Dr Toshima Karki -Health for All, Lalitpur (2026)

08/06/2026

🤕 "टाउको दुख्नु तपाईंको शरीरको सामान्य अवस्था होइन, एउटा संकेत पनि हुन सक्छ!"
के तपाईंलाई बारम्बार टाउको दुख्छ? उज्यालो हेर्दा झन् दुखाइ बढ्छ? ठूलो आवाजले रिस उठ्छ वा असहज महसुस हुन्छ?
यदि हो भने, यो सामान्य टाउको दुखाइ मात्र नभई माइग्रेन (Migraine) हुन सक्छ।
माइग्रेनले केवल टाउको मात्र दुखाउँदैन, यसले तपाईंको काम, पढाइ, पारिवारिक समय र जीवनको गुणस्तरमा समेत असर पार्न सक्छ।
⚠️ माइग्रेनका सामान्य लक्षणहरू :
🔹 टाउकोको एकातिर धड्किने गरी दुख्ने।
🔹 उज्यालो वा आवाज सहन गाह्रो हुने।
🔹 वाकवाकी लाग्ने वा बान्ता हुने।
🔹 अत्यधिक थकान र ध्यान केन्द्रित गर्न समस्या हुने।

🚨 यी कारणहरूले माइग्रेन बढाउन सक्छन् :
❌ पर्याप्त निद्रा नहुनु,
❌ तनाव र चिन्ता,
❌ लामो समय मोबाइल वा कम्प्युटर प्रयोग गर्नु,
❌ खाना समयमै नखानु,
❌ शरीरमा पानीको कमी हुनु,
❌ अत्याधिक गर्मी/ चर्को घाममा बस्नु।

💡Migraine को व्यवस्थापन गर्ने तरिका:
✅ पर्याप्त पानी पिउनुहोस्।
✅ नियमित ७–८ घण्टा निद्रा लिनुहोस्।
✅ स्क्रिन टाइम सीमित गर्नुहोस्।
✅ तनाव व्यवस्थापन गर्नुहोस्।
✅ आफ्नो माइग्रेन ट्रिगर(Trigger) पहिचान गर्नुहोस्।
📌 याद राख्नुहोस्: समयमै परामर्श र उचित उपचारले माइग्रेनलाई नियन्त्रण गर्न सकिन्छ।

06/06/2026

🌍तपाईंको स्वास्थ्यको पहिलो औषधि के हो? महँगो औषधि होइन।
स्वच्छ हावा, सफा पानी र हरियाली वातावरण।
एकछिन सोच्नुस्... यदि हावा प्रदूषित भयो भने फोक्सो कसरी स्वस्थ रहला? यदि पानी दूषित भयो भने शरीर कसरी सुरक्षित रहला? यदि प्रकृति नै बिरामी भयो भने हामी कसरी स्वस्थ रहौंला? 🤔
त्यसैले यस विश्व वातावरण दिवस मा एउटा संकल्प गरौं—
🌱 एउटा बिरुवा रोप्ने ।
🚮 फोहोर सही ठाउँमा फाल्ने।
♻️ प्लास्टिकको प्रयोग कम गर्ने।
💧 पानीको संरक्षण गर्ने
किनकि वातावरणको हेरचाह गर्नु भनेको आफ्नै स्वास्थ्यको हेरचाह गर्नु हो।
विश्व वातावरण दिवस - २०२६।

04/06/2026

आज तपाईंको Screen Time 📱 कति छ?
एकछिन इमानदार भएर सोच्नुस्।
सुत्नुअघि अन्तिम पटक के हेर्नुहुन्छ? 👉 मोबाइल
बिहान उठ्नेबित्तिकै पहिलो पटक के समाउनुहुन्छ? 👉 मोबाइल
खाना खाँदा, बसमा, ओछ्यानमा, साथीहरूसँग हुँदा पनि... 👉 मोबाइल
मोबाइल हाम्रो जीवनको हिस्सा बनेको छ। तर कहिलेकाहीँ हामी मोबाइल चलाइरहेका हुँदैनौं, मोबाइलले हामीलाई चलाइरहेको हुन्छ।

