05/06/2026
VOICE OF THE DESERT нээлтийн үйл ажиллагаа өнөөдөр боллоо.
Дэлхий дахинд цөлийн дуу хоолойг хүргэх, байгаль эхийн төлөө хүн төрөлхтний хариуцлагыг сануулах их үйлсийн эхлэл тавигдлаа.
Дэлхийн хэт холын зайн гүйлтийн 23 удаагийн аварга, бахархалт монгол хүн Budjargal Byambaa ах маань Евроазийг дамнан 16,000 км замыг 100 хоногт туулахаар гараанаас гарлаа.
Бид, GerteeFit/ГэртээФит хамт олон энэ их аяллын эхний 16 км замыг хамтдаа туулж, Монгол орны 33 говийг энгэртээ зүүж, эх дэлхийгээ гэсэн хайр, хүндэтгэлээ зүрхэндээ тээж гүйлээ. ❤️
Гэхдээ энэ гүйлт зөвхөн спортын тухай биш.
Энэ бол бидний амьсгалж буй агаар, ууж буй ус, алхаж буй хөрс шороо, ирээдүйд үлдээх эх дэлхийн тухай юм.
Байгаль хамгаалах нь төр засгийн, байгууллагын, эсвэл цөөн хэдэн идэвхтний ажил биш. Энэ бол хүн бүрийн иргэний үүрэг, үр хүүхдийнхээ өмнө хүлээсэн хариуцлага.
Хэрэв бид өнөөдөр хайхрахгүй өнгөрвөл маргааш хүүхдүүд маань цэвэр ус, цэнгэг агаар, ногоон дэлхийг номноос л хардаг болох вий.
Эх дэлхий байхгүй бол эд хөрөнгө, хөгжил дэвшил, амжилт бүтээл бүгд утгаа алдана. Харин эх дэлхий амьд байвал бидний ирээдүй амьд байна.
Өнөөдөр нэг алхам гүйсэн хүн бүр маргаашийн төлөө нэг алхам хийсэн гэсэн үг.
🌍 Байгалиа хайрлая.
🌱 Цөлжилттэй тэмцье.
💚 Үр хүүхдэдээ амьдрах дэлхий үлдээе.
Учир нь эх дэлхий биднээс өвлөгдсөн зүйл биш, харин ирээдүй үеэсээ түр зээлсэн үнэт өв юм. 🇲🇳
