https://www.facebook.com/598750913330459/

Yangon Medical Center, Tower 3A, Lann Thit Yate Thar Condo, Phone Gyi Street, Lanmadaw Township, Yangon (2026)

04/06/2026

DSA (Donor-Specific Antibody) Testing ဆိုတာ ဘာလဲ?
Donor-Specific Antibody (DSA) Testing သည် အင်္ဂါအစားထိုးကုသမှု (Organ Transplantation) မပြုလုပ်မီနှင့် ပြုလုပ်ပြီးနောက် လက်ခံသူ၏ ကိုယ်ခံအားစနစ်မှ လှူဒါန်းသူ၏ Human Leukocyte Antigen (HLA) များကို ဆန့်ကျင်သော Antibody များ ထုတ်လုပ်ထားခြင်း ရှိ/မရှိ စစ်ဆေးသည့် Immunological Test တစ်ခု ဖြစ်ပါသည်။
DSA များသည် ယခင် ကိုယ်ဝန်ဆောင်ခြင်း၊ သွေးသွင်းခြင်း သို့မဟုတ် ယခင်က ကိုယ်အင်္ဂါအစားထိုးခြင်း ပြုလုပ်ဖူးခြင်းများကြောင့် ဖြစ်ပေါ်လာနိုင်ပြီး၊ ရရှိထားသော ကိုယ်အင်္ဂါကို တိုက်ခိုက်နိုင်သော အဓိက အန္တရာယ်ရှိသော Antibody များ ဖြစ်ကြပါသည်။

DSA Testing နဲ့ Crossmatch ဘာတွေကွာခြားသလဲ
များသောအားဖြင့် လူနာများအနေဖြင့် DSA Testing နှင့် Crossmatch ကို ရောထွေးလေ့ရှိသည်။
• Crossmatch: အလှူရှင်၏ဆဲလ်များကို တိုက်ရိုက်ယူပြီး လက်ခံမည့်သူ၏ သွေးနှင့် ရောစပ်၍ ဆဲလ်များသေ/မသေ ကြည့်ခြင်းဖြစ်သည်။ (Functional/Cell-based assay)
• DSA Test: လက်ခံမည့်သူ၏သွေးရည်ကြည်ထဲတွင် အလှူရှင်၏ HLA အတွက် Antibody ရှိ/မရှိကို ဓာတ်ခွဲခန်းတွင် အတိအကျ "ခွဲခြားစစ်ဆေးခြင်း" ဖြစ်သည်။ (Molecular/Solid-phase assay)
လက်ရှိတွင် DSA Testing ကို Luminex Single Antigen Bead Assay ဖြင့် အများဆုံး စစ်ဆေးကြပြီး Antibody Strength ကို Mean Fluorescence Intensity (MFI) ဖြင့် ဖော်ပြလေ့ရှိပါသည်။

လက်ရှိ ကမ္ဘာ့ကျန်းမာရေးစံနှုန်းများ အရ အောက်ပါတို့တွင် စစ်ဆေးသင့်သည်။
1. Pre-transplant (အစားထိုးကုသမှုမပြုမီ): အထူးသဖြင့် ကိုယ်ဝန်ဆောင်ဖူးခြင်း၊ သွေးသွင်းဖူးခြင်း သို့မဟုတ် ယခင်က အစားထိုးကုသမှုခံယူဖူးခြင်း (Sensitized patient) ရှိသည့် လူနာများတွင် DSA ရှိမရှိ မဖြစ်မနေ စစ်ဆေးရမည်။
2. Post-transplant (အစားထိုးကုသမှုအပြီး): အစားထိုးထားသော ကိုယ်အင်္ဂါ၏ လုပ်ဆောင်ချက် ကျဆင်းလာခြင်း (Allograft dysfunction) သို့မဟုတ် သံသယရှိဖွယ် ရောဂါလက္ခဏာများပေါ်ပေါက်လာချိန်တွင် DSA ကို အချိန်နှင့်တပြေးညီ ပြန်လည်စစ်ဆေးခြင်းဖြင့် Rejection ကို အစောဆုံး သိရှိနိုင်သည်။
3. Desensitization Protocols: အကယ်၍ DSA Positive ဖြစ်နေပါက အစားထိုးကုသမှု မပြုလုပ်မီ အန်တီဘော်ဒီများကို လျှော့ချသည့်ကုသမှု (Plasmapheresis, IVIG) များ လုပ်ဆောင်ရာတွင် အောင်မြင်မှုရှိမရှိ တိုင်းတာရန်အတွက် DSA Test ကို မကြာခဏ ပြန်လည်လုပ်ဆောင်ရသည်။

DSA Positive ဖြစ်ခြင်းသည် Antibody-Mediated Rejection (AMR)၊ Graft Dysfunction နှင့် Graft Loss ဖြစ်နိုင်ခြေ မြင့်တက်လာနိုင်ကြောင်း ဖော်ပြနိုင်သောကြောင့် Transplant Risk Assessment တွင် အရေးပါသော Biomarker တစ်ခုအဖြစ် သတ်မှတ်ထားပါသည်။
ထို့ကြောင့် DSA Testing သည် HLA Typing၊ CDC Crossmatch နှင့် Flow Cytometry Crossmatch တို့နှင့်အတူ အသုံးပြုကာ Transplantation မပြုလုပ်မီ Immunological Compatibility ကို အကဲဖြတ်ရန်နှင့် Transplantation ပြုလုပ်ပြီးနောက် Rejection Risk ကို စောင့်ကြည့်ရန် အရေးကြီးသော စစ်ဆေးမှုတစ်ခု ဖြစ်ပါသည်။

Medical Center
အမှတ်(၃-က)၊လမ်းသစ်ရိပ်သာကွန်ဒို၊ဘုန်းကြီးလမ်း၊လမ်းမတော်မြို့နယ်၊ရန်ကုန်မြို့
09-777705480,09-777705980

03/06/2026

ကိုယ်အင်္ဂါ အစားထိုးကုသမှု (Transplantation) တွင် အလှူရှင်နှင့် လက်ခံမည့်သူ၏ ကိုယ်ခံအားစနစ် ကိုက်ညီမှု ရှိမရှိ စစ်ဆေးခြင်းသည် အသက်အန္တရာယ် ကင်းရှင်းစေရန်နှင့် အစားထိုးသော ကိုယ်အင်္ဂါ ကောင်းမွန်စွာ အလုပ်လုပ်နိုင်ရန်အတွက် အရေးအကြီးဆုံးအချက် ဖြစ်သည်။ ဤလုပ်ငန်းစဉ်တွင် CDC Crossmatch နှင့် Flow Cytometry Crossmatch (FCXM) သည် အခြေခံကျသော စစ်ဆေးမှုများဖြစ်သည်။

CDC (Completement Dependent Cytotoxicity) Crossmatch ဆိုတာ ဘာလဲ?
CDC Crossmatch (Complement-Dependent Cytotoxicity Crossmatch) သည် လက်ခံမည့်သူ၏ သွေးရည်ကြည်အတွင်းရှိ Antibody များက လှူဒါန်းမည့်သူ၏ သွေးဖြူဥ (Lymphocyte) များကို Complement System မှတစ်ဆင့် ဖျက်ဆီးနိုင်ခြင်း ရှိ/မရှိ စစ်ဆေးသော နည်းလမ်းဖြစ်ပါသည်။ CDC Positive ဖြစ်ပါက Hyperacute Rejection ဖြစ်နိုင်ခြေ မြင့်မားသောကြောင့် အရေးကြီးသော ရှောင်ရှားရမည့် အခြေအနေ တစ်ခုအဖြစ် သတ်မှတ်လေ့ရှိပါသည်။

