https://www.facebook.com/110724221552277/

Hilal Primacare Health Service, Ungogo LGA, Gusau (2026)

24/08/2026

Abubuwan Da Suke Hana Mata Daukar Ciki 🤰

Rashin ɗaukar ciki ba lallai yana nufin mace ta yi wani kuskure ba. Akwai dalilai da dama da s**a shafi lafiyar mace da namiji.

Wannan darasi yana taimakawa wajen fahimtar wasu abubuwan da za su iya sawa mace ta rage damar samun ciki.

1️⃣Rashin sanin lokacin fitar ƙwai (Ovulation):- Mace tana da wasu kwanaki a wata da damar ɗaukar ciki ta fi yawa. Rashin sanin wannan lokaci na iya sa ma'aurata su rasa lokacin da damar samun ciki sosai.

2️⃣Rashin kula da Infection ko Cututtuka k**ar Chlamydia, Gonorrhoea da PID na iya haifar da matsala ga bututun mahaifa idan ba a yi maganinsu da wuri ba suna iya hana samun juna biyu.

3️⃣Yin amfani da magunguna ba tare da shawarar ma'aikacin lafiya ba, magunguna na iya shafar hormones ko tsarin fitar ƙwai. Saboda haka, bai k**ata a riƙa shan maganin fertility ko hormone da kai ba.

4️⃣Matsalar nauyin jiki
Kiba mai yawa sosai na iya rikita hormones kuma ya shafi ovulation.

5️⃣Shan taba da wasu abubuwan maye
Waɗannan abubuwa na iya rage lafiyar ƙwayoyin haihuwa kuma su rage damar samun ciki.

6️⃣Rashin kula da matsalar al'ada
Idan al'ada tana yawan rikicewa, ta daina zuwa, ko kuma tana zuwa ba bisa ka'ida ba, yana da kyau a nemi shawarar ma'aikacin lafiya domin a gano dalili.

7️⃣Yin amfani da wasu sinadarai a farji
Yawan amfani da douching ko wasu sinadarai marasa dacewa na iya dagula daidaiton farji kuma ya ƙara haɗarin kamuwa da infection.

8️⃣Idan ma'aurata suna yin jima'i ba tare da kariya ba na tsawon shekara 1 ba tare da samun ciki ba, ya dace su je asibiti ayi musu binciken fertility. Idan mace tana da shekaru 35 ko sama, ana iya neman binciken bayan watanni 6.

Kada a ɗora wa mace laifi kai tsaye idan ba ta samu ciki ba. Matsalar fertility na iya kasancewa daga mace, namiji, ko duka biyun. Saboda haka, binciken ma'auratan biyu ya fi dacewa.

Ya Allah duk wadanda suke neman Haihuwa Allah ka basu masu Albarka kuma ka rayasu bisa Sunna Amin

HILAL PRIMACARE HEALTH SERVICES

24/08/2026

Bayani akan Tarin Fuka (Tuberculosis) TB 🫁

Tarin TB cuta ce mai yaɗuwa daga kwayar Mycobacterium tuberculosis ke haddasawa. Mafi yawan lokaci tana shafar huhu, kuma tana iya yaɗuwa daga mutum zuwa mutum ta iska.

*Alamomin TB*

1.Tari da ya wuce makonni 2

2.Tari da jini ko majina

3.Ciwon ƙirji

4.Zazzabi, musamman da dare

5.Gumi da daddare

6.Ramewa ba tare da dalili ba

7.Rashin cin abinci

8.Kasala

Yadda Cutar ke yaduwa

Mutumin da ke da TB ya na iya fitar da ƙwayoyin cutar cikin iska yayin tari, atishawa ko magana, musamman a wuraren da ba su da iska sosai.

Hanyoyin Riga Kafi

✅ A rufe baki da hanci lokacin tari ko atishawa.

✅ A buɗe tagogi domin samun iska mai kyau.

✅ A guji cunkoso idan akwai wanda ake zargin Yana da TB.

✅ Wanda ke da alamomin TB ya je asibiti don bincike da wuri.

✅ Masu hulɗa ta kusa da mai TB su bi shawarar ma'aikatan lafiya game da screening.

TB tana da magani kuma ana iya warkewa idan an gano ta da wuri kuma aka kammala shan maganin da aka tsara.

Ba kowane tari ba ne TB. Idan mutum yana da tari na makonni 2 ko fiye, musamman tare da ramewa, zufa da dare ko jini a majina, ya k**ata ya je cibiyar lafiya domin a yi masa binciken TB.

