွေ၊ ဆေးရုံကြီးတွေကို ကိုယ်တိုင်သွားရောက်လေ့လာပြီး ဘယ်လို Healthcare System တွေ၊ Advanced Technology တွေ၊ Treatment Pathways တွေရှိလဲဆိုတာ လေ့လာသင်ယူခဲ့ပါတယ်။

နိုင်ငံခြားမှာ ဆေးသွားကုကြတယ်ဆိုတာ မြန်မာနိုင်ငံက ဆရာဝန်တွေ မတော်လို့၊ မကုတတ်လို့၊ မြန်မာပြည်ရဲ့ဆေးလောက အရည်အချင်းနိမ့်ပါးလို့ မဟုတ်ပါဘူး။

မြန်မာနိုင်ငံက ဆရာဝန်အများစုဟာ ကန့်သတ်ချက်တွေများလွန်းတဲ့ အခြေအနေတွေကြားထဲကနေ လူနာတွေအတွက် အကောင်းဆုံး ကုသပေးနေကြရတယ်ဆိုတာ ကျွန်မတို့ အသိဆုံးပါ။ သူများတွေ စက်ရုပ်တွေ၊ နည်းပညာအသစ်တွေသုံးပြီး ခွဲစိတ်ကုသနေကြတဲ့အခါ ကျမတို့ဆီက ဆရာဝန်တွေက ရှိတာလေးနဲ့ အဆင်ပြေအောင် အကောင်းဆုံး ကြိုးစားကုသပေးနေကြပါတယ်။ ခေတ်မီနည်းပညာသုံးကုသနည်းတွေကို ပြည်ပနိုင်ငံတွေမှာ သွားရောက်လေ့ကျင့် သင်ကြားတတ်မြောက်လာကြပေမယ့်၊ ကိုယ့်တိုင်းပြည်မှာ စက်ပစ္စည်းတွေ မရှိသေးတာရယ်၊ အချို့ လက်လှမ်းမမီနိုင်သေးတဲ့ ကုသနည်းတွေအတွက်သာ နိုင်ငံရပ်ခြားအထိ သွားရောက်ကုသကြရဆဲ ဖြစ်ပါတယ်။

နိုင်ငံခြားမှာ ဆေးသွားကုဖို့ လိုအပ်လာရတဲ့ အကြောင်းရင်းတွေထဲမှာ—

🔹 Advanced Medical Technology & Infrastructure
🔹 Specialized Treatment & Surgery
🔹 Advanced Diagnostic Facilities
🔹 Patient & Family Preference
🔹 Second Opinion & Complex Case Management

စတဲ့အချက်တွေ အဓိက ပါဝင်ပါတယ်

ဒါပေမယ့် တစ်ဖက်မှာလည်း—

⚠️ “နိုင်ငံခြားဆေးရုံဆိုတိုင်း၊ နိုင်ငံခြားကဆရာဝန်ဆိုတိုင်း လူနာကို အကောင်းဆုံးကုသပေးကြတာ မဟုတ်ပါဘူး။”

ဒီနေရာမှာ အရေးကြီးတဲ့ Disclaimer တစ်ခုကို ရှင်းပြချင်ပါတယ်။

ကျွန်မရဲ့ လုပ်သက် ၁၆ နှစ်ကျော်အတွင်း Medical Travel Coordination လုပ်ငန်းနယ်ပယ်မှာ ကြားသိ၊ မြင်တွေ့ခဲ့ရတဲ့ အခြား Patient Coordination Channels မျိုးစုံ ကနေ ရောက်ရှိလာခဲ့တဲ့ Case Experiences တွေ တွေ့မြင်ခဲ့ရတဲ့ အခြေအနေတချို့ လူနာတွေအနေနဲ့ သတိထားသင့်တဲ့ အချက်တွေကို မျှဝေဖို့အတွက်သာ ရေးသားထားခြင်း ဖြစ်ပါတယ်။

ဒီ Post ရဲ့ ရည်ရွယ်ချက်က ဘယ်ဆေးရုံ၊ ဘယ်ဆရာဝန်ကိုမှ Negative Review ပေးဖို့ မဟုတ်ပါဘူး။

