Aung Chan Thar Pharmacy

28/04/2026

28/04/2026

27/04/2026

သမာရိုးကျ လမ်းလျှောက်တာထက် ဝိတ်ပိုကျစေမယ့် နည်းလမ်းကောင်းများ 🚩

လမ်းလျှောက်တာက ရိုးရှင်းပြီး ထိရောက်တဲ့ ကိုယ်အလေးချိန်ကျနည်းပါ။ ဒါပေမယ့် အောက်ပါနည်းလမ်းတွေသိထားရင် ပိုထိရောက်စွာ ကယ်လိုရီတွေလောင်ကျွမ်းစေနိုင်ပါတယ်။ 👇

၁။ အရှိန်မြှင့်လျှောက်ပါ ⏩️

ဖြည်းဖြည်းလျှောက်တာထက် အနည်းငယ်မြန်မြန်လျှောက်တာက ကယ်လိုရီပိုလောင်ကျွမ်းစေပါတယ်။

၂။ အချိန်ကြာကြာလျှောက်ပါ ⬆️

အားလုံးသိပြီးသားပါပဲ။ ပိုကြာလေ ကယ်လိုရီ ပိုလောင်ကျွမ်းလေမို့ ပင်ပန်းသွားပြီဆိုရင်တောင် ၃-၄ မိနစ်လောက်ပိုလျှောက်လိုက်ခြင်းအားဖြင့် ရေရှည်မှာ အကျိုးထူးနိုင်ပါတယ်။

၃။ တောင်တက်ပါ (သို့) အနည်းငယ်မတ်တဲ့နေရာမှာလျှောက်ပါ၊ လှေကားတက်ပါ။ 📶

အမြဲတမ်း ပြန့်တဲ့ မြေပြင်မှာ လျှောက်တာထက် ရံဖန်ရံခါ အနည်းငယ်မတ်တဲ့နေရာမှာ လျှောက်တာက ကယ်လိုရီပိုလောင်ကျွမ်းစေပါတယ်။

၄။ လက်ကိုရွေ့လျားပါ 🖐

လက်ကိုချိတ်မထားဘဲ သဘာဝအတိုင်း ရွေ့လျားပေးတာက ကယ်လိုရီလောင်ကျွမ်းမှုကို အနည်းငယ်တိုးစေပါတယ်။

၅။ အနည်းငယ်အလေးတုံးများဆောင်ပါ 🔩

လက်မှာ အနည်းငယ်လေးတဲ့ အလေးတုံးလေးတွေကိုင်ပြီး လျှောက်တာကလည်း အထောက်အကူဖြစ်စေပါတယ်။ ဒါမှမဟုတ် ရေသန့်ဘူးခပ်ကြီးကြီး ကိုင်ပြီး လက်လွှဲ လျှောက်တာမျိုးဆိုရင် ကယ်လိုရီလည်း ပိုကျ၊ မောရင်လည်း ရေသောက်လို့ရတော့ ၂မျိုး အဆင်ပြေစေမှာ ဖြစ်ပါတယ်။

ဒီနည်းလမ်းလေးတွေနဲ့ လမ်းလျှောက်မယ်ဆိုရင် ပုံမှန်ထက် ပိုပြီးထိရောက်တဲ့ ရလဒ်ကိုရနိုင်ပါတယ်။ ⏫️

