မြန်မာ့ရိုးရာ ဆေးဖက်ဝင်သစ်ဥသစ်ဖုများ

01/09/2022

ဆန်လှော် ဆန်ဆေးရည် ထမင်းရည် တမင်းခြောက်အထိအသုံးဝင်သည်။

1 - ဆန်လှော် နှလုံးပူနာ အစာအိမ်အချဉ်ပြန် အပူပြန် ရေငတ် အပူဝမ်းရောဂါ အကျိုးပြုသည်။

2 - ဆန်ကိုနီရဲအောင်လှော် - ဆန်လှော်ပူပူကို ရေများများထည့်ထားတဲ့ကြွေဇလုံထဲကိုထည့် အခိုးငြိမ်သွားတဲ့ အရည်ကိုသောက်ပါက ဝမ်းရောဂါကိုထိရောက်စွာသက်သာပျောက်ကင်းစေပါသည်။

3 - သွေးဝမ်းလွန်နေပါက ထမင်းခြောက်ကိုလှော်ပြီး ထညက်နဲ့ဆတူအညက်ကြိတ်ပြီးစားပါကပျောက်၏ ••

4 - ဆန်ဆေးရည် သွေးသည်းခြေကို ငြိမ်စေပြီး ဝမ်းရပ်စေသည်။

5 - အနာကင်းအနာပေါက်တို့ကိုပျောက်ကင်းစေတဲ့အပြင် .. အပူဝမ်းတက်ခြင်းကိုလည်းရပ်စေ၏ -•

6 - ထမင်းရည် အစာကိုများစွာစားနိုင်ခြင်း ဆီးရွှင်ခြင်း အဖျားသလိပ်၊သည်းခြေ၊လေပွခြင်း တို့ကိုသက်သာစေတယ်…

7 - အသားအရေ ခြောက် -အရေပြားပူ ပြီး ပိန်နေသူများ - ထမင်းရည် (ဟင်းရည်ထည့်) ပန်းကန်တလုံးစာ ထဲ
ထန်းလျှက်တစ်ခဲ ဖီးကြမ်း ငှက်ပျောသီး ၁လုံး နဲ့ ဖျော်၍စားပါက အသားအရေပြည့်ဖြိုး စိုပြေ စေသည်။

8 - နူတ်ခမ်းရေယုန်ပေါက်ပါက - ဆူနေသာ ထမင်းရည် အမြူပ်ကို မကြာခဏ ဆွတ်ပေးခြင်းဖြင့် ပျောက်သည်။

9 - အမျိုးသမီးများ အဖြူဆင်းပါက - ဆန်ဆေးရည် မနက် , ည ၁ ခွက်ကျ သောက်•

10 - ဆီးမသွားနိုင်ပါက - ဆန်ဆေးရည်နဲ့ကျောက်ဖရုံသီး အညှာ သွေးလိမ်းပါ။

11 - ဆံပင်ကျွတ်ပြီး ဦးရေပြားအပူများ ဘောက်များပေါက်ပွားလျှင် - ဆန်ရည်ရည်နဲ့ ရှားစောင်းလက်ပတ်ဖျော် ပြီး လျှော်ပါ။

Credit Original Uploder
#ဘက်စုံသုံးကျန်းမာရေးထုတ်ကုန်များ

25/08/2021

ဗြုံးမွှေးပင်

၁ ) - မှတ်ဥာဏ် ကောင်းစေခြင်း

ဗြုံးမွှေးပင်ကို မှတ်ဥာဏ်အတွက် အားပေးတဲ့ ဆေးဘက်ဝင်အဖြစ် သိကြပါတယ်။
အသက် ၄၀မှ ၆၅ နှစ်အတွင်းရှိသူ ၇၆ဦးကို စမ်းသပ်လေ့လာမူ တခုအရ ဗြုံးမွှေးဟာ လောလောလတ်လတ် သိရှိထားတဲံ့ အကြောင်းအရာတွေကိုမေ့လျော့မူနူန်းကို လျော့နည်းစေဖို့ အထောက်အကူပေးတယ်လို့ သိရပါတယ်။

၂.) - စိတ်ဖိစီးမူနဲ့ ပူပန်စိတ်ကို လျော့နည်းစေနိုင်ခြင်း

ဗြုံးမွှေးက ပြင်းထန်တဲ့ ကျန်းမာရေးပြဿနာတွေ ဖြစ်လာစေတတ်တဲ့ စိတ်ဖိစီးမူနဲ့စိုးရိမ်ပူပန်စိတ်တွေကို လျော့ကျ
စေနိုင်တယ်လို့လည်း သိရပါတယ်။

ဗြုံးမွှေးက စိတ်ကို တည်ငြိမ်အေးချမ်းစေပြီး အာရုံထွေပြားမူတွေနဲ့ ဂဏှာမငြိမ်ဖြစ်မူ​တွေကို လျော့ပါးသက်သာ
စေနိုင်တယ်လို့ ဆိုပါတယ်။

၃ ) - စိတ်ပိုင်းဆိုင်ရာပြဿနာတွေနဲ့ အစာချေဖျက်မူပြဿနာ​တွေကို ကုသနိုင်ခြင်း

၄င်းက အယ်ဇိုင်းမှားရောဂါ အာရုံမစူးစိုက်နိုင်တဲ့ရောဂါနဲ့ မှတ်ဥာဏ်နဲ့ပတ်သက်တဲံ့ရောဂါတွေကို ကုသရာမှာ
အထောက်အကူပေးပါတယ်။

ဗြုံးမွှေးက ဦးနှောက်ထဲမှာရှိတဲ့ Gammaami-nobutyric. acid (GABA)နဲ့ glu - tamate. ဓာတ်တွေကို
ထိန်းညှိပေးပြီး ဥာဏ်ရည်ပိုင်း လုပ်ဆောင်ချက်တွေကို မြှင့်တင်ပေးတယ်လို့ လေ့လာမူတွေက ဖော်ပြခဲ့ပါတယ်။

အိပ်မပျော်တဲ့ဒေနာကို သက်သာစေတယ်လို့လည်း ဆိုပါတယ်။ ဝက်ရူးပြန်ရောဂါကြောင့် တက်ခြင်းကိုလည်း သက်
သာစေနိုင်သလို အူ လမ်းကြောင်းလူပ်ရှားမူ မူမမှန်တဲ့ရောဂါကို ကုသရာမှာလည်း အထောက်အကူပေးနိုင်တယ်လို့ ဆိုပါတယ်။

ဗြုံးမွှေး အဆီဲရ့အကျိုးကျေးဇူး

၄ ) - ဆံပင်ကျွတ်ခြင်း သက်သာစေ

ဗြုံးမွှေးအဆီက ဆံပင်ကျွတ်ခြင်းအတွက် အထိရောက်ဆုံး အိမ်သုံးဆေးနည်းတွေထဲက တခုဖြစ်ပါတယ် သူ့မှာ
Kinase ပရိုတင်းကို လုပ်ဆောင်​ချက်ကို မြှင့်တင် ပေး​​နိုင်တဲ့ lkaloids တွေပါဝင်ပါတယ်။

အဆီကို ဆံသားပေါ် တိုက်ရိုက်လိမ်းတာ သို့မဟုတ် ရေနွေးငွေ့နဲ့ ပေါင်းတင်ချိနိမှာ လိမ်းပြီး နှိပ်နယ်ပေးတာ စတဲ့
နည်းတွေ နဲ့ သုံးနိုင်ပါတယ်။

ဗြုံးမွှေးအဆီကို ဆံပင်မှာ လိမ်းပြီး ရရှိနိုင်တဲ့ အကျိုးကျေးဇူးတွေကတော့...