ရည်ရွယ်ချက်ကတော့

“နိုင်ငံခြားဆေးရုံမှာ သွားကုတယ်ဆိုတိုင်း အဆင်ပြေအောင်မြင်နေကြတာမဟုတ်ပါဘူး နိုင်ငံခြားဆေးရုံဆိုတိုင်း မျက်စိမှိတ်ယုံကြည်မနေဘဲ၊ လူနာအတွက် သင့်တော်တဲ့ Treatment Pathway ကို သေချာရွေးချယ်ဖို့လိုပါတယ်” ဆိုတာကိုသာ မျှဝေချင်တာပါ။ လူနာတစ်ဦးချင်းစီရဲ့ Privacy နဲ့ Confidentiality ကို လေးစားတဲ့အတွက် Patient Name၊ Hospital Name၊ Doctor Name နဲ့ Identifying Details များကို မဖော်ပြထားပါဘူး။

🫀 Case 1: နှလုံးခွဲစိတ်မှုတစ်ခုမှာ မလိုအပ်ဘဲ Device ထည့်သွင်းခဲ့ပြီး နောက်ပိုင်း Wire ပြဿနာကြောင့် ပြန်ခွဲရ၊ Device အလုပ်မလုပ်လို့ ပြန်ခွဲရ၊ Infection ဝင်လို့ ထပ်မံခွဲစိတ်ရနဲ့ လူနာဟာ အကြိမ်ကြိမ် ခွဲစိတ်ခံခဲ့ရတဲ့ ဖြစ်ရပ်တွေ ရှိခဲ့ပါတယ်။ ကုန်ကျစရိတ်တွေ အလွန်များပြားလာပြီး နောက်ဆုံးမှာ ဆေးရုံဘက်က ဆက်လက်ကုသပေးနိုင်ခြင်းမရှိတော့တဲ့ အခြေအနေအထိ ဖြစ်ခဲ့ပါတယ်။
တစ်ခါတလေ လူနာကို စောင့်ရှောက်နေတဲ့ Caregiver ကိုတောင် သူ့ကိုယ်ပိုင်ကျန်းမာရေးပြဿနာအတွက် OPD သွားပြရင်း မလိုအပ်တဲ့ Procedure အတွက် Consent ထိုးခိုင်း ဆေးရုံတက် ခုခွဲမယ်ဆိုတာမျိုးတွေ

🧬 Case 2: Portal Vein Thrombosis ရှိနေပြီး၊ အကျိတ်ဆဲလ်အရွယ်အစား (Tumor size) ကလည်း ကြီးမားနေသလို metastasis လည်းပျံ့ Transplant Criteria ထဲမှာ လုံးဝမဝင်တဲ့ လူနာကို ဆေးရုံဘက်က ခွဲစိတ်ကုသနိုင်ပါတယ်ဆိုပြီး အစားထိုးခွဲစိတ်ပေးခဲ့တဲ့ပြီး လူနာဟာ မြန်မာနိုင်ငံကိုတောင် မပြန်နိုင်တော့ဘဲ ခွဲစိတ်နေစဥ်ပဲ အသက်ဆုံးရှုံးခဲ့ရတဲ့အထိ ဝမ်းနည်းစရာကောင်းတဲ့ ဖြစ်ရပ်တွေ

👶 Case 3: ကလေးငယ်တွေကို အကြိမ်ကြိမ် ခွဲစိတ်ကုသပြီးနောက် Complication တွေ ဖြစ်လာတဲ့အခါ ဆက်လက်ကိုင်တွယ်နိုင်ခြင်းမရှိတော့ဘဲ အခြားဆေးရုံတွေကို ပြန်လည်လွှဲပြောင်းပေးရတဲ့ ဖြစ်ရပ်တွေ

🧠 Case 4: Specialized Neurosurgery Centre / Team အပြည့်အစုံ မရှိတဲ့အခြေအနေမှာ Surgery လုပ်နိုင်တယ်ဆိုပြီး လူနာကို လက်ခံကုသခဲ့ပြီး Complication ဝင်လာတော့မှ တာဝန်ရှိဆရာဝန်က ခရီးရှည်သွားနေပါတယ်ဆိုပြီး ရှောင်နေတဲ့ Case Experiences တွေ