ဝိတ်ချနည်း အမှန်များကိုတော့ ကွန်းမန့်ထဲမှာ ဝင်ရောက်ကြည့်ရှုနိုင်ပါတယ် ခင်ဗျာ 👇🏻

ကူးယူဖော်ပြခွင့်မပြုပါ။ လွတ်လပ်စွာ မျှဝေ/ ရှယ် (Share) နိုင်ပါတယ် ခင်ဗျာ ✅️

Dr. Beast 🚶‍♀️🚶‍♂️

27/04/2026

25/03/2026

အောင်ချမ်းသာ ဆေးဆိုင်မှာ ရပါပြီ

25/03/2026

အောင်ချမ်းသာ ဆေးဆိုင်မှာ ရပါပြီ။

25/03/2026

ခွေးရူးပြန်ရောဂါကို ဘယ်လို ကာကွယ်ရမလဲ? ခွေးကိုက်ခံရရင် ဘာလုပ်ရမလဲ? 🐕

ခွေးရူးပြန်ရောဂါက တကယ်ကို ကြောက်စရာကောင်းတဲ့ ရောဂါတစ်ခုပါ။ ဒီရောဂါဖြစ်ရင် အသက်ဆုံးရှုံးတဲ့အထိ ဆိုးရွားနိုင်တာကြောင့် သေချာသိထားပြီး ကြိုတင်ကာကွယ်ဖို့ အရေးကြီးပါတယ်။

ခွေးရူးပြန်ရောဂါ ဆိုတာ ဘာလဲ? ❓️

ဒီရောဂါက ရေးဘီးစ် (rabies) လို့ခေါ်တဲ့ ဗိုင်းရပ်စ် တစ်မျိုးကြောင့် ဖြစ်ပြီး ဦးနှောက်နဲ့ အာရုံကြောစနစ်ကို တိုက်ခိုက်ပါတယ်။ အဓိကအားဖြင့် ခွေး၊ ကြောင်၊ လင်းနို့၊ မျောက် စတဲ့ တိရစ္ဆာန်တွေကနေ ကိုက်တာ၊ ခြစ်တာ (ဒါမှမဟုတ်) တံတွေးကနေ လူတွေဆီ ကူးစက်လေ့ရှိပါတယ်။

ရောဂါလက္ခဏာတွေ ဘာတွေလဲ?

ကူးစက်ခံရပြီဆိုရင် ပထမဆုံး ဒီလိုလက္ခဏာတွေ ပြတတ်ပါတယ်

- ဖျားမယ်၊ ကိုက်ခဲမယ်၊ အားနည်းနေမယ် 🤒
- ကိုက်တဲ့နေရာမှာ ယားယံတာမျိုး ခံစားရနိုင်ပါတယ်

နောက်ပိုင်းမှာတော့ ပိုဆိုးလာပြီး

- ရေကို အလွန်ကြောက်လာမယ် 💦
- စိတ်ဂနာမငြိမ်ဖြစ်မယ်
- တက်တာ၊ သတိလစ်တာတွေ ဖြစ်လာတတ်ပါတယ်

အရေးကြီးတာက လက္ခဏာ မပြခင် မြန်မြန်ကုသဖို့ပါ။ လက္ခဏာ စပြပြီးရင် ကုသလို့မရတော့ဘဲ အသက်ဆုံးတဲ့အထိ ဖြစ်နိုင်ပါတယ်။

ဘယ်လိုကာကွယ်မလဲ? 🛡

ဒီရောဂါက ကြောက်စရာကောင်းပေမယ့် ကာကွယ်လို့ရတဲ့ ရောဂါ တစ်ခုပါ။

1. အိမ်မွေးတိရစ္ဆာန်တွေကို ကာကွယ်ဆေးထိုးပေးပါ 💉

- ခွေး၊ ကြောင်တွေမှာ ပုံမှန် Rabies ကာကွယ်ဆေး ထိုးပေးဖို့ လိုပါတယ်။ (လူတွေမှာလည်း ဘာမှ မဖြစ်ခင်ကတည်းက ကြိုတင်ထိုးထားလို့ရတဲ့ ကာကွယ်ဆေး ရှိပါတယ်။ ဒီဆေးထိုးထားရင် တကယ်အကိုက်ခံရတဲ့အခါ booster dose နည်းနည်းပဲ ထပ်ထိုးဖို့လိုတာမျိုး၊ ဒီ virus ကို တိုက်ခိုက်ဖို့ ကိုယ်ခံအား ကောင်းနေတာမျိုး စတဲ့ အားသာချက်တွေ ရှိပါတယ်)