- ဆံပင်ကျွတ် သက်သာစေနိုင်ပြီး ဆံပင်ပေါက်နူန်း မြန်ဆန်စေတယ်။
- ဦးရေပြားကို အေးစေပြီး ယားယံခြင်းကင်းစေနိုင်တယ်
- ဗောက်ပျောက်စေနိုင်တယ်။

၅ ) - နှစ်ခြိုက်စွာ အိပ်ပျော်စေနိုင်ခြင်း

ဗြုံးမွှေးအဆီကို ဦးရေပြားမှာ နှိပ်နယ်လိမ်းပေးပါ ။
ရေ မချိုးမီ ချိုးတဲ့ရေထဲ လဲ ထည့်ပြီးသုံးနိုင်ပါတယ်။ ကြက်သီးနွေးရေနွေးထဲမှာ ၄င်းအဆီ တစ်စက်နှစ်စက်ကို
ထည့် ရေချိုးပါ။

သည်နည်းတွေကို လုပ်ဆောင်ရင် ညဘက် နှစ်နှစ်ခြိုက်ခြိုက် အိပ်ပျော်စေနိုင်ပါတယ်။

၆ ) - အဆစ်အမြစ် နာကျင်ကိုက်ခဲမူကို လျော့စေနိုင်

ဗြုံးမွှေးအဆီမှာ ရောင်ရမ်းမူကိုလျော့့ကျစေနိုင်တဲ့အစွမ်းသတ္တိရှိပါတယ်။
အဆစ်အမြစ်နာကျင်ကိုက်ခဲခြင်း ခါးနာခြင်း ကြွက်သားနာကျင်ခြင်း ခေါင်းကိုက်ခြင်းတွေကို သက်သာစေနိုင်ပါတယ်။

နာကျင် ကိုက်ခဲနေတဲ့ ဧရိယာတဝိုက်မှာ ဗြုံးမွှေးအဆီကို နှိပ်နယ်လိမ်းပေးခြင်းဖြင့် ဒါဏ်ကြေဆေးလိုပဲ နာကျင်မူ
ကိုခဏတာ သက်သာလျော့ပါးစေနိုင်ပါတယ် ။

တခြားဆေးဘက်ဝင် ပစ္စည်းတွေနဲ့ ရောစပ်သုံးရင်

ဗြုံးမွှေးဟာ အစာစားချင်စိတ်ကို လျော့နည်းစေတာကြောင့် ချင်း ဖာလာစေ့တို့လို အစာချေဖျက်မူကို အားပေးတဲ့
ပစ္စည်းတွေနဲ့ တွဲဖက်သင့်ပါတယ်။

အပူကန်တာကြောင့်ဖြစ်တဲ့ အရေပြားပြဿနာတွေအတွက်ဆို ဗြုံးမွှေးကို နနွင်းနဲ့တွဲဖက် အသုံးပြုသင့်ပါတယ်။
စမုန်နက် ဇီယာတို့နဲ့ ပေါင်းစပ်လျှင် အူအတွက်ကောင်းတယ်လို့ သိရပါတယ်။

အသုံးဝင်တဲ့ နည်းတချို့

ဗြုံးမွှေးဟာ ကလေးမရတာ ဝက်ရှုးပြန် ရောဂါနဲ့ စိတ်ပိုင်းဆိုင်ရာရောဂါတွေကို ကုသရာမှာသုံးတဲ့ Sarasvataristha တင်ချာဆေးရည်အတွင်းအရေးပါတဲ့ပစ္စည်းဖြစ်ပါတယ်။

ဆေးဝါးအဖြစ် ဖော်စပ်ထားတဲ့ အဆီအဖြစ်ဆိုရင် အဆစ်အမြစ်နာကျင်မူ ခေါင်းကိုက်ခြင်းတွေအပြင် စိတ်ကို
ရှင်းလင်းစေဖို့ အထောက်အကူပေးပါတယ်။

​ဗြုံးမွှေးအဆီကို လည်ပင်းမှာ လိမ်းရင် ချောင်းဆိုးဒေနာနဲ့ အဆုတ်ရောင်ရောဂါအတွက် အရမ်းအသုံးဝင်ပြီး
( အထူးသဖြင့် ကလေးတွေမှာ သေးခံလောင်တာ ပွန်းတာ )သက်သာစေနိုင်ပါတယ်။

ဗြုံးမွှေးအရွက်ကြိတ်ရည်ကို တိုက်ရင် ကလေးတွေမှာ ဝမ်းသွားတာကို သက်သာစေပါတယ်။

စိတ်ပူပန်မူနဲ့ စိတ်ကျဝေဒ နာကိုကုသရာမှာ ဗြုံးမွှေးအဆီကို နှမ်းဆီ သို့မဟုတ် အုန်းဆီနဲ့ ရောပြီး ခြေဖဝါးအရိုးအဆစ်နဲ့ နားရွက်တို့ကို အိပ်ရာမဝင်ခင် လိမ်းပေးနိုင်ပါတယ်။

# သတိထားရမည့် အချက်များ

. ကိုယ်ဝန်ဆောင် သိ့မဟုတ် ကလေးနို့တိုက်နေဆဲ ဖြစ်လျှင် ဗြုံးမွှေးဓာတ်စာက ဘေးကင်းမကင်းကို ခိုင်မာတဲ့
အထောက်အထား ​​​​​ေဖာ်ပြချက် မရှိသေးတာကြောင့်ဆေးဝါးအဖြစ်မသုံးတာ ကောင်းပါတယ်။
နှလုံး ခုန်နူန်းကို နှေးစေနိုင်တာကြောင့် သည်အချက်ရှိနှင့်ပြီးသူတွေ သတိထားသင့်ပါတယ်။
ဗြုံးမွှေးက အစာအိမ်နဲ့အူတွေထဲမှာ စွန့်ထုတ်မူတွေတိုးစေနိုင်တာကြောင့် အစာအိမ်နဲ့ အူလမ်းကြောဂ်းမှာ အနာရှိသူတွေ အနေနဲ့ သတိထားသင့်ပါတယ်။
အဆုတ်အတွင်း အရည်စွန့်ထုတ်မူကို တိုးစေနိုင်တာကြောင့် ပန်းနာရင်ကျပ်လို အဆုပ်နဲ့ဆိုင်တဲ့ရောဂါရှိသူတွေ
သတိထား ပြီးသုံးစွဲသင့်ပါတယ်။
သိုင်းရွိုက်ဟော်မုန်းပမာဏကို တိုးစေနိုင်တာကြောင့် သိုင်းရွိုက်ဟော်မုန်းဆေးတွေ သောက်သုံးနေရတဲ့သူတွေ
၄င်းရောဂါရှိသူတွေ သတိထားသုံးစွဲသင့်သို့မဟုတ် ရှောင်ရှားသင့်ပါတယ်။
ဆီးလမ်းကြောင်းအတွင်း စွန့်ထုတ်မူကို တိုးစေနိုင်တာကြောင့် ဆီးလမ်းကြောင်းပိတ်ဆို့မူရောဂါရှိသူတွေ ပိုဆိုး
စေနိုင်ပါတယ်။

သမားတော်တိုင်းရင်းဆေး health group.

15/08/2021

သွေးခဲပြီး မလိုလားအပ်တာတွေ မဖြစ် စေလိုပါ။

အခုတလောမှာ ကြုံတွေ့နေကြရတာက သွေးခဲပြီး အသက်အန္တရယ်
ထိခိုက်စေတဲ့ အဖြစ်တွေပါပဲ။

ကိုဗစ် ရောဂါကူးစက်ခံရလို့ နည်းမျိုးစုံနဲ့ကုသပြီး အသက်ဘေးက
လွတ်လာကြပေမဲ့နောက်ပိုင်းမှာ သွေးခဲပြီး ရုတ်တရက် သေနေကြ ပါတယ်။

အဲဒီသွေးခဲခြင်း မဖြစ်အောင်နည်းလမ်းရှာကြဖို့လိုပါတယ်။
သွေးမခဲအောင်ဆိုပြီး သွေးကျဲဆေးတွေသောက်ကြရတယ်။
ဒါကြောင့် သွေးကျဲဆေး ရဲ့ ဈေးနှုန်းတွေ မိုးပေါ်ရောက်သွားတယ်။

♦ လူအများမေးကြတာက သဘာဝနည်းနဲ့သွေးကျဲအောင်
လုပ်လို့ မရဘူးလားတဲ့။ ရပါတယ် ။
သဘာဝနည်းနဲ့ သွေးကျဲအောင်လုပ်တဲ့နည်းကို အခုပြောပြပါမယ်။

♦ သွေးကျဲဆေးလိုပဲ သဘာဝမှာသွေးကျဲအောင်
လုပ်ပေးနိုင်တာကတော့ ကြက်သွန်ဖြူ ပဲ ဖြစ်ပါတယ်။
ကြက်သွန်ဖြူဟာ ဓါတုသွေးကျဲဆေးထက် အများကြီး ပိုကောင်းပါတယ်။
ပြီးတော့ကမ္ဘာ့ကပ်ရောဂါ တစ်ခုဖြစ်တဲ့ပုလိပ်ရောဂါကိုလည်း
ကြက်သွန်ဖြူ နဲ့ပဲ အနိုင်ယူခဲ့ကြတာဖြစ်တယ်။
ထမင်းစားရင် ကြက်သွန်ဖြူ သုံးလေးတက်လောက်
ပုံမှန် စားပေးသင့်ပါတယ်။

သဘာဝမှာ သွေးမခဲအောင်လုပ်ပေးနိုင်တာ
နောက်တစ်ခု ရှိပါသေးတယ်။

♦ အဲဒါကတော့ နနွင်း ပဲ ဖြစ်ပါတယ်။
နနွင်းက ဆီနဲ့ဖျော်သောက်မှ အူတွေက နေစုပ်ယူနိုင်တာဖြစ်တယ်။
အခုလိုအခါမှာ ဇွန်းသေးနဲ့ မနက်တစ်ဇွန်း ညနေတစ်စွန်း သောက်သင့်တယ်။

