Ажин-Мед уламжлалт анагаах ухаан, сэргээн засах эмнэлэг

24/06/2026

Үйлчлүүлэгчийн үүрэг
2.1.Эрүүл мэндийн байгууллагаар үйлчлүүлэгч нь ёс зүйн дараах үүрэгтэй:
2.1.1. Үйлчлүүлэгч өөрийнхөө болон гэр бүлийнхээ эрүүл мэндийг хамгаалах,
дэмжих, урьдчилан сэргийлэх;
2.1.2.Эрүүл мэнддээ анхаарах, өвчнөөс урьдчилан сэргийлэх, эрүүл аж төрөх дадал
эзэмших;
2.1.3.Эрүүл мэндийн байгууллагын ажилтантай хүндэтгэлтэй харилцаж, соёлтой
үйлчлүүлэх;
2.1.4.Байгууллагын дотоод, дүрэм, журмыг дагаж мөрдөх;
2.1.5. Өөрийн болон асран хамгаалж буй үйлчлүүлэгчийн биеийн эрүүл мэндийн
талаарх мэдээллээ эмнэлгийн мэргэжилтэнд үнэн зөв, бүрэн мэдээлэх;
2.1.6.Эмчилгээ, үйлчилгээний заавар дэглэмийг чанд сахих;
2.1.7. Эмчилгээ, үйлчилгээний заавар дэглэмийг мөрдөхөөс татгалзаж байгаа бол
бичгээр баталгаажуулах;
2.1.8. Хууль, журмаар зөвшөөрөгдсөн төлбөртэй тусламж, үйлчилгээ авсан бол
үйлчилгээний төлбөрийг төлөх;
2.1.9. Бусдын эрхийг хүндэтгэх;
2.1.10. Эмнэлгийн тусламж, үйлчилгээ үзүүлж байхад зураг авах болон дуу, дүрс
бичлэг хийхгүй байх.

24/06/2026

Үйлчлүүлэгчийн эрх
1.1.Эрүүл мэндийн байгууллагаар үйлчлүүлэгч нь ёс зүйн дараах эрхтэй:
1.1.1.Үйлчлүүлэгч нь эрүүл мэндийн чанартай, тэгш хүртээмжтэй тусламж,
үйлчилгээг авах;
1.1.2.Биеийн эрүүл мэндийн байдал болон эмчилгээ, үйлчилгээний үр дүн,өвчний
явц, цаашид хийх эмчилгээ, гарч болох үр дагаврын талаар мэдээлэл авч,
эмнэлгийн мэргэжилтэнтэй харилцан ярилцах, тайлбар авах;
1.1.3.Өөрийн эрүүл мэндийн талаарх нууцаа хамгаалуулах;
1.1.4.Өрх, сумын эрүүл мэндийн төвөөр үйлчлүүлэхдээ эмчээ сонгох, тусламж,
үйлчилгээний явцад эмчлэгч эмчээ солих санал тавих;
1.1.5. Олон улсын хөл хориот, байгалийн голомтот болон бусдын эрүүл мэндэд
аюул учруулж болзошгүй халдварт өвчтэй, сэтгэцийн хувьд өөрийгөө хянах
чадваргүй болсноос бусад тохиолдолд эмнэлгийн мэргэжилтний зөвлөсөн эрүүл
мэндийн тусламж, үйлчилгээг авахаас татгалзах;
1.1.6.Хүний эрүүл мэндэд харш, үйл ажиллагаа явуулж байгаа байгууллага,аж ахуйн
нэгж, иргэний талаар холбогдох байгууллагад мэдээлэх, өргөдөл, гомдол гаргах;
1.1.7.Анагаахын болон шинжлэх ухааны судалгаа болон туршилтад оролцохоос
татгалзах;

22/02/2026

27/11/2025

"ОДОНЦЭЦЭГ ЭМЧИЙН ЗӨВЛӨГӨӨ" НОМООС 👩🏻‍⚕️

📌 ХОРХОГ БОЛ ХОР+ХОГ БИШ, ХАРИН...

- Хорхгийг Хор+хог болсон хоол гэх яриа сүүлийн үед гарч байна. Хорхог нь үнэхээр хүний биед хор болох хоол мөн үү?