2. အိမ်မွေးမဟုတ်တဲ့/ မသိတဲ့ တိရစ္ဆာန်တွေနဲ့ မကစားပါနဲ့ ⛔️

- လမ်းကခွေး၊ ကြောင်တွေ၊ လင်းနို့တွေကို မထိပါနဲ့။ အထူးသဖြင့် သူတို့က ပုံမှန်မဟုတ်ဘဲ ရူးနေသလို ပြုမူနေရင် ပိုသတိထားပါ။

3. အကိုက်ခံရရင် ဘာလုပ်မလဲ? 🤔

- ဒဏ်ရာကို ချက်ချင်း ဆပ်ပြာနဲ့ ရေသန့်သန့်နဲ့ ၁၅မိနစ် လောက် ဆေးကြောပါ။
- ဆရာဝန်ဆီ အမြန်ဆုံးသွားပြီး Post-exposure prophylaxis (PEP) ကာကွယ်ဆေးထိုးပါ။
- ဒီဆေးက ရောဂါမဖြစ်ခင်မှာ ထိုးမှသာ အသက်ကယ်နိုင်တာမို့ အချိန်မဆိုင်းပါနဲ့။

အရေးကြီးသော အချက်များ ‼️

- ခွေးရူးပြန်ရောဂါက လက္ခဏာပြပြီးရင် ကုသလို့မရပါ ဘူး။
- ကာကွယ်ဆေးက ၁၀၀% အလုပ်ဖြစ်ပါတယ်။ ဒါကြောင့် ကိုက်ခံရရင် ဆေးထိုးဖို့ မနှောင့်နှေးပါနဲ့။
- အိမ်မွေးတိရစ္ဆာန်တွေကို ကာကွယ်ဆေးထိုးပေးခြင်းက အကောင်းဆုံး ကာကွယ်နည်းပါ။

ကူးယူဖော်ပြခွင့်မပြုပါ။ လွတ်လပ်စွာ မျှဝေနိုင်ပါတယ် ခင်ဗျာ ✅️

Dr. Beast 🐕

Disclaimer : ဓါတ်ပုံသည် အေအိုင်မှ စိတ်ကူးယဥ်ဖန်တီးထားသော ပုံ ဖြစ်ပါတယ်။ ဒီ စာစုသည် သင့်ရဲ့ ဆရာဝန် ညွှန်ကြားချက်များကို အစားထိုးရန်မဟုတ်ပါ။ ကျန်းမာရေး ဗဟုသုတများသာ ဖြစ်ပါတယ်။ သင့်ကျန်းမာရေး/ အခြေအနေများနဲ့ ကွဲလွဲချက်များရှိပါက/ လိုက်လံလုပ်ဆောင်ရန်သင့်မသင့်ကို သင့်ရဲ့ ဆရာဝန်နဲ့ အရင် တိုင်ပင်ပါ။

25/03/2026

#ညအိပ်မပျော်ဘူး_ရင်တုန်တယ်
#လည်ပင်းတစ်ဆို့ဆို့နဲ့_အသက်ရှူရကြပ်တယ်
#လူကြီးကပူပြီး_ခြေဖျားလက်ဖျားကလည်းအေးတယ်

(စိတ်ဖိစီးမှုဝေဒနာ)

ဝေဒနာတွေ ခံစားရပြီး ဆရာဝန်ပြတဲ့အခါ စိတ်ကြောင့်ဖြစ်တာလို့ပြောရင် လက်မခံနိုင်ကြပါဘူး
#ဘာလို့လဲ ❓
တကယ်ခံစားနေရတာကိုး စိတ်ကြောင့်ဖြစ်တယ်ဆိုရင် (ကိုယ့်ကို တကယ်မဖြစ်ပဲ လျှောက်ပြောနေတယ် လို့ မြင်သွားကြတာပေါ့)

တကယ် ခံစားနေရတယ် ဆိုတာ ကျွန်တော်တို့သိပါတယ် ***စိတ်ကြောင့်ဖြစ်တယ်ဆိုတာ
စိတ်ဖိစီးမှုကြောင့် Stress Hormones တွေထွက်လာပြီး အခုကိုယ်ခံစားနေရတဲ့ ဝေဒနာတွေဖြစ်တယ်လို့ ဆိုလိုတာပါ။
အဲ့ဒါကြောင့် ဝေဒနာတွေ တစ်ခုချင်းစီ ဆေးလိုက်ပေးနေရတာထက် စိတ်ဖိစီးမှုကို ဖြေရှင်းလိုက်နိုင်ရင် အားလုံးသက်သာသွားမယ်လို့ ဆိုလိုတာပါ။

