Lotoshinn - Mom & Baby

Lotoshinn - Mom & Baby Contact information, map and directions, contact form, opening hours, services, ratings, photos, videos and announcements from Lotoshinn - Mom & Baby, No. 538 (C/D), Myin Taw Thar Road, Thaketa Tsp, Yangon.

မိခင်နှင့်ကလေး ကျန်းမာရေး၊ အမျိုးသမီးကျန်းမာရေး၊ အစာအာဟာရနှင့် စိတ်ကျန်းမာရေးဆိုင်ရာ ဆောင်းပါးများ၊ ဗီဒီယိုများနှင့် ဗဟုသုတစာစုများကို လိုတိုရှင်း ၏ Platform များအားလုံးတွင် အခမဲ့လေ့လာကြည့်ရှုနိုင်ပါသည်။ Lotoshinn - Mom & Baby ကနေပြီး မိခင်နဲ့ ရင်သွေးငယ်လေးတိုင်း ကိုယ်စိတ်နှစ်ပါး ကျန်းမာပျော်ရွှင်စေဖို့ အထောက်အကူဖြစ်စေမယ့် ဗဟုသတတွေကို နေ့စဉ် တင်ဆက်ပေးသွားမှာဖြစ်ပါတယ်

05/06/2026

ဒီတစ်ခေါက်တော့ လိုတိုရှင်းရဲ့ အစာလည်းဆေး ဆေးလည်း အစာကဏ္ဍလေးကနေ လက်ရှိမှာ လှိုင်လှိုင်ပေါများနေတဲ့ ရာသီစာ သရက်သီးလေးစားရင်း ကျန်းမာရေးအတွက် ဘယ်လို ကောင်းကျိုးလေးတွေ ရမလဲဆိုတာကို မျှဝေပေးလိုက်ပါတယ်။ သရက်သီးကိုတော့ ကြိုက်တယ် ဒါပေမယ့် သရက်သီးရဲ့ ကျန်းမာရေးကောင်းကျိုးလေးတွေကို မသိသေးဘူးဆိုရင်တော့ ဒီဗီဒီယိုလေးထဲမှာ ကြည့်လိုက်တော့နော် .....

-mom-and-baby #အစာလည်းဆေး ဆေးလည်းအစာ #သရက်သီးနဲ့ ကျန်းမာရေး #ရာသီစာသရက်သီး ကောင်းကျိုး

🍄 ကျောက်ပွင့် (Snow Fungus) ကျန်းမာရေးအတွက် ဘယ်လိုကောင်းသလဲ!ချဉ်ချဉ်စပ်စပ်လေးပဲ သုပ်စားစား 🥗၊ မာလာဟင်းထဲ ထည့်ချက်ချက် 🍲၊...
03/06/2026

🍄 ကျောက်ပွင့် (Snow Fungus) ကျန်းမာရေးအတွက် ဘယ်လိုကောင်းသလဲ!

ချဉ်ချဉ်စပ်စပ်လေးပဲ သုပ်စားစား 🥗၊ မာလာဟင်းထဲ ထည့်ချက်ချက် 🍲၊ မာလာရှမ်းကောထဲပဲ ထည့်ကြော်စားစား 🥘 စားလို့ကောင်းတဲ့ ကျောက်ပွင့်လေးက စားရတာ အရသာရှိရုံတင် မဟုတ်ဘဲ ကျန်းမာရေးအတွက်လည်း ကောင်းကျိုးတွေ ပေးစွမ်းနိုင်ပါတယ်။ ကျောက်ပွင့်လေးစားရင်း ဘယ်လို ကောင်းကျိုးလေးတွေ ရနိုင်မလဲဆိုတာကို အတူတူ ဆက်ကြည့်လိုက်ရအောင်နော်။ 👀

❓ ကျောက်ပွင့်ဆိုတာ ဘာလဲ!

ကျောက်ပွင့်ဆိုတာက ဖြူဖြူလေးနဲ့ အိတုံတုံရှိပြီး စားလိုက်ရင် ထုတ်ထုတ် ထုတ်ထုတ်နဲ့ စားလို့ ကောင်းလှပါတယ်။ 😋 အရသာ မရှိပေမယ့် အချိုပွဲထဲပဲထည့်ထည့် 🍧၊ ချဉ်ချဉ်စပ်စပ်လေးပဲ သုပ်စားစား စားလို့ ကောင်းလှပါတယ်။

💡 ကျောက်ပွင့်က ကျန်းမာရေးအတွက် ဘယ်လို ထောက်ကူပေးနိုင်လဲ!

ကျောက်ပွင့်က ကျန်းမာရေးအတွက် အခုလိုလေးတွေ ထောက်ကူပေးနိုင်ပါတယ်။

💦 အသားအရေကို အတွင်းပိုင်းထဲအထိ ရေဓာတ်ဖြည့်ပေးနိုင်ပါတယ်

ကျောက်ပွင့်က မစားခင်ရေစိမ်သေချာ ဆေးကြောပြီးမှ စားရတာဖြစ်သလို အရေပြားအတွင်းပိုင်း အထိကိုလည်း သေချာလေး ရေဓာတ်ဖြည့်ပေးနိုင်ပါတယ်။ ကျောက်ပွင့်မှာပါတဲ့ဓာတ်တွေက အသားအရေကို အစိုဓာတ်ဖြည့်ပေးပြီး အရေးအကြောင်းသက်သာစေသလို အသားအရေ ချောမွေ့စေဖို့လည်း ထောက်ကူပေးနိုင်ပါတယ်။ ✨👶

💪 ကိုယ်ခံအားကောင်းစေနိုင်တယ်

ကျောက်ပွင့်က သွေးဖြူဥဆဲလ်တွေကို တိုးစေပြီး ကိုယ်ခံအားကောင်းစေဖို့ ထိထိရောက်ရောက် ထောက်ကူပေးနိုင်ပါတယ်။ ရောဂါပိုးတွေ ကူးစက်ခံရနိုင်ခြေကိုလည်း လျှော့ချပေးနိုင်ပါတယ်။ 🛡️

🫁 အဆုတ်ကျန်းမာစေတယ်

ကျောက်ပွင့်က အဆုတ်နဲ့ အသက်ရှူလမ်းကြောင်းကို ကျန်းမာစေပြီး ချောင်းခြောက်ဆိုးတာကို သက်သာစေနိုင်သလို လေပြွန်ရောင်တာနဲ့ ပန်းနာရင်ကျပ်ဖြစ်တာကိုလည်း သက်သာစေနိုင်ပါတယ်။ 🌬️

🧠 အာရုံကြော ကျန်းမာစေတယ်

ကျောက်ပွင့်မှာပါတဲ့ ဓာတ်တွေက ဦးနှောက်နဲ့ အာရုံကြော ကျန်းမာစေဖို့ ထောက်ကူပေးနိုင်သလို အယ်လ်ဇိုင်းမားမဖြစ်စေဖို့လည်း ကာကွယ်ပေးနိုင်ပါတယ်။ ဓာတ်တိုးပစ္စည်းတွေကြောင့် ဦးနှောက်နဲ့ အာရုံကြော ထိခိုက်တာမျိုး မဖြစ်အောင်လည်း ကာကွယ်ပေးနိုင်ပါတယ်။