🏥 Case 5: လူနာ Complication ဝင်ပြီဆိုရင် ပိုဂရုစိုက်ပေးရမယ့်အစား Neglect လုပ် မလိုအပ်ဘဲ ပိုက်ဆံတွေသိန်းနဲ့ချီ သဲ့ယူသွားတဲ့ ဖြစ်ရပ်တွေ

📸 Case 6: ကင်ဆာကုသမှုတောင် မပြီးသေးခင် ““Successful Treatment” ဆိုပြီး လူနာရဲ့ အခြေအနေကို Marketing Content အဖြစ် အသုံးပြု၊ International Digital Platforms တွေပေါ်မှာ လူနာရဲ့ ပုံရိပ်ကို သုံးပြီး Marketing လုပ်ကြတဲ့ ဖြစ်ရပ်တွေ (မရိုက်ရင် ဆက်မကုပေးမှာကို ကြောက်လို့ လူနာဘက်က အကြောက်တရားနဲ့ ရိုက်ကူးပေးခဲ့ရတာတွေလည်း ရှိပါတယ်။)
🏥 Case 7: တချို့နိုင်ငံခြားဆေးရုံတွေဟာ Social Media နဲ့ ကြော်ငြာထဲမှာတော့ တွေမှာတော့ အလွန်ခေတ်မီပြီး အရာအားလုံးပြည့်စုံတဲ့ International Hospital တစ်ခုလို အရမ်းကောင်းသယောင်ပြထားပေမယ့် တကယ်တမ်းကျတော့ ကိုယ့်နိုင်ငံသားတွေတောင် မကုကြတဲ့၊ စက်ပစ္စည်းနဲ့ ဆရာဝန် အပြည့်အစုံမရှိဘဲ မြန်မာပြည်အတွက် သီးသန့်ပစ်မှတ်ထားထားတဲ့ အရည်အသွေးနိမ့် ဆေးရုံတွေ

အဓိကကတော့ ဘယ်နိုင်ငံ၊ ဘယ်တိုင်းပြည်မှာပဲ ဆေးကုသသည်ဖြစ်စေ၊ လူနာတစ်ဦးချင်းစီအတွက် အမှန်တကယ်လိုအပ်တဲ့ ကုသမှုလမ်းကြောင်းကို ရွေးချယ်ပေးနိုင်ဖို့ ဖြစ်ပါတယ်။
လူနာတိုင်းအတွက်—
Right Treatment
Right Doctor
Right Hospital
Right Care
Right Price ရရှိနိုင်ဖို့ပဲဖြစ်ပါတယ်။

ဆရာကောင်း သမားကောင်းတို့၏ သွန်သင်လမ်းပြမှုများနှင့်အညီ Hippocratic Oath ကို ခါးဝတ်ပုဆိုးကဲ့သို့ တန်ဖိုးထား၍ လက်ကိုင်ထားကျင့်သုံးလျက်၊ ကျင့်ဝတ်၊ တာဝန်ယူမှု၊ တာဝန်ခံမှုတို့နှင့် လူနာအကျိုးကို အစဉ်ဦးစားပေးကာ မိမိတတ်စွမ်းသမျှ လူနာများ၏ အကျိုးကို အကောင်းဆုံးထမ်းရွက်သွားမည်ဟု ကတိပြုလျက်🙏🙏 🙏

21/08/2026

ပင်ပန်းရတဲ့ Working Environment က ကိုယ့်ကြောင့် မဖြစ်ပါစေနဲ့

ခေါင်းဆောင်တစ်ယောက်အနေနဲ့ Team ကို ရှေ့ဆက်မောင်းနှင်တဲ့အခါ “စေတနာ” တစ်ခုတည်းနဲ့ မလုံလောက်တဲ့အချိန်တွေ ရှိပါတယ်။