Allah ya kara mana lafiya amin summa amin.

Hilal Primacare Health Services
Tushen Lafiyar Al'umma

24/08/2026

KANA SON FARA SAMUN BACCI MAI KYAU ? 😴

Idan kana son ka samu wadatacciyar lafiya to dole ne ka inganta hanyar yin baccinka, ga wasu matakai guda 5 da ya k**ata ka fara yi:

1.Ka yi ƙoƙarin kwanciya da tashi a kusan lokaci guda kullum. Wannan yana taimaka wa jiki ya saba da lokacin barci.

2.Ka guji shan shayi da kofi da zarar yamma tayi, kuma kada ka ci abinci mai nauyi aƙalla awa 3 kafin kwanciya.

3.Ka tabbatar akwai iska a ɗakin da zakiyi bacci, ko kuma kayi wanka domin wanka kafin kwanciya ma na iya taimaka maka wajen samun nutsuwa.

4.Ka karanta addu'o'in kwanciya bacci wanda Alku'rani da sunna s**a koyar, irinsu Ayatul Kursiyyu da Surorin kariya, ka yawaita istigfari da salati. Ka kwantar da hankalinka ka cire duk wani na dumawa daga zuciyarka.

5.Ka rage amfani da waya musamman minti 30 kafin barci. Domin hasken allon waya da yawan amfani da waya na iya kawo cikas ga samun barci mai kyau.

Barci mai kyau muhimmiyar hanya ce ta kula da lafiyarka. Kada ka sadaukar da lokacin barcinka saboda waya, fina-finai ko social media.

Ka kula da barcinka yau, domin lafiyarka ta gobe.

Allah ya kara mana lafiya amin summa amin.

✍️
Hilal Primacare Health Services
Tushen Lafiyar Al'umma

22/08/2026

Bayani akan Kansar Bakin Mahaifa.

Cutar dajin mahaifa cuta ce da ke farawa a bakin mahaifa (cervix) lokacin da wasu ƙwayoyin halitta s**a fara girma ba bisa ka’ida ba. Abin farin ciki shi ne: ana iya rage haɗarinta sosai, kuma idan aka gano ta da wuri, ana iya magance ta.

HPV (Human Papillomavirus) shi ne babban dalilin cutar dajin mahaifa. Ana iya yaɗa HPV ta hanyar kusancin jima’i.

Wasu abubuwan da ke ƙara haɗarin ci gaba da kamuwa da cutar sun haɗa da:

1.Rashin yin gwajin cervical screening a kai a kai.

2.Raunin garkuwar jiki, k**ar a wasu masu HIV.

3.Shan taba sigari.

4.Wasu nau’ikan HPV masu haɗari da s**a daɗe a jiki.

Samun HPV ba yana nufin mace tana da cutar daji ba. Yawancin kamuwa da HPV suna warkewa da kansu, amma wasu nau’ikan na iya daɗewa su haifar da sauyin ƙwayoyin mahaifa.

Alamomin da ya k**ata ki kula da su

1.Zubar jini ba lokacin al’ada ba, musamman bayan kusanci.

2.Fitar Ruwa daga gaba wanda ya canza launi, yawa ko wari.

3.Ciwon ƙasan mara ko ƙugu.

4.Jin zafi yayin kusanci.

A farkon matakai, cervical cancer na iya kasancewa ba tare da wata alama ba.

Yadda za ki kare kanki

1.💉 Allurar HPV: Tana taimakawa wajen kare mutum daga nau’ikan HPV masu haddasa cutar daji.

2.🩺 Cervical screening: Yin gwajin binciken bakin mahaifa k**ar HPV test, Pap smear ko VIA gwargwadon abin da ake samu a cibiyar lafiya da kuma shekarun mace.

3.🚭 Guje wa taba sigari.

4.🏥 Idan an samu sak**akon gwaji mara kyau, a bi shawarar ma’aikacin lafiya kuma kada a yi sakaci da ƙarin bincike.

Kada ki jira ki ji ciwo kafin ki yi screening. Mace na iya kasancewa ba ta da wata alama amma gwaji ya gano sauyin ƙwayoyin mahaifa tun kafin su koma cutar daji.

Idan kina da zubar jini ba lokacin al’ada ba ko bayan kusanci, ki je cibiyar lafiya domin a bincike ki. Rigakafi da gano cutar da wuri na iya ceton rayuwa.