Flow Cytometry Crossmatch (FCXM) ဆိုတာ ဘာလဲ?
Flow Cytometry Crossmatch (FCXM) သည် Donor Cell များနှင့် ချိတ်ဆက်နေသော Recipient Antibody များကို Fluorescent Marker များအသုံးပြု၍ Flow Cytometer ဖြင့် တိုင်းတာသော နည်းလမ်းဖြစ်ပါသည်။ CDC ထက် Sensitivity (တိကျမှု) ပိုမိုမြင့်မားပြီး Antibody ပမာဏ နည်းပါးသော်လည်း ရှာဖွေတွေ့ရှိနိုင်ပါသည်။

ဘယ်အခြေအနေမှာ ဘယ်လို စစ်ဆေးသင့်သလဲ?
လက်ရှိ ကမ္ဘာ့ကျန်းမာရေးစံနှုန်းများ အရ အောက်ပါအတိုင်း အသုံးပြုလေ့ရှိသည် -
1. CDC Crossmatch: မည်သည့် အစားထိုးကုသမှုတွင်မဆို မဖြစ်မနေ လုပ်ဆောင်ရမည့် စစ်ဆေးမှုဖြစ်သည်။ အလှူရှင်နှင့် လက်ခံသူကြားတွင် Antibody ရှိ/မရှိ အခြေခံအဆင့် စစ်ဆေးခြင်းဖြစ်သည်။
2. Flow Cytometry Crossmatch:
o High Risk Patients: အရင်က ကျောက်ကပ်အစားထိုးဖူးသူများ၊ သွေးသွင်းဖူးသူများ သို့မဟုတ် ကိုယ်ဝန်ဆောင်ဖူးသူများ (Sensitized patients) တွင် ပိုမိုတိကျစွာ စစ်ဆေးရန် အသုံးပြုသည်။
o CDC Negative ဖြစ်သော်လည်း သံသယရှိပါက: CDC တွင် negative ဖြစ်နေပါက သံသယဖြစ်ဖွယ် အခြေအနေ တစ်ခုခု ရှိနေပါက အတည်ပြုချက်အတွက် FCXM ကို သုံးသည်။
ယနေ့ခေတ် Transplant Immunology တွင် HLA Typing၊ Donor-Specific Antibody (DSA) Testing၊ CDC Crossmatch နှင့် Flow Cytometry Crossmatch တို့ကို ပေါင်းစပ်အသုံးပြုခြင်းဖြင့် Rejection Risk (အစားထိုးသော ကိုယ်ခန္ဓာအား လက်ခံခြင်း ဖြစ်နိုင်ချေ) ကို ပိုမိုတိကျစွာ ခန့်မှန်းနိုင်ပြီး ကိုယ်အင်္ဂါအစားထိုးခြင်း အောင်မြင်နိုင်မှုကို ပိုမို တိုးတက်ကောင်းမွန်စေပါသည်။

အနှစ်ချုပ်အားဖြင့် CDC Crossmatch သည် "Antibody က Donor Cell ကို ဖျက်ဆီးနိုင်သလား" ကို စစ်ဆေးပေးပြီး Flow Cytometry Crossmatch သည် "Donor Cell ပေါ်တွင် Antibody က ချိတ်ဆက်နေသလား" ကို ပိုမို Sensitive ဖြစ်စွာ ဖော်ထုတ်ပေးသော စစ်ဆေးမှု ဖြစ်ပါသည်။

Medical Center
အမှတ်(၃-က)၊လမ်းသစ်ရိပ်သာကွန်ဒို၊ဘုန်းကြီးလမ်း၊လမ်းမတော်မြို့နယ်၊ရန်ကုန်မြို့
09-777705480,09-777705980

01/06/2026

🍃🌿🌧️မိုးဦးရာသီဖြစ်တဲ့သားသားမီးမီးလေးတို့ ကျောင်းပြန်တက်ရမယ့် အချိန်လေးရောက်ရှိလာပြီ ဖြစ်ပါတယ်
ဒီတစ်ပတ်မှာတော့ သားသားမီးမီးတို့သိထားဖို့ အတွက် ကျန်းမာရေးနဲ့ ပတ်သတ်တာလေးတွေကို ပြောပြပေးမယ်နော်💕

Hand Hygiene 👏
🔖ပထမဦးဆုံး အနေနဲ့တော့ အစားအသောက်
တွေကိုင်တွယ်ရာမှာ အရေးကြီးတဲ့
လက်က်ိုအစားမစားခင်နှင့် မသန့်ရှင်းသော အရာများကို ကိုင်တွယ်ပြီးတိုင်း သေချာစွာ ဆေးရပါမယ်💕
🔖ဒီလိုလက်ကိုသေချာစွာဆေးကြောလိုက်တဲ့အတွက် ဝမ်းရောဂါ မဖြစ်အောင် ကာကွယ်ပေးပြီးသားဖြစ်သွားပါမယ်💕
Tooth hygiene 🪥 🦷
🔖ခံတွင်းသန့်ရှင်းရေးကလည်း အရေးကြီးဂရုစိုက်ပေးရမယ့် အချက်ထဲမှာ ပါပါတယ် ကျန်းမာလှပတဲ့ သွားလေးတွေရဖို့ Dental caries (သွားပိုးစားခြင်း) မဖြစ်အောင် အချို များသော အစားအစာများကို ရှောင်ကြဉ်ကြမယ်
🖇️တစ်နေ့ သွားကို၂ ကြိမ် နည်းစနစ်ကျစွာတိုက်ပေးဖို့ လိုအပ်ပါတယ် နော်

Nutritious and hygienic food 🍊🍌🍎🌱🥕🥦🍤🐓🍗🥩
🔖အခု ဆိုရင် အလွယ်တကူစားလို့ရတဲ့
အစားအသောက်တွေ ပေါများလာခြင်းကြောင့်လဲ ကလေးများ၏ ကျန်းမာရေးအတွက် မေမေတို့သေချာလေး ဂရုစိုက်ပေးရန်လိုအပ်လှပါတယ်။
ready-made food 🍩🍕🍟တွေ ၊ မသန့်ရှင်းတဲ့ အစား အသောက်တွေ ၊ ဆိုးဆေးပါတာတွေ မစားမိဖို့ အတွက်လဲ အရေးကြီးပါတယ်
လိုအပ်သော အသားဓာတ် ၊ အသီးအရွက် ၊ အသီး အနှံတွေကို သင့်တင့်မျှတစွာစားသောက်ဖို့ လိုအပ်တယ်နော်💕
Mosquitoes bites 🦟🦠
နောက်တစ်ခု သတိထားရမှာလေးကတော့
နွေရာသီအကုန် မိုးဦးရာသီ အစလေးရောက်လာပြီဆိုရင် သွေးလွန်တုပ်ကွေး (Dengue Fever)အန္တရာယ် အတွက် ခြင်ကိုက်မခံရအောင် လုံခြုံတဲ့ အဝတ်အစားလေးတွေ ဝတ်ပေးသင့်ပါတယ်
ဒီအချက်လေးတွေကတော့ နွေရာသီ အားလပ်ရက်အပြီး ကျောင်း ပြန်တက်ကြတော့မယ့် 👦👧သားသားမီးမီးလေးတွေ အတွက် မေမေတို့ သတိထားပေးရမယ် အချက်လေးတွေပဲဖြစ်ပါတယ်နော်💗
သားသားမီးမီးလေးတွေ အားလုံးကိုလည်း
‘’Happy life 😊, Healthy heart 💚‘’ ဖြစ်ကြပါစေလို့
Yangon Medical Center မှ ဆုတောင်းပေးလိုက်ပါတယ်နော်🍀 🙋‍♀️"Yangon Medical Center”

☎️ ဖုန်းနံပါတ် -
09 777705480,
09 777705980

🏥 လိပ်စာ - Tower 3A, လမ်းသစ်ရိပ်သာ ကွန်ဒို၊ ဘုန်းကြီးလမ်း၊ လမ်းမတော်မြို့နယ်၊ ရန်ကုန်မြို့။