အလုပ်ခွင်မှာ အချင်းချင်း ချစ်ခင်နွေးထွေးစွာ ဆက်ဆံပြီး၊ ပြင်ဆင်စရာရှိရင်လည်း ကရုဏာရှေ့ထားပြီး သားသမီး၊ တပည့်တွေလို ဆုံးမပေးတာဟာ လှပတဲ့ Working Culture တစ်ခုပါ။

ဒါပေမယ့် Working Culture က Family ဆန်လွန်းလာတဲ့အခါ စည်းကမ်းနဲ့ တာဝန်ယူမှုတွေ ပျောက်သွားနိုင်သလို၊ အကြီးတွေရဲ့ စေတနာကိုလည်း Negative Mindset နဲ့ မှားယွင်းမြင်မိတတ်ပါတယ်။

ကိုယ့်ကို ပိုကောင်းစေချင်လို့ ထောက်ပြတာ၊
ကိုယ့်အနာဂတ် ပိုမြင့်မားစေချင်လို့ ပုခုံးထမ်းတင်ပေးတာတွေကိုစေတနာလို့ မမြင်ဘဲ အငြိုးအတေးလို့ မြင်မိရင် နစ်နာမှာက ကိုယ်ကိုယ်တိုင်ပါ။

တကယ်တော့ နာခံတတ်ခြင်းနဲ့ သင်ယူတတ်ခြင်းဆိုတာ ခေါင်းငုံ့ခြင်း မဟုတ်ပါဘူး။
ကိုယ်မသိသေးတာကို သိလာဖို့၊ ကိုယ်မမြင်သေးတာကို မြင်လာဖို့၊ ကိုယ့်အတွေးအခေါ်နဲ့ အမြင်တွေ ပိုမြင့်လာဖို့ အခွင့်အရေးတစ်ခုပါ။

တစ်ဖက်မှာလည်း Leader တွေအနေနဲ့ သတိထားရမှာက—

Team ကို ကိုယ်ကြောင့် ပင်ပန်းစရာ မဖြစ်စေဖို့ပါ။
ဆူရင်လည်း ဖြစ်စေချင်လို့ ဆူတာဖြစ်ပါစေ။
တင်းကျပ်ရင်လည်း တိုးတက်စေချင်လို့ တင်းကျပ်တာဖြစ်ပါစေ။

ဆုံးမတဲ့အခါ လူကိုမနှိမ်ဘဲ အမှားကိုပဲ ပြင်ပေးပါ။
Leader က ကိုယ့် Team ကို ကြောက်အောင်လုပ်တာထက်ကိုယ့်ကြောင့် ပိုကောင်းလာအောင် လမ်းပြပေးနိုင်ရပါမယ်။
နောက်ဆုံးမှာ Leader တစ်ယောက်တည်း တိုးတက်တာမဟုတ်ဘဲအကြီးကလည်း သင်ယူ၊ အငယ်ကလည်း သင်ယူ၊ တစ်ယောက်ကိုတစ်ယောက် လေးစားပြီး အတူတူတိုးတက်နိုင်တဲ့ Team Culture တစ်ခု ဖြစ်လာဖို့က အရေးကြီးဆုံးပါ။

တစ်နေ့မှာ ကျွန်မတို့ မရှိတော့တဲ့အချိန်တောင်—
“သူတို့ဆီကနေ သင်ခဲ့ရတာတွေကြောင့် ငါ့ဘဝပိုကောင်းလာတယ်”လို့ ပြောနိုင်ရင်
Leader တစ်ယောက်အနေနဲ့ အဲဒါထက် ပိုဂုဏ်ယူစရာကောင်းတာ မရှိပါဘူး။ 🤍
— Dr. May

Tourism

18/08/2026

သောကြာနေ့တိုင်း တင်ပေးနေကျ Friday Video လေးကို ဒီတစ်ပတ်တော့ အလုပ်တွေများနေတာနဲ့ ပျက်ကွက်မိသွားလို့ 😅 အခုမှ တင်ပေးလိုက်ပါတယ်ရှင့် 🤍

