АШУҮИС-ийн Ахисан Түвшний Сургууль

10/07/2026

Тулгар төрийн 2235 жил, Их Монгол Улсын 820 жил, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойн Үндэсний их баяр наадмын халуун мэндийг өргөн дэвшүүлье!

Энэ түүхэн сайхан өдрүүдэд Анагаахын Шинжлэх Ухааны Үндэсний Их Сургуулийн Анагаах ухааны доктор, профессор О.Чимэдсүрэн багшдаа Монгол Улсын Ерөнхийлөгчийн зарлигаар "МОНГОЛ УЛСЫН ШИНЖЛЭХ УХААНЫ ГАВЬЯАТ ЗҮТГЭЛТЭН" хэмээх эрхэм дээд цолоор шагнагдсанд АШУҮИС-ийн Ахисан түвшний сургуулийн хамт олны зүгээс чин сэтгэлийн халуун баяр хүргэж, хүндэтгэл илэрхийлье.
Профессор О.Чимэдсүрэн багш нь АШУҮИС-ийн Ахисан түвшний сургууль байгуулагдсан цагаас эхлэн хөгжлийн бодлого, удирдлага, эрдэм шинжилгээ, сургалтын үйл ажиллагааны чиглэлд манлайлан удирдаж, ялангуяа магистрын цахим сургалтын тогтолцоог бүрдүүлэх, сургалтын хөтөлбөрийг олон улсын жишигт нийцүүлэн хөгжүүлэхэд оруулсан хувь нэмэр сургуулийн түүхэнд тодоор үнэлэгддэг билээ.
Түүнчлэн өөрийн арвин мэдлэг, туршлагаа харамгүй түгээн, олон арван магистр, доктор, эрдэм шинжилгээний ажилтан, багш, судлаачдыг сурган хүмүүжүүлж, нийгэмд бэлтгэн гаргасан эрхэм багшаараа бид бахархаж байна.
Эрхэм багшдаа эрүүл энх, аз жаргал, эрдмийн их үйлс тань улам дэлгэрч, шинжлэх ухаан, боловсрол, нийгмийн эрүүл мэндийн салбарт олон шинэ амжилт бүтээхийн өлзийтэй ерөөлийг өргөн дэвшүүлье.

22/06/2026

"Weekly Science Visual" Нэг зураг, нэгдсэн ойлголт – Цуврал #5

Ахисан түвшний сургуулийн Салбар дундын сургалтын төвөөс багш, судлаач, төгсөлтийн болон төгсөлтийн дараах түвшний суралцагчдад зориулан орчин үеийн шинжлэх ухааны судалгааны үр дүн, шинэ технологи, молекулын механизмын ойлголтыг нэг зурагт нэгтгэн хүргэх цуврал танилцуулгыг хүргэж байна.

Сэдэв: α-Dystroglycan-ийн O-маннозын гликозилжилт, FKTN генийн сплайсингийн алдагдал ба генийн түвшний засварлах боломж

Энэхүү зурагт α-dystroglycan (α-DG) уургийн хэвийн O-маннозын гликозилжилтын молекул механизм болон FKTN генийн өөрчлөлтөөс шалтгаалах булчингийн удамшлын эмгэгийн үүсэл, түүнийг засварлах шинэ хандлагыг харуулжээ. Хэвийн нөхцөлд α-DG нь олон шатлалт ферментийн үйл ажиллагаагаар боловсорч эсийн гаднах матрикстай холбогдон эдийн бүтцийн тогтвортой байдлыг хангадаг. Судалгаагаар FKTN генийн deep-intronic өөрчлөлт (c.647+2084G>T) нь хэвийн бус сплайсинг үүсгэж, үйл ажиллагаагүй богиноссон уураг үүсэхэд хүргэдгийг тогтоосон. Үүний улмаас α-dystroglycan-ийн үйл ажиллагаа алдагдаж Fukuyama congenital muscular dystrophy (FCMD), Muscle-eye-brain disease (MEB), Walker–Warburg syndrome (WWS) зэрэг α-dystroglycanopathies бүлгийн эмгэгүүд үүсдэг. Энэхүү ажил нь antisense oligonucleotide (A*O) генийн засварлах технологиор хэвийн бус сплайсингийг засварлаж, хэвийн уургийн нийлэгжилтийг сэргээх боломжтойг харуулснаараа генд суурилсан эмчилгээний хөгжлийн чиглэлийг онцолж байна.