Center

01/06/2026

Yangon Medical Center အထူးကုဆေးခန်း
တစ်နှစ်ပြည့်မှာ ပါဝင်ကံစမ်းထားကျတဲ့မိတ်ဟောင်းမိတ်သစ် များစွာထဲကနေမှ အခုဆို ကံထူးရှင် ၁၀ဦးပေါ်ထွက်လာပီဖြစ်ပါတယ် June လအစမှာပဲ ကံကောင်းခြင်းတွေနဲ့စတင်လာပီဖြစ်တဲ့ ကံထူးရှင်များအနေနဲ့ 💛Yangon Medical Center 💛 ဆေးခန်းမှာ ကိုယ်တိုင်လာရောက်ပီး ❤️1.6.2026 ကနေ 10.6.2026 ❤️အတွင်း အခြေခံကျောက်ကပ် ကျန်းမာရေးစစ်ခြင်းနှင့် အခြေခံ အသည်းကျန်းမာရေးစစ်ဆေးမှုများကို လာရောက်စစ်ဆေးနိုင်ပါပီဖြစ်ပါကြောင်း သတင်းကောင်းပါးလိုက်ပါစေရှင်

31/05/2026

“တစ်နှစ်ဆိုတာ အချိန်အရမ်းမရှည်လျားပါဘူး… ဒါပေမယ့် တစ်နှစ်အတွင်း ရရှိခဲ့တဲ့ ယုံကြည်မှုတွေ၊ အပြုံးတွေ၊ ကျေးဇူးတရားတွေကတော့ ဘဝတစ်လျှောက် မမေ့နိုင်တဲ့ အမှတ်တရတွေ ဖြစ်ခဲ့ပါတယ်။”

၂၀၂၅ ခုနှစ် မေလ (၃၁) ရက်နေ့...

Yangon Medical Center ဆိုတဲ့ နာမည်လေးနဲ့ အိပ်မက်တစ်ခုကို ကျွန်တော်တို့ စတင်အကောင်အထည်ဖော်ခဲ့ကြပါတယ်။

ပထမဆုံး ဖွင့်လှစ်ခဲ့တဲ့နေ့မှာ... "ဒီနေရာလေးဟာ လူတိုင်း ကျန်းမာရေးအတွက် စိတ်ချယုံကြည်စွာ အားကိုးနိုင်တဲ့ နေရာတစ်ခု ဖြစ်လာရမယ်" ဆိုတဲ့ ရိုးရှင်းတဲ့ ဆန္ဒလေးတစ်ခုသာ ရှိခဲ့ပါတယ်။

ဒီနေ့... အဲဒီ အိပ်မက်လေးဟာ လူကြီးမင်းတို့ရဲ့ ယုံကြည်မှုတွေနဲ့ အသက်ဝင်လာခဲ့ပါပြီ။

စိုးရိမ်ပူပန်မှုတွေနဲ့ ရောက်လာပြီး အပြုံးလေးတွေနဲ့ ပြန်သွားကြတဲ့ လူနာတွေ... ကျွန်တော်တို့ကို မိသားစုဝင်တစ်ယောက်လို သဘောထားပေးခဲ့ကြတဲ့ မိတ်ဆွေတွေ... အခက်အခဲတိုင်းမှာ လက်တွဲပေးခဲ့ကြတဲ့ ဆရာဝန်များ၊ ဝန်ထမ်းများ... ပြီးတော့ Yangon Medical Center ကို ယုံကြည်စွာ ရွေးချယ်ပေးခဲ့ကြတဲ့ လူကြီးမင်းတို့...

ဒီ (၁) နှစ်တာ ခရီးလမ်းရဲ့ တန်ဖိုးအကြီးဆုံး အရာတွေက အဆောက်အဦးတွေ၊ ပစ္စည်းတွေ မဟုတ်ပါဘူး။

"ယုံကြည်မှု" ပါ။

လူကြီးမင်းတို့ရဲ့ ယုံကြည်မှုက ကျွန်တော်တို့ကို ပိုကောင်းတဲ့ ဝန်ဆောင်မှုတွေ ပေးနိုင်ဖို့ အားအင်ဖြစ်စေခဲ့တယ်။ ပိုမိုကောင်းမွန်တဲ့ ကျန်းမာရေးစောင့်ရှောက်မှုတွေ ဖန်တီးနိုင်ဖို့ တွန်းအားဖြစ်စေခဲ့တယ်။

ဒါကြောင့် ဒီ (၁) နှစ်ပြည့် အချိန်လေးမှာ...

"ကျေးဇူးတင်ပါတယ်" ဆိုတဲ့ စကားလုံးတစ်ခွန်းတည်းနဲ့တောင် မလုံလောက်နိုင်ပါဘူး။

Yangon Medical Center ရဲ့ ခရီးလမ်းမှာ အတူရှိပေးခဲ့ကြတဲ့ လူကြီးမင်းတစ်ဦးချင်းစီကို နှလုံးသားထဲကနေ အထူးကျေးဇူးတင်ရှိပါတယ်။ 🤍

ရှေ့ဆက်မယ့် နှစ်တွေမှာလည်း... လူကြီးမင်းတို့ရဲ့ ကျန်းမာရေးခရီးလမ်းတစ်လျှောက် ယုံကြည်စိတ်ချရတဲ့ မိတ်ဆွေကောင်းတစ်ယောက်အဖြစ်၊ နွေးထွေးတဲ့ မိသားစုဝင်တစ်ယောက်အဖြစ်၊ အမြဲတမ်း အတူရှိနေပေးသွားပါမယ်။

တစ်နှစ်တာ အမှတ်တရများမှသည်... နှစ်ပေါင်းများစွာတိုင်အောင်...

လူကြီးမင်းတို့ရဲ့ ကျန်းမာရေးအတွက် အတူတူ လျှောက်လှမ်းခွင့်ရပါစေ။ 🤍

Happy 1st Anniversary, Yangon Medical Center. 🎂✨

Because every patient is not just a patient... They are part of our family.

30/05/2026

💉✨ Corporate Vaccination Program at Lu Lu's Diner ✨💉

ယနေ့ (30.5.2026) တွင် Yangon Medical Center မှ ကျန်းမာရေးဝန်ထမ်းများသည် Lu Lu's Diner ၏ ဝန်ထမ်းမောင်နှမများအား ကာကွယ်ဆေးထိုးနှံပေးခြင်း အစီအစဉ်ကို အောင်မြင်စွာ ဆောင်ရွက်ပေးခဲ့ပါသည်။

လုပ်ငန်းခွင်အတွင်း ဝန်ထမ်းများ၏ ကျန်းမာရေးနှင့် လုံခြုံရေးကို မြှင့်တင်ပေးခြင်းသည် အရည်အသွေးမြင့် ဝန်ဆောင်မှုများ ပေးစွမ်းနိုင်ရန်အတွက် အရေးကြီးသော အခြေခံအချက်တစ်ရပ် ဖြစ်ပါသည်။

Yangon Medical Center အနေဖြင့် လူမှုအသိုင်းအဝိုင်းနှင့် စီးပွားရေးလုပ်ငန်းများ၏ ကျန်းမာရေးစောင့်ရှောက်မှု လိုအပ်ချက်များကို ဖြည့်ဆည်းပေးနိုင်ရန် Corporate Vaccination Services များကို အရည်အသွေးပြည့်မီစွာ ဆောင်ရွက်ပေးလျက်ရှိပါသည်။

Lu Lu's Diner မိသားစုဝင်များအားလုံး ကျန်းမာသန်စွမ်းပြီး ဘေးကင်းလုံခြုံသော လုပ်ငန်းခွင်ပတ်ဝန်းကျင်တွင် အောင်မြင်စွာ လုပ်ကိုင်နိုင်ကြပါစေကြောင်း ဆုမွန်ကောင်းတောင်းအပ်ပါသည်။ 💙