⚠️ धेरै Screen Time का असरहरू:
👀 आँखा थाक्ने र दृष्टि कमजोर हुने
😴 निद्रा बिग्रिने
🧠 ध्यान केन्द्रित गर्न गाह्रो हुने
😔 तनाव र चिन्ता बढ्न सक्ने
💪 शारीरिक गतिविधि घट्ने
तर समाधान छ...
✅ प्रत्येक ३० मिनेटमा १ पटक ब्रेक लिनुहोस्।
✅ परिवारसँग कुरा गर्न समय निकाल्नुहोस्।
✅ दिनको केही समय मोबाइलबाट टाढा बस्नुहोस्।
✅ प्रकृतिसँग जोडिनुहोस्। 🌿

03/06/2026

🌙 राति राम्रो निद्रा = स्वास्थ्यको सबैभन्दा सस्तो औषधि !
दिनभर काम गरेर पनि थकान नहट्ने, ध्यान केन्द्रित गर्न गाह्रो हुने वा सधैं झर्को लाग्ने समस्या छ? 🤔
सायद तपाईंको शरीरलाई चाहिएको कुरा महँगो औषधि होइन, राम्रो निद्रा हो।
🥱 छिट्टै निद्रा लाग्ने केही सरल उपायहरू:
🌿 सुत्नुभन्दा १ घण्टा अघि मोबाइल टाढा राख्नुहोस्।
🌿 राति धेरै चिया, कफी वा चिसो पेय नखानुहोस्।
🌿 हरेक दिन एउटै समयमा सुत्ने बानी बसाल्नुहोस्।
🌿 सुत्नुअघि हल्का पुस्तक पढ्नुहोस् वा ध्यान (Meditation) गर्नुहोस्।
🌿 कोठा शान्त, सफा र अँध्यारो बनाउनुहोस्।
💡 राम्रो निद्राका फाइदाहरू:
✅ मस्तिष्क ताजा र सक्रिय हुन्छ ।
✅ तनाव र चिन्ता कम हुन्छ।
✅ रोगसँग लड्ने क्षमता बढ्छ।
✅ शरीर फुर्तीलो हुन्छ।
✅ काम गर्ने ऊर्जा र उत्पादकता बढ्छ।

हरेक दिन ७-८ घण्टा गुणस्तरीय निद्रा पुर्याउनु जरुरी छ।

01/06/2026

😮‍💨🥱 दिनभर थकाइ लाग्छ? टाउको दुख्छ? सायद तपाईंको शरीरले पानी मागिरहेको हुन सक्छ।
हामीमध्ये धेरैजसोले भोक लाग्यो भने तुरुन्तै खान्छौँ, तर तिर्खा लाग्दा पनि पानी पिउन बिर्सिन्छौँ। व्यस्त दिनचर्यामा कहिलेकाहीँ शरीरमा पानीको कमी भएको थाहै हुँदैन।

# पानीको कमी हुँदा देखिन सक्ने केही सामान्य संकेतहरू:
• बारम्बार टाउको दुख्नु
• दिनभर थकान महसुस हुनु
• मुख र ओठ सुख्खा हुनु
• चक्कर लाग्नु
• ध्यान केन्द्रित गर्न गाह्रो हुनु
• पिसाब गाढा पहेंलो हुनु।
💡 थाहा छ? हाम्रो शरीरको करिब ६०% भाग पानीले बनेको हुन्छ। पर्याप्त पानी नपिउँदा शरीरका धेरै अंगहरूको काम प्रभावित हुन सक्छ।
💧 आज तपाईंले कति गिलास पानी पिउनु भयो त ?

31/05/2026

मा.प.से गर्नुहुन्छ ? अनि गाडी पनि चलाउनुहुन्छ ? गलत ❌

किन खतराजनक हुन्छ मदिरा सेवन गरेर ड्राईभ गर्नु ?? 🚗 🏍️

🧠 १. रक्सीले मस्तिष्कको सोच्ने क्षमता घट्छ, खतरा चिन्न सकिँदैन, आत्मविश्वास झुटो रूपमा बढ्छ। व्यक्तिले आफू ठीक छु भन्ने सोच्न सक्छ, तर वास्तवमा उसको नियन्त्रण कमजोर भइसकेको हुन्छ।