ဒီ Video လေးကတော့ India နိုင်ငံ၊ နယူးဒေလီမြို့မှာ ရှိတဲ့ Fortis Memorial Research Institute (FMRI) ကို သွားရောက်လေ့လာခဲ့တုန်းက Gamma Knife Technology အကြောင်း လေ့လာထားတဲ့ အမှတ်တရ Video လေးပါ။ 🧠

Healthcare Field ထဲမှာ အမြဲတမ်းအသစ်တွေကို လေ့လာနေဖို့လိုတာကြောင့် အခွင့်အရေးရတိုင်း ဆေးရုံကြီးတွေ၊ နည်းပညာအသစ်တွေနဲ့ Treatment Options တွေကို လေ့လာဖြစ်ပါတယ်။

ဒီရက်ပိုင်းမှာ Event တွေ၊ Meeting တွေ၊ Hospital Partnership ကိစ္စတွေနဲ့ အလုပ်တွေများနေတာကြောင့် Friday Video လေး နည်းနည်းနောက်ကျသွားတာကို နားလည်ပေးကြပါဦးနော်ရှင့်။ 🤍

Learning today, bringing better healthcare opportunities tomorrow. 🩺
— Dr May | For Your Health

#နိုင်ငံခြားဆးကု

17/08/2026

သောကြာနေ့တိုင်း တင်ပေးနေကျ Friday Video လေးကို ဒီတစ်ပတ်တော့ အလုပ်တွေများနေတာနဲ့ ပျက်ကွက်မိသွားလို့ 😅 အခုမှ တင်ပေးလိုက်ပါတယ်ရှင့် 🤍

ဒီ Video လေးကတော့ India နိုင်ငံ၊ နယူးဒေလီမြို့မှာ ရှိတဲ့ Fortis Memorial Research Institute (FMRI) ကို သွားရောက်လေ့လာခဲ့တုန်းက Gamma Knife Technology အကြောင်း လေ့လာထားတဲ့ အမှတ်တရ Video လေးပါ။ 🧠

Healthcare Field ထဲမှာ အမြဲတမ်းအသစ်တွေကို လေ့လာနေဖို့လိုတာကြောင့် အခွင့်အရေးရတိုင်း ဆေးရုံကြီးတွေ၊ နည်းပညာအသစ်တွေနဲ့ Treatment Options တွေကို လေ့လာဖြစ်ပါတယ်။
ဒီရက်ပိုင်းမှာ Event တွေ၊ Meeting တွေ၊ Hospital Partnership ကိစ္စတွေနဲ့ အလုပ်တွေများနေတာကြောင့် Friday Video လေး နည်းနည်းနောက်ကျသွားတာကို နားလည်ပေးကြပါဦးနော်ရှင့်။ 🤍
Learning today, bringing better healthcare opportunities tomorrow. 🩺
— Dr May | For Your Health

02/08/2026

ကြိုးစားအားထုတ်မှုပေါင်းစွာနဲ့ အဖွဲ့သားတွေ အားလုံးတက်ညီလက်ညီ ကြိုးပမ်းခဲ့ကြလို့ နောက်ဆုံးမှာတော့ ကျန်းမာရေးဝန်ကြီးဌာနရဲ့ တရားဝင် အသိအမှတ်ပြု လိုင်စင်လေးကို ဂုဏ်ယူစွာနဲ့ ရရှိလိုက်ခဲ့ပါပြီ ✨
အ​တိုင်းထက်အလွန် ဝမ်းမြောက်ပျော်ရွှင်ရသလို ပိုမိုကြီးမားတဲ့ တာဝန်ယူမှု တာဝန်ခံမှုတို့နဲ့အတူကျွန်မတို့team အနေနဲ့ ရှေ့ဆက်မယ့် ခရီးလမ်းမှာလည်း Team ရဲ့ 5R မူဝါဒနဲ့ အညီ

👉 လူနာတစ်ဦးချင်းစီရဲ့ လိုအပ်ချက်ကို အလေးထားပြုစုစောင့်ရှောက်မယ့် Patient-Centric Care