📸 ကာကွယ်ဆေးထိုးနှံပေးခဲ့သည့် အမှတ်တရ ပုံရိပ်များ

28/05/2026

HLA Typing ဆိုတာ ဘာလဲ?
HLA Typing ဆိုသည်မှာ လူတစ်ယောက်၏ ကိုယ်ခံအားစနစ်တွင် အရေးကြီးသော Human Leukocyte Antigen (HLA) များကို စစ်ဆေးခွဲခြားသည့် ဓာတ်ခွဲစစ်ဆေးမှုဖြစ်သည်။ ဤစစ်ဆေးမှုကို အထူးသဖြင့် —
• Organ Transplant (ကိုယ်အင်္ဂါအစားထိုးခြင်း)
• Bone Marrow Transplant (ရိုးတွင်းခြင်ဆီ အစားထိုးခြင်း)
• Immunology Research (ကိုယ်ခံစွမ်းအားစနစ်ဆိုင်ရာ သုတေသနများ) များတွင် အဓိက အသုံးပြုကြသည်။
ကိုယ်အင်္ဂါ အစားထိုးခြင်းဆိုင်ရာ ဆေးပညာ (Transplant Medicine) တွင် HLA Typing ပြုလုပ်ရခြင်း၏ အဓိက ရည်ရွယ်ချက်မှာ လှူဒါန်းသူ (Donor) နှင့် လက်ခံသူ (Recipient) အကြား ကိုယ်ခံအားဆိုင်ရာ ကိုက်ညီမှုရှိမရှိကို စစ်ဆေးရန် ဖြစ်သည်။

HLA ဆိုတာ ဘာလဲ?
HLA ဆိုသည်မှာ လူ့ဆဲလ်များ၏ မျက်နှာပြင်ပေါ်တွင် ရှိသော ပရိုတိန်း (Cell Surface Protein) အမှတ်အသားများ ဖြစ်သည်။ ဤအမှတ်အသားများသည် ကိုယ်ခံအားစနစ်အား “ပြင်ပမှ ဝင်ရောက်လာသော ဆဲလ်များ (Foregin Cells)” ဟုတ်မဟုတ် ခွဲခြားသိရှိနိုင်ရန် ကူညီပေးသည်။ တစ်နည်းအားဖြင့် HLA သည် “ဆဲလ်၏ Identity Card” ကဲ့သို့ အလုပ်လုပ်သည်။ လူ့ခန္ဓာကိုယ်၏ ဆဲလ်အများစုတွင် HLA များရှိကြပြီး အထူးသဖြင့် သွေးဖြူဥဆဲလ်များတွင် ပိုမိုထင်ရှားစွာ တွေ့ရသည်။

HLA Gene များ ဘယ်မှာရှိသလဲ?
HLA Gene များသည် Chromosome 6 ၏ Short Arm ပေါ်ရှိ Major Histocompatibility Complex (MHC) ဟုခေါ်သော နေရာအပိုင်းအခြားတွင် တည်ရှိသည်။ ဤ အပိုင်းအခြားသည် လူ့ခန္ဓာကိုယ်၏ အရေးအကြီးဆုံး ခုခံအားစနစ်ဆိုင်ရာ မျိုးရိုးဗီဇ နေရာ (Immune-related Genetic Region) များထဲမှ တစ်ခုဖြစ်သည်။
HLA Gene များသည် အလွန် ရုပ်သွင်ကွဲပြားမှု (Polymorphic) များသည်။ ရုပ်သွင် ကွဲပြားခြင်း ဆိုသည်မှာ မျိုးဗီဇဆိုင်ရာ အသွင်ကွဲခြင်း (Genetic Variation) အလွန်များပြားခြင်းကို ဆိုလိုသည်။ ထို့ကြောင့် လူနှစ်ယောက်၏ HLA Pattern တူညီနိုင်ခြေသည် အလွန်နည်းသည်။ မွေးချင်းအရင်းများတွင်ပင် HLA Pattern ထပ်တူညီနိုနိုင်ရန် ဖြစ်နိုင်ခြေမှာ ခန့်မှန်းအားဖြင့် ၂၅% ခန့်သာ ရှိသည်။

HLA Class I နှင့် Class II
HLA ကို အဓိကအားဖြင့် Class I နှင့် Class II ဟူ၍ ခွဲခြားနိုင်သည်။

HLA Class I

အဓိကအားဖြင့် —
• HLA-A
• HLA-B
• HLA-C တို့ပါဝင်သည်။
ဤ HLA များကို Nucleated Cells အများစုတွင် တွေ့နိုင်သည်။

HLA Class II
အဓိကအားဖြင့် —
• HLA-DR
• HLA-DQ
• HLA-DP တို့ ပါဝင်သည်။
ဤ HLA များကို
Antigen Presenting Cell (APC) များဖြစ်သော —
• Macrophage
• Dendritic Cell
• B Lymphocyte တို့တွင် အဓိကတွေ့ရသည်။
Class II HLA များသည် ပြင်ပမှဝင်လာသော Antigen များကို Helper-T Cell များထံ တင်ပြပေးသည်။

Organ Transplant တွင် HLA Typing ဘာကြောင့် အရေးကြီးသလဲ?
ကိုယ်အင်္ဂါအစားထိုးကုသခြင်းပြုလုပ်သောအခါ လက်ခံသူ၏ ကိုယ်ခံအားစနစ်က လှူဒါန်းသော ကိုယ်အင်္ဂါကို “ပြင်ပမှ ဝင်ရောက်လာသော အရာ (Foreign Tissue)” ဟု သတ်မှတ်လိုက်သည်။ ဤသတ်မှတ်မှု၏ အဓိကအခြေခံမှာ HLA ကွာခြားချက်ကြောင့် ဖြစ်သည်။ လှူဒါန်းသူနှင့် လက်ခံသူ၏ HLA များ ကွာခြားမှု ရှိလေလေ ကိုယ်ခံအား စနစ်၏ တုန့်ပြန်မှု (Immune Response) ပိုပြင်းထန်နိုင်လေလေ ဖြစ်သည်။ ထို့ကြောင့် HLA matching ကောင်းလေလေ (အစားထိုးသော ကိုယ်အင်္ဂါအား လက်မခံခြင်း (Rejection) ဖြစ်နိုင်ချေ လျော့နည်းလေလေ အစားထိုးထားသော ကိုယ်အင်္ဂါ အလုပ်လုပ်နိုင်စွမ်း (Graft Survival) ပိုကောင်းလေလေ Long-term Outcome ပိုကောင်းလေလေ ဖြစ်သည်။ အထူးသဖြင့် ကျောက်ကပ်အစားထိုးရာတွင် HLA Matching သည် အလွန်အရေးကြီးသည်။

HLA Typing ကို ဘယ်လိုစစ်သလဲ?
HLA Typing ကို အများအားဖြင့် သွေးရည်ကြည် ခွဲထုတ်မထားသော ပုံမှန်သွေး (Whole Blood Sample) မှ ထုတ်ယူ စစ်ဆေးနိုင်သည်။ ဓာတ်ခွဲခန်းတွင် သွေးဖြူဥဆဲလ်များမှ DNA ကို ထုတ်ယူပြီး HLA genes များကို Molecular Techniques များဖြင့် စစ်ဆေးသည်။

ယခင်က —
• Serologic Typing
• Complement Dependent Cytotoxicity Method များ အသုံးပြုခဲ့ကြသော်လည်း
ယနေ့ခေတ်တွင် DNA-based typing method များကို ပိုမိုအသုံးပြုလာကြသည်။

