04/09/2026
Ганцхан шөлний зураг тавьчхаад … олон нийтэд сэвээд байгаад итгээгүй учраас аргагүйн эрхэнд газар дээр нь очиж үзлээ. Ийм байж арай болохгүй ээ манай ард түмэн минь ээ. Цэцэрлэгийн үдийн хоол шөл, үндсэн хоол, жимсний шүүс эсвэл цайны бүрдэлтэй. Батлагдсан цэстэй. Хяналтын дээжтэй үүнийгээ 72 цаг хадгалах үүрэгтэй. Тухайн өдрийн үдийн хоол ийм байжээ. Та бүхэн үзээд зөвөөр тунгаан бодоорой. Бид аливаа юмыг зөвхөн хармаар байгаа өнцгөөсөө л харж, дүгнээд байж болохгүй. Нягтлаад үнэн мөнийг мэддэг байх хэрэгтэй. Гал тогооны ажил амар бишээ хэцүү өглөө үүр цүүрээс эхлээд үдэш бүрий болтол цэцэрлэг, сургуулийн тогооч нар маань бидний, таны хүүхдийн төлөө халуун орчинд зогсоогоороо ажилладаг. Бидний хэлж байгаа, ярьж байгаа, бичиж байгаа бүхэн сошиал орчинд ч гэсэн хариуцлагатай байх ёстой.
Бид хэт нэг талыг барьж өмөөрөх гэж энэ бичлэгийг хийсэнгүй ээ. Бодит байдал дээр яг юу болсныг л харуулах гэсэн юм.