🥗 အာဟာရဓာတ် ကြွယ်ဝတယ်

ကျောက်ပွင့်မှာ အမျှင်ဓာတ်၊ ဗီတာမင်နဲ့ သတ္တုဓာတ်တွေ ပါဝင်နေသလို ဗီတာမင် D ☀️ လည်း ပါဝင်နေတာကြောင့် ခန္ဓာကိုယ်ကို အာဟာရဓာတ်လုံလောက်ပြည့်ဝစေဖို့ ထောက်ကူပေးနိုင်ပါတယ်။

❤️ နှလုံးကျန်းမာစေတယ်

ကျောက်ပွင့်က သွေးတွင်းအဆီကို ကျဆင်းစေနိုင်ပြီး အရောင်ကျစေနိုင်တဲ့ အာနိသင်ရှိတာကြောင့် နှလုံးနဲ့ နှလုံးသွေးကြောဆိုင်ရာ ကျန်းမာရေးကို ကောင်းစေဖို့ ထောက်ကူပေးနိုင်ပါတယ်။ 🩸

🌱 အသက်ရှည်စေနိုင်တယ်

ကျောက်ပွင့်က အာဟာရဓာတ်တွေ ကြွယ်ဝစွာ ပါဝင်နေသလို ဓာတ်တိုးဆန့်ကျင်ပစ္စည်းတွေပါ ကြွယ်ဝစွာ ပါဝငနေတာကြောင့် ကိုယ်တွင်းရောင်ရမ်းမှုတွေကို လျော့ပါးသက်သာစေသလို အသက်ရှည်ကျန်းမာစေဖို့လည်း ထောက်ကူပေးနိုင်ပါတယ်။ 👵👴

🩸 သွေးတွင်းသကြားဓာတ် ထိန်းညှိပေးနိုင်တယ်

ကျောက်ပွင့်က အမျှင်ဓာတ်ကြွယ်ဝစွာ ပါဝင်နေတာကြောင့် သွေးတွင်းသကြားဓာတ်ကို ထိန်းညှိပေးနိုင်ပြီး ဆီးချိုရှိသူတွေအတွက် သင့်တော်သလို ရုတ်တရက် သွေးတွင်းသကြားဓာတ် မြင့်တက်တာမျိုး မဖြစ်စေဖို့လည်း ကာကွယ်ပေးနိုင်ပါတယ်။ 📉

⚠️ ဘာတွေသတိထားရမလဲ!

ကျောက်ပွင့်က အဆိပ်အတောက်ဖြစ်စေတာမျိုး ကြီးကြီးမားမား ထိခိုက်စေတာမျိုး မရှိဘူးလို့ တွေ့ရပါတယ်။ မစားခင်မှာ သေချာလေး သန့်စင်ဆေးကြောဖို့တော့ လိုပါမယ်။ 💦🧼

❌ ဘယ်သူတွေ မစားသင့်ဘူးလဲ!

ကျောက်ပွင့်က ကျန်းမာရေးအတွက် ကောင်းကျိုးများတယ်ဆိုပေမယ့် ကိုယ်ဝန်ဆောင်မိခင်တွေ 🤰၊ ရောဂါအခံတစ်ခုခု ရှိသူတွေနဲ့ ကျန်းမာရေးပြဿနာတစ်ခုခုကြောင့် နေ့စဉ် ဆေးသောက်နေရသူတွေ 💊 မစားသင့်ပါဘူး။

🎁 Lotoshinn ရဲ့ စကားလက်ဆောင်

သံဓာတ်၊ ဗီတာမင် C နဲ့ ကယ်လ်ဆီယမ်၊ ဖော့စဖရိတ်တို့ ပါဝင်နေတဲ့ ကျောက်ပွင့်က အသားအရေ ကျန်းမာစေဖို့ရော ဦးနှောက်နဲ့ အာရုံကြော ကျန်းမာစေဖို့ပါ ထောက်ကူပေးနိုင်သလို ကိုယ်ခံအားကောင်းစေဖို့နဲ့ အစာအိမ်အူလမ်းကြောင်း ကျန်းမာစေဖို့ ထောက်ကူပေးနိုင်ပါတယ်။ 腸 အနာကျက်စေဖို့လည်း ထောက်ကူပေးနိုင်ပါတယ်။ ❤️ ကျောက်ပွင့်က ကျန်းမာရေးကောင်းကျိုးများပေမယ့် သေချာသန့်စင်ထားတဲ့ ကျောက်ပွင့်ကို စားသင့်သလို ရောဂါတစ်ခုခုအတွက် ဆေးနေရာမှာ အစားထိုး စားသုံးတာမျိုး မလုပ်သင့်ပါဘူး။ 🙅‍♀️🧴

# #လိုတိုရှင်း -mom-and-baby #အစားလည်းဆေး ဆေးလည်းအစာ Fungus #ကျောက်ပွင့်ကျန်းမာရေးကောင်းကျိုး

02/06/2026

❓❓❓ရာသီစက်ဝန်း ၂၈ ရက် ဆိုတာ ပျိုမေတိုင်းအတွက် မှန်ရဲ့လား! ရာသီလာတာနဲ့ ပတ်သက်ပြီး လေဒီလေးတိုင်းသိထားသင့်တဲ့ အကြောင်းအရာလေးကို ဗီဒီယိုလေးကနေတဆင့် မျှဝေပေးထားတာမို့ အတူတူ ကြည့်လိုက်ရအောင်နော် .....🥰🥰🥰

#လိုတိုရှင်း

28/05/2026

ဒီနေ့မှာ ကျရောက်တဲ့ World Menstrual Hygiene Day လေးကို ဂုဏ်ပြုတဲ့အနေနဲ့ 🥳🩸 လေဒီလေးတိုင်းကို ရာသီလာချိန်မှာ အနံ့အသက်ဆိုးတွေကင်းစင်ပြီး 🌸✨ နေ့ရက်တိုင်းကို တက်ကြွလန်းဆန်းစွာနဲ့ ဖြတ်သန်းနိုင်စေဖို့ 💃🏃‍♀️ ရာသီလာနေချိန်မှာ လိုက်နာသင့်တဲ့ တစ်ကိုယ်ရေသန့်ရှင်းရေး အလေ့အထလေးတွေကို မျှဝေပေးလိုက်ပါတယ်။ 🧼❤️

#လိုတိုရှင်း -mom-and-baby

😡 ဒေါသကို ထိန်းချုပ်တတ်အောင် သင်ယူလို့ ရမလား!💡 သိထားသင့်တဲ့ အချက်များ👤 ဒေါသဆိုတာက လူတစ်ယောက်ရဲ့ သာမန်စိတ်ခံစားမှု တစ်ခုပ...
27/05/2026

😡 ဒေါသကို ထိန်းချုပ်တတ်အောင် သင်ယူလို့ ရမလား!