Molecular HLA Typing Methods
ယနေ့ခေတ်တွင် အသုံးများသော method များမှာ —
• PCR-SSP
• PCR-SSO
• Sequence-Based Typing
• Next Generation Sequencing တို့ဖြစ်သည်။
DNA-based typing method များသည် resolution ပိုမြင့်ပြီး allele level အထိ ခွဲခြားနိုင်သည်။

Crossmatch Testing နှင့် HLA Antibody
ကိုယ်အင်္ဂါအစားထိုးမှု ခံယူနိုင်ရန်အတွက် HLA Typing တစ်ခုတည်းနှင့် မလုံလောက်ပေ။ လက်ခံသူတွင် လှူဒါန်းသူ၏ HLA ကို တိုက်ခိုက်နိုင်သော ပဋိပစ္စည်း (Antibody) ရှိမရှိကိုလည်း စစ်ရသည်။ ဤစစ်ဆေးမှုကို Crossmatch Testing ဟုခေါ်သည်။ Crossmatch Positive ဖြစ်ပါက လက်ခံသူ၏ သွေးထဲတွင် Donor-specific Antibody ရှိနေသည်ဟု ဆိုလိုသည်။ ဤအခြေအနေတွင် ကိုယ်အင်္ဂါအစားထိုးကုသခြင်း ပြုလုပ်ပါက Hyperacute Rejection ဖြစ်နိုင်ခြေ အလွန်မြင့်မားသည်။

ရိုးတွင်းခြင်ဆီ အစားထိုးကုသခြင်းနှင့် HLA Typing
ရိုးတွင်းခြင်ဆီ အစားထိုးကုသခြင်းတွင် HLA matching သည် ကိုယ်အင်္ဂါအစားထိုး ကုသခြင်ထက် ပိုမိုအရေးကြီးသည်။ HLA Matching မကောင်းပါက ဆိုးရွားသော နောက်ဆက်တွဲအမျိုးမျိုး ဖြစ်ပေါ်နိုင်ချေသည် အလွန်မြင့်မားသည့်အတွက် ရိုးတွင်းခြင်ဆီ အစားထိုးကုသရာတွင် High-resolution HLA typing ကို အဓိက အသုံးပြုကြသည်။

HLA နှင့် Autoimmune Disease
HLA သည် ကိုယ်အင်္ဂါအစားထိုးခြင်းဆိုင်ရာ ဆေးပညာ (Transplant Medicine) အတွက် အရေးကြီးရုံသာမက ကိုယ်ခံအားစနစ်ဆိုင်ရာ ရောဂါများ (Autoimmune Disease) များနှင့်လည်း ဆက်စပ်နေကြောင်း တွေ့ရှိလာကြပြီး ဖြစ်ပါသည်။

နိဂုံး

နိဂုံးချုပ်အနေဖြင့် HLA Typing သည် ကိုယ်အင်္ဂါအစားထိုးခြင်းဆိုင်ရာ ဆေးပညာ (Transplant Medicine) ၏ အခြေခံအကျဆုံး ကိုယ်ခံအားစနစ်ဆိုင်ရာ ဓာတ်ခွဲစစ်ဆေးခြင်း (immunogenetic Investigation) များထဲမှ တစ်ခုဖြစ်သည်။ ဤစစ်ဆေးမှုသည် လှူဒါန်းသူနှင့် လက်ခံသူအကြား ကိုယ်ခံအားစနစ်ဆိုင်ရာ ပြသနာရှိမရှိကို အကဲဖြတ်နိုင်ပြီး လက်ခံသူ၏ခန္ဒာကိုယ်မှ အစားထိုးထားသော ကိုယ်အင်္ဂါအား လက်မခံခြင်း (Rejection) ဖြစ်နိုင်ချေကိုလည်း လျှော့ချနိုင်ရန် အရေးကြီးသော အခန်းကဏ္ဍမှ ပါဝင်သည်။

ခေတ်သစ် ကိုယ်အင်္ဂါအစားထိုးခြင်းဆိုင်ရာဆေးပညာ၏ အောင်မြင်မှုသည် ခွဲစိတ်မှု နည်းလမ်းများ ကောင်းမွန်တိုးတက်လာမှု တစ်ခုတည်းကြောင့် မဟုတ်ဘဲ Immunology ၊ Molecular Genetics ၊ Histocompatibility Testing နှင့် Immunosuppressive Therapy တို့ ပူးပေါင်းတိုးတက်လာမှုကြောင့် ဖြစ်ပေသည်။

27/05/2026

ကိုယ်အင်္ဂါ အစားထိုးကုသမှုဆိုတာ ဘာလဲ?
Organ Transplant (ကိုယ်အင်္ဂါ အစားထိုးကုသမှု) ဆိုသည်မှာ မူလကိုယ်အင်္ဂါတစ်ခု အမြဲတမ်းပျက်စီးသွားပြီး မူလလုပ်ဆောင်ရမည့် ဇီဝကမ္မလုပ်ငန်းများကို မလုပ်ဆောင်နိုင်တော့သောအခါ ကျန်းမာသော ကိုယ်အင်္ဂါတစ်ခုကို ခွဲစိတ်၍ အစားထိုးပေးသည့် ကုသနည်းဖြစ်သည်။
ဤကုသနည်းကို ဆေးဝါးကုသမှု၊ အထောက်အကူပြုကုသမှုများနှင့် မထိန်းချုပ်နိုင်တော့သော “End-stage Organ Failure” အဆင့်တွင် အဓိကအသုံးပြုကြသည်။
Transplant ပြုလုပ်လေ့ရှိသော ကိုယ်အင်္ဂါများမှာ —
ကျောက်ကပ်
အသည်း
နလုံး
အဆုတ်
အရိုးချဉ်ဆီ တို့ဖြစ်သည်။

Organ Failure (ကိုယ်အင်္ဂါအစိတ်အပိုင်း အလုပ်လုပ်တော့ခြင်း) ဆိုတာ ဘာကြောင့် ဖြစ်သလဲ?
ကိုယ်အင်္ဂါတစ်ခုသည် ကြာရှည်ရောင်ရမ်းခြင်း (Chronic Inflammation)၊ သွေးလည်ပတ်မှုမလုံလောက်ခြင်း၊ အဆိပ်အတောက်များ၊ ကိုယ်ခံအားရောဂါများ၊ မွေးရာပါချို့ယွင်းမှုများကြောင့် တဖြည်းဖြည်း ပျက်စီးလာနိုင်သည်။
ဥပမာ —
ကျောက်ကပ်ပျက်စီးခြင်း၏ အဓိကအကြောင်းရင်းများမှာ
ဆီးချိုရောဂါ
သွေးတိုးရောဂါ
ကျောက်ကပ်ရောင်ရမ်းရောဂါများ ဖြစ်ကြသည်။
ကိုယ်အင်္ဂါတစ်ခု၏ ပျက်စီးမှုသည် ခန္ဓာကိုယ်၏ အောက်ဆီဂျင်ပို့ဆောင်မှု၊ အဆိပ်ဖယ်ရှားမှု (Hepatic Metabolism)၊ သွေးစစ်ထုတ်မှု၊ ဟော်မုန်းထုတ်လုပ်မှု စသည့် အရေးကြီးလုပ်ငန်းများကို ထိခိုက်စေသည်။

Donor နှင့် Recipient
ကိုယ်အင်္ဂါအစားထိုး ကုသရာတွင် ကိုယ်အင်္ဂါပေးသူကို Donor ဟုခေါ်ပြီး လက်ခံရရှိသူကို Recipient ဟုခေါ်သည်။
Donor ကို အဓိကအားဖြင့် နှစ်မျိုးခွဲနိုင်သည်။