အခုဆောင်းပါးမှာ ညီလေးတို့ ညီမလေးတို့ ခံစားနေရတဲ့ ရောဂါရှာမတွေ့တဲ့ ဝေဒနာတွေက ဘာလို့ဖြစ်ရလဲဆိုတာ ရှင်းပြသွားပါမယ်

စိတ်ပူတယ်ဆိုတာ ကိုယ့်ကိုယ်ကို အရမ်းချစ်လို့ပါ
အရမ်းချစ်တော့ တခုခု ဖြစ်မှာကြောက်တယ်ဆိုပြီး
👉 စာတွေလျှောက်ဖတ်
👉 ဖတ်တာတွေထိုင်တွေး
👉 တွေးပြီးတော့ ကိုယ့်မှာဖြစ်နေလားဆိုပြီး ထိုင်သုံးသပ်
👉 သုံးသပ်တော့ နှလုံးခုန်တာတွေသိလာတယ် ၊ ဟိုနားလှုပ်ဒီနားလှုပ် ဟိုနားကျဉ်ဒီနားကျဉ် ဖြစ်တာတွေသိလာတယ်
ပြောရရင် ခန္ဓာကို အာရုံစိုက်လို့ ခန္ဓာကိုယ်ရဲ့ဖြစ်ပျက်တာတွေ သတိထားမိလာတာပါ
သတိကောင်းလာတာပါ - တရားထိုင်ပြီး အာရုံမှတ်တဲ့သူတွေဆို အဆင့်မြင့်လာတယ်(Mindfulness) ဖြစ်တယ်လို့ ဆိုပြီး ပီတိတွေဖြစ်ပြီး ချမ်းသာရာရပါတယ်
ကိုယ်က တွယ်တာမှု ပူပန်မှုတွေနဲ့ သုံးသပ်တဲ့အတွက် အဲ့ဒါတွေသိလာတော့ စိတ်ထဲပိုပိုပူပြီး စိတ်ပိုဆင်းရဲလာရပါတယ်
ဖြစ်တာပျက်တာ သိတာခြင်းတူပေမယ့်
👉 တရားရှုမှတ်သူတွေ က စိတ်ပျော်တဲ့အတွက် ခန္ဓာကိုယ်က Dopamine ဆိုတာထွက်လို့ ပိုပြီးပျော်ရွှင်ရသလို ပိုပြီး ကျန်းမာလာကြပါတယ်
(ပေါ်ပင်မဟုတ်ပဲ တကယ်တရားထိုင်တဲ့သူတွေ ကိုတွေ့ဖူးမှာပါ ရုပ်ရည်ကပိုပြီးကြည်လင်တောက်ပလာသလို ကြည့်လိုက်တာနဲ့ကို အေးချမ်းနေရော)
👉 ကိုယ်က တခုခုဖြစ်မှာ ကြောက်တယ်ဆိုတဲ့ တွယ်တာမှုနဲ့ သုံးသပ်နေတဲ့အတွက် သမာဓိကောင်းလို့ သူများသတိမထားမိတာတွေ သိလာရတဲ့အခါ
စိတ်ဖိစီးမှု ပိုပိုတိုးလာရပါတယ် - စိတ်ဖိစီးရင် ခန္ဓာကိုယ်က Stress Hormones တွေထွက်လာပါတယ်
လိုတာထက်ပိုထွက်လာတဲ့ Stress Hormones တွေက ဦးနှောက်ကို လှုံ့ဆော်မှုလုပ်တဲ့အခါ ဦးနှောက်က ခန္ဓာကိုယ်တစ်ခုလုံးကို Alert လုပ်ပြီး အန္တရာယ်တစ်ခုခု ဖြစ်နေပြီ ယူဆတဲ့အတွက် ပြင်ဆင်ကြတော့လို့ အမိန့်ပေးလိုက်ပါတယ်
ဖြစ်နေတဲ့ အန္တရာယ်ကိုရင်ဆိုင်ဖို့ လူကို လန်းနေအောင်နှိုးဆွထားတဲ့ အတွက် 1. #အိပ်မပျော်ပါဘူး
အချိန်မရွေးရင်ဆိုင်ရအောင် ကြွက်သားတွေကိုနှိုးဆွထားတဲ့အတွက် ကြွက်သားတွေကို သွေးသွားတာများပြီး 2. #ခန္ဓာကိုယ်ကြီးကပူနေတတ်ပါတယ်
ခန္ဓာကိုယ်ရဲ့ အပူချိန်တက်တော့ ပြန်အေးရအောင်လုပ်တဲ့အတွက် #ချွေးစေးတွေထွက်ပါတယ်