💡 သိထားသင့်တဲ့ အချက်များ

👤 ဒေါသဆိုတာက လူတစ်ယောက်ရဲ့ သာမန်စိတ်ခံစားမှု တစ်ခုပါ။ သေးငယ်တဲ့ စိတ်အနှောင့်အယှက်ဖြစ်မှုကနေစလို့ ပြင်းထန်တဲ့ စိတ်အနှောင့်အယှက်ဖြစ်မှုတွေအထိ ရှိနိုင်ပါတယ်။

⚠️ ဒေါသကို မထိန်းချုပ်နိုင်ဘူးဆိုရင် ကျန်းမာရေးကို ထိခိုက်စေနိုင်ပြီး လူတစ်ဦးနဲ့တစ်ဦးကြားက ဆက်ဆံရေးကို ပျက်စီးစေနိုင်ပါတယ်။

⚡ စိတ်လိုက်မာန်ပါ ပြုမူတာ၊ အကြမ်းဖက်တာတွေက ဒေါသကို ပုံစံမမှန်တဲ့ တုံ့ပြန်ဖော်ပြမှုတွေလို့ သတ်မှတ်လို့ ရပါတယ်။

🏥 ဒေါသနဲ့ပတ်သက်ပြီး ပြဿနာ တစ်စုံတစ်ရာရှိနေမယ်ဆိုရင်တော့ စိတ်ပိုင်းဆိုင်ရာ ကုထုံးခံယူတာ၊ အကူအညီရယူတာမျိုးတွေကို လုပ်ဆောင်သင့်ပါတယ်။

❓ ဒေါသဆိုတာ ဘာလဲ!

ဒေါသဆိုတာက လူတစ်ယောက်ရဲ့ သာမန်စိတ်ခံစားမှုတစ်ရပ်ပါ။ တစ်ခုခုကို မျှတမှု မရှိဘူးလို့ ခံစားရတဲ့ အခါမျိုးနဲ့ ခြိမ်းခြောက်ခံရတယ်လို့ ခံစားရတဲ့ အခါမျိုးမှာ ဖြစ်တတ်ပါတယ်။ ဒေါသဖြစ်ခြင်းကို သိပ်မပြင်းထန်တဲ့ အဆင့်ကနေ အရမ်းပြင်းထန်တဲ့အဆင့်အထိ ခွဲခြားသတ်မှတ်လို့ ရပါတယ်။ 📈

ဒေါသဖြစ်တာကို လူတိုင်း တစ်ချိန်ချိန်မှာတော့ ခံစားရနိုင်ပါတယ်။ ဒေါသထွက်တာက ကျန်းမာစေဖို့ ထောက်ကူပေးတဲ့ အခါမျိုးရှိသလို ဒေါသဖြစ်ဖို့ လိုအပ်တဲ့ အခိုက်အတန့်တွေလည်း ရှိပါတယ်။ ဒေါသထွက်တာက တစ်ခါတလေမှာ အခြေအနေတွေကို အကောင်းဘက်ကို ဖြစ်စေဖို့ ကောင်းမွန်တဲ့ တွန်းအား ဖြစ်စေပါတယ်။ 🚀

ဒေါသကို မှန်ကန်တဲ့နည်းလမ်းနဲ့ ထုတ်ဖော်ပြသဖို့ကလည်း အတော်လေး အရေးကြီးပါတယ်။ မကျန်းမာတဲ့ နည်းလမ်းတွေနဲ့ မှားယွင်းစွာ ဖော်ပြခြင်းက မလိုလားအပ်တဲ့ ပြဿနာတွေကို ဖြစ်ပေါ်စေနိုင်သလို ရုပ်ပိုင်းဆိုင်ရာနဲ့ လူမှုဆက်ဆံရေးပိုင်းတွေမှာပါ ထိခိုက်မှုတွေ ဖြစ်စေနိုင်ပါတယ်။ ဥပမာ ပြောပြရရင် - ဒေါသကို အကြမ်းဖက်တဲ့ နည်းလမ်းနဲ့ ဖော်ပြတာ၊ ရုပ်ပိုင်းဆိုင်ရာ ထိခိုက်အောင် လုပ်တာ၊ အသက်ဆုံးရှုံးစေတဲ့အထိ ပြုမူတာမျိုးတွေကို ဖြစ်စေနိုင်တာမျိုးလည်း ရှိနိုင်ပါတယ်။ ❌

🧠 ဒေါသထွက်တာက စိတ်ကျန်းမာရေးအခြေအနေတစ်ရပ်လား!
ဒေါသထွက်တာက စိတ်ကျန်းမာရေးပြဿနာတော့ မဟုတ်ပါဘူး။ ပုံမှန်ဖြစ်လေ့ဖြစ်ထရှိတဲ့ စိတ်ခံစားမှု တစ်ရပ်ပါ။ ဒေါသထွက်တာက တစ်ခါတလေမှာ ကောင်းကျိုးတွေတောင်ဖြစ်စေတာမျိုးလည်း ရှိပါတယ်။

ဒါပေမဲ့ စိတ်ကျန်းမာရေးပြဿနာရှိသူတွေမှာ ဒေါသဖြစ်တာထက် အခုလို အခြေအနေတွေကို ပိုခံစားရနိုင်ပါတယ်။

😔 စိတ်ဓာတ်ကျတာ

😟 ပုံမှန်မဟုတ်တဲ့ စိတ်ပူပန်မှု လွန်ကဲတာ

🎭 Borderline personality disorder

🔄 Bipolar disorder

🧠 Schizophrenia

⚡ Oppositional defiant disorder တွေကို ခံစားရနိုင်ပါတယ်။

🔍 ဘယ်လိုအခြေအနေတွေမှာ ဒေါသဖြစ်နိုင်လဲ!
ဒေါသဖြစ်တယ်ဆိုတာက အခြေအနေတွေအတွက် သာမန်တုံ့ပြန်မှု တစ်ရပ်ပါ။

⚖️ မျှတမှု မရှိဘူးလို့ ခံစားရတဲ့ အခါမျိုး

😤 စိတ်အနှောင့်အယှက်ဖြစ်တဲ့ အခါမျိုး

😨 ကြောက်လန့်တုန်လှုပ်တဲ့ အခါမျိုး

🚨 ခြိမ်းခြောက်ခံရတဲ့ အခါမျိုးတွေမှာ ဒေါသဖြစ်နိုင်ပါတယ်။

ခြိမ်းခြောက်မှုတွေဆိုတာ ရုပ်ပိုင်းဆိုင်ရာ၊ စိတ်ခံစားမှုပိုင်းဆိုင်ရာနဲ့ လူမှုဆက်ဆံရေးပိုင်းဆိုင်ရာကို ထိခိုက်စေနိုင်တဲ့ အခြေအနေမျိုးကို ဆိုလိုပါတယ်။

💥 အချို့သောအခြေအနေတွေမှာတော့ ဒေါသဖြစ်စေနိုင်တဲ့ ပုံစံ မတူသလို တုံ့ပြန်တဲ့ပုံစံလည်း မတူနိုင်ပါဘူး။ စိတ်ပူပန်မှု လွန်ကဲတာ၊ မတရားသဖြင့် ပြုမူဆက်ဆံ ပြောဆိုခံရတယ်လို့ ခံစားရတဲ့ အခိုက်အတန့်မျိုးတွေမှာ ဒေါသဖြစ်နိုင်ပါတယ်။

🚨 ဒေါသနဲ့ပတ်သက်ပြီး ပြဿနာရှိနေပြီလား!

