13/04/2026
Мэргэжлээрээ гадаадад гарч ажиллах хамгийн их боломжтой хүмүүс бол уламжлалт анагаах ухааны эмч нар мөн. Мэдээж тодорхой нөхцөл, шаардлага хангаж байж энэ боломжоо ашиглана.
Хамгийн эхний чухал зүйл бол англи хэл!!! Нэг их төгс биш юм гэхэд өдөр тутмын ярианы хэл, өвчтөн үйлчлүүлэгчтэй харьцах, асуумж асуух, хариултыг ойлгох хэмжээний хэл ярианы дадлага чухал! Мэргэжлийн хэлний хувьд маш сайн бэлтгэх хэрэгтэй. Уламжлалт анагаах ухааны онолын талаар чөлөөтөй уншиж ойлгодог байх, өрнийн анагаах ухааны шаардлагатай үг хэллэгийг маш сайн сурах хэрэгтэй . Америкт ажиллахад танд ажлын байрны урилга, спонсор хийх монгол бизнэсүүд олдох боломж бий. Хамгийн гол нь өөрийгөө сайн бэлдэх хэрэгтэй! АШУИС-н Рэгзэдмаа гээд америкт ажиллаж байсан багшаас асууж сураглаад зөвлөгөө аваарай залуусаа. Өөрсдөө эртнээс мэргэших чиглэлээ зөв сонгож тэр чиглэлээрээ англи хэлний нэршил хэллэг сайн сурч судал.
Мэргэших чиглэл гэснээс Америкт мэргэжлээс шалтгаалсан нуруу, нугасны өвчлөл, уламжлалтынхан хий өвчин гэж нэрлэдэг, өрнийн анагаах ухааны вегето-сосудистая дистония, Vegetative-Vascular dystonia буюу Vascular dystonia их тохиолдоно. Үндсэн мэргэших чиглэлээ зөв сонговол өөрийгөө дадлагажуулах, бэлдэхэд их дөхөм болно. Эзэмших ёстой эмчилгээний үндсэн арга барил бол юуны түрүүнд оношилгоо! Өрнийн анагаах ухааны онош, уламжлалт анагаах ухааны оношыг маш сайн хөрвүүлж ойлгодог байх хэрэгтэй! Сайн эзэмших ёстой чадвар бол зүү төөнүүр, тосон бариа, галтай бумба, шар тостой бариа, эмийн ургамалтай жин, бариа гэх мэт… Энд онцолж хэлэхэд америкууд хэт олон зүү тавиулах тун дургүй!!! Тийм учраас оношоо зөв тавиад аль болох цөөн цэг сонгож хэрэглэдэг байх нь чухал!!! Тан багшийн зүү эмчилгээний арга барил энэ тохиолдолд хамгийн сайн сонголт болно. Клиник биш үүдэн эмнэлэг, өдрийн эмчилгээний зарчмаар голдуу ажиллана. Энд монгол эм тан хэрэглэх боломжгүй! Хэрэв эм барих лицензи авчихвал дорнын анагаах ухааны бүх төрлийн эм, эмийн ургамал бэлдмэлүүд байдаг. Эрээвэр хураавар биччихлээ😉😉😉
Өөрийгөө бэлд! Хэл сур! Буруу дуудлага энэ тэр гэж бүү санаа зов!
Мэргэш!!! Бүх өвчинг мэдэж, бүгдийг эмчилнэ гэж бүү бод! Эндэхийн зах зээлийн эрэлт шаардлагат л зохицож ажиллана гэдэг зорилгоо ойлго!
Өдөр бүр өөрийн хийж буй үйлдлээ англи хэл дээр багш мэргэжилтэнээр бичүүлж аваад тогтоож цээжил! Дараа нь тоть шиг давт!
Та нарт маш их боломж бий! Мөрөөд!
Сур! сур! бас дахин сур!