♦ နောက်တစ်ခုကတော့ သံလွင်ဆီ ဖြစ်ပါယေ်။
ဆံချည်မျှင်သွေးကြောလေးတွေ အတွင်းထဲအထိ ရှင်းလင်းပေးနိုင်တာ
ကမ္ဘာပေါ်မှာသံလွင်ဆီတစ်မျိုးပဲရှိတယ်။
* နနွင်းဖျော်သောက်ရာမှာ သံလွင်ဆီနဲ့ပဲ ဖျော်သောက်ကြပေါ့ ဗျာ။

♦ သွေးခဲတဲ့သူတွေရဲ့သွေးဟာ ပျစ်နေလေ့ ရှိတယ်။
သွေးခဲ ရခြင်းက သွေးပျစ်နေလို့။
သွေးပျစ်ရတာက ရေသောက်နည်းလို့။
ရေကို များများသောက်ပေးမှသာ သွေးကကျဲလာတာဖြစ်တယ်။
ဒါကြောင့်
တစ်နေ့ကို ရေ ၄ လီတာလောက် သောက်ပေးသင့်တာ ဖြစ်ပါတယ်။
ရေခပ်နွေးနွေးလေးကို သောက်ပေးတာ အကောင်းဆုံးပဲ။

♦ သွေးပျစ်တဲ့သူတွေဟာ အချဉ်ကြောက်ကြသူတွေများတယ်။
အချဉ်ဓါတ်စားပေးရင်သွေးကျဲတယ်။
ဒါကြောင့် သံပရာရည်ချဉ်ချဉ်လေး သောက်ပေးဖို့ ကောင်းတယ်။
* အနောက်နိုင်ငံက လူတွေကတော့ သွေးကျဲဖို့ ကီဝီသီးတွေ စားလေ့ရှိပါတယ်။
* အခု ကျနော်တို့ မြန်မာပြည်မှာတော့ ကင်ပွန်းချဉ်ဟင်းချိုသောက်ပြီး
အဆင်ပြေနေကြပါတယ်။

♦ သွေးထဲမှာရောနေတဲ့ အရည်ကြည်တစ်မျိုးရှိပါတယ်။
အဲဒါကိုသွေးသည်းခြေလို့ခေါ်ပါတယ်။
သွေးသည်းခြေ နည်းနေရင်လည်းသွေးကပျစ်တတ်တယ်။
* သွေးသည်းခြေဓါတ်အား ကောင်းဖို့အတွက်ကတော့
အခါးကြွယ်ဝတဲ့ ကြောင်ရှာ၊ရဲယို၊ ငရုတ်ခါး၊ဆင်တုံးမနွယ်၊ခွေးတောက်၊
ဒန့်ဒလွန်တွေကို စားပေးသင့်တယ်။
အခါးစားမှလည်း ဝါယောအားကောင်းပြီး သွေးလည်ပတ်မှု မှန်မှာဖြစ်တယ်။

♦ အထိုင်များ အအိပ်များရင် သွေးလေးပြီး သွေးခဲတတ်တယ်။

ဒါကြောင့်
လမ်းလျှောက်ပေးရမယ်။ လမ်းလျှောက်လို့ခြေသလုံးကြွက်သားတွေ
ညှစ်တော့မှ သွေးကနှလုံးကိုတွန်းအားနဲ့
ရောက်တာဖြစ်တယ်။

ခြေသလုံး၂ ခုဟာ ဒုတိယ နှလုံးတွေ ဖြစ်တယ်။
ခပ်ဖြေးဖြေးလျှောက်ပေါ့။

သွေးခဲတာက ခြေထောက်ပိုင်းမှာအဖြစ်များတယ်။
ခဲတဲ့သွေးဖတ်က ပင်မသွေးကြောထဲမှာ ပါလာပြီးနှလုံး၊ဦးနှောက်တွေမှာ
သွားပိတ်တာများတယ်။

သွေးမခဲဖို့က တစ်ခုကောင်းလုပ်လို့မရဘူး။

အခုပြောခဲ့တာတွေကို Network နဲ့လုပ်မှပြည့်စုံမှာဖြစ်တယ်။
ဒီလိုပဲ ဉာဏ်ရှိသလိုလုပ် သွားရမှာပဲ။

ဉာဏ်ရှိရှိသာ လုပ်သွားမယ်ဆိုရင် ရောဂါဘေး သေဘေးကနေပြီး
ရှောင်ရှားနိုင်မှာ ဖြစ်ပါတယ်။
ချစ်ခင်လေးစားလျှက်.........
20210812:Thuya' Crd; (sharing is caring)

စိတ်မဆိုး တိုင်းရင်းဆေးတွင်
ဆနွင်းလုံး၊ ဆနွင်းမှုန့်စစ်စစ်၊ ရဲယိုဆေး၊ ငရုတ်ခါးဆေး ၊
များ ရရှိနိုင်ပါသည်။

06/07/2021

06/05/2021

#ပဲပြုတ်စားခြင်း၏အကျိုးကျေးဇူးများနှင့် သတိပြု ဆင်ခြင်ရမည့် အချက်များ.....

*ဆေးသိပ္ပံနည်းအရဓာတ်ခွဲစမ်းသပ်ကြည့်ရာ စားတော်ပဲပြုတ်ထဲတွင် လူသားတို့ကျန်းမာရေးကိုအထောက်အကူဖြစ်စေသော ဗီတာမင်နှင့်သတ္တုဓာတ် တို့အလုံအလောက် ပါရှိပြီး၊ ဘေးဖြစ်စေတတ် သော ကိုလက်စထရောလုံး၀မပါရှိသည့် အတွက် နေ့စဉ်စားသုံးပေးသင့်သောအာဟာရဖြစ်ကြောင်း USDA (ခေါ်) အမျိုးသားအာဟာရပြု စစ်တမ်းများနှင့် WHFoods တို့မှ အခိုင် အမာထောက်ခံထားကြပါသည်။....

1. *ပဲပြုတ်ထဲတွင်အဆီဓာတ်နှင့်ကယ်လိုရီပါ၀င်မှု မရှိသလောက်လွန်စွာနည်းပါးသော်လည်း၊ အာဟာရ ဓာတ်ကြွယ်ဝသောကြောင့် ကိုယ်ခန္ဓာအလေးချိန် ပုံမှန်ထိန်း သိမ်းလိုသူများ မှီဝဲစားသုံးသင့်ပါသည်။

2. *ပဲပြုတ်ထဲတွင်ချေဖျက်လွယ်သောအမျှင်ဓာတ် အမြောက်အများပါရှိ၏။ ထိုအမျှင်ဓာတ်များသည် အစာခြေ လမ်းကြောင်းအတွင်း အစာကိုလှုပ်ရှားရွေ့လျားစေသည့် အလိုအလျောက်ကြွက်သားလှုပ်ရှားမှုကို အားပေး သဖြင့်၀မ်းမချုပ်စေပါဘူး။

3. *စားတော်ပဲပြုတ်ထဲတွင် nicotinic အက်ဆစ် ပါရှိသဖြင့်၊ သွေးထဲရှိမကောင်းသော ကိုလက်စထရောကို လျော့ချပေးနိုင်၏။

4. *စားတော်ပဲသည် သံဓာတ်အရင်းအမြစ်ဖြစ်ခြင်းကြောင့် သွေးနီဥဆဲလ်များ ကို ကောင်းစွာ တည်ဆောက်စေကာ၊ သွေးအားနည်းရောဂါနှင့် အလွန်အမင်းမောပမ်းခြင်းတို့မှ ကာကွယ်ပေးနိုင်ပြီး၊ ကိုယ်ခံစွမ်းအား ကိုတိုးတက်မြင့်မားလာစေပါသည်။ထို့ပြင် အဆုတ်ထဲရှိ အောင်စီဂျင်ကိုခန္ဓာကိုယ်အနှံ့ပို့ဆောင်ပေး၏။

5. *စားတော်ပဲထဲတွင် lutein နှင့် carotenoid တို့ပါရှိသဖြင့်၊ ပဲပြုတ်ကို ပုံမှန်စားသုံးသောသူများသည် အသက်အရွယ်ကြီးရင့် လာခြင်းကြောင့် မျက်စေ့ရောဂါအမျိုးမျိုးနှင့်မျက်စေ့ရေတိမ်ရောဂါ ဖြစ်နိုင်ချေ အလားအလာ ကို လျော့ချပေးနိုင်ကြောင်း နိုင်ငံတကာ ဆေးသိပ္ပံပညာရှင်များက အကြံပြုထားကြပါသည်။