လူတိုင်းက အချိန်တိုင်းလိုလိုမှာ မတူတဲ့ပုံစံအမျိုးမျိုးနဲ့ ဒေါသကို ခံစားကြရပါတယ်။ ဒီလိုဖြစ်လာတဲ့ ဒေါသကို ကောင်းကောင်းကိုင်တွယ်ဖြေရှင်းမှု မလုပ်နိုင်တဲ့အခါမျိုးမှာ ပြဿနာတွေ ဖြစ်လာတော့တာပါပဲ။ ⚠️

သင့်အနေနဲ့ ဒေါသကို ထိန်းချုပ်မှု မလုပ်နိုင်ဘူးဆိုရင် ရန်လိုတဲ့ အပြုအမူတွေဖြစ်ကြတဲ့

🤬 ရိုင်းစိုင်းစွာပြောဆိုတာ/ ဆဲဆိုတာ

🗣️ ခြိမ်းခြောက်တာ

🔨 ပစ္စည်းတွေကို ပေါက်ခွဲတာ

💢 နေရာတစ်ခုလုံးကို ရှုပ်ပွသွားအောင် ပစ်ပေါက်ခွဲတာမျိုးတွေလုပ်နိုင်ပါတယ်။

ဒေါသကို မှားယွင်းကြမ်းတမ်းစွာ ဖော်ပြမှုက ကိုယ်တိုင်ကိုရော အခြားသူတွေ၊ သက်ရှိသတ္တဝါတွေနဲ့ အရာဝတ္ထုတွေကို ထိခိုက်ပျက်စီးစေနိုင်သလို ရုပ်ပိုင်းဆိုင်ရာ၊ စိတ်ပိုင်းဆိုင်ရာတွေကိုတင်မက လူမှုပေါင်းသင်းဆက်ဆံရေးတွေကိုပါ ထိခိုက်စေနိုင်ပါတယ်။ 📉

ဒါကြောင့် ဒေါသထွက်လာပြီဆိုရင် မှန်ကန်တဲ့နည်းလမ်းနဲ့ ဖော်ပြပြီး ဖြေရှင်းဖို့ အကြံပြုချင်ပါတယ်။ 🤝

🛠️ ဒေါသကို ထိန်းချုပ်တတ်စေဖို့

ဒေါသကို ထိန်းချုပ်တတ်စေဖို့ဆိုရင်တော့ -

🤫 မပြောခင် စဉ်းစားပါ - တစ်ခုခုကို မပြောခင်မှာ အရင်ဆုံး ဆန်းစစ်ပါ။ ဒီလိုလုပ်ဆောင်တာက ဒေါသကြောင့် လူမှုဆက်ဆံရေးတွေ ထိခိုက်နိုင်ခြေကို အတိုင်းအတာ တစ်ခုအထိ လျှော့ချနိုင်မှာပါ။

🏃‍♂️ ကိုယ်လက်လှုပ်ရှားမှု လုပ်ပါ - ကိုယ်လက်လှုပ်ရှားမှု လုပ်တာက စိတ်ဖိစီးမှုဖြစ်စေတဲ့ ဟော်မုန်းတွေ ထွက်ရှိမှုကို လျော့နည်းစေပြီး ပျော်ရွှင်ခြင်းဟော်မုန်းတွေကို ထွက်ရှိစေနိုင်တာကြောင့် စိတ်ဖိစီးမှု လျော့ကျသလို အလွယ်တကူ ဒေါသထွက်တာ၊ စိတ်ဖိစီးတာတွေ မဖြစ်အောင် ကာကွယ်ပေးနိုင်ပါတယ်။

🧘‍♂️ ခဏလောက် စိတ်ပေါ့ပါးအောင်နေလိုက်ပါ - ဒေါသထွက်လာပြီဆိုရင် စိတ်ကလေးကို ခဏလောက် အနားပေးပြီး စိတ်ပေါ့ပါးစေမယ့်အရာတွေကို လုပ်ဆောင်တာ၊ စိတ်သက်သာအောင် နေထိုင်တာမျိုး လုပ်ဆောင်ပါ။

💡 ဖြစ်နိုင်တဲ့ အဖြေတွေကို ရှာပါ - ကိစ္စတစ်ခုခုကြောင့် ဒေါသထွက်လာပြီဆိုရင် ဒေါသဖြစ်ရတဲ့ အကြောင်းအရင်းကို ဖြေရှင်းနိုင်မယ့် ဖြစ်နိုင်ခြေရှိတဲ့ အဖြေတွေကို ရှာပါ။

🔄 အခြားတစ်ခုခု ပြောင်းတွေးလိုက်ပါ - ဒေါသဖြစ်စေတဲ့ အကြောင်းအရင်းကို ဆက်မတွေးဘဲ အခြားအကြောင်းအရာ တစ်ခုခုကို ပြောင်းတွေးတာမျိုး လုပ်ပါ။

🧘 ပုံမှန်တရားထိုင်ပါ - တစ်နေ့ကို ၁၅ မိနစ်လောက် ဝင်လေထွက်လေမှတ်ရင်း တရားထိုင်ပါ။ ဒီလိုလုပ်တာက စိတ်ကို အလေ့အကျင့်ရစေပြီး ဒေါသထွက်တဲ့အခါ ပြင်းပြင်းထန်ထန် တုံ့ပြန်နိုင်ခြေ နည်းသွားမှာပါ။

🎁 Lotoshinn ရဲ့ စကားလက်ဆောင်

လူတိုင်းက ဒေါသကင်းဖို့ ခက်တာကြောင့် ဒေါသကြီးရင်းရလာတဲ့ စိတ်ပိုင်းဆိုင်ရာ၊ ရုပ်ပိုင်းဆိုင်ရာ ထိခိုက်မှုတွေကို ကာကွယ်ဖို့ ‌နေ့ရက်တိုင်းမှာ ကိုယ်စိတ်နှစ်ပါး ကျန်းမာစေမယ့် အ‌လေ့အထလေးတွေကို လုပ်ဆောင်ဖို့ လိုပါမယ်။ 🥰❤️

#လိုတိုရှင်း #စိတ်ပိုင်းဆိုင်ရာ #ဒေါသထွက် #ဒေါသထွက်တာကို ထိန်းချုပ်

🥗 ကညွတ် (Asparagus) ဘာကြောင့် စားပေးသင့်လဲ! 💡 သိထားသင့်တဲ့ အချက်များ🩺 ကျောက်ကပ်ရောဂါရှိသူတွေလည်း စားပေးလို့ ရပါတယ်✨ အသား...
26/05/2026

🥗 ကညွတ် (Asparagus) ဘာကြောင့် စားပေးသင့်လဲ!