Allah ya kara mana lafiya amin

HILAL PRIMACARE HEALTH SERVICES
“Tushen Lafiyar Al’umma”

22/08/2026

Bayani akan Kansar Nono

Cutar dajin nono (Breast Cancer) na faruwa ne lokacin da wasu ƙwayoyin halitta a nono s**a fara girma ba bisa ka’ida ba. Tana iya shafar mata da maza, amma mata sun fi fuskantar haɗarinta. Gano ta da wuri na taimakawa wajen samun magani cikin sauƙi da kuma ƙara damar samun lafiya.

Me ke kawo cutar?

1.Shekaru.

2.Tarihin cutar a cikin iyali ko wasu sauye-sauyen genes.

3.Wasu sauye-sauyen sinadaran jiki (hormones).

4.Kiba, musamman bayan menopause.

5.Shan barasa da wasu halaye na rayuwa na iya ƙara haɗarin cutar.

Ba a san ainihin dalilin da ya sa kowace mace take samun breast cancer ba, kuma rashin shayarwa ba yana nufin mace za ta kamu da cutar ba. Shayarwa na iya rage haɗari a wasu mata.

Alamomin da ya k**ata ki kula da su

1.Fitowar Sabon ƙulli ko tauri a nono ko hammata.

2.Canjin girma ko siffar nono.

3.Fatar nono ta yi k**ar kwasfar lemu (orange peel) ko ta canza.

4.Kan nono ya shiga ciki ko ya canza ba zato ba tsammani.

5.Fitar ruwa ko jini daga kan nono, musamman ba tare da shayarwa ba.

6.Ƙullutu ba lallai ya zama cancer ba, kuma cutar na iya kasancewa ba tare da ciwo ba.

Yadda za ki kula da lafiyar nononki

1.Ki san yadda nononki yake a al’ada, kuma ki kula da duk wani sabon canji.

2.Ki bi shawarwarin ma’aikatan lafiya game da breast screening, gwargwadon shekarunki da haɗarin lafiyarki.

3.Ki kula da nauyin jiki, ki ci abinci mai kyau kuma ki riƙa motsa jiki.

4 Shayar da nono idan kina da damar yin hakan na iya taimakawa wajen rage haɗarin kamuwa da Cutar.

Idan kin lura da sabon ƙulli, canjin fatar nono, canjin kan nono ko fitar jini/ruwa mara kyau, kada ki jira ya yi zafi ko ya girma.

Ki je cibiyar lafiya domin a duba ki. Likita na iya buƙatar ultrasound, mammogram ko wani bincike gwargwadon shekarunki da abin da aka gano.

Ki tuna: Kada ki jira ciwo kafin ki kula da nononki. Gano canji da wuri na iya ceton rayuwarki domin kuwa Lafiyar jiki ita ce Arziki da Kwanciyar Hankali.

Allah ya kara mana lafiya amin

HILAL PRIMACARE HEALTH SERVICES
“Tushen Lafiyar Al’umma”

21/08/2026

Bayani akan Sassan Fitsari Wato UTI

UTI (Urinary Tract Infection) cuta ce da ƙwayoyin cuta ke haddasawa a cikin tsarin fitar fitsari. Tana iya shafar mafitsara, bututun fitsari ko ƙoda.

Alamomin UTI

1.Jin zafi ko ƙuna yayin fitsari

2.Yawan jin buƙatar yin fitsari

3.Yin fitsari kaɗan-kaɗan

4.Ciwon mara

5.Fitsari mai wari ko kauri

6.Wasu lokuta jini a fitsari

Idan cutar ta kai ƙoda, mutum na iya samun:
Zazzabi da jin sanyi, Ciwon baya ko gefen ƙugu
,Tashin zuciya ko amai. Wannan na buƙatar kulawar ma'aikacin lafiya cikin gaggawa.

Hanyoyin Riga Kafi

1.Shan isasshen ruwa

2.Kada a riƙe fitsari na dogon lokaci

3.Ga mace fara wanke gaba kafin dubura yayin gama bayan gida.

4.Yin fitsari bayan jima'i na iya taimakawa rage haɗarin UTI ga wasu mata

5.Guje wa amfani da sinadarai masu ƙarfi a cikin farji

Ba duk zafin fitsari ne UTI ba. Wasu infections na iya yin k**a da UTI. Saboda haka, gwajin fitsari da tantancewar ma'aikacin lafiya na iya taimakawa wajen gano dalilin. Idan an tabbatar da bacterial UTI, ana iya ba da antibiotic da ya dace, kuma bai k**ata a fara ko a daina antibiotic da kai ba sai da izinin Likita.