၁။ Living Donor
အသက်ရှင်နေသောသူမှ ကိုယ်အင်္ဂါပေးခြင်းဖြစ်သည်။ အများအားဖြင့် —
ကျောက်ကပ်
အသည်း၏ အစိတ်အပိုင်းတစ်ခု တို့ကို ပေးနိုင်သည်။
လူတစ်ယောက်သည် ကျောက်ကပ်တစ်ဖက်တည်းဖြင့် အသက်ရှင်နိုင်သောကြောင့် ကျန်းမာသောသူတစ်ဦးမှ ကျောက်ကပ်တစ်ဖက် လှူဒါန်းနိုင်သည်။

၂။ Deceased Donor
ဦးနှောက်သေဆုံးပြီးနောက် သွေးလည်ပတ်မှုကို စက်အကူအညီဖြင့် ထိန်းထားနိုင်စဉ် ကိုယ်အင်္ဂါထုတ်ယူလှူဒါန်းခြင်းဖြစ်သည်။

Tissue Matching နှင့် Immunology
ကိုယ်ခန္ဓာအစားထိုးခြင်း၏ အရေးအကြီးဆုံးအပိုင်းမှာ “ခန္ဓာကိုယ်က ကိုယ်အင်္ဂါအသစ်ကို လက်ခံနိုင်မလား” ဆိုသည့် ပြဿနာဖြစ်သည်။
လူ့ခန္ဓာကိုယ်တွင် ကိုယ်ပိုင်ဆဲလ်နှင့် ကိုယ်ခန္ဓာပြင်ပမှဆဲလ်ကို ခွဲခြားသိနိုင်သော ကိုယ်ခံအားစနစ်ရှိသည်။
ဆဲလ်မျက်နှာပြင်ပေါ်ရှိ Human Leukocyte Antigen (HLA) ဟုခေါ်သော ပရိုတိန်းများသည် “ကိုယ်ပိုင်ဆဲလ်” သို့မဟုတ် “ကိုယ်ခန္ဓာပြင်ပမှဆဲလ်” ကို ခွဲခြားရာတွင် အရေးကြီးသည်။
လက်ခံသူ၏ ကိုယ်ခံအားစနစ်က လှုဒါန်းသူ၏ ကိုယ်ခန္ဓာရှိ HLA မတူညီမှုကို တွေ့ရှိပါက Foreign Tissue (မိမိခန္ဓာကိုယ်ပြင်ပမှပစ္စည်း) ဟု သတ်မှတ်ပြီး တိုက်ခိုက်တတ်သည်။
ထို့ကြောင့် ကိုယ်အင်္ဂါအစားထိုးခြင်း မပြုလုပ်မီ —
သွေးအုပ်စုကိုက်ညီမှု (Blood Grouping and Matching)
HLA Matching
Crossmatch Testing များကို ပြုလုပ်ရသည်။
Crossmatch စစ်ဆေးရာတွင် Positive ဖြစ်ပါက လက်ခံသူနှင့် လှူဒါန်းသူကြားတွင် အစားထိုးမည့် ကိုယ်အင်္ဂါကို တိုက်ခိုက်နိုင်သော antibody (ပဋိပစ္စည်း) များရှိနေသည်ဟု ဆိုလိုပြီး ကိုယ်အင်္ဂါအစားထိုးခြင်း ပြုလုပ်လျှင် ပြင်းထန်သောတုန့်ပြန်မှု (Organ Rejection) ဖြစ်နိုင်သည်။

Rejection ဆိုတာ ဘာလဲ?
Rejection (ခန္ဓာကိုယ်မှ အစားထိုးသော ကိုယ်အင်္ဂါအစိတ်အပိုင်းအား လက်မခံခြင်း) ဆိုသည်မှာ လက်ခံသူ၏ ကိုယ်ခံအားစနစ်က အစားထိုးမည့် ကိုယ်အင်္ဂါ အစိတ်အပိုင်းကို တိုက်ခိုက်ခြင်းဖြစ်သည်။
Rejection ကို အဓိကအားဖြင့် —
Hyperacute Rejection
Acute Rejection
Chronic Rejection ဟူ၍ ခွဲနိုင်သည်။

Hyperacute Rejection
ကိုယ်အင်္ဂါ အစားထိုးခြင်း ပြုလုပ်ပြီး မိနစ်မှ နာရီအတွင်း ဖြစ်နိုင်သည်။ လက်ခံသူတွင်ရှိပြီးသား antibody များက လှူဒါန်းထားသော ကိုယ်အင်္ဂါအစိတ်အပိုင်းအတွင်းရှိ သွေးကြောများကို ချက်ချင်း တိုက်ခိုက်သောကြောင့် ကိုယ်အင်္ဂါအစိတ်အပိုင်း သည် လျင်မြန်စွာ ပျက်စီးသွားနိုင်သည်။ ယနေ့ခေတ်တွင် Crossmatch Testing ကောင်းမွန်လာသောကြောင့် ဤအမျိုးအစားကို အလွန်ရှားပါးစေခဲ့သည်။

Acute Rejection
ရက်ပိုင်းမှ လပိုင်းအတွင်း ဖြစ်နိုင်သည်။ T Lymphocyte ဟုခေါ်သော ကိုယ်ခံအားဆဲလ်များက လှူဒါန်းထားသော ကိုယ်အင်္ဂါအစိတ်အပိုင်းကို တိုက်ခိုက်ခြင်းဖြစ်သည်။ စောစီးစွာ သိရှိပြီး ကုသနိုင်ပါက အစားထိုးထားသော ကိုယ်အင်္ဂါအစိတ်အပိုင်းကို ပြန်လည်ထိန်းသိမ်းနိုင်သည့် အခွင့်အရေးရှိသည်။

Chronic Rejection
နှစ်ပေါင်းများစွာကြာပြီးမှ ဖြစ်တတ်သည်။ သွေးကြောများ တဖြည်းဖြည်းကျဉ်းလာခြင်း၊ fibrosis ဖြစ်ခြင်းတို့ကြောင့် ကိုယ်အင်္ဂါအစိတ်အပိုင်း၏ လုပ်ဆောင်နိုင်စွမ်း တဖြည်းဖြည်း ကျဆင်းလာသည်။

Immunosuppressive Drugs
Rejection ကို ကာကွယ်ရန် Immunosuppressive Drugs (ကိုယ်ခံအားချသော ဆေးများ) များကို အသုံးပြုရသည်။ ဤဆေးများသည် —
T Cell Activation ကို တားဆီးခြင်း
Cytokine ထုတ်လုပ်မှုလျှော့ချခြင်း
Antibody Response ကို ထိန်းချုပ်ခြင်း တို့ဖြင့် rejection ကို လျှော့ချပေးသည်။
သို့သော် ကိုယ်ခံအားကျဆင်းသွားသောကြောင့် —
ဘက်တီးရီးယားပိုးဝင်ခြင်း
ဗိုင်းရပ်စ်ပိုးဝင်ခြင်း
မှိုဝင်ခြင်း
ကင်ဆာအချို့ ဖြစ်နိုင်ခြေမြင့်လာခြင်း တို့ ဖြစ်နိုင်သည်။
ထို့ကြောင့် ကိုယ်အင်္ဂါအစားထိုးထားသော လူနာများတွင် ကူးစက်ရောဂါမှ ကာကွယ်ရန်နှင့် နှင့် ပုံမှန် စစ်ဆေးခြင်းများ သည် အလွန်အရေးကြီးသည်။

Post-Transplant Monitoring
ကိုယ်အင်္ဂါအစားထိုးခြင်းအောင်မြင်မှုသည် ခွဲစိတ်ကုသမှုတစ်ခုတည်းပေါ် မူတည်နေခြင်းမဟုတ်ပေ။ ရေရှည်အောင်မြင်မှုအတွက် လိုအပ်သော စစ်ဆေးမှုများကို သတ်မှတ်ထားသည့်အချိန်တွင် တိတိကျကျ လိုအပ်သလို ပြုလုပ်ရသည်။