လိုအပ်တဲ့နေရာတွေကို သွေးများများသွားရအောင်စီမံထားလို့ သိပ်မလိုအပ်တဲ့နေရာတွေကို သွေးအသွားအလာလျှော့ထားတဲ့အတွက် 3. #ခြေဖျားလက်ဖျားတွေအေးစက်နေတတ်ပါတယ်
သွေးများများရောက်အောင်က နှလုံးကများများခုန်ပေးရတဲ့အတွက် 4. #ရင်တုန်ပါတယ်
နှလုံးခုန်နှုန်းမြန်ရင် 5. #သွေးပေါင်တက်ပါတယ်
ခန္ဓာကိုယ်တစ်ခုလုံးနှိုးဆွထားတော့ အားလုံးကတက်ကြွနေတော့ Oxygen ပိုရအောင် 6. #အသက်ရှူတွေပိုမြန်လာပါတယ် အသက်ရှူမြန်တဲ့အခါ ခန္ဓာကိုယ်ထဲက Carbon dioxide တွေ ထွက်ကုန်ပါတယ်
Carbon dioxide ဆိုတာ ခန္ဓာကိုယ်က စွန့်ထုတ်ရတာဖြစ်ပေမယ့် တရားလွန်ထွက်သွားတဲ့အခါ ဓာတ်မညီမျှမှုတွေဖြစ်လာပါတယ် (Acid base imbalance => ကျွန်တော်တို့ ခန္ဓာကိုယ် pH က 7.4 ရှိပါတယ်)
Carbon dioxide တွေ ထွက်ကုန်လို့ pH က တက်လာတဲ့အခါ 7. #ခြေဖျားလက်ဖျားကျဉ်တာ 8. #ခြေချောင်းလက်ချောင်းလေးတွေကပ်တာ 9. #ကြွက်တက်တာ 10. #ခေါင်းမူးလာတာ ကစလို့ သတိလစ်တဲ့အထိကိုဖြစ်တတ်ပါတယ် (အဲ့ဒါက မလိုအပ်ပဲ အသက်အရမ်းရှူလို့ပါ)
- လေမှုတ်တူရိယာတွေ မှုတ်ဖူးရင် သိပါလိမ့်မယ် ကြာကြာမှုတ်ရင် ခေါင်းမူးလာတတ်တယ်ဆိုတာ
ကြွက်သားတိုင်းကို နှိုးဆော်ထားလို့ Smooth muscle လို့ခေါ်တဲ့ အူကြွက်သားတွေဟာလည်း လှုပ်ရှားမှုများပါတယ် - အူကြွက်သားတွေအားလုံးလှုပ်ရှားကြပေမယ့် ကျွန်တော်တို့ သိနိုင်တာက အစာရေမျိုအဝနားလောက်ပဲ ခံစားသိရှိနိုင်တာမို့ 11. #လည်ချောင်းမှာတစ်ဆို့ဆို့နင်တင်တင်ခံစားရပါတယ် ( အစာလည်းမျိုချလို့ရတယ် ၊ ရေလည်းမျိုချလို့ ရတယ် ဘာစားစားရတယ် ဂေါ်ဆီလာတောင် မျိုချလို့ရပါတယ် ဒါပေမယ့် တစ်ဆို့ဆို့ဖြစ်နေတဲ့ ခံစားချက်ပါ)
အူလှုပ်ရှားမှုများတာ ကို လူက အရမ်းလှုပ်နေတယ်လို့ ခံစားမသိပေမယ့် 12. #ခဏခဏပျို့ပါတယ် 13. #အန်ချင်ပါတယ် (တခါတလေ အန်ပါတယ်) 14. #ဗိုက်ထဲတဂွီဂွီနဲ့ကလူးကလဲအသံတွေမြည်ပါတယ် အူလှုပ်ရှားမှုများလို့ 15. #ခဏခဏအိမ်သာသွားရပါတယ် ဆီးလမ်းကြောင်းကလည်းကြွက်သားတွေနဲ့ဖွဲ့စည်းထားတာမို့ 16. #ဆီးခဏခဏသွားပါတယ် ခုပေါက်ပြီးပြန်လာလည်း ချက်ချင်းထပ်သွားချင်ပါတယ်
လူက ဗိုက်ဆာလို့စားနေရင် အရေးပေါ်အခြေအနေမှာ တုန့်ပြန်ဖို့နှောင့်နှေးနိုင်လို့ ဦးနှောက်မှာရှိတဲ့ အစာစားချင်စိတ်ဖြစ်စေတဲ့နေရာ (feeding Centre ) ကို ပိတ်လိုက်ပါတယ် 17. #အစာစားချင်စိတ်မရှိပါဘူး