💡 သိထားသင့်တဲ့ အချက်များ

🩺 ကျောက်ကပ်ရောဂါရှိသူတွေလည်း စားပေးလို့ ရပါတယ်
✨ အသားအရေ ကျန်းမာလှပစေတယ်
⚠️ သွေးတွင်းယူရစ်အက်ဆစ်များနေရင် မစားသင့်ပါဘူး
🧪 ဓာတ်တိုးဆန့်ကျင်အာနိသင် ကြွယ်ဝတယ်

🍳 ကြော်စားစား၊ ကင်စားစား အရသာရှိတဲ့ ကညွတ်လေးကို စားရတာ သဘောကျတဲ့ သူလေးတွေ ရှိလား! 🙋‍♀️ ဒါဆိုရင်တော့ ကညွတ်လေးက ကျန်းမာရေးအတွက် ဘယ်လို ထောက်ကူပေးလဲဆိုတာကို ဆောင်းပါးလေးကနေတဆင့် မျှဝေပေးချင်ပါတယ်။ 💚

🌿 ကညွတ် ဆိုတာ ဘာလဲ!

ကညွတ်ဆိုတာက ထိပ်ပိုင်းမှာ အဖူးလေးတွေနဲ့ အစိမ်းရောင်နုနု အပင်ငယ်လေးတွေပါ။ 🥦 ကြော်စားလို့ ရသလို ကင်စားလို့လည်း ရပါတယ်။ မာလာရှမ်းကော၊ မာလာမောက်ချိုက်တွေထဲမှာ ထည့်စားကြတာမျိုးလည်း ရှိပါတယ်။ 🍲 အရသာကလည်း ဆိမ့်ဆိမ့်လေးနဲ့ စားရတာ အတော်လေးကို အဆင်ပြေတာပါ။ 😋

💪 ကညွတ်ရဲ့ ကျန်းမာရေး ကောင်းကျိုးများ

ကညွတ်က ကယ်လ်လိုရီ ပါဝင်မှုနည်းပြီး အမျှင်ဓာတ်၊ ဖောလိတ်နဲ့ ဗီတာမင် A၊ C၊ K တို့ပါဝင်နေတာကြောင့် အာဟာရတန်ဖိုးမြင့်မားတဲ့ အသီးအရွက်တစ်မျိုးပါ။ 📈 သွေးပေါင်ချိန်ကို ထိန်းညှိပေးတာကြောင့် နှလုံးကျန်းမာစေပြီး ❤️ အဆာခံနိုင်စေတာကြောင့် ကိုယ်အလေးချိန်ကိုလည်း ထိန်းပေးနိုင်တဲ့အပြင် 🏃‍♀️ အကျိုးပြုဘက်တီးရီးယား အာဟာရ ပါဝင်နေတာကြောင့် အစာအိမ်အူလမ်းကြောင်း ကျန်းမာစေဖို့ ထောက်ကူပေးနိုင်ပါတယ်။ 🍃

🤰 ကိုယ်ဝန်ဆောင်မေမေကျန်းမာစေတယ် - ကညွတ်က ဖော်လိတ်ကြွယ်ဝစွာ ပါဝင်နေတာကြောင့် ကိုယ်ဝန်ဆောင်မေမေ ကျန်းမာစေဖို့ ထောက်ကူပေးသလို ဘေဘီလေးမှာလည်း မွေးရာပါ ချို့ယွင်းချက် ကင်းစေဖို့နဲ့ ကောင်းမွန်စွာ ဖွံ့ဖြိုးစေဖို့ ထောက်ကူပေးနိုင်ပါတယ်။ 👶

🥗🥗အစာကြေစေတယ် - ကညွတ်မှာ ပျော်ဝင်လွယ်တဲ့ အမျှင်ဓာတ် (inulin) ပါဝင်နေတာကြောင့် အူတွင်းအကျိုးပြုဘက်တီးရီးယားတွေကို အာဟာရ ကောင်းမွန်စွာ ထောက်ပံ့ပေးနိုင်ပါတယ်။ အူမကြီး လှုပ်ရှားမှု ကောင်းစေဖို့ ထောက်ကူပေးနိုင်ပါတယ်။ 🚽

🩸 သွေးတိုးသက်သာစေတယ် - ပိုတက်ဆီယမ်ပါဝင်နေတာကြောင့် သွေးတိုးရှိသူတွေမှာလည်း သွေးတိုးသက်သာစေဖို့ ထောက်ကူပေးနိုင်ပါတယ်။ 🩺

🛡️ ဆဲလ်တွေ ပျက်စီးမှုကို လျှော့ချပေးနိုင်တယ် - ကညွတ်မှာ ဓာတ်တိုးဆန့်ကျင်ပစ္စည်းတွေ ဖြစ်တဲ့ ဗီတာမင် C နဲ့ ဗီတာမင် E တို့ ပါဝင်နေသလို ဖလေဗာနွိုက်နဲ့ ဂလူတာသိုင်းရွန်းတို့ ပါဝင်နေတာကလည်း ဓာတ်တိုးပစ္စည်းတွေကြောင့် ဆဲလ်တွေ ပျက်စီးနိုင်ခြေကို လျှော့ချပေးနိုင်ပါတယ်။ 🔬

⚖️ ကိုယ်အလေးချိန် ထိန်းညှိပေးတယ် - အမျှင်ဓာတ် ကြွယ်ဝစွာ ပါဝင်နေတာကြောင့် အဆာခံနိုင်စေသလို ကိုယ်အလေးချိန်ကို ထိန်းညှိပေးနိုင်ဖို့ ထောက်ကူပေးနိုင်ပါတယ်။ 🧘‍♀️

💌 Lotoshinn ရဲ့ စကားလက်ဆောင်

ကညွတ်က ကျန်းမာရေးအတွက် ကောင်းကျိုးများတယ်ဆိုပေမယ့် ဓာတ်မတည့်တာကို ခံစားရဖူးသူဆိုရင်တော့ မစားသင့်ပါဘူး။ ❌ အလွန်အကျွံမစားသင့်သလို ရောဂါအခံတစ်ခုခု ရှိလို့ ဆေးသောက်နေရမယ်ဆိုရင်လည်း တတ်သိနားလည်သူတွေနဲ့ တိုင်ပင်ပြီးမှ စားသင့်ပါတယ်။ 👩‍⚕️ ဆေးအစားထိုး စားတာမျိုးလည်း မလုပ်သင့်ပါဘူးနော်။ 💊