Organ Transplant ၏ အနာဂတ်
ယနေ့ခေတ်တွင် Transplant Immunology ၊ Tissue Typing ၊ Immunosuppressive Therapy များ တိုးတက်လာသောကြောင့် transplant patients များ၏ survival rate နှင့် quality of life သည် သိသိသာသာ တိုးတက်လာသည်။ သို့သော် organ shortage ၊ long-term rejection ၊ infection ၊ malignancy စသည့် ပြဿနာများသည် ယနေ့တိုင် ဆက်လက်ဖြေရှင်းနေရဆဲ ဖြစ်သည်။
Organ Transplant သည် ခွဲစိတ်ကုသမှုတစ်ခုသာ မဟုတ်ဘဲ Immunology ၊ Pathology ၊ Pharmacology ၊ Infectious Disease ၊ Critical Care နှင့် Long-term Follow-up Medicine တို့ ပူးပေါင်းပါဝင်သော အလွန်ရှုပ်ထွေးသည့် multidisciplinary medical science တစ်ခုဖြစ်သည်။

26/05/2026

၂၀၂၅ ခုနှစ် မတ်လ (၃၁) ရက်နေ့မှာ စတင်ဖွင့်လှစ်ခဲ့တဲ့
Yangon Medical Center (ရန်ကုန် အထူးကုဆေးခန်း) လေးဟာ
မကြာမီမှာ (၁) နှစ်တိတိ ပြည့်မြောက်တော့မှာပဲ ဖြစ်ပါတယ် 🎉🤍

ဒီ (၁) နှစ်တာကာလအတွင်း
ကျွန်တော်တို့ရဲ့ ဆေးခန်းနဲ့ ဓာတ်ခွဲခန်းကို ယုံကြည်စွာ ရွေးချယ်ပေးခဲ့ပြီး
ကျန်းမာရေးစောင့်ရှောက်မှုခံယူပေးခဲ့ကြတဲ့
လူနာတစ်ယောက်ချင်းစီကို
နှလုံးသားထဲကနေ အထူးကျေးဇူးတင်ရှိပါတယ်ခင်ဗျာ 🙏🏻

လူကြီးမင်းတို့ရဲ့ ယုံကြည်မှု၊ အားပေးမှုနဲ့ နွေးထွေးတဲ့ စကားလေးတွေက
ကျွန်တော်တို့အတွက် ဒီနေ့ထိ လျှောက်လှမ်းလာနိုင်ခဲ့တဲ့
အကြီးမားဆုံး အားအင်တွေပါပဲ 🤍

ဒါ့အပြင် ဒီ အမှတ်တရနေ့လေးကို
ပိုပြီး အမှတ်တရဖြစ်စေဖို့အတွက်
အစီအစဉ်လေးတစ်ခုလည်း ပြုလုပ်ပေးထားပါတယ် 🎁

ဒီအစီအစဉ်လေးမှာ ပါဝင်ဖို့အတွက်
- ဒီ post လေးကို like လုပ် public နဲ့ share ပြီး မိမိအတွက် တန်ဖိုးထားရတဲ့သူ ၂ ယောက်ကို tag လေးတွဲပေးပြီးရင်
- ဒီ Post အောက်မှာ
“Clinic လေးအတွက် အမှတ်တရ ဆုတောင်းစကား” လေးတွေ ရေးပေးခဲ့ရုံပါပဲ 💬✨

🎉 Comment Picker ဖြင့်
ကံထူးရှင် (၁၀) ယောက်ကို ရန်ကုန် အထူးကု ဆေးခန်းရဲ့ တစ်နှစ်ပြည့်တဲ့ (၃၁-၀၅-၂၀၂၆) မှာ ရွေးချယ်ပေးသွားမှာဖြစ်ပြီး
အသည်း ကျန်းမာရေးအတွက် စစ်ဆေးရတဲ့ Liver Function Test ကို ၅ ယောက်နဲ့ ကျောက်ကပ် ကျန်းမာရေးအတွက် စစ်ဆေးတဲ့ Renal Function Test ကို ၅ ယောက်စီ comment pricker လေးနဲ့ မဲဖောက်ပေးမှာပဲ ဖြစ်ပါတယ်။ 👀🎁

💙 နောင်လာမယ့် နေ့ရက်တွေမှာလည်း
လူကြီးမင်းတို့ရဲ့ ကျန်းမာရေးအတွက်
ပိုကောင်းတဲ့ ဝန်ဆောင်မှုတွေ ပေးနိုင်ဖို့
ကျွန်တော်တို့ Yangon Medical Center မှ
အမြဲကြိုးစားနေပါမယ်ခင်ဗျာ။

Happy 1 Year Anniversary To Us 🎉
And Thank You For Being With Us 🤍

📌 Terms & Conditions

• ယခု Post အောက်တွင် ဆုတောင်းစကား Comment ရေးပေးရပါမည်။
• Account တစ်ခုလျှင် Comment တစ်ခုသာ အကျုံးဝင်ပါမည်။
• Comment Picker ဖြင့် ကံထူးရှင် (၁၀) ယောက် ရွေးချယ်ပေးသွားပါမည်။
• ကံထူးရှင် များကို Page မှ တရားဝင် ကြေညာပေးသွားပါမည်။
• ရရှိသော အမှတ်တရ လက်ဆောင်များအတွက် သတ်မှတ်ထားသော ရက်အတွင်းသာ ဆေးခန်းတွင် လာရောက်အသုံးပြုရပါမည်။
• ဆေးခန်း ၏ ဝန်ထမ်းများနှင့် မိသားစုဝင်များ ပါဝင်ခွင့်မရှိပါ။
• အကျုံးဝင်သော ကာလမှာ ၀၁-၀၆-၂၀၂၆ မှ ၁၀-၀၆-၂၀၂၆ အတွင်းသာ ဖြစ်ပါသည်။ အငြင်းပွါးဖွယ် တစ်စုံတစ်ရာ ရှိပါက ဆေးခန်း၏ တာဝန်ရှိသူများမှ ဆုံးဖြတ်ချက်သည်သာ တရားဝင်ဖြစ်ပါသည်။

22/05/2026

“ ဒီနေ့ အလုပ်များနေတာနဲ့ ရေတောင် သိပ် မသောက်ဖြစ်လိုက်ဘူး “

ဒါက ကျွန်တော်အပါအဝင် လူအများစု မကြာခဏ ပြောဖြစ်နေတတ်တဲ့ ရင်းနှီးနေပြီးသား စကားစုလေးတစ်ခုပါပဲ

ဘာလို့များ အရောင် အနံ့ အရသာ မရှိတဲ့ ရေကို ကျွန်တော်တို့တွေ မဖြစ်မနေ သောက်ဖို့ လိုအပ်နေကြတာပါလိမ့် ???