အစာမစားပေမယ့် ခန္ဓာကိုယ်ကြီးက အရမ်းလှုပ်ရှားနေရတော့ စွမ်းအင်လိုအပ်ချက်များပါတယ်
Stress Hormone တွေက ခန္ဓာကိုယ်ရဲ့ အဆီတွေအသားဓာတ်တွေက စွမ်းအင်ရအောင်ဖြိုခွဲပေးပါတယ် အဲ့လို အစာမစားပဲအဆီတွေဖြိုပြီးသုံးနေလို့ 18. #လူကပိန်လာပါတယ်
အဲ့ဒါတွေအပြင် Stress များရင် အစာချေရည်အထွက်များလို့ #ရင်ပူတာ #ဗိုက်အောင့်ဗိုက်နာ ဖြစ်ပြီး အစာအိမ်ရောင်ပါတယ်
လက္ခဏာတွေပြန်စုရရင်
1. #အိပ်မပျော်ပါဘူး
2. #ခန္ဓာကိုယ်ကြီးကပူနေတတ်ပါတယ်
3. #ခြေဖျားလက်ဖျားတွေအေးစက်နေတတ်ပါတယ်
4. #ရင်တုန်ပါတယ်
5. #သွေးပေါင်တက်ပါတယ်
6. #အသက်ရှူတွေပိုမြန်လာပါတယ်
7. #ခြေဖျားလက်ဖျားကျဉ်တာ
9. #ခြေချောင်းလက်ချောင်းလေးတွေကပ်တာ
11. #ကြွက်တက်တာ
12. #ခေါင်းမူးလာတာ
13. #လည်ချောင်းမှာတစ်ဆို့ဆို့နင်တင်တင်ခံစားရပါတယ်
14. #ခဏခဏပျို့ပါတယ်
15. #အန်ချင်ပါတယ်
16. #ဗိုက်ထဲတဂွီဂွီနဲ့ကလူးကလဲအသံတွေမြည်ပါတယ်
17. #ခဏခဏအိမ်သာသွားရပါတယ်
19. #ဆီးခဏခဏသွားပါတယ်
20. #အစာစားချင်စိတ်မရှိပါဘူး
22. #လူကပိန်လာပါတယ်
24. #ရင်ပူတာ
25. #ဗိုက်အောင့်ဗိုက်နာ
အဲ့လိုတွေခံစားရတယ် ဆရာဝန်တွေပြပြီး စစ်ဆေးကြည့်တော့လည်း ရောဂါမရှိဘူး စိတ်ကြောင့်ဖြစ်တာလို့ပြောတယ်
သောက်ရတဲ့ဆေးတွေကလည်း
- စိတ်ငြိမ်ဆေးတွေ နဲ့
- နှလုံးခုန်နှုန်းထိန်းတဲ့ဆေးတွေ ဆိုရင် ဖြစ်ရတဲ့အကြောင်းရင်းတွေကို သိကြမယ်ထင်ပါတယ်။
_________
အခုဖြစ်နေတာက
ဆရာဝန်ပြတယ် ဆရာဝန်က ရောဂါရှာတယ် မရှိတော့ (Stress Disorder) ဆိုပြီးဆေးပေးတယ်
ဟိုဟိုဒီဒီလိုက်မေးတယ် စိတ်ငြိမ်ဆေးတွေ ၊ အိပ်ဆေးတွေ ဆိုပြီး သိလာတော့ အိပ်ဆေးစွဲမှာကြောက်တယ် ဆိုတဲ့ စိတ်ဖိစီးမှုက ထပ်တိုးလာတယ်
သက်သာသလိုရှိနေရာကနေ ဆေးတွေဖြတ်ပစ်တယ် ဆရာဝန်ပြောင်းပြတယ် အဲ့လိုနဲ့ သံသရာလည်နေကြတာပါ။
ဆေးတွေက *** #ရုတ်တရက်_ဖြတ်လို့မရပါဘူး ***
ကိုယ့်ရဲ့ စိုးရိမ်စိတ် (Anxiety) ကို မိမိကိုယ်တိုင် ဖြေလျှော့ရပါမယ် - မလျှော့နိုင်သေးရင် ဆေးကဆက်သောက်နေမှ ရပါမယ်။
ကိုယ့်မှာ ရောဂါမရှိတာ သေသေချာချာ လက်ခံပြီဆိုရင် ခံစားရတာတွေက သက်သာလာပါလိမ့်မယ် အဲ့ဒါဆို ဆေးပေးထားတဲ့ ဆရာနဲ့ရက်ချိန်းပြန်ပြန်ပြပြီး ဆေးညှိကာတဖြည်းဖြည်းလျှော့ရင်း နောက်ဆုံးဆေးတွေအားလုံးဖြတ်နိုင်ပါလိမ့်မယ်။