6. *စားတော်ပဲပြုတ် တစ်ခွက်စာပမာဏထဲတွင် ဗီတာမင်ကေ ၄၄% ပါရှိသည့်ပြင်၊ ဗီတာမင်ဘီ လည်းပါရှိသဖြင့် အရိုးကိုကျန်းမာ သန်စွမ်းစေကာ၊ ဟိုမုန်းအပြောင်းအလဲကြောင့် အရိုးကြွတ်ဆတ်ခြင်း မှလည်း ကာကွယ်ပေးနိုင်၏။ထို့ကြောင့် ကလေး/လူကြီး များသာမက၊ ကိုယ်၀န်ဆောင်မိခင်လောင်းများပါ ပဲပြုတ်ကို စားပေးသင့်ပါသည်။

7. *သွေးထဲရှိသကြားပမာဏကိုပုံမှန်ဖြစ်စေခြင်း၊ ခန္ဓာကိုယ်အတွက် လိုအပ်သောခွန်အားများကို ထုတ် လုပ်ပေးခြင်း၊ ကိုယ်တွင်းရှိ ဇီ၀ကမ္မဖြစ်စဉ်ကို တိုးတက်ကောင်းမွန်စေခြင်း စသည်ဖြင့် ကောင်း ကျိုးပြု ပါသည်။

8. *Free radicals များသည် ခန္ဓာကိုယ်ထဲရှိ သွေးကြောနံရံများကို အနည်ကျပိတ်ဆို့စေ ကာ၊ သွေးကြောမများကို ပျက်စီးစေပြီး၊ အဆီပိတ်ရောဂါ၊ လေဖြတ်ခြင်း၊ အဆစ်ရောင်လေးဘက်နာရောဂါ များကို ဖြစ်စေ၏။ စားတော်ပဲထဲတွင် ပါရှိသော Flavonoids နှင့် phytonutrients များသည် ဓာတ်တိုးဆန့်ကျင်ပစ္စည်းအဖြစ်စွမ်းဆောင်ပေးကာ၊ ထို Free radicals များကို တိုက်ထုတ် ပေးသဖြင့် အဆိုပါရောဂါများကို မဖြစ်စေနိုင်ပါ။ ဒါ့ပြင် သစ်ပင်ထဲတွင် ရှားရှားပါးပါးတွေ့ရသည့် lectins ဓာတ်ပါရှိသဖြင့်၊ သွေးနီဥဆဲလ်များပျော်၀င်စေကာ၊ သွေးခဲခြင်းမှ ကာကွယ်ပေးပါသည်။

9. *ဗီတာမင်ဘီဓာတ်ပေါင်းစုပါရှိကာ homocysteine ပမာဏကို လျော့ကျစေသဖြင့် နှလုံးရောဂါ အမျိုးမျိုးကိုထိထိရောက်ရောက် ကာကွယ်ပေးသည့်အပြင် နှလုံးရောဂါနှင့်ပတ်သက်ဆက်စပ်လျက် ရှိသောလေဖြတ်ခြင်း တို့ကိုလဲမဖြစ်စေပါ။
ထို့ကြောင့့် တစ်ပတ်လျှင် အနဲဆုံးတစ်ကြိမ် စားပေး သင့်ကြောင်း ဆေးသိပ္ပံပညာရှင်များက အကြံပြုထားကြပါသည်။

10. *စားတော်ပဲထဲတွင် ဗီတာမင် အေ-ဘီ-စီ-အီး၊ omega-3 တို့ပါရှိသည့်ပြင်၊ ဇင့်သတ္တုဓာတ် အလုံအလောက်ပါရှိ၏။ ထိုဓာတ်ပေါင်း စုများသည် လေပြွန်ဖောင်းပွသည့်ရောဂါ၊ မှက်ခရုရောဂါ၊ အယ်လ် ဇိုင်မား (ခေါ်) ဦးနှောက်အကြိုဇရာရောဂါ တို့ကို ကာကွယ်ပေး နိုင်ပါသည်။

11. *စားတော်ပဲပြုတ်ထဲတွင် glycemic ဓာတ်ပါ၀င်မှုနဲပါးပြီး၊ သွေးထဲရှိ သကြားပမာဏကို ထိန်းပေးနိုင်ြ ခင်းကြောင့် ဆီးချိုရောဂါ သည်များအတွက် ပဲပြုတ်ဟာ အကောင်းဆုံးအဖော်မွန်ဖြစ်ပါသည်။

12. *မက္ကစီကိုနိုင်ငံတွင် မကြာသေးခင်က လေ့လာစမ်းစစ်ချက်အရ၊ စားတော်ပဲထဲတွင် polyphenol ဓာတ်ပါရှိသဖြင့်၊ နေ့စဉ် စားတော်ပဲပြုတ် ၂-မီလီဂရမ်မျှ စားပေးရုံဖြင့် အဆာအိမ်ကင်ဆာကို ကြိုတင်ကာကွယ်ပေးနိုင်သည်ဟု ဆိုရပါသည်။

13. *မဂ္ဂနီစီယမ် သတ္တူဓာတ် ကြွယ်၀စွာပါရှိ၍၊ သွေးတိုးရောဂါကိုမဖြစ်စေပါ။

14. *ဖောလိပ်ဓာတ်အရင်းအမြစ်စုဝေးရာ စားတော်ပဲပြုတ်ကို ကိုယ်၀န်ဆောင်မိခင်များ စားပေးခြင်းဖြင့် မွေး ဖွားလာသော ကလေးငယ် များတွင် မွေးရာပါ ဦးနှောက်နှင့်အာရုံကြောဝေ ဒနာများ ဖြစ်နိုင်ချေ အလားအလာ
နဲပါးစေပါသည်။

15. *အမျိုးသမီးများ သွေးဆုံးကိုင်မဖြစ်စေပါ။

♦
#သတိပြုရန်.....
*စားတော်ပဲထဲတွင် သဘာ၀အလျောက်ပါရှိသော
purines ဓာတ်က ဂေါက်ရောဂါ သမားများနှင့် ကျောက်ကပ်ဝေဒနာသည် များကို
ဘေးထွက်ဆိုးကျိုးဖြစ်စေနိုင်၍၊
အထူးရှောင် ရှားသင့်ပါသည်။

*အာဟာရဓာတ် ကြွယ်ဝသော ပဲပြုတ်ကို စျေးစျေးပေါပေါ နှင့် အလွယ်တကူရရှိနိုင်သဖြင့်၊ နိုင်ငံတိုင်းတွင် “a poor man’s meat (ဝါ) ဆင်းရဲချို့တဲ့သူများအတွက် အသားဟင်းလျာ” ဟု တင်စားခေါ်ဝေ ါ်လေ့ရှိကြ ပါသည်။

*ဆေးသိပ္ပံပညာရှင်များကတော့ “powerfood” ဟု ခေါ်ကြ၏။ ထို့ကြောင့် မိမိတို့ လက်တကမ်းတွင် အလွယ်တကူ စျေျးနှုန်းချိုသာစွာ ရရှိနိုင်သော “စားတော်ပဲပြုတ်” လေးများကို နေ့စဉ် သုံးအစားအစာအဖြစ် စားသုံးသင့်ပါကြောင်း။
Credit: Superstar

28/10/2020

အဘအသက် ၆၅နှစ်
ဆီးချိုရောဂါသည်
နနွင်းက ချွေးနဲ့ပျောက်တယ်ဆိုပြီး အဘအမျိုးသမီးသောက်ဖို့ အတွက်ဝယ်ပေးရင်းကနေ သောက်ကြည့်တာ ဆီးချိုကျပြီး ဆီးသွားရင်အနံ့နံနေတာ အနံ့ပါပျောက်သွားလို့ အဘအရမ်းဆင်ပြေသွားတာ နေ့တိုင်းသောက်ဖြစ်တယ် တစ်ခါသောက်ရင် ၃ပြား ၃ကြိမ်သောက်တယ် အဘအရမ်းအဆင်ပြေလို့ နောက်ဆီးချိုသမားတွေကို ဒီဆေးလေးသောက်ဖို့ထည့်ညွှန်းပေးပါဆိုပြီး ဆေးလာဝယ်ရင်းပြောသွားသေးတယ်
စိတ်မဆိုး နနွင်းလုံး

သုံးစွဲနိုင်သောရောဂါများ
အစာအိမ်၊ သွေးသန့်ခြင်း၊ သွေးတိုးခြင်း၊ အကြောတက်ခြင်း၊ ဝမ်းပျက်ခြင်း၊ ချွေးနဲ့မကောင်းခြင်း၊ ခြေဖျားလက်ဖျားအေးခြင်း၊ ကင်ဆာရောဂါကာကွယ်ခြင်း တို့အတွက်သောက်သုံးနိုင်ပါသည်။
တိုက်၂ အခန်း၁၀၁ ဇီဇဝါအိမ်ရာ၊ သံသုမာလမ်းမပေါ် တောင်ဥက္ကလာ
၁ဗူး -၅၀၀ ကျပ်
၆ဗူး -၂၅၀၀ ကျပ်
📱 09-254743647

