Machchhenarayen pharmacy

15/07/2026

🔥 घरभित्र हुने सामान्य पोलेका दुर्घटना: केही मिनेटको सावधानीले जीवनभरको पीडा रोक्न सक्छ!

🍳 खाना पकाउँदै गर्दा तातो तेल उछिट्टिनु, ☕ सानो बच्चाले तातो चिया वा दूध समात्नु, ♨️ प्रेस, हीटर वा तातो भाँडो छोइदिनु, यी सबै घरमै हुने पोलेका दुर्घटनाका सामान्य कारण हुन्।

⚠️ केही तातो वस्तुले पोलेपछि तुरुन्त के गर्ने?
✅ पोलेको भागलाई २० मिनेटसम्म चिसो बगिरहेको पानीले बिस्तारै चिस्याउनुहोस्।
✅ औँठी, घडी वा कस्सिने गहना भए सुन्निनुअघि हटाइदिनुहोस्।
✅ सफा र सुख्खा कपडा वा स्टेराइल गजले हल्का छोप्नुहोस्।
✅ यदि पोलेको भाग ठूलो छ, अनुहार, हात, खुट्टा, गुप्ताङ्ग वा जोर्नीमा छ, वा गहिरो पोलेको देखिन्छ भने तुरुन्त स्वास्थ्य संस्थामा जानुहोस्।

🚫 यी गल्ती कहिल्यै नगर्ने l
❌ मन्जन, घ्यू, तेल, बेसार, मलम, कफीको धुलो वा अन्य घरेलु पदार्थ नलगाउनु,
❌ बरफ सिधै पोलेको भागमा नराख्नु,
❌ फोका फुटाउन खोज्नु,
❌ फोहोर कपडाले बाँध्नु।

🏠 घरमै कसरी बच्ने?
👶 साना बालबालिकालाई भान्साबाट टाढा राख्ने,
🍲 भाँडाको ह्यान्डल भित्रतर्फ फर्काएर राख्ने,
☕ तातो चिया, दूध र सुप टेबुलको किनारमा नराख्ने,
🔥 ग्यास, सिलिन्डर र विद्युतीय उपकरण नियमित जाँच गर्ने,
🧯 आगलागी वा आकस्मिक अवस्थाका लागि परिवारका सबै सदस्यलाई आधारभूत प्राथमिक उपचारबारे जानकारी दिने ।

पोलेपछि पहिलो २० मिनेटमा गरिएको सही प्राथमिक उपचारले घाउको गम्भीरता कम गर्न, संक्रमणको जोखिम घटाउन र छिटो निको हुन ठूलो भूमिका खेल्छ।

27/05/2026

24/05/2026

24/05/2026

GoodMorning 🌄🌞बिहान उठेर पानी पिउनुभयो त ?
अहिले गर्मी मौसम छ, सम्झेरै पानी पिउनुस् है।

बिहान खाली पेट पानी पिउनुका फाइदाहरू :

१. शरीरलाई ताजगी दिन्छ र ऊर्जावान महसुस हुन्छ।
२. शरीरका विषाक्त र फोहोर पदार्थ बाहिर निकाल्न मद्दत गर्छ।
३. पाचन प्रणाली सुधार गर्छ र कब्जियत कम हुन मद्दत मिल्छ।
४. तौल नियन्त्रणमा सहयोग - पानीले भोक नियन्त्रण गर्न मद्दत गर्ने भएकाले तौल व्यवस्थापनमा सहयोग पुग्न सक्छ।
५. दिमाग सक्रिय बनाउँछ - पर्याप्त पानीले ध्यान, एकाग्रता र मानसिक सक्रियता बढाउन मद्दत गर्छ।
६. रक्तसञ्चार सुधार गर्छ, शरीरका प्रतेक अङ्गहरुमा पानीको मात्रा पर्याप्त हुन्छ। रगत प्रवाह सुधार हुन्छ।
७. छाला र स्वास्थ्यमा फाइदा- शरीर hydrate हुँदा छाला स्वस्थ र चम्किलो देखिन मद्दत हुन्छ।

कति पानी पिउने त ?

-बिहान खाली पेट पर्याप्त ( न्युनतम १-२ गिलास) पानी पिउनु स्वस्थ बानी हो, जसले पाचन, रक्तसञ्चार, ऊर्जा र समग्र स्वास्थ्य सुधार गर्न मद्दत गर्छ।
- त्यसपछि दिनभरी पनि बेला बेला पानी पिउनुपर्छ। सकिन्छ भने प्रति घण्टा १ गिलास गर्दै दिनको ३ लिटर जति पानी पिउनु राम्रो हुन्छ।
- गर्मी बढिराछ। पानीको बोतल सङ्गै लिएर अफिस्, विधालय, कलेज जाने गरनुहोला। आफू सँगै र आफ्नो अगाडी पानी हुँदा पिउन मन लागिरहन्छ। शरीरले पानी पाउँछ।

ध्यान दिनुपर्ने करा --
कुनै मुटुको रोग वा किड्नीको समस्या र शरीर सुन्निने भएको र डाक्टरले पानी कम पिउन भन्नुभएकोमा डाक्टरको सल्लाह अनुसार नै गर्नुहोला।

02/02/2026