Allah ya kara mana lafiya amin

HILAL PRIMACARE HEALTH SERVICES
Tushen Lafiyar Al'umma

21/08/2026

Bayani akan Zazzabin Typhoid

Typhoid cuta ce da kwayar Salmonella Typhi ke haifarwa. Ana kamuwa da ita musamman ta hanyar ruwa ko abinci da ya gurɓata da najasa.

Alamomin Typhoid

1.Zazzabi mai zuwa da dawowa

2.Ciwon kai

3.Kasala da rauni

4.Ciwon ciki

5.Rashin cin abinci

6.Tashin zuciya ko amai

7.Gudawa

Yadda ake kamuwa da Typhoid

1.Shan ruwan da ba shi da tsafta

2.Cin abincin da aka gurɓata

3.Rashin wanke hannu bayan gama bayan gida.

4.Rashin tsaftar wajen da ake sarrafa abinci

Hanyoyin Riga Kafi

1.Shan ruwa mai tsafta

2.Wanke hannu da sabulu

3.Wanke kayan lambu da 'ya'yan itatuwa sosai

4.Tabbatar da tsaftar abinci

5.Amfani da bandaki mai tsafta

Typhoid cuta ce ta bacteria, kuma ana iya amfani da antibiotics da ma'aikacin lafiya ya zaɓa bayan tantance mara lafiya. Kada a fara ko a canza antibiotic da kai, domin juriyar bacteria ga magunguna na ƙaruwa.

Ba duk zazzabi ko ciwon ciki ne Typhoid ba. Malaria, UTI da wasu cututtuka na iya yin k**a da alamomin Typhoid. Saboda haka, a yi binciken da ya dace kafin fara shan magani.

HILAL PRIMACARE HEALTH SERVICES
Tushen Lafiyar Al'umma

20/08/2026

Bayani akan Cutar 🫁 Asma (ASTHMA)

Asma cuta ce da ke shafar hanyoyin iska zuwa huhu. Hanyoyin iskar kan kumbura da matsewa, hakan ya sa mutum samun wahalar numfashi, tari da sautin “wheezing” a kirji.

Asma na iya k**a yara da manya, kuma ana iya sarrafa ta sosai idan an gano ta kuma aka bi tsarin kulawa da ya dace.

Me kan tayar da asma?

1.Kura, hayakin taba ko hayakin girki.

2.Sanyi ko canjin yanayi.

3.Wasu abubuwan da ke jawo allergy, k**ar pollen ko gashin dabbobi.

4.Wasu turare ko sinadarai masu ƙamshi mai ƙarfi.

5.Motsa jiki a wasu mutanen.

6.Wasu infections na numfashi da damuwa na iya tayar da alamu.

Alamomin asma

1.Wahalar numfashi ko jin iska ba ta isar mutum

2.Sautin wheezing k**ar busa daga kirji.

3.Tari, musamman da daddare ko da sanyin safiya.

4.Jin Matsi ko nauyi a kirji.

Yadda za a rage hare-haren asma

1.🌿 A guji abubuwan da aka lura suna tayar da asma a jikinki.

2.🚭 A nisanci hayakin taba da sauran hayaki.

3.🧹 A kula da tsaftar gida, musamman wajen rage kura da abubuwan da ke jawo allergy.

4.💊 Idan likita ya ba ki inhaler ko wani magani, ki yi amfani da shi bisa umarninsa kuma kada ki daina magani da kanki.

Idan harin asma ya tashi:

1.A yi amfani da reliever inhaler bisa tsarin da aka ba ki.

2.A zauna a wuri mai iska, kuma a natsu.

3.Idan wahalar numfashin ta yi tsanani, magana ta gagara, leɓɓa s**a fara yin shuɗi, kuma inhaler ya gagara taimakawa, a nemi agajin gaggawa nan take.

Asma ba abin kunya ba ce. Da kulawar da ta dace, mai asma na iya rayuwa cikin lafiya da walwala.

Allah ya kara mana lafiya amin summa amin

HILAL PRIMACARE HEALTH SERVICES
“Tushen Lafiyar Al’umma”

20/08/2026

Bayani akan Illar hada Allura Biyu A Syringe Daya.