- Хорхог бол хүний биед хор хог болох хоол биш, харин ч жинхэнэ эмчилгээний хоол. Хамгийн гол нь хорхгийг зөв хэрэглэх хэрэгтэй. Хорхгийг халуун чулуугаар болгосноор хонины махны бүлээн чанарыг сайжруулдаг. Тиймээс хорхгийн махыг цадталаа идэж болохгүй. Гэтэл манайхан хорхгийг ходоодоо дүүртэл идчихээд дээрээс нь архи уучихдаг. Ингэснээр хүний биед шар дэлгэрээд хордлого болчихож байгаа юм. Хорхгийг бага хэмжээгээр идэж, халуун чулуугаар нь хийн бэлчрүүдийг төөнөөд, үнэрийг нь үнэртэх юм бол хүний биед шим тэжээл болдог. Хорхог бол хор хог биш ээ, хорхог бол хий дарах сайн чанарын эмчилгээний монгол уламжлалт хоол юм.

27/11/2025

Бага насны хүүхдэд аливаа өвчнөөс урьдчилан сэргийлэх зоригоор шар тос эсвэл сүүлэн тосоор иллэг хийж тайвшруулах, ясны шөлөнд оруулах, 4 толионы цэгэн бариа хийж өгч байгаарай.
Өвдсөн тохиолдолд химийн найрлагатай бус байгалийн гаралтай эм тангаар эмчилж, зохистой засал эмчилгээг эмчийн заавраар хийлгэх нь өвчнийг архагшуулахгүй эдгээж, хүүхдийн өсөлт хөгжилтөд эергээр нөлөөлж, сэтгэн бодох чадварыг сайжруулж, биеийн дархлааг дэмжиж байдаг юм шүү.

-УАУ -ы их эмч, АУ-ны магистр Н.Эрдэнэжаргал

📌ҮЗЛЭГИЙН ЦАГИЙН ХУВААРЬ: Зөвлөх эмч Г.Одонцэцэг эмчийн үзлэг Даваа-Баасан: 09:20-12:40
-Амбулаторийн эмчийн үзлэг:
Даваа- Баасан 09:20-16:00
Бямба, ням амарна.
📌ЦАГ АВАХ ДУГААР: 7707-1616
📌ХАЯГ: ХУД, 11-р хороо Ривер гарден-2 хотхон, 401-р байрны урд Манба Дацан Бодь Сэтгэлтэн УАУ-ы нэгдсэн эмнэлэг.

27/11/2025

Дугтуйтай будааны дээд нь арвай.
Дугтуйгүй будааны дээд нь цагаан будаа.
- Тиймээс арвайн гурилаа зуурч идээд. цагаан будаатай хонины махтай хуурга, шөл, сүүтэй цагаан будаагаа идэж хэрэглэвээс биеийг сайтар тэжээл болж шимжүүлнэ.
Мөн хордлогын улмаас бөөлжих, суулгах үед дан цагаан будааны зутанд бага зэрэг зөгийн бал хутгаад хэрэглэхэд нэн тустай.

- "Одонцэцэг эмчийн зөвлөгөө" номоос

📌ҮЗЛЭГИЙН ЦАГИЙН ХУВААРЬ: Зөвлөх эмч Г.Одонцэцэг эмчийн үзлэг Даваа-Баасан: 09:20-12:40
-Амбулаторийн эмчийн үзлэг:
Даваа- Баасан 09:20-16:00
Бямба, ням амарна.
📌ЦАГ АВАХ ДУГААР: 7707-1616
📌ХАЯГ: ХУД, 11-р хороо Ривер гарден-2 хотхон, 401-р байрны урд Манба Дацан Бодь Сэтгэлтэн УАУ-ы нэгдсэн эмнэлэг.