Зохиогч: АУ-ы доктор Э.Сарантуяа /Ахисан түвшний сургуулийн Академик сургалтын төвийн эрхлэгч/

Бүтээлтэй танилцах холбоос: https://pubmed.ncbi.nlm.nih.gov/36426838/

22/06/2026

“Эрүүл мэндийн Big Data ба хиймэл оюун” сэдэвт сургалт амжилттай зохион байгуулагдлаа

Сүүлийн жилүүдэд эрүүл мэндийн салбарын цахим шилжилт эрчимжиж, эмнэлзүйн мэдээллийн систем, геномын өгөгдөл, дүрс оношилгоо, ухаалаг төхөөрөмжүүд болон олон төрлийн мэдээллийн эх үүсвэрээс бий болох өгөгдлийн хэмжээ хурдацтай өсөн нэмэгдэж байна. Энэхүү их хэмжээний өгөгдөл (Big Data)-ийг үр дүнтэй ашиглах нь нотолгоонд суурилсан анагаах ухаан, судалгаа, шийдвэр гаргалт болон хиймэл оюуны хөгжлийн чухал үндэс болж байна.

АШУҮИС-ийн Ахисан түвшний сургуулиас эрүүл мэндийн салбар дахь их өгөгдөл, өгөгдлийн шинжилгээ, хиймэл оюуны хэрэглээний талаарх мэдлэг, ур чадварыг хөгжүүлэх, цаашлаад эдгээр чиглэлийн агуулгыг магистрын болон докторын хөтөлбөрт үе шаттайгаар нэвтрүүлэх, судалгаа, инноваци, өгөгдөлд суурилсан шийдвэр гаргалтыг дэмжих зорилгоор “Эрүүл мэндийн Big Data ба хиймэл оюун” сэдэвт сургалтыг 2026 оны 6 дугаар сарын 17-ны өдөр танхим болон цахим хосолсон хэлбэрээр амжилттай зохион байгууллаа.

Сургалтын хүрээнд:
• Г. Дамба – “Big Data-ийн үндсэн ойлголт ба эрүүл мэндийн салбар дахь хэрэглээ”
• С. Хашчулуун – “Big Data цуглуулах, боловсруулах арга зүй”
• Х. Дэлгэрдалай – “Эмнэлзүйн өгөгдлийн шинжилгээ ба хэрэглээ”
• Б. Халиун – “Big Data био-анагаахын судалгаанд” сэдвээр илтгэл хэлэлцүүлж, оролцогчидтой туршлага, мэдлэгээ хуваалцлаа.

Сургалтад эрүүл мэндийн салбарын судлаач, эмч, мэргэжилтэн, багш, оюутан болон өгөгдөлд суурилсан судалгаа, хиймэл оюуны хэрэглээг сонирхогчид оролцож, танхимаар 30, цахимаар 64, нийт 94 оролцогч хамрагдлаа. Энэхүү сургалт нь их өгөгдлийн шинжилгээ, эмнэлзүйн мэдээллийн боловсруулалт, био-анагаахын судалгаанд хиймэл оюуныг ашиглах боломжийн талаар ойлголт, мэдлэгээ гүнзгийрүүлэх чухал ач холбогдолтой арга хэмжээ боллоо.

22/06/2026

2025-2026 оны хичээлийн жилийн Төгсөлтийн дараах сургалтын төрөлжсөн мэргэшлийн сургалт төгсөгчдийн мэргэшлийн үнэмлэх бэлэн боллоо

2025-2026 оны хичээлийн жилийн Төгсөлтийн дараах сургалтын төрөлжсөн мэргэшлийн сургалтыг дараах мэргэшлээр суралцан төгсөгчдийн мэргэшлийн үнэмлэх хэвлэгдсэн тул 06 сарын 30-ны дотор АШУҮИС-ийн төв байрын Ахисан Түвшний Сургуулийн 8 тоотоос ирж авна уу.

АШУҮИС-ийн хүрээлэн, лабораторийг түшиглэн судалгаагаа хийж байгаа магистрантад 3 хүртэл, докторантад 5 хүртэл сая төгрөгийн (урвалж бодис, зориулагдсан) тэтгэл

19/06/2026

10/06/2026

"Weekly Science Visual" Нэг зураг, нэгдсэн ойлголт - Цуврал #4

Ахисан түвшний сургуулийн Салбар дундын сургалтын төвөөс багш, судлаач, төгсөлтийн болон төгсөлтийн дараах суралцагчдад зориулан сүүлийн үеийн судалгааны ажлын танилцуулгыг цувралаар хүргэж байна.