#လိုတိုရှင်း #အစာလည်းဆေး ဆေးလည်းအစာ #ကညွတ်ကျန်းမာရေးကောင်းကျိုး #ကညွတ် See less

23/05/2026

ဒီတစ်ခေါက် စားလည်းဆေး ဆေးလည်းအစာ ကဏ္ဍလေးမှာတော့ လိုတိုရှင်းရဲ့ ချစ်ရတဲ့ ပရိသတ်ကြီးအတွက် ရာသီအကူးအပြောင်းမှာ သံဓာတ်အားဖြည့်ပေးရင်း ကိုယ်ခံအားကောင်းစေမယ့် ဟင်းလေးတစ်ခွက်နဲ့ မိတ်ဆက်ပေးချင်ပါတယ်။ ဒါကတော့ သွေးအားကောင်းစေဖို့ရော အသားအရေကျန်းမာစေဖို့ပါ ထောက်ကူပေးနိုင်တဲ့ ဟင်းနုနွယ်ရွက်သုပ်လေးပါ။ ကိုယ်ခံအားကောင်းစေဖို့နဲ့ ကိုယ်အလေးချိန်ကို ထိန်းညှိဖို့ ဘယ်လိုလေး ပြင်ဆင်စားသောက်လို့ ရမလဲဆိုတာကိုတော့ ဗီဒီယိုလေးထဲမှာ ပြောပြပေးထားတယ်နော်။

#အစားလည်းဆေး ဆေးလည်းအစာ # Healthyeating

အမျိုးသမီးတွေ ထိပ်ပြောင်နိုင်လား! 👩👨❓ထိပ်ပြောင်တယ်လို့ ပြောလိုက်ရင် အမျိုးသားတွေပဲ ဖြစ်တာ၊ ထိပ်ပြောင်တယ်ဆိုတာ အမျိုးသားတ...
22/05/2026

အမျိုးသမီးတွေ ထိပ်ပြောင်နိုင်လား! 👩👨❓

ထိပ်ပြောင်တယ်လို့ ပြောလိုက်ရင် အမျိုးသားတွေပဲ ဖြစ်တာ၊ ထိပ်ပြောင်တယ်ဆိုတာ အမျိုးသားတွေနဲ့ပဲ ဆိုင်တဲ့ကိစ္စလို့ယူဆနေတုန်းပဲလား! 🤷‍♀️ ဒါဆိုရင်တော့ ထိပ်ပြောင်တာက လေဒီလေးတွေမှာလည်း ဖြစ်နိုင်တာမို့ ဘယ်လိုအခြေအနေတွေက ထိပ်ပြောင်တာကို ဖြစ်စေနိုင်လဲဆိုတာကို ပြောပြပေးချင်ပါတယ်။ 💡

အမျိုးသမီးတွေ ထိပ်ပြောင်နိုင်လား! 🤔

လေဒီလေးတွေလည်း ထိပ်ပြောင်နိုင်ပါတယ်။ အမျိုးသမီးတွေမှာ အသက်အရွယ်ရလာမှ မဟုတ်ပါဘူး။ 🙅‍♀️ ငယ်ရွယ်ချိန်မှာလည်း ဆံပင်ပါးတာ၊ ထိပ်ပြောင်တာမျိုးတွေကို တွေ့ကြုံခံစားရနိုင်ပါတယ်။ အသက်အရွယ်ရ လာချိန်မှာတော့ အမျိုးသမီးတွေမှာ ထိပ်ပြောင်နိုင်ခြေက ပိုများတာပေါ့။ 👵 ဒါပေမယ့်လည်း အပျိုဖော်ဝင်ပြီးစ အချိန် အသက် ၂၀ ကျော် ကနေ ၃၀ ဝန်းကျင်လောက်ကစပြီး ထိပ်ပြောင်တာကို ခံစားရနိုင်ပါတယ်။ ⏳

အမျိုးသမီးတွေမှာ ဘယ်လို အကြောင်းအရင်းတွေကြောင့် ထိပ်ပြောင်ရတာလဲ! 🔍
လေဒီလေးတွေမှာ ထိပ်ပြောင်တာကို ဖြစ်စေနိုင်တဲ့ အကြောင်းအရင်းတွေကတော့ တစ်ခုမက ရှိနိုင်ပါတယ်။

မျိုးရိုးလိုက်တာ 🧬 - လေဒီလေးတွေမှာ ထိပ်ပြောင်တာကို ဖြစ်စေတဲ့ အဓိက အကြောင်းအရင်းတစ်ရပ် ကတော့ မျိုးရိုးလိုက်တာပါ။ မိသားစုဝင် တစ်ဦးဦးက ထိပ်ပြောင်တာမျိုး ရှိမယ်ဆိုရင် ထိပ်ပြောင်တာကို ခံစားရနိုင်ပါတယ်။

ဟော်မုန်းပြောင်းလဲတာ 🔄 - ရာသီလာချိန်အပါအဝင် ခန္ဓာကိုယ်မှာ ဟော်မုန်းပြောင်းလဲမှုကို ဖြစ်စေတဲ့ အကြောင်းအရင်းအမျိုးမျိုးကြောင့်လည်း ကိုယ်တွင်းမှာ အန်ဒရိုဂျင်ဟော်မုန်း မြင့်တက်မှုကို ဖြစ်စေပြီး ဆံပင်ကျွတ်တာ ထိပ်ပြောင်တာတွေကို ဖြစ်စေနိုင်ပါတယ်။ 🩸

ဖိစီးမှု များတာ 😫 - ရုပ်ပိုင်းဆိုင်ရာ ဖိစီးမှုတွေကြောင့်လည်း ထိပ်ပြောင်နိုင်သလို စိတ်ဖိစီးမှု များနေတာကြောင့်လည်း ထိပ်ပြောင်တာကို ခံစားရနိုင်ပါတယ်။

ကျန်းမာရေး အခြေအနေ 🏥 - အချို့သော ကျန်းမာရေး အခြေအနေတွေနဲ့ Autoimmune Disorder တစ်ရပ်ရပ်ကို ခံစားနေရမယ်ဆိုရင်လည်း လေဒီလေးတွေမှာ ဆံပင်ကျွတ်တာ၊ ထိပ်ပြောင်တာကို ဖြစ်စေနိုင်ပါတယ်။

အာဟာရချို့တဲ့တာ 🥦❌ - ဆံသားကျန်းမာစေဖို့အတွက် လိုအပ်တဲ့ ဗီတာမင်တွေ၊ သတ္တုဓာတ်တွေ မရရှိတာကြောင့် လေဒီလေးတွေမှာ ထိပ်ပြောင်တာကို ဖြစ်စေနိုင်ပါတယ်။

ဆေးဝါးတွေကြောင့် 💊 - အချို့သောဆေးဝါးတွေနဲ့ ကုထုံးတွေ (ဥပမာ - chemotherapy လိုမျိုး ကုထုံးတွေ) ကြောင့်လည်း ဆံပင်ကျွတ်တာကို ဖြစ်စေနိုင်ပါတယ်။

ဆံပင်ကို တင်းနေအောင် စည်းနှောင်တာ 👱‍♀️ - ဆံပင်တွေကို တင်းနေအောင် အမြဲလိုလို စည်းနှောင်တာက ဆံပင်တွေပေါ်မှာ ဆွဲအားတွေ သက်ရောက်နေပြီး အချိန်ကြာလာတဲ့အခါ ဆံပင်က ကျဲပါးတာမျိုး ဖြစ်စေနိုင်ပါတယ်။