28/10/2020

ရုတ် တရက် အား အင်ကုန်ခမ်းသလိုဖြစ်နေပြီး၊ မူးဝေသလို၊ အိပ်ရေးမဝသလိုဖြစ်နေရင် ဒီနည်းလေး စမ်းသုံး ကြည့်ပါ “

အားအင်ကုန်ခမ်းမောပန်းနွမ်းနယ်ခြင်းနှင့် မူးဝေခြင်းကိုသက်သာပျောက်ကင်းစေသည့် ကြက်ဥသံံပုရာဆမ်းဆေးတစ်ခွက်”

အလုပ်ပင်ပန်းလို့ဖြစ်ဖြစ်၊အားအင်ကုန်ခမ်းလို့ ဖြစ်ဖြစ်၊မူးဝေနေရင်ပဲဖြစ်ဖြစ်အလွယ်တကူ သက်သာပျောက်ကင်းစေတဲ့ဆေးနည်းတစ်လက် ကိုမျှဝေပေးပါ့မယ်။

ပါဝင်ပစ္စည်းတွေကတော့

(1) ကြက်ဥအစိမ်းတစ်လုံး၊

(2) သုံပုရာသီးအမှည့်တစ်လုံး၊

(3) သကြားဖြူဟင်းစားဇွန်း နှစ်ဇွန်းတို့ကိုဖေါက် ထည့်ရောမွှေပေးပါ။

သံံပုရာအစေ့တွေကိုဖယ်ရှားပစ်ပါ။ ပါဝင်ပစ္စည်းအားလုံးကိုနှံ့နှံ့စပ်စပ်ရောမွှေ ပြီး သောက်ပေးရင်အမောအပန်းပြေပြီးအားရှိလာမှာဖြစ်ပါတယ်။

ဒီဆေးနည်းကကျွန်တော့်ဖခင်ပေးတဲ့ရိုးရာဆေး တစ်လက်ဖြစ်ပါတယ် ။

သွေးအားနည်းသူတွေနဲ့ သွေးပေါင်ကျသူတွေပိုပြီးသုံးစွဲသင့်ပါတယ် ။ အိပ်ရေးပျက်သူတွေအတွက်လည်းအားဆေးတစ်လက်ပါ။။

“အားလုံး ကျန်းမာချမ်းသာကြပါစေ”

04/10/2020

သူ့ကိုစယူလာတာက အမေ ၊ ​ခြံထဲမှာ
စိုက်ပေးတာက ကိုယ် ။ ဒါပေမဲ့ သူ့အနံံ့ကို ကိုယ်လုံးဝမကြိုက် ။
အိမ်မှာ အသား ငါး ချက်တဲ့အခါ ၊ ငါးချဥ် ပုစွန်ချဥ်တွေသုပ်တဲ့အခါ သူ့ကိုထည့်ထားရင် လုံးဝမထိ ၊ စားလည်းမစား ။ ခြံထဲကပန်းပင်တွေထဲ ပေါင်းမြက်နုတ်ရင် သူ့ပါရောပြီးဓားနဲ့ခုတ်ပစ်တာ ။
သူကလည်း ကိုယ့်ကိုရွဲ့ပြီးများပေါက်နေသလားမှတ်ရတယ် ။ အပင်တွေကမြင့်လည်းမြင့် ပွားလည်းပွားလာတာ တောထနေရောပဲ ။

ဒီနေ့မနက် ခြံထဲဆင်းပြီးလမ်းလျှောက်ရင်း အပင်တွေကြားကနေ ဆစ်ကနဲ ကိုက်ခံလိုက်ရတာသိလိုက်ပေမဲ့ ဘယ်အကောင်ကိုက်လိုက်မှန်းမသိ ။ ယားလိုက်တာဆိုတာ ။ အဲဒီအချိန်မှာပဲ လေးနှစ်သာသာ ကိုယ့်တူမလေးက ဒီအရွက်ကိုညှစ်ပြီးထည့်လိုက် ပျောက်သွားမယ် ဒေါဒေါ်ဆိုလို့ ကြည့်လိုက်တော့ သူ ။ ဒါနဲ့ ကိုယ်လည်း ဘာဘာညာညာပြောမနေဘဲ လက်နဲ့အသာချေပြီး ထွက်လာတဲ့အရည်ကို ယားနေတဲ့အသားပေါ်နှံံ့အောင်လိမ်းလိုက်တယ် ။ ပြီးတော့ လုပ်စရာရှိတာလုပ်ရင်း မေ့မေ့ပျောက်ပျောက်ပဲ ။
တော်တော်ကြာမှသတိထားမိတော့ ခုနတုန်းက မနေနိုင်အောင် ယားယံနေတဲ့ခံစားချက်ကဘယ်ပျောက်သွားမှန်းပင်မသိ ။
ဒီတော့မှ သူ့ဂုဏ်သတ္တိကိုအသိအမှတ်ပြုလိုက်ရင်း …
ပင်စိမ်းပင်နဲ့ပတ်သက်ပြီး ရေးထားတဲ့အကြောင်းအရာကိုလိုက်ရှာကြည့်တော့ ……

ပင်စိမ်းပင် အိမ်မှာစိုက်ပျိုးသင့်သော အကြောင်းရင်း

1. ပင်စိမ်း အရွက်ကိုနေတိုင်းစားပေးခြင်းအားဖြင့်် အူလမ်းကြောင်း ဝမ်းဗိုက်နှင့်် ပါးစပ်တွင်ဖြစ်တက်သောရောဂါများ ကင်းဝေးပြီး အစာခြေစနစ်ကိုကောင်းမွန်စေပါသည် ။

2. ပင်စိမ်း အရွက်ကို ရေထဲတွင်စိမ်ပြီး နေတိုင်းသောက်လာပါက ဆီးချိုရောဂါ မဖြစ်အောင် ကာကွယ်ပေးသည်။

3. ပင်စိမ်း အရွက်ကို ပထမရက် ရေချိုးမည့်ရေတွင် စိမ်ထားပြီး နောက်နေ့ရေချိုးပါက ချွေးအနံ့ မထွက်အောင်ကာကွယ်ပေးသည်။

4. ပင်းစိမ်း အရွက်ကို သံပုရာရည်ရော၍ကျိတ်ပြီး အရေပြားပေါ်တွင်လိမ်းပေးပါက အရေပြားရောဂါများဖြစ်သောဝဲ နှင်းခူ နှင့် ယားနာများပျောက်ကင်းသည် ။

5. ပင်စိမ်းစေ့ကို ကောင်းစွာကျိတ်ပြီးစားပေးလျှင် ဆီးနှင့်ပတ်သက်သောရောဂါများပျောက်ကင်းသည်။

6. ပင်စိမ်း သတ္တုရည်ကို သံပုရာရည်ရောပြီး တစ်ပတ်တစ်ကြိမ် ခေါင်းလျှော်ပေးပါက သန်း ဗောက်ဖက်များကင်းဝေးမည်။

7. သန့်ရှင်းသောမြေအိုးရေထဲတွင် ပင်စိမ်းအရွက်ထည့်၍ နေ့တိုင်းသောက်ပါက ရောဂါများကင်းဝေးမည်။

8. ပြတ်ရာ ရှရာများကို ပင်စိမ်း အရွက်ထည့်ပေးလာပါက လျှင်မြန်စွာပျောက်ကင်းသည်။

9. အိမ်တွင် ပင်စိမ်းအရွက်များထားခြင်း(သို့) အိမ်ပတ်ပတ်လည်တွင်စ်ိုက်ထားလျှင် ခြင် ၊ယင် ၊ပိုးကောင် ၊ မြွေများ ကင်းဝေးမည် ။ ထို့ကြောင့်အိမ်တွင်ပင်စိမ်းအပင်စိုက်ခိုင်းခြင်းဖြစ်သည်။

10. တစ်ရက်တွင် နာရီပေါင်း ၂၀ အောက်စီဂျင် ထုတ်လွှတ်ပေးသောကြောင့် အိမ်တွင် စိုက်ရန် အကောင်းဆုံးအပင်တစ်ပင်ဖြစ်ပါသည် ။

Credit _ ကျန်းမာရေး သတင်းစုံ

အစာလည်းဆေး ဆေးလည်းအစားဆိုသလို
ပင်စိမ်းအစွမ်းအံ့မခန်းပါပဲ ။

ချစ်ခြင်းမေတ္တာဖြင့် …… ရှင်ပန်ထွာ
Credit ShinPan Htwar

03/10/2020

"အိမ်တိုင်းအိမ်တိုင်းမှာ စိုက်ထားသင့်တဲ့
ရှားစောင်းလက်ပတ် အစွမ်း အံ့မခန်း"