🔬 २. Reaction Time ढिलो हुन्छ- रक्सीले स्नायु प्रणालीको गति घटाउँछ र मस्तिष्कबाट मांसपेशीसम्म सन्देश ढिलो पुर्‍याउँछ त्यसैले ब्रेक ढिलो लाग्छ, स्टेरिङ नियन्त्रण ढिलो हुन्छ, दुर्घटना टार्न सकिँदैन। ⚡ ** Alcohol slows the brain before it slows the vehicle.🤯

👀 ३. रक्सीले आँखाको दृष्टि धमिलो बनाउँछ, दूरी अनुमान गर्न गाह्रो बनाउँछ। जसले गर्दा अर्को गाडीको दूरी गलत अनुमान हुन्छ, पैदलयात्री वा मोड चिन्न गाह्रो हुन्छ।

🧍‍♂️ ४. शरीरको सन्तुलन बिग्रन्छ- Balance नियन्त्रण गर्ने cerebellum मा रक्सीले असर गर्छ। त्यसैले हातखुट्टाको coordination बिग्रन्छ, steering control कमजोर हुन्छ।

💥 ५. निर्णय क्षमता बिग्रन्छ - मष्तिष्कको Frontal lobe मा असर हुँदा निर्णय गलत लिईन्छ, speed बढाउने tendency हुन्छ, traffic rules बेवास्ता गरिन्छ त्यसैले drunk driver ले थाहा नपाई overtaking गलत गर्छ, signal उल्लंघन गर्छ र reckless driving गर्छ

😴 ६. निद्रा र थकान बढाउँछ- रक्सीले sedation ल्याउँछ। Driving गर्दा झप्की लाग्न सक्छ🔥

🩸 ७. रक्सी रगतमा मिसिएपछि: मस्तिष्क, मुटु, कलेजो, स्नायु प्रणाली सबैमा असर गर्छ। रगतमा रक्सीको मात्रा बढ्दै जाँदा दुर्घटनाको सम्भावना धेरै गुणाले बढ्छ।

Drunk driving is not an accident; it is Crime.
and Alcohol affects the brain first and destroys lives last. 🚐

** मद्यपानपछि सवारी चलाउनु केवल कानुनी गल्ती होइन, आफ्नो र अरुको समेत ज्यान जोखिममा राख्नु हो।रक्सीले शरीर र मस्तिष्कको समन्वय बिगार्ने भएकाले सुरक्षित driving सम्भव हुँदैन। त्यसैले "When you drink, Never Drive" ❌

28/05/2026

“आमा, स्कूलमा सबैले प्याड प्रयोग गर्छन् रे, तर मलाई त किन्न पनि लाज लाग्छ। ”
आमाले मुस्कुराउँदै उनको हात समातिन् “हामीले लाज होइन, स्वच्छता रोज्नुपर्छ छोरी।महिनावारी लुकाउने कुरा होइन, आफ्नो स्वास्थ्यको ख्याल गर्ने , सरसफाइ गर्ने समय हो।”

#महिनावारी_स्वच्छता

28/05/2026

Good Morning. आज हिँड्नुभयो त ? 🚶‍♂️बिहान भ्यउनुभएन भने बेलुका भए नि हिँड्नुहोला।

🚶‍♂️ दैनिक २० मिनेट हिँड्नुका फाइदाहरू :

❤️ १. मुटु स्वस्थ - नियमित हिँड्दा रक्तसञ्चार राम्रो हुन्छ र मुटु रोगको जोखिम कम हुन सक्छ।

⚖️ २. तौल नियन्त्रणमा - दैनिक हिँडाइले अतिरिक्त क्यालोरी घटाउन मद्दत गर्छ र मोटोपन नियन्त्रणमा सहयोग पुर्‍याउँछ।

🧠 ३. मानसिक स्वास्थ्य - हिँड्दा तनाव, चिन्ता र उदासी कम हुन मद्दत मिल्छ। मन शान्त र ताजा हुन्छ।

🩸 ४. रक्तचाप र चिनी नियन्त्रण - नियमित हिँड्दा रक्तचाप तथा रक्तमा चिनीको मात्रा नियन्त्रण गर्न सहयोग पुग्न सक्छ।

🫁 ५. शरीरमा ऊर्जा र ताजगी- बिहान वा बेलुका हिँड्दा शरीर सक्रिय र ऊर्जावान महसुस हुन्छ।