Сэдэв: Isolation and evaluation of trypanocidal activity of sesquiterpenoids, flavonoids, and lignans in Artemisia sieversiana collected in Mongolia

Artemisia sieversiana нь уламжлалт анагаах ухаанд халуурах, хоолойн үрэвсэл, уушгины хатгалгааг эмчлэхэд өргөн хэрэглэгддэг эмийн ургамал юм. Энэхүү судалгаагаар уг ургамлаас нийт 31 нэгдлийг ялган авч молекулын бүтэц байгууламжийг тодорхойлсны дотор 4 нь шинэ бодис болохыг тодорхойлов. Биологийн идэвхийн үнэлгээгээр зарим бодисууд трипаносомын эсрэг идэвхтэй болохыг тогтоосон бөгөөд энэ нь байгалийн гаралтай антипаразит эмийн бодис хөгжүүлэхэд чухал ач холбогдолтой юм.

Зохиогч: ЭЗУ-ы доктор С.Нурбек /Ахисан түвшний сургуулийн Салбар дундын сургалтын төвийн судлаач/

Бүтээлтэй танилцах холбоос: https://pubmed.ncbi.nlm.nih.gov/32621255/

03/06/2026

"Weekly Science Visual" Нэг зураг, нэгдсэн ойлголт - Цуврал #3

Ахисан түвшний сургуулийн Салбар дундын сургалтын төвөөс багш, судлаач, төгсөлтийн болон төгсөлтийн дараах суралцагчдад зориулан сүүлийн үеийн судалгааны ажлын танилцуулгыг цувралаар хүргэж байна.

Сэдэв: Өвсөн гурван халуунд агуулагдах флавоноидын хавдрын эсрэг үйлдлийн механизм

Зургийн нэмэлт тайлбар: Ходоодны хавдрын эмчилгээнд хэрэглэгддэг уламжлалт анагаах ухааны “Өвсөн гурван халуун” найрлагад агуулагдах флавоноид нь хавдрын эсийн амьдрах чадвар, пролифераци болон шилжих хөдөлгөөнийг зохицуулагч PI3K/Akt болон MAPK/ERK замуудыг зэрэг дарангуйлах молекул механизмаар хавдрын эсрэг үйлдэл үзүүлж байна.

Зохиогч: АУ-ы доктор Р.Наранхүү /Ахисан түвшний сургуулийн Салбар дундын сургалтын төвийн судлаач/

Бүтээлтэй танилцах холбоос: https://www.researchgate.net/publication/395808907_The_effect_of_Hot-natured_three_herbs_on_gastric_cancer_cell_line_AGS

27/05/2026

"Weekly Science Visual" Нэг зураг, нэгдсэн ойлголт - Цуврал #2

Ахисан түвшний сургуулийн Салбар дундын сургалтын төвөөс багш, судлаач, төгсөлтийн болон төгсөлтийн дараах суралцагчдад зориулан сүүлийн үеийн судалгааны ажлын танилцуулгыг цувралаар хүргэж байна.

Сэдэв: Хүний уушгины эдийн ex vivo загварт микобактерийн эрт үеийн халдварын шалтгаант эсийн гэмтэл болон эс-өвөрмөц халдварын илрүүлсэн нь


Зохиогч: АУ-ы доктор болон НЭМУ-ы доктор Г.Дариймаа /Ахисан түвшний сургуулийн Салбар дундын сургалтын төвийн судлаач/

Бүтээлтэй танилцах холбоос: https://pubmed.ncbi.nlm.nih.gov/26803467/

20/05/2026

https://www.facebook.com/share/v/18iHUiqKoC/?mibextid=wwXIfr

19/05/2026

БАКАЛАВР-МАГИСТРЫН НЭГДМЭЛ АГУУЛГАТАЙ ХӨТӨЛБӨРӨӨР СУРАЛЦАГЧИД АУ-Ы МАГИСТРЫН ЗЭРГЭЭ АМЖИЛТТАЙ ХАМГААЛЛАА

АШУҮИС-ийн Ахисан түвшний сургуулийн Олон улсын цахим сургалтын төвийн “Анагаах ухаан бакалавр - магистрын нэгдмэл агуулгатай хөтөлбөр”-т 2025-2026 оны хичээлийн жилд Анагаах ухааны сургуулийн төгсөх дамжааны нийт 47 суралцагсад элсэн суралцсан билээ. Нэгдмэл агуулгатай магистрын хөтөлбөрөөр суралцагч нарын Анагаах ухааны магистрын зэрэг хамгаалах жинхэнэ хамгаалалтыг 2 дахь жилдээ 2026 оны 05-р сарын 12-ноос 2026 оны 05-р сарын 14-ний өдрүүдэд Салбар дундын Эрдмийн зөвлөлөөр хэлэлцүүлэн 100 хувийн амжилттайгаар зохион байгууллаа. Нийт төгсөгч нартаа баяр хүргэж цаашдын эрдэм шинжилгээний ажилд нь амжилт хүсэн ерөөе.