ရှားစောင်းလက်ပတ်အသုံးဝင်ပုံ(၁)

၁။ ရှားစောင်းလက်ပတ်ကို ၂ လက်မအရွယ် ဖြတ်ပြီး
မီးကင်တယ် ဆိုရုံလေး ကင်ပါ။
ငါးပြားလောက် စားပါ၊ သွေးဝမ်းသွားခြင်းကို
ပျောက်ကင်းစေနိူင်ပါတယ်၊ ရောဂါ ဆိုးရင်တော့ နေ့စဉ်
တစ်ပတ်လောက်ဆက်စားပါ။

၂။ မီးကင်ထားသော ရှားစောင်းလက်ပတ်ကို
ျန့စဉ် ၅ ပြားလောက်စားပေးခြင်းအားဖြင့်လည်း အတွင်း
လိပ်ခေါင်း ရောဂါကို ပျောက်ကင်းစေနိူင်ပါတယ်၊
ရှားစောင်းလက်ပတ် အနှစ်ကို စအိုထဲထည့် ပေးနိူင်ရင်
ဖောင်းကြွ ရောင်ရမ်းနေသော စအိုကြွက်သားနံရံမှ
အပူများကိုစုတ်ယူနိုင်စွမ်းရှိသောကြောင့် အတွင်းလိပ်ခေါင်း
ရောဂါပျောက်ကင်းနိူင်ပါတယ်၊ ရောဂါပြင်းနေရင်တော့
အချိန်ယူသုံးစွဲရမှာပဲ ဖြစ်ပါတယ်။

၃။ မီးယပ် သွေးဆုံးကိုင်နေသူများအတွက်
ရှားစောင်းလက်ပတ် အနှစ်ကို ထန်းလျှက်ဖြင့်
နေ့စဉ် လိမ်းပေးပါက သွေးဆုံးကိုင်ချိန်တွင်
ခံစားရသော ဝေဒနာများ သက်သာပျောက်ကင်းစေပါတယ် ။

၄။ နှလုံးရောဂါ ရှိသူများ ရုတ်တရက်အမောဖောက်လာပါက
ရှားစောင်းလက်ပတ် အနှစ်ကို သကြားဖြင့် ဖျော်သောက်ပါက
အမောဆို့ခြင်းကို သက်သာပျောက်ကင်းစေပါတယ်။

၅။ ရှားစောင်းလက်ပတ် အနှစ်ကို အပူလောင်ခြင်း အမျိုးမျိုး
အတွက်လည်းအသုံးပြုနိူင်ပါတယ်။ ဆီပူ၊ မီးပူ၊ အိတ်ဇောအပူ
လောင်ခြင်းများအတွက် ဖြစ်ဖြစ်ခြင်း ရှားစောင်းလက်ပတ်
အနှစ်ကို ပတ်တီးဖြင့်စည်းထားပေးပါ။ အရည်ကြည်အဖု လုံးဝ
ဖြစ်ခြင်းမရှိပဲ မူလအတိုင်း ပျောက်ကင်းနိုင်ပါတယ်။ အရည်ကြည်ဖု ထွက်လာမှ စည်းပေးလျှင်လည်း အပူကို
စုပ်ယူနိုင်သောကြောင့် အနာ မဖြစ်တော့ပါ။

၆။ ဘောက်ပျောက်၊ ခေါင်းလျော်ရည် သုံးစွဲခြင်းကြောင့် ဆံပင်
အကွက်လိုက်ကျွတ်သော သူများအတွက် ရှားစောင်းလက်ပတ်
အနှစ်ကို အရေပြားပေါ်တွင် လိမ်းပေးခြင်းအားဖြင့် ပြန်ပေါက်ပြီး
ဆံပင်ကျွတ်ခြင်းမှ ကာကွယ်ပေးပါတယ်။

၇။ ရှားစောင်းလက်ပတ်အနှစ်ကို နံနက် ည မျက်နှာသစ်ပြီးတိုင်း
လူးပေးရင်တော့ တင်းတိတ်ပျောက်ပြီး မျက်နှာ ပေါင်းတင်စရာ
မလိုပဲ အရေးအကြောင်းမရှိ မျက်နှာလေးတင်းနေပါလိမ့်မယ်။
လှချင်ရင် တစ်သက်လုံးလိမ်းပေတော့။

Credit: ရတနာငယ်(မြန်မာစာ)လွိုင်ကော်
(၇) ရက်သားသမီးအားလုံး
ကျန်းမာ သုခ ပြည့်စုံနိုင်ကြပါစေရှားစောင်းလက်ပတ် (Aloe vera)
စိတ်မဆိုး ရှားစောင်းလက်ပတ်ဆေးလုံး

(အူမကြီးကိုသန့်စင်ပေးရာတွင် အလွန်အစွမ်းထက်သည်)
ရှားစောင်းလက်ပတ်ပင်သိပ်ကို အသုံး၀င် သော၊တန်ဖိုးရှိသော ၊ချစ်စရာကောင်း သောအပင်လေးဖြစ်ပါတယ်။ဘာကြောင့်လဲဆိုတာ သိရအောင် စု တု ပြု ထားတာလေးတွေကို share ပေးလိုက်ပါတယ်နော်။

ရှားစောင်းလက်ပတ်၏ ကောင်းခြင်းများမှာ

ရှားစောင်း လက်ပတ်ရည်သည် ဗီတာမင်များ၊ သတ္တုဓာတ်များ၊ အမိုင်နိုအက်ဆစ်များသာမက အဆိပ်အတောက်ဖြစ်မှုကို ဟန့်တားပေးသော အစွမ်းသတ်္တိများ ကြွယ်၀ ပါသည်။အူမကြီးကို ရှင်းလင်းပေးသည့် ၀မ်းနုတ်ဆေးဟုပင် ဆိုနိုင်ပါသည်။

လေ့လာချက်များအရ

● ဆီး ၊ ၀မ်း ချုပ်ခြင်းတို့ကို ကောင်းမွန်စေခြင်း၊
● အူသိမ် အူမလမ်းကြောင်းရှိ မှို၊ ဒုက္ခပေးသော ဘက်တီးရီးယားပိုးများ၊ ကပ်ပါးပိုးများကို ဖျက်ဆီးပေးခြင်း၊
● အစာခြေရာ တွင် ကူညီခြင်းတို့ကို တွေ့ရှိရသည်။

ခန္ဓာကိုယ်ရှိ ရောဂါပိုးများကို တိုက်ဖျက်သည့် T-cells များနှင့် antibodies များထုတ်လုပ်ခြင်းကို လှုံ့ဆော်ပေးခြင်း၊ ရောဂါမ၀င်အောင် ဆောင်ရွက်ပေးရာတွင်များစွာ အကျိုးရှိသည်။ ရှားစောင်းလက်ပတ်သည် ဆဲလ်နံရံများထဲသို့ ထိုးဖောက်၀င်ရောက်နိုင်သော ဓာတုပစ္စည်းများ ပါ၀င်ပြီး အရည်အဖြစ် ဆဲလ်အတွင်း ထိုးဖောက် ၀င်ရောက်ကာ(toxins) များကို ဆဲလ်အပြင်သို့ ထုတ်ပေး၍ အာဟာရဓာတ်များ (nutrients) ကို ဆဲလ်အတွင်း ၀င်ရောက်သွားစေရန် ဆောင်ရွက်ပေးပါသည်။

ရှားစောင်းလက်ပပ်ရဲ့ ဂျဲလ်ပုံစံကြောင့် အေးမြစေတဲ့ ဂုဏ်သတ္တိရှိပြီး မျက်စိအောက်က အရေပြားပျော့ ဖောင်းနေတာကို သက်သာစေပါတယ်။ ဒါကြောင့် ရှားစောင်းလက်ပပ်ကို မျက်လုံးခရင်မ် (Eye Cream)တွေ၊ အစက်အပြောက်ဖုံးမိတ်ကပ် (Concealer)နဲ့ အိုင်းရှဲဒိုးမှာတောင် ပါဝင်ပစ္စည်းတစ်ခုအနေနဲ့ ထည့်သွင်းထုတ်လုပ်လာကြပါတယ်။ ရှားစောင်းလက်ပပ်ဟာ အန္တရာယ်ကင်းပြီး ဓာတ်မတည့်မှု မဖြစ်စေတဲ့အတွက် ဒီနေ့ခေတ် အမျိုးသမီးတွေဟာ ရှားစောင်းလက်ပပ် အခြေခံမိတ်ကပ်ပစ္စည်းတွေကို အားကိုးအားထားပြုလာ ကြပါတယ်။