👉 လူနာတွေရဲ့ ဘေးကင်းလုံခြုံရေး (Patient Safety)
တို့ကိုလည်း အဓိကဦးစားပေးပြီး တာဝန်ယူမှုအပြည့်နဲ့ အရည်အသွေးပြည့် ကျန်းမာရေးစောင့်ရှောက်မှုများကို ပေးအပ်သွားပါမည် မိဘပြည်သူများ ​ယုံကြည်စိတ်ချစွာ အားထားရမယ့် ကျန်းမာရေးလက်တွဲဖော် အဖွဲ့အစည်းတစ်ခုဖြစ်အောင် အမြဲတမ်းကြိုးစားအားထုတ်သွားပါမည်ဟုလည်း ကတိပြုအပ်ပါသည် 🙏🙏🙏


​

29/07/2026

၄ နှစ်တာခရီးစဉ်... 💙

ရုံးခန်းကျဉ်းကျဉ်းလေးတစ်ခုကနေ စတင်ခဲ့တဲ့ အိပ်မက်တစ်ခုက ဒီနေ့ဆိုရင် (၄) နှစ်တာ ခရီးစဉ်တစ်ခုကို ဖြတ်သန်းလာခဲ့ပါပြီ။

ဒီခရီးမှာ အောင်မြင်မှုတွေရှိခဲ့သလို စိန်ခေါ်မှုတွေလည်း မနည်းခဲ့ပါဘူး။ ဒါပေမယ့် အခက်အခဲတိုင်းကို အတူတကွ ဖြတ်သန်းပေးခဲ့တဲ့ Team၊ မိသားစုတစ်ခုလို လက်တွဲပေးခဲ့တဲ့ လုပ်ဖော်ကိုင်ဖက်တွေ၊ ယုံကြည်အားပေးခဲ့တဲ့ လူတိုင်းကြောင့် ဒီနေ့အထိ ရောက်လာနိုင်ခဲ့တာပါ။

ဒီနှစ် ဝါဆိုသင်္ကန်းကပ်လှူပူဇော်ရတဲ့ အခွင့်အရေးကလည်း (၄) နှစ်တာခရီးစဉ်ရဲ့ အဓိပ္ပာယ်ရှိတဲ့ မှတ်တိုင်တစ်ခုပါပဲ။

ကျွန်မအတွက် အောင်မြင်မှုဆိုတာ ကိုယ်တစ်ယောက်တည်း မြင့်မားလာတာမဟုတ်ဘဲ အတူလက်တွဲခဲ့သူတွေနဲ့အတူ ကြီးထွားလာနိုင်ခြင်း၊ ရရှိထားတာတွေကို ပြန်လည်မျှဝေနိုင်ခြင်းပဲ ဖြစ်ပါတယ်။

ရှေ့ဆက်လည်း ကုသိုလ်ကောင်းမှုတွေ၊ အကျိုးရှိတဲ့လုပ်ဆောင်မှုတွေနဲ့ ပိုကောင်းတဲ့ခရီးစဉ်တွေကို အားလုံးနဲ့အတူ ဆက်လက်ဖန်တီးသွားပါမယ်။

ကျေးဇူးတင်ပါတယ်... ဒီ (၄) နှစ်တာခရီးစဉ်မှာ အတူရှိပေးခဲ့သူတိုင်းကို။ 🙏💙

27/07/2026

ပင်ပန်းခဲ့ရတဲ့ နေ့ရက်တွေက အောင်မြင်မှုနဲ့ အဆုံးသတ်နိုင်ခဲ့လို့ အရမ်းကျေနပ်မိပါတယ်။

အိန္ဒိယနိုင်ငံ၏ နာမည်ကျော် Marengo Asia Hospitals မှ အထူးကုဆရာဝန်ကြီးများ၏ ကျန်းမာရေးဟောပြောပွဲကို Zelax Hotel တွင် အောင်မြင်စွာ ကျင်းပနိုင်ခဲ့သည့် ပွဲအခမ်းအနား ပုံရ်ပ်များကို မျှဝေပေးလိုက်ပါတယ်။

#အသည်းအစားထိုးကုသခြင်း #နှလုံးရောဂါ

24/07/2026