27/11/2025

- Сүүлийн үед хүмүүс давсгүй хоол идвэл турна гээд хоолондоо давс хэрэглэхгүй байна. Энэ бол маш буруу. Давсыг хоолондоо заавал хэрэглэх хэрэгтэй.
- Давслаг амт нь ус, гал махбодын хувь их байдаг учраас хүний биед хий, цус, бадган салс хуйларч бөөгнөрөхөөс сэргийлнэ. Мөн галын илчийг тэтгэж, хоол ундны шингэлтийг сайжруулж, бодисын солилцоог идэвхжүүлэх гээд олон талын ач холбогдолтой.
- Бид хоол ундандаа иодтой давс, жамц давс, улаан давс, хужир зэргээр давслаг зүйлүүдийг хэрэглэдэг. Харин уламжлалт эмд 20 гаруй төрлийн давсыг хэрэглэдэг. Эдгээр төрөл бүрийн давсанд давслаг амтны нийтлэг чанар агуулагдахаас гадна, өөр өөрийн мөн чанарын чадлууд агуулагдаж байна.
- Гэхдээ давслаг амтыг хэрэгтэй гээд хэтрүүлэн хэрэглэж болохгүй. Хэрэв давслаг амтыг байнга хэтрүүлэн хэрэглэвэл үс унаж халцарна, үс цайж цагаан үс ургана, нүүрний арьс болон бүх арьс үрчлээтнэ, мөн цус, шараас үүдэлтэй олон өвчнийг үүсгэх эрсдэлтэй.
Яг үүнтэй адил бүх амтанд хүний биед үзүүлэх сайн чанар агуулагдах боловч хэтрүүлж хэрэглэвэл янз бүрийн өвчнийг үүсгэдэг.
- Хийн бэлгэ чанар хямарсан үед буюу яс, чих, зүрх, амин судас зэрэг хийн орнуудад эмгэг өөрчлөлт орсон үед амтлаг, исгэлэн, давслаг, халуун амт зонхилсон хоол унд, эмийг хэрэглэнэ. Харин шарын бэлгэ чанар хямарсан цус, шар, халуун язгуурын өвчний үед гашуун, амтлаг, эхүүн амт зонхилсон идээ, унд, эмийг хэрэглэнэ. Бадганы бэлгэ чанар хямарсан үед халуун, исгэлэн, давслаг амтлаг амтыг зонхилон хэрэглэнэ.
- Ер нь аливаа улс үндэстэн өөрийн уламжлалт хоол, ундаа л хэрэглэх нь эрүүл мэндэд сайн нөлөөтэй гэдгийг олон орны анагаах ухааны эрдэмтэд хүлээн зөвшөөрч байгаа. Учир нь тэрхүү уламжлалт хоол нь тухайн орны байгаль, цаг уурын онцлог, түүнтэй зохицон хэдэн мянган жилээр амьдарч үр, удам нь болж амьдарч байгаа хүмүүсийн бие махбодын онцлог, өвөрмөц чанартай уялдсан байдаг.
- Тиймээс хүмүүс аль болох байгалийн гаралтай хүнсний цэвэр бүтээгдэхүүнээр гэртээ, өөрсдөө бэлтгэсэн хоолоо түлхүү хэрэглэж байх нь эрүүл мэндэд тустай.
- "Одонцэцэг эмчийн зөвлөгөө" номоос
📌ҮЗЛЭГИЙН ЦАГИЙН ХУВААРЬ: Зөвлөх эмч Г.Одонцэцэг эмчийн үзлэг Даваа-Баасан: 09:20-12:40
-Амбулаторийн эмчийн үзлэг:
Даваа- Баасан 09:20-16:00
Бямба, ням амарна.
📌ЦАГ АВАХ ДУГААР: 7707-1616
📌ХАЯГ: ХУД, 11-р хороо Ривер гарден-2 хотхон, 401-р байрны урд Манба Дацан Бодь Сэтгэлтэн УАУ-ы нэгдсэн эмнэлэг.

27/11/2025

Намрын эхэн, дунд сарууд (YIII.24-X.21) шарын туулга цэвэрлэгээний үе
Намрын эхэн, дунд саруудад хүний биед шар хөдлөх тул туулга эмчилгээ хийх хамгийн тохиромжтой 2 сар мөн.
Туулга эмчилгээгээр:
- Халуун шарын язгуурын
- Элэг, цөс, ходоод, нарийн гэдэс тэргүүтэн хоол боловсруулах эрхтний
- Хаван, харшил, үе мөч, арьсны өвчин зэрэг шар усны язгуурын архаг, хурц хэлбэрийн өвчний урхагийг арилгаж цэвэрлэдэг чухал тус эрдэмтэй эмчилгээ.
Гэхдээ бас:
- хийж болохгүй өвчнүүд,
- болох өвчин байсан ч боловсруулах, хураах, эвдлэх зэрэг бэлтгэл эмчилгээг хийгээгүй
- тамирыг тэтгээгүй
- холын болон, ойрын бэлтгэл хийгээгүй бол маш олон хүндрэл, эрсдэл гардаг.
Бас туулгаа зохих ёсоор дуусгаж, нарийн, бүдүүн гэдэсний өнгөрийг тогтоохгүй бол шархлаа үүснэ.
Туулгын дараа гэдэсний гүрвэлзэх хөдөлгөөнийг хэвийн хэмнэлд нь оруулаагүй орхивол гэдэс зангирах, түгжрэх зэрэг хүндрэл гардаг.
Тиймээс туулга эмчилгээг хэзээ ч онлайнаар, зайнаас удирдаж хийж, хийлгэж болохгүй!
Эмчийн заавраар, зохих бэлтгэлийг хийгээд, эмнэлгийн нөхцөлд, эмчийн хяналтанд хийлгэх шаардлагатайг анхаараарай.

Эмчилгээний талаар дэлгэрэнгүй мэдээлэл авах болон цаг авах дугаар: 7707-1616

27/11/2025