Misali: PCM (Paracetamol) Injection + Artemether Injection.

Haɗa injectable medicines biyu a syringe ɗaya ba abu ne da za a yi ba sai an tabbatar da compatibility ɗinsu daga sahihin bayanin maganin ko pharmacist/ƙwararren lafiya.

Me zai iya faruwa idan ana hada Allura biyu a syringe daya?

1.Magungunan na iya yin incompatibility ko reaction.

2.Ɗaya daga cikin magungunan na iya rasa ingancinsa.

3.Ana iya samun precipitate ko canjin bayyanar maganin.

4.Zai iya ƙara haɗarin kuskuren dose.

5.Idan mara lafiya ya samu reaction, zai iya zama da wahala a gano maganin da ya jawo shi.

6.Zai iya ƙara haɗarin contamination idan ba a yi aseptic technique yadda ya k**ata ba.

Idan ana buƙatar yin Allurar PCM Injection da Artemether Injection, to ayi su dabam-dabam, ta hanyar da manufacturer/protocol ya tanada, tare da amfani da syringe daban.

Kada a haɗa injectable medicines saboda kawai ana son rage allura, gwanda ayi ko wacce daban daban.

Allah ya kara mana lafiya amin summa amin.

HILAL PRIMACARE HEALTH SERVICES
Tushen Lafiyar Al'umma

20/08/2026

Bayani akan Ciwon Hanta Hepatitis B & C

Hepatitis B da C cututtuka ne da ke haddasa kumburin hanta. Idan aka bar su ba tare da kulawa ba na dogon lokaci, za su iya haifar da lalacewar hanta, cirrhosis ko kansar hanta.

Abin damuwa shi ne: mutane da yawa na ɗauke da cutar ba tare da sun sani ba ko sun ga wata alama ba.

Ta yaya ake yaɗa wannan Cuta ?

1.Ta hanyar jini mai ɗauke da cutar, k**ar ta hanyar allura, reza ko kayan aski.

2.Ta hanyar jima’i ba tare da kariya ba, musamman Hepatitis B.

3.Daga uwa mai ɗauke da Hepatitis B zuwa jariri lokacin haihuwa.

4.Amfani da kayan aiki marasa tsabta a asibiti ko wajen gyaran jiki.

«Ba a yaɗa Hepatitis B ko C ta hanyar musabaha, runguma ko zama tare da mai cutar.»

Alamomin Cutar Hanta

1.Idanu ko fata su koma rawaya (jaundice).

2.Fitsari ya yi duhu k**ar shayi.

3.Gajiya mai yawa da rashin sha’awar abinci.

4.Ciwo ko nauyi a gefen dama na saman ciki.

Amma: Mutum na iya samun cutar ba tare da wata alama ba. Shi ya sa gwaji yake da muhimmanci.

Yadda za a kare kai

1.💉 Hepatitis B na da allurar rigakafi wadda ke ba da kariya sosai idan an kammala jadawalin ta.

2.🩸 Kada a sharing na allura, reza ko kayan aski.

3.🏥 A tabbatar da cewa kayan aikin asibiti da na gyaran jiki an tsabtace su yadda ya k**ata.

4.🧪 Yin gwajin Hepatitis B da C yana da muhimmanci, musamman ga masu haɗarin kamuwa da cutar.

5.🤰 Mace mai ciki ta yi gwajin Hepatitis B domin a ɗauki matakan kare jariri idan sak**akon ya nuna tana da cutar.

Kada ki jira alama ta bayyana kafin ki yi gwaji, idan kina cikin haɗarin kamuwa da Hepatitis B ko C, ko kina zargin kin taɓa hulɗa da jini mai ɗauke da cutar, ki je cibiyar lafiya domin yin gwaji da samun shawarar ƙwararre.

Gano cutar da wuri na taimakawa wajen kare hanta da kuma hana yaɗuwar cutar.

Kullum sakonmu shi ne Lafiyar jiki ita ce Arziki da Kwanciyar Hankali.

HILAL PRIMACARE HEALTH SERVICES
“Tushen Lafiyar Al’umma”

Hilal Primacare Health Service

24/08/2026

24/08/2026

24/08/2026

22/08/2026

22/08/2026

21/08/2026

21/08/2026

20/08/2026

20/08/2026

20/08/2026

Address

Telephone

Website

Alerts

Shortcuts

Share

Category

Listing takedown request