အောက်မှာ အဖြေရှိတာမို့ ဆက်ပြီး ဖတ်ကြည့်ပါနော်။

လူ့ခန္ဓာကိုယ်ရဲ့ အခြေခံဖွဲ့စည်းမှုထဲမှာ ရေဟာ အဓိကအစိတ်အပိုင်းတစ်ခု ဖြစ်ပါတယ်။ အသက်အရွယ်၊ လိင်၊ ကိုယ်အလေးချိန်နဲ့ ခန္ဓာကိုယ်ဖွဲ့စည်းပုံပေါ် မူတည်ပေမယ့် ယေဘုယျအားဖြင့် လူကြီးတစ်ယောက်ရဲ့ ခန္ဓာကိုယ်အလေးချိန်ရဲ့ ၅၀ မှ ၆၀ ရာခိုင်နှုန်းခန့်ဟာ ရေဖြစ်နေပါတယ်။

ရေဟာ “ရေငတ်ပြေဖို့” အတွက်သာ မဟုတ်ပါဘူး။ ခန္ဓာကိုယ်ဇီဝဖြစ်စဉ်၊ သွေးလည်ပတ်မှု၊ ကိုယ်အပူချိန်ထိန်းညှိမှု၊ အာဟာရဓာတ်သယ်ယူပို့ဆောင်မှု၊ ဆဲလ်လုပ်ဆောင်ချက်နဲ့ အဆိပ်အတောက်ဖယ်ရှားမှုအထိ အရေးကြီးစွာ ပါဝင်နေပါတယ်။

လူ့ခန္ဓာကိုယ်ထဲမှာ ဖြစ်ပေါ်နေတဲ့ ဓာတ်ပြုမှုအများစုဟာ ရေပါဝင်တဲ့ ပတ်ဝန်းကျင်အတွင်းမှာသာ ဖြစ်နိုင်ပါတယ်။ ထို့ကြောင့် ရေဓာတ်လုံလောက်မှုဟာ ကျန်းမာရေးအတွက် အခြေခံလိုအပ်ချက်တစ်ခု ဖြစ်ပါတယ်။

ရေဓာတ်လျော့နည်းလာတဲ့အခါ ခန္ဓာကိုယ်တွင်း သွေးပမာဏလျော့လာပြီး သွေးပျစ်လာနိုင်ပါတယ်။ ဒီလိုအခြေအနေကြောင့် နှလုံးဟာ သွေးလည်ပတ်နိုင်ဖို့ ပိုမိုအလုပ်လုပ်ရပြီး သွေးပေါင်ချိန်ပြောင်းလဲခြင်း၊ မူးဝေခြင်း၊ အားနည်းခြင်းတို့ ဖြစ်လာနိုင်ပါတယ်။

ဦးနှောက်လုပ်ဆောင်ချက်အပေါ်လည်း ရေဓာတ်က တိုက်ရိုက်သက်ရောက်ပါတယ်။ ရေဓာတ်အနည်းငယ်လျော့နည်းရုံနဲ့ပင် အာရုံစူးစိုက်မှုကျဆင်းခြင်း၊ ခေါင်းကိုက်ခြင်း၊ ပင်ပန်းနွမ်းနယ်ခြင်း၊ စိတ်အခြေအနေပြောင်းလဲခြင်းတို့ ဖြစ်နိုင်ပါတယ်။

အထူးသဖြင့် အပူပိုင်းဒေသဖြစ်တဲ့ မြန်မာနိုင်ငံလို နေရာတွေမှာ ချွေးထွက်များခြင်းကြောင့် ရေနှင့် ဓာတ်ဆားများ ဆုံးရှုံးမှု ပိုမိုမြင့်မားနိုင်ပါတယ်။ အပူချိန်မြင့်မားခြင်း၊ ပြင်ပလုပ်ငန်းများလုပ်ကိုင်ရခြင်း၊ ကိုယ်လက်လှုပ်ရှားမှုများခြင်းတို့ရှိသူများမှာ ရေလိုအပ်ချက် ပိုတိုးလာပါတယ်။

ရေဓာတ်မလုံလောက်ခြင်းဟာ ကျောက်ကပ်ကျောက်တည်ခြင်း၊ ဆီးလမ်းကြောင်းပိုးဝင်ခြင်း၊ ဝမ်းချုပ်ခြင်းတို့နှင့်လည်း ဆက်စပ်နိုင်ပါတယ်။ ရေသောက်နည်းသူတွေမှာ ဆီးပမာဏလျော့နည်းပြီး ဆီးထဲရှိ ဓာတ်ပစ္စည်းများ ပိုမိုစုစည်းလာခြင်းကြောင့် ကျောက်တည်နိုင်ခြေ မြင့်တက်လာနိုင်ပါတယ်။

ထို့အပြင် အချိုရည်များ၊ စွမ်းအင်ဖြည့်အချိုရည်များနှင့် သကြားပါဝင်မှုမြင့်မားသော အဖျော်ယမကာများကို ရေအစား မကြာခဏသောက်သုံးခြင်းဟာ အဝလွန်ခြင်း၊ အင်ဆူလင်ခံနိုင်ရည်ကျဆင်းခြင်းနှင့် ဇီဝဖြစ်စဉ်မမှန်ကန်မှုများကို ဖြစ်စေနိုင်ပါတယ်။

ရေလိုအပ်ချက်ဟာ လူတစ်ယောက်နှင့်တစ်ယောက် မတူညီနိုင်ပါဘူး။ ကိုယ်အလေးချိန်၊ ရာသီဥတု၊ ကိုယ်လက်လှုပ်ရှားမှု၊ ကျန်းမာရေးအခြေအနေနဲ့ အစားအစာပုံစံတို့ပေါ် မူတည်ပါတယ်။ ယေဘုယျအားဖြင့် လူကြီးတစ်ယောက်အတွက် တစ်နေ့လျှင် ရေ ၂ လီတာမှ ၃ လီတာခန့် လိုအပ်နိုင်ပါတယ်။ သို့သော် နှလုံးရောဂါ၊ ကျောက်ကပ်ရောဂါ၊ အသည်းရောဂါရှိသူများတွင် ရေသောက်ပမာဏကို ဆရာဝန်ညွှန်ကြားချက်နှင့်အညီ ချိန်ညှိရန် လိုအပ်နိုင်ပါတယ်။

ဆီးအရောင်ဟာ ရေဓာတ်လုံလောက်မှုကို အကြမ်းဖျင်းခန့်မှန်းနိုင်တဲ့ အချက်တစ်ခု ဖြစ်ပါတယ်။ ပုံမှန်အားဖြင့် ဆီးအရောင်ဖျော့ဖျော့ရှိနေခြင်းဟာ ရေဓာတ်လုံလောက်မှုရှိနိုင်ကြောင်း ပြသနိုင်ပါတယ်။ သို့သော် ဗီတာမင်ဆေးများ၊ ဆေးဝါးများနှင့် အစားအစာအချို့ကြောင့်လည်း ဆီးအရောင်ပြောင်းနိုင်ကြောင်း သတိပြုသင့်ပါတယ်။

ရေသောက်ခြင်းကို “ရေငတ်မှ သောက်ခြင်း” ထက် “ပုံမှန်လုံလောက်စွာ သောက်ခြင်း” က ပိုအရေးကြီးပါတယ်။ အသက်ကြီးသူများတွင် ရေငတ်သည့်အာရုံခံမှု လျော့နည်းနိုင်သောကြောင့် ရေဓာတ်ချို့တဲ့မှု ဖြစ်နိုင်ခြေ ပိုမြင့်ပါတယ်။

ကျန်းမာရေးကောင်းမွန်မှုဟာ ဆေးဝါးများ၊ ဖြည့်စွက်စာများပေါ်မှာသာ မမူတည်ပါဘူး။ နေ့စဉ်ရိုးရှင်းတဲ့ အလေ့အထတစ်ခုဖြစ်တဲ့ “လုံလောက်သော ရေသောက်ခြင်း” ဟာလည်း ခန္ဓာကိုယ်ဇီဝဗေဒလုပ်ဆောင်ချက်များကို ပုံမှန်ထိန်းသိမ်းရာမှာ အရေးကြီးတဲ့ အခြေခံအချက်တစ်ခု ဖြစ်ပါတယ်။

Medical Center

🏥အမှတ်(၃-က)၊လမ်းသစ်ရိပ်သာကွန်ဒို၊ဘုန်းကြီးလမ်း၊လမ်းမတော်မြို့နယ်၊ရန်ကုန်မြို့

☎️09-777705480,09-777705980

Yangon Medical Center

04/06/2026

03/06/2026

01/06/2026

01/06/2026

31/05/2026

30/05/2026

28/05/2026

27/05/2026

26/05/2026

22/05/2026

Address

Website

Alerts

Shortcuts

Share

Category