#စိတ်ဖိစီးမှုဘယ်လိုလျှော့မလဲ ❓

https://fb.watch/jh8e9hCu4n/?mibextid=v7YzmG
☝️ ဒီ Video လေးမှာပြောပြထားပါတယ် 👆
(Photo Credit; openAssess)
ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်

(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွား လာပါလိမ့်မယ် 💕💕💕 )

19/01/2026

ခန္ဓာကိုယ်ကြီး တောင့်တင်းပြီး လေးလံနေသလို ခံစားနေရလား? 🧘‍♂️✨

Time to stretch?
English version in the comments below 👇

တစ်နေကုန် ထိုင်ပြီး အလုပ်လုပ်ရလွန်းလို့ပဲဖြစ်ဖြစ်၊ ဖုန်းကြည့်တာ များလို့ပဲဖြစ်ဖြစ် ဇက်ကြောတက်တာ၊ ခါးနာတာတွေ ဖြစ်နေပြီဆိုရင် "အကြောဆန့်ဖို့" အချိန်တန်ပါပြီ!

အကြောဆန့်ရင် ဘာတွေထူးခြားလာမလဲ?

🌈 ပေါ့ပါးလန်းဆန်းမယ်: တောင့်တင်းနေတဲ့ ကြွက်သားတွေ ပြေလျော့သွားပြီး တစ်ကိုယ်လုံး ပေါ့ပါးသွားမှာပါ။

🛡️ ဒဏ်ရာဒဏ်ချက် ကာကွယ်မယ်: ကြွက်သားတွေကို ပျော့ပျောင်းစေလို့ မတော်တဆ ထိခိုက်မိတာမျိုးကနေ ကာကွယ်ပေးပါတယ်။ ဥပမာ - ချော်လဲတာ ဒါမှမဟုတ် အလေးအပင်မတဲ့အခါ ကြွက်သားနာတာမျိုး မဖြစ်အောင် ကာကွယ်ပေးတယ်။

