11/07/2026
Da Ɗumi-Ɗumi | Gwanin Alƙur'ani kuma Dr. a Fannin Boko Ya Samu Shaidar Zama Lauya a Najeriya
An ƙara wani babban tarihi a rayuwar fitaccen masani kuma Gwanin Alƙur'ani, Dr. Gwani Abdallah Gwani Yahuza Ɗan Zarga, bayan samun shaidar zama lauya a Tarayyar Najeriya.
Dr. Abdallah Gwani Yahuza ya shahara wajen hidima ga Alƙur'ani Mai Girma, inda ya yi fice a fagen karatu, haddar Alƙur'ani da kuma koyarwa. Haka kuma ya samu digirin digirgir (PhD) a fannin ilimin boko, abin da ya nuna haɗuwar ilimin addini da na zamani a tare da shi.
Al'umma da dama sun taya Dr. Abdallah Gwani Yahuza Ɗan Zarga murnar wannan gagarumar nasara, tare da yi masa addu'ar Allah Ya sanya wannan sabon matsayi ya zama alheri ga addini, ƙasa da kuma bil'adama baki ɗaya.
Ahlul Qur'an TV