ဆံပင်နှုတ်တတ်တဲ့ အကျင့်ရှိတာ 😣 - ဆံပင်ကို အမြဲလိုလို နှုတ်တတ်တာကလည်း လေဒီလေးတွေမှာ ထိပ်ပြောင်တာကို ဖြစ်စေနိုင်ပါတယ်။

အခုလို အခြေအနေတွေကြောင့် လေဒီလေးတွေမှာ ထိပ်ပြောင်တာကို ဖြစ်စေနိုင်ပါတယ်။ ⚠️

လေဒီလေးတွေမှာ ထိပ်ပြောင်နေပြီလား! 👀

လေဒီလေးတွေမှာ ထိပ်ပြောင်ပြီဆိုရင် အခုလို လက္ခဏာတွေ တွေ့ရနိုင်ပါတယ်။

- ဦးခေါင်းထိပ် တည့်တည့်မှာ ဆံပင်တွေပါးလာတာ၊ ကျွတ်လာတာမျိုး 💆‍♀️

- ဦးခေါင်းထိပ်ပိုင်းမှာ ဆံပင်ပါးတာက ပိုကြီးလာတာ၊ ဆံပင်ပါးတာက ပိုသိသာလာတာ၊ ဦးခေါင်း ဘယ်ဘက် ညာဘက်တွေမှာ အရစ်လိုက် ဆံပင်ပါးလာတာ 👇

- ဆံပင်တွေက ဗွေနေရာမှာ ပါးလာတာ၊ ဆံပင်တွေ အကွက်လိုက်ပြောင်ပြီး ဦးရေပြားကို မြင်နေရတာ မျိုးတွေကို တွေ့ရနိုင်ပါတယ်။ 🔎

- များသောအားဖြင့်ကတော့ ဆံပင်ထိပ်ပြောင်တာက ဦးခေါင်းထိပ်နေရာကနေ စဖြစ်တာမျိုးဖြစ်ပြီး ဒီလိုကနေမှ တဖြည်းဖြည်း ဆံပင်က ဘေးဘက်တွေ ကျဲပါးလာတာမျိုး နဖူးစပ်မှာပါ ဆံပင်တွေ ပါးလာတာမျိုးတွေ ဖြစ်စေနိုင်ပါတယ်။ 📈

ဆံပင်ကျွတ်တာကို သက်သာအောင် လုပ်လို့ရလား! 🤔💡

ဆံပင်ကျွတ်တာကို သက်သာစေဖို့ဆိုရင် လိုအပ်တဲ့ ကုထုံးတွေကို ခံယူတာမျိုး လုပ်ပေးလို့ရသလို ဆံပင်သန်စေဖို့ ထောက်ကူပေးနိုင်မယ့် အစားအစာတွေကို စားပေးတာမျိုး လုပ်ပေးလို့ ရပါတယ်။ 🥑 ဆံသားကို အားဖြည့်ပေးနိုင်မယ့် ဆံသားထိန်းသိမ်းမှု အလေ့အထလေးတွေကို လုပ်ဆောင်ပေးဖို့လည်း လိုပါမယ်။ 🧴

ဆံပင်ကျွတ်တာကို သက်သာစေဖို့ဆိုရင် သောက်ဆေးသောက်ပေးတာ၊ ရောင်ခြည်ကုထုံးနဲ့ ကုတာ၊ ဆံပင်စိုက်တာမျိုးတွေ လုပ်ပေးလို့ ရပါတယ်။ 🏥✨

ဘဝနေထိုင်မှုကို ပြောင်းလဲတဲ့အနေနဲ့ စိတ်ဖိစီးမှုကို ဖြေလျှော့တာ🌿၊ ဆံသားထိန်းသိမ်းတာမျိုးတွေ လုပ်ပေးတာမျိုး လုပ်ပေးတာကလည်း လေဒီလေးတွေမှာ ထိပ်ပြောင်တာကို အတိုင်းအတာ တစ်ခုအထိ လျှော့ချနိုင်မှာပါ။ 🧘‍♀️

Lotoshinn ရဲ့ စကားလက်ဆောင် 🎁💖

ထိပ်ပြောင်တာက အမျိုးသားတွေမှာတင် မဟုတ်ဘဲ အမျိုးသမီးတွေမှာပါ ဖြစ်နိုင်ပါတယ်။ 👩‍🦲 လေဒီလေးတွေက တစ်နေ့ကို ဆံပင်အချောင်းရေ ၁၂၅ ပင်နဲ့အထက် ဆုံးရှုံးနေတာပါ။ 📉 ဒါကြောင့် နေ့စဉ် စားသုံးမှုတွေကို ဆံသားကျန်းမာစေဖို့ ထောက်ကူပေးနိုင်မယ့် အစားအစာတွေ ပါဝင်အောင် စားသုံးတာ 🥕🥚၊ စိတ်ပိုင်းဆိုင်ရာ၊ ရုပ်ပိုင်းဆိုင်ရာ ကျန်းမာစေမယ့် အလေ့အထလေးတွေကို လိုက်နာတာက လေဒီလေးတွေမှာ ထိပ်ပြောင်နိုင်ခြေကို အတိုင်းအတာ တစ်ခုအထိလျှော့ချပေးနိုင်မှာပါ။ ✨💕

21/05/2026

ကိုယ်ပေါ်မှာ ပေါက်တဲ့ဝက်ခြံတွေကြောင့် စိတ်ညစ်နေပြီလား! ဒါဆိုရင်တော့ နောက်ကျော၊ ရင်ဘတ်နဲ့ ခန္ဓာကိုယ်မှာ ပေါက်တဲ့ ဝက်ခြံတွေကို သက်သာစေမယ့် နည်းလမ်းလေးကို မျှဝေပေးထားတာမို့ စိတ်မညစ်ဘဲ လိုက်လုပ်ကြည့်ရင်း Body Acne တွေကို ဘိုင့်ဘိုင့် လုပ်လိုက်လို့ ရပါပြီ .....

#လိုတိုရှင်း

🌧️ မုတ်သုံကာလ ကျန်းမာစေဖို့ လိုက်နာစရာ အလေ့အထလေးများခပ်စိတ်စိတ် မိုးရွာလာတဲ့ မိုးဦးကျကာလမှာ ကျန်းမာစေဖို့ဆိုရင်တော့ လိုက...
20/05/2026

🌧️ မုတ်သုံကာလ ကျန်းမာစေဖို့ လိုက်နာစရာ အလေ့အထလေးများ

ခပ်စိတ်စိတ် မိုးရွာလာတဲ့ မိုးဦးကျကာလမှာ ကျန်းမာစေဖို့ဆိုရင်တော့ လိုက်နာစရာအလေ့အထကောင်းလေး တွေကို လိုက်နာဖို့ လိုပါမယ်။ 💡 ဒါကြောင့် အခုတစ်ခေါက်မှာတော့ မုတ်သုံကာလမှာ ကျန်းမာစေဖို့ လိုက်နာသင့်တဲ့ အလေ့အထကောင်းလေးတွေကို မျှဝေပေးလိုက်ပါတယ်။ ✨