🚀 သွေးလည်ပတ်မှု ကောင်းစေတယ်: ဦးနှောက်နဲ့ ခန္ဓာကိုယ်ဆီ သွေးစီးဆင်းမှု ပိုကောင်းလာလို့ အလုပ်လုပ်ရာမှာ ပိုပြီး အာရုံစိုက်နိုင်လာမှာပါ။

💆‍♂️ Stress ကျစေတယ်: စိတ်ဖိစီးမှုကို လျှော့ချပေးတဲ့အတွက် ညဘက်မှာလည်း နှစ်ခြိုက်စွာ အိပ်ပျော်စေပါတယ်။

အန္တရာယ်ကင်းကင်းနဲ့ အကြောဆန့်ဖို့ -
✅ အတင်းမဆောင့်ပါနဲ့ (ဖြည်းဖြည်းချင်းပဲ ဆွဲပါ)။
✅ အနေအထားတစ်ခုကို စက္ကန့် ၃၀ လောက် ထိန်းထားပါ။
✅ အသက်ရှူရတာကို ပုံမှန်အတိုင်း မှန်မှန်လေး လုပ်ပေးပါ။

တစ်နေ့ကို ၅ မိနစ်လောက်ပဲ အချိန်ပေးရုံနဲ့ ပိုကျန်းမာတဲ့ နေထိုင်မှုပုံစံကို ပိုင်ဆိုင်နိုင်ပြီနော်! 💪

ကူးယူဖော်ပြခွင့်မပြုပါ။ လွတ်လပ်စွာ မျှဝေနိုင်ပါတယ် ခင်ဗျာ ✅️

Dr. Beast 🧘‍♂️

#အကြောဆန့်ခြင်း #ကျန်းမာရေး #ဗဟုသုတ

17/01/2026

ခြေလက်တွေ ထုံကျဉ်တာ ဘာ​ကြောင့်လဲ?🦵❗
Pins and needles? Why?

(English Ver in the comments 👇)

အထိုင်များလို့ပဲဖြစ်ဖြစ်၊ ကိုယ်နေဟန်ထား မမှန်လို့ပဲဖြစ်ဖြစ် ခြေလက်တွေ ကျဉ်တာ၊ အပ်နဲ့ထိုးသလို ခံစားရတာမျိုးဟာ လူတိုင်းလိုလို ကြုံတွေ့ဖူးကြမှာပါ။
ဒါဟာ အာရုံကြောဆီကို သွေးရောက်ရှိမှု ခေတ္တရပ်ဆိုင်းသွားလို့ ဖြစ်တာပါ။
များသောအားဖြင့်တော့ လှုပ်လှုပ်ရှားရှား လုပ်ပေးလိုက်ရင် မိနစ်ပိုင်းအတွင်းမှာတင် ပြန်ကောင်းသွားတတ်ပါတယ်။

ဘယ်လိုအချိန်မှာ သတိထားသင့်သလဲ? 👩‍⚕️
ခဏတဖြုတ် ကျဉ်တာက ပြဿနာမရှိပေမယ့် အောက်ပါအချက်တွေရှိလာရင်တော့ ဆရာဝန်နဲ့ ပြသဖို့ လိုအပ်ပါတယ် -

✅ ခဏခဏ ပြန်ဖြစ်နေရင် (သို့) အမြဲတမ်းလိုလို ကျဉ်နေရင်။

✅ ကျဉ်တာအပြင် နာကျင်တာ၊ အားမရှိသလိုဖြစ်တာ (သို့) လမ်းလျှောက်ရခက်ခဲတာမျိုး ရှိလာရင်။

✅ ဆီးချိုရောဂါ (သို့) အာရုံကြောညှပ်တာမျိုးတွေနဲ့ ဆက်စပ်နေမယ်လို့ သံသယရှိရင်။

#ကျန်းမာရေး #ထုံကျင်ခြင်း #အာရုံကြော #ကျန်းမာရေးဗဟုသုတ