အားလုံးက ကွန်ပြုတာသမားတွေဖြစ် ကြမှာပါ။ မျက်စိဝေဒနာ လည်းသေချာပေါက်ရှိကြမှာပါ။ ရှားစောင်း လက်ပတ် အတွင်းသားကို ဇွန်းလေးနဲ့ ခြစ်၊ ပြီးရင် ရေသန့်သန့် လေးနဲ့ ရေဆေး ပြီး ပန်းကန်ထဲ ထည့်ပါ။ ညဘက်ကိုယ် အနားယူတဲ့ အချိန်မှာ ပက်လက်အိပ် အနေထားမှာ မျက်လုံးပေါ်မှာ အ၀တ်ပါးပါးလေးခံ ပြီး အနှစ်ကို မျက်လုံးပေါ် တွင်15မိနစ်လောက်ကပ်ပေးထားပါ။(သီချင်းလေးနားထောင်ရင်းပေါ့) ။ပြီးရင်ခွာပြီး မျက်နှာသစ် ပေးလိုက်ပါ မျက်စိပူ၊မျက်ရည်ယို ၊မျက်သားတက် တာတွေ အတွက် အရမ်းကောင်းတဲ့ သဘာ၀နည်းလေးပါ။တစ်ပတ်တစ် ကြိမ် ဒါမှမဟုတ် ရက်ခြားလုပ်ပေးပါနော် အားလပ်တဲ့ တစ်ရက်ရက်လေးပေါ့။ ( ဒီလိုလုပ်ပေးပါက မျက် စိကျန်းမာရေးတင် မကပါဘူး မျက်ကွင်းညိုတာနဲ့ မျက်လုံး ပတ်လည်က အရေးကြောင်းတွေကိုပါ သက်သာစေမှာပါ)

နောက်တစ်ခု က လှချင်ပါတယ်ဆိုတဲ့ ပျိုပျိုမေများအတွက် လှချင်ရက် သားနဲ့ မလှချင်ဘူးပြောတဲ့ ကိုကိုများပါ ဒီရှားစောင်း လက်ပတ်က အရမ်းအသုံး၀င်ပါတယ်။

နေပူထဲသွားတာများလို့နေလောင်ပြီး အသားမည်းလာရင်၊ ၀က်ခြံတွေ ဖြစ်ပြီးအမာရွတ်ကျန် နေခဲ့ရင်၊ မှဲ့ခြောက်တွေများလွန်းလို့ အလှပျက်နေရင် ၊ အသားရေမွဲခြောက်ခြာက် ၊ ဆံပင်တွေမွဲခြောက် ခြောက် ဖြစ်နေလို့စိတ်ညစ်နေရင် ရှားစောင်း လက်ပတ်ကို သတိရလိုက်ပါနော်။

ကိုယ်ရဲ့အားလပ်ချိန် လေးမှာရှားစောင်းလက်ပတ်နဲ့ပေါင်းတင်ပြီး လှသည်ထက်လှ ကြမယ်နော်။ လုပ်ရမှာက ရှားစောင်းလက်ပတ်အတွင်းသားလေးကို ဇွန်းနဲ့ခြစ်ယူပြီး ရေဆေးလိုက်ပါ။ ပြီးရင် ခွက်တစ်ခုမှာထည့်ပြီး ခေါက်ပါ ။ပျားရည် 2 ဇွန်းထည့်ပြီးရောမွှေပေးရင်ပိုကောင်းပါတယ်။ ရပြီ ဆိုရင် မျက်နှာပြင် အနှံ့ ညီညီ ညာညာ လေးသုတ်လိမ်းပေးပါ။ မိနစ် 20 လောက်ထားပြီး ရေနွေးနွေးလေးနဲ့ မျက်နှာသစ်ပေးပါ။ လှပတင်းရင်းတဲ့ မျက်နှာလေးကိုပိုင်ဆိုင်နိုင်ပါပြီ။ တစ်ပတ်တစ်ကြိမ်လောက်လုပ်ပေးပါနော်။ ( ကမ္ဘာ ကျော် အလှကုန်တွေဟာ aloe vera က မပါမဖြစ်ဆိုတာမမေ့နဲ့နော်)

နောက်တစ်ခုကဆီးပူ ဆီးအောင့်သမား အတွက်။ ရှားစောင်းလက် ပတ် အနှစ် ကိုယူ ဆန်ဆေးရေမှာ 10 မိနစ် လောက်စိမ်ထား ပြီးရင် အဲဒီ အနှစ်ရယ် သကြားရယ် နောက်ဆန်ဆေးရေ အသစ်ရယ် ရောပြီး သောက်ပေးပါ။ ဆီးခုံမှာ အရမ်းပူနေရင် ဆီးခုံမှာပါကပ်ပေးပါ။ သက်သာ သွားပါလိမ့်မယ်နော်။ ဒါပေမဲ့ ကိုယ်က ၀မ်းလျော လွယ်တယ်၊ကိုယ်၀န်ရှိတယ်၊ နို့တိုက်နေရတယ်၊အသက် အရမ်းကြီးတယ်၊တခြားရောဂါကြီး ရှိတယ်ဆိုရင်တော့ မသောက်ပါနဲ့နော်။

နောက်ဆုံးတစ်ခု က ပိန်လို့ အားမရှိလို့ ၀မ်းချုပ်လွန်းလို့ ပါဆိုတဲ့သူတွေ အတွက်ပါနော်

ရှားစောင်း လက်ပတ်၊ မန်ကျဉ်းသီး၊ကြိတ်မှန်ရွက်၊ ကြက်သွန်နီ ၊ ထန်းလျက် ရော ကျို ထားသော ချက်ဆေး ကို ပျားရည်နှင့်ရောပြီး တစ်နေ့ တစ်ဇွန်း စားပေးပါက မီးယပ်သွေးပူခြင်း၊ သွေးခန်း ခြင်း အကြောတက်ခြင်း ကောက် ကွေး နာကျင်ခြင်း သက်သာစေပြီး ဆံပင်ကျွတ် ခြင်း၊ ထိပ်ပြောင်ခြင်း များ သက်သာစေပြီး သွေးသား စိုပြေ ကာကျန်း မာဝြဖိုး အလှတိုးလာပါလိမ့် မည်။

နှုတ်ခမ်းအတွက်
ရှားစောင်းလက်ပပ်မှာ ဗီတာမင်အီး ကြွယ်ဝစွာပါဝင်ပြီး ရေဓာတ်လည်း ပြည့်ဝစွာပါဝင်တာကြောင့် ခြောက်သွေ့နေတဲ့ နှုတ်ခမ်းတွေကို အစိုဓာတ်ဖြည့်ပေးနိုင်ပါတယ်။

အသားအရေအတွက်
ရှားစောင်းလက်ပပ်ဂျဲလ်ဟာ အသားအရေအတွက် အစိုဓာတ်ထိန်းဆေး (Moisturizer)ပါပဲ။ အရေပြားရဲ့ သဘာဝ pH ကိုလည်း ထိန်းသိမ်းပေးပါတယ်။ ဒါ့အပြင် ရှားစောင်းလက်ပပ်မှာ အရောင်ကျစေတဲ့အာနိသင်ရှိတဲ့အတွက် ခြောက်သွေ့ယားယံတဲ့ အရေးပြာအတွက်လည်း အကျိုးပြုပါတယ်။ ဒါကြောင့် ရှားစောင်းလက်ပပ်ကို အသားအရေ အတွက်လိမ်းတဲ့အလှကုန် ပစ္စည်းတွေမှာ အဆီ ဒါမှမဟုတ် ပေါင်ဒါလိုမျိုး ပါဝင်ပစ္စည်းတွေနဲ့ ရောစပ်ထည့်သွင်း ကြပါတယ်။

မျက်နှာပေါ်မှအမဲစက်များအတွက်

ပျိုမေများရာသီမမှန်လို့ မျက်နှာမှာ အမဲစက်များ ဖြစ်ပေါ်လာလျှင် ရှားစောင်းလက်ပပ်၏ အတွင်းသားအနှစ်ကိုခြစ်ယူပြီး သကြား အနည်း ငယ်ရောပြီး စားသုံးနိုင်ပါသည်။ပုံမှန်စားသုံးပေးပါက အမဲစက်များ ပါးသွားမည်။ ကဲ ဒီလောက်ဆို ရင်ရှားစောင်းလက်ပတ် ပင်လေးကိုမြင်ရင် မျက်လုံး အတွက် ကော၊လှဖို့ကော၊၀ ဖို့ကော အရမ်းချစ်ဖို့ကောင်းတဲ့ အပင်လေးပါလားလို့ သတိရပြီး ယုယုယယစိုက်ပျိုးထားပါလို့……….။