☔ မုတ်သုံကာလ ကျန်းမာစေဖို့ လိုက်နာစရာ အလေ့အထလေးများ

မုတ်သုံကာလ ကျန်းမာစေဖို့ဆိုရင်တော့ ကိုယ်ခံအား ကောင်းစေဖို့ ဗီတာမင် C နဲ့ ဇင့်တို့ ကြွယ်ဝစွာ ပါဝင်တဲ့ အစားအစာလေးတွေကို စားပေးဖို့ လိုသလို 💧 ရေလုံလောက်အောင် သောက်တာ၊ 🧥 နွေးနွေးထွေးထွေးနေတာတွေ အပြင် အခုလို အချက်လေးတွေကိုလည်း သေချာလေး ဂရုစိုက်ပေးဖို့ လိုပါမယ်။

🧼 လက်ကို သေချာလေး ဆေးကြောပါ

တစ်ခုခုကို မစားခင်နဲ့ အစားအစာတွေကို မပြင်ဆင်ခင်နဲ့ ညစ်ပေတဲ့အရာတွေကို ကိုင်တွယ်ပြီးတိုင်းမှာ ရေနဲ့ဆပ်ပြာသုံးပြီး သေချာလေး သန့်စင်ဆေးကြောပါ။ 🍳 အစားအစာတွေကိုလည်း သေချာလေး ကျက်အောင်ချက်ဖို့နဲ့ သန့်ရှင်းစွာ ပြင်ဆင်ဖို မမေ့ပါနဲ့။

💧 ရေလုံလောက်အောင် သောက်ပါ

မုတ်သုံမှာကျန်းမာစေဖို့ နေ့စဉ်တိုင်းမှာ ရေကို လုံလောက်အောင် သောက်ပါ။ 🥛 သောက်သုံးတဲ့ရေက သေချာလေး သန့်ရှင်းအောင် ဂရုစိုက်ဖို့လည်း မမေ့ပါနဲ့။

🪰🪰ယင်နားစာတွေ မစားပါနဲ့

ယင်နားစာတွေက မိုးဦးကျကာလမှာ အဖြစ်များတဲ့ ဝမ်းပျက်ဝမ်းလျှောတာကို ဖြစ်စေနိုင်ပါတယ်။ ❌ ဒါကြောင့် ယင်နားစားတွေနဲ့ လမ်းဘေးမှာ မဖုံးမအုပ်ဘဲ ပြင်ဆင်ထားတဲ့ အစားအစာတွေကို မစားပါနဲ့။

🦟 ခြင်မကိုက်အောင် သတိထားပါ

ခြင်ကိုက်တာက သွေးလွန်တုပ်ကွေး၊ ငှက်ဖျားနဲ့ အဖျားရောဂါတွေကို ဖြစ်စေနိုင်တာကြောင့် မိုးဦးကျကာလမှာ ခြင်မကိုက်စေဖို့ သေချာလေး ဂရုစိုက်ပါ။ 🚫

🧥 နွေးနွေးထွေးထွေးဝတ်ပါ

မိုးဦးကျကာလမှာ ပတ်ဝန်းကျင်အပူချိန်က လျော့ကျလာတာကြောင့် အခန့်မသင့်ရင် ဖျားနာတာကို ဖြစ်စေနိုင်တာမို့ မိုးဦးကျကာလမှာ နွေးနွေးထွေးထွေးဝတ်ဆင်ပါ။ 🧣

🏃‍♂️ ကိုယ်လက်လှုပ်ရှားမှု လုပ်ပါ

ပုံမှန်ကိုယ်လက်လှုပ်ရှားမှု လုပ်တာက စိတ်ရောကိုယ်ပါ ကျန်းမာစေနိုင်တာမို့ မိုးဦးမှာ ပုံမှန်ကိုယ်လက်လှုပ်ရှားမှုလေး လုပ်ဖို့ မမေ့ပါနဲ့။ 💪

🥗 အာဟာရပြည့်ဝမျှတအောင် စားပါ

မိုးဦးကျကာလမှာ ဖျားနာမှုကင်းစေဖို့အတွက် နေ့စဉ်တိုင်းမှာ အာဟာရပြည့်ဝမျှတမှု ရှိစေအောင် အသားငါး၊ အသီးအရွက်၊ ဥအမျိုးမျိုးတို့ကို စားပေးပါ။ 🥦 ဒီလို စားပေးတာက ကိုယ်ခံအားကောင်းပြီး ဖျားနာမှု ကင်းစေဖို့ ထောက်ကူပေးနိုင်ပါတယ်။

🍳 သေချာကျက်အောင် ချက်ပြီးမှ စားပါ

မိုးဦးမှာ အစားအစာတွေကို ချက်ပြုတ်စားသောက်တဲ့အခါ သေချာလေး ကျက်အောင်ချက်ပြီး စားဖို့နဲ့ ပူပူနွေးနွေး စားသောက်ဖို့ လိုပါမယ်။ 🍲 ဒါမှလည်း အစားအဆိပ်သင့်တာမျိုးမဖြစ်မှာပါ။

🚿 အပြင်ကပြန်လာတိုင်း ခြေလက်ဆေးကြောပါ

အပြင်ကနေ မိုးမိပြီး ပြန်လာတိုင်းမှာ ခြေလက်တွေကို ဆေးကြောတာ၊ ရေချိုးတာမျိုး လုပ်ပါ။ 👕 စိုနေတဲ့ အဝတ်တွေကို လဲဖို့လည်း မမေ့ပါနဲ့။ 💇‍♂️ ဆံပင်တွေရေစိုလာရင်လည်း အ‌ခြောက်ခံဖို့ မမေ့ပါနဲ့။

🥩 အသားငါးတွေကို အစိမ်းမစားပါနဲ့

မိုးတွင်းမှာ အစားအစာတွေက ပိုးပေါက်မိနိုင်ခြေ များတာကြောင့် အသားငါးတွေကို အစိမ်းစားတာမျိုး လုံးဝမလုပ်ပါနဲ့။❌

💌 Lotoshinn ရဲ့ စကားလက်ဆောင်

မုတ်သုံကာလမှာ စိတ်ရောကိုယ်ပါ ကျန်းမာစေဖို့ ပုံမှန်ကိုယ်လက်လှုပ်ရှားမှုလေးတွေ လုပ်ရင်း 🍎 အာဟာရ ပြည့်ဝမျှတအောင် စားပေးပါ။ တစ်ကိုယ်ရေသန့်ရှင်းရေးကို ဂရုစိုက်ရင်း လိုအပ်တဲ့ 💉 ကာကွယ်ဆေးတွေကို ထိုးနှံဖို့လည်း အကြံပြုလိုက်ပါရစေနော်။ 🥰

-baby

Address

No. 538 (C/D), Myin Taw Thar Road, Thaketa Tsp
Yangon
11111

Website

Alerts

Be the first to know and let us send you an email when Lotoshinn - Mom & Baby posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Lotoshinn - Mom & Baby:

Shortcuts

Share