BMTM Mdy and မှတ်စုစာအုပ်
စိတ်မဆိုး ရှားစောင်းလက်ပတ်ဆေးလုံး

ဆံပင်ဆေးမဆိုးချင်တဲ့သူတွေအတွက်ဆံပင်မဖြူလို့ဆေးဆိုးဖို့မလိုပါဘူးရှင်။ဖြူနေတဲ့သူတွေလဲဆေးမဆိုးရဘဲအနက်တွေ့ပြန်ပေါက်လာပါတယ်။ရှားစောင်းလက်ပတ် ၁ပိသာ+မကျီးသီးမှည့်၅၀ိသား+ထန်းညှက်၅၀ိသား+ပျားရည်၁၀ိသား+စမှုံမျိုးငါးပါးအနည်းငယ်ကိုရောပြီးယိုကြိုသလိုကြိုပြီးတစ်နေ့စတီးဇွန်းတစ်ဇွန်းမှန်မှန်သောက်ပေးပါကဖြူနေတဲ့ဆံပင်တွေဆေးမဆိုးရဘဲနောက်ထပ်ရှည်လာတဲ့ဆံပင်တွေကအနက်ရောင်ချည်းထပ်ထွက်လာပါမယ်။ဆံပင်တွေလဲအုံထူလာပါတယ်ရှင်။ဖေဖေအသက်ရှိစဉ်ကကျမကိုယ်တိုင်ကြိုပြီးတိုက်ပါတယ်။၇၄နှစ်ဖေဖေကခြောက်လအတွင်းဆံပင်အနက်တွေတစ်မလက်မကျော်ကျော်ထပ်ပြီးထွက်လာပါတယ်............................................
ရှားစောင်းလက်ပတ် အသုံးဝင်ပုံ
•~•~•~•~•~•~•~•~•~•~•~•

၁။ ရှားစောင်းလက်ပတ်ကို ၂ လက်မ အရွယ်ဖြတ်ပြီး မီးကင်တယ် ဆိုရုံလေး ကင်ပါ ၊
၅ ပြားလောက် စားပါ ၊သွေးဝမ်းသွားခြင်းကို
ပျောက်ကင်းစေနိူင်ပါတယ်၊ ရောဂါ ဆိုးရင်တော့ နေ့စဉ် တစ်ပတ်လောက်ဆက်စားပါ ။

၂။ မီးကင်ထားသော ရှားစောင်းလက်ပတ်ကို
နေ့စဉ် ၅ ပြားလောက်စားပေးခြင်းအားဖြင့့်လည်း အတွင်းလိပ်ခေါင်း ရောဂါကို ပျောက်ကင်း စေနိူင်ပါတယ်၊ ရှားစောင်းလက်ပတ်
အနှစ်ကို စအို ထဲထည့် ပေးနိူင်လျှင်
ဖောင်းကြွ ရောင်ရမ်းနေသော စအိုကြွက်သားနံရံ မှ အပူများကိုစုတ်ယူနိူင်စွမ်းရှိသောကြောင့် အတွင်းလိပ်ခေါင်းရောဂါ ပျောက်ကင်းနိူင်ပါတယ် ၊ရောဂါ ပြင်းနေရင်တော့ အချိန်ယူ
သုံးစွဲ ရမှာပဲ ဖြစ်ပါတယ် ။

၃။ မီးယပ် သွေးဆုံးကိုင်နေသူများအတွက်
ရှားစောင်းလက်ပတ် အနှစ်ကို ထန်းလျှက်ဖြင့်
နေ့စဉ် စားပေးပါက သွေးဆုံးကိုင်ချိန်တွင်
ခံစားရသော ဝေဒနာများ သက်သာပျောက်ကင်းစေပါတယ်။

၄။ နှလုံးရောဂါ ရှိသူများ ရုတ်တရက်အမောဖောက်လာပါက ရှားစောင်းလက်ပတ် အနှစ်ကို
သကြားဖြင့် ဖျော် သောက်ပါက အမောဆို့ခြင်းကို သက်သာပျောက်ကင်းစေပါတယ်။

၅။ ရှားစောင်းလက်ပတ်အနှစ်ကို အပူလောင်ခြင်း အမျိုးမျိုး အတွက်လည်းအသုံးပြုနိူင်ပါတယ်၊ ဆီပူ ၊မီးပူ ၊အိတ်ဇောအပူ လောင်ခြင်းများ အတွက် ဖြစ်ဖြစ်ခြင်း ရှားစောင်းလက်ပတ်အနှစ်ကို ပတ်တီးဖြင့်စည်းထားပေးပါ ။
အရည်ကြည်အဖု လုံးဝ ဖြစ်ခြင်းမရှိပဲ မူလအတိုင်း ပျောက်ကင်းနိူင်ပါတယ်၊အရည်ကြည်ဖု ထွက်လာမှ စည်းပေးလျှင်လည်း အပူကို
စုပ်ယူနိူင်သောကြောင့် အနာ မဖြစ်တော့ပါ ။

၆။ ဘောက်ပျောက် ခေါင်းလျော်ရည် သုံးစွဲခြင်းကြောင့် ဆံပင် အကွက်လိုက်ကျွတ် သောသူများ အတွက် ရှားစောင်းလက်ပတ်အနှစ်ကို ဦးရေပြားပေါ်တွင် လိမ်းပေးခြင်းအားဖြင့် ဆံပင် ပြန်ပေါက်ပြီး ဆံပင်ကျွတ်ခြင်းမှ ကာကွယ် ပေးပါတယ် ။

၇။ ရှားစောင်းလက်ပတ်အနှစ်ကို နံနက်
ည မျက်နှာ သစ်ပြီးတိုင်းလူးပေးရင်တော့
တင်းတိတ် ပျောက်ပြီး မျက်နှာ ပေါင်းတင်စရာ
မလိုပဲ အရေးအကြောင်း မရှိ မျက်နှာလေးတင်းနေပါလိမ့်မယ် ၊လှချင်ရင်
တစ်သက်လုံး လိမ်းပေတော့ ။

ရတနာငယ်(မြန်မာစာ) လွိုင်ကော်
( ၇ )ရက်သားသမီးအားလုံး
ကျန်းမာ သုခ ပြည့်စုံနိူင်ကြပါစေ။
စိတ်မဆိုး ရှားစောင်းလက်ပတ်ဆေးလုံး
Credit: ဥတ္တရစောဖြူ

01/10/2020

ဖြောင့်စက်ဆွဲစရာ မလိုဘဲ ဆံပင်ပျော့အောင် သဘာဝ နည်း နဲ့ ပေါင်းတင်နည်း

ဖြောင့်စရာ မလို ၊ စက်ဆွဲစရာ မလိုတဲ့ ဆံပင် တစ်ခါမှ မဖြောင့်ဖူးဘူး ။
ဒါပေမယ့်ဆံပင်က ဖြောင့်ထားတဲ့ သူတွေလို ပျော့တယ် ၊ ဆံသားပြောင်တယ် ၊စင်းတယ် ။ တစ်ခြား ပေါင်းဆေး သုံးစရာလည်းမလိုဘူး ။

တစ်ပါတ်တစ်ခါ -
ကြက်ဥ
ရှားစောင်းဂျယ်လ်
သံလွင်ဆီ၊
ပျားရည်
နဲ့ ပေါင်းတင်တယ် ။

နှစ်ခွလည်း လုံးဝ မဖြစ်ဘူး ။ ဆံပင် ကျွတ်တဲ့ သူဆို သံပုရာရည်လေးပါ ထည့်လုပ်နော် ။

ရေမချိုးခင် နာရီဝက် ၊ ဒါမှ မဟုတ် ရေချိုးခါနီးဆို အဝတ်လျှော်တယ် ။ အဝတ် မလျှော်ခင် ကတည်းက လိမ်းထားလိုက်တာ အဝတ်တွေလည်း အကုန်လျှော် အပြီး လိမ်းထားတဲ့ အချိန်နဲ့ ကွက်တိပဲ ။ တကူးတက အချိန်မပေးရဘဲ အလုပ်၂ခု ပြီးပါတယ် ။

အရောင်ဆိုးရင်တောင် အရောင်က ပိုပြောင် လက်ပြီး တောက်တယ် ။ ဒါနဲ့ ဖျော်တာ ပိုသွားရင်လည်း မျက်နှာလိမ်းလို့ရတယ်နော် ။

ပျားရည် ဆေးဆိုင်မှာ ရောင်းတာလည်း စစ်တယ် ။ စစ်မစစ် စမ်းနည်း ပြောပြမယ် ။

ပျားရည် တစ်စက်ကို လက်သည်းခွံပေါ် တင်ကြည့်ပါ ။ ပျားရည်စက်က အောက်ကို မကျဘူး ။ ပိန်းကြာရွက်မှာ ရေတင်သလို အလုံးလေးဖြစ်နေရင် အဲ့ဒါ အစစ်ပဲ ။
Credit
#ဒေါ်မေတို့ရွာကလေး
စိတ်မဆိုး တိုင်းရင်းဆေး