🦴 ६. हड्डी र मांसपेशी बलियो- हिँडाइले जोर्नी, हड्डी तथा मांसपेशीलाई मजबुत बनाउन मद्दत गर्छ।

😴 ७. राम्रो निद्रामा - दैनिक हिँड्ने बानीले निद्रा राम्रो लाग्न मद्दत गर्छ।

त्यसैले
दैनिक केवल २० मिनेट मात्र हिँड्नु पनि स्वास्थ्यका लागि अत्यन्त फाइदाजनक हुन्छ। नियमित हिँडाइले शरीर, मन र समग्र स्वास्थ्य सुधार गर्न मद्दत गर्छ। बिहान भ्यउनुभएन भने बेलुका भए नि हिँड्नुहोला।

24/05/2026

GoodMorning 🌻 बिहान उठेर पानी पिउनुभयो त ? 💧
अहिले गर्मी मौसम छ, सम्झेरै पानी पिउनुस् है।

बिहान खाली पेट पानी पिउनुका फाइदाहरू :

🌅 १. शरीरलाई ताजगी दिन्छ र ऊर्जावान महसुस हुन्छ।
🧹 २. शरीरका विषाक्त र फोहोर पदार्थ बाहिर निकाल्न मद्दत गर्छ।
🍽️ ३. पाचन प्रणाली सुधार गर्छ र कब्जियत कम हुन मद्दत मिल्छ।
⚖️ ४. तौल नियन्त्रणमा सहयोग - पानीले भोक नियन्त्रण गर्न मद्दत गर्ने भएकाले तौल व्यवस्थापनमा सहयोग पुग्न सक्छ।
🧠 ५. दिमाग सक्रिय बनाउँछ - पर्याप्त पानीले ध्यान, एकाग्रता र मानसिक सक्रियता बढाउन मद्दत गर्छ।
🩸 ६. रक्तसञ्चार सुधार गर्छ, शरीरका प्रतेक अङ्गहरुमा पानीको मात्रा पर्याप्त हुन्छ। रगत प्रवाह सुधार हुन्छ।
🫁 ७. छाला र स्वास्थ्यमा फाइदा- शरीर hydrate हुँदा छाला स्वस्थ र चम्किलो देखिन मद्दत हुन्छ।

कति पानी पिउने त ?
-बिहान खाली पेट पर्याप्त ( न्युनतम १-२ गिलास) पानी पिउनु स्वस्थ बानी हो, जसले पाचन, रक्तसञ्चार, ऊर्जा र समग्र स्वास्थ्य सुधार गर्न मद्दत गर्छ।
- त्यसपछि दिनभरी पनि बेला बेला पानी पिउनुपर्छ। सकिन्छ भने प्रति घण्टा १ गिलास गर्दै दिनको ३ लिटर जति पानी पिउनु राम्रो हुन्छ।
- गर्मी बढिराछ। पानीको बोतल सङ्गै लिएर अफिस्, विधालय, कलेज जाने गरनुहोला। आफू सँगै र आफ्नो अगाडी पानी हुँदा पिउन मन लागिरहन्छ। शरीरले पानी पाउँछ।

ध्यान दिनुपर्ने करा -- कुनै मुटुको रोग वा किड्नीको समस्या र शरीर सुन्निने भएको र डाक्टरले पानी कम पिउन भन्नुभएकोमा डाक्टरको सल्लाह अनुसार नै गर्नुहोला।

** Drink water empty stomach after waking up!
Staying hydrated improves digestion, circulation, energy and overall health.
Especially during hot weather, remember to carry water bottle and drink enough water throughout the day. 🌻

22/05/2026

रक्सी पिउने बानी छ ? 🍺
मदिरा सेवनका हानिकारक असरहरू :

🧠 १. मस्तिष्कमा- सोच्ने क्षमता कमजोर हुन्छ, निर्णय गर्ने क्षमता घट्छ, स्मरण शक्ति कमजोर हुन सक्छ

❤️ २. मुटु र रक्तचापमा - रक्तचाप बढ्न सक्छ, मुटु रोगको जोखिम बढ्छ

🫁 ३. शरीरमा - थकान र कमजोरी बढ्छ, रोग प्रतिरोधात्मक क्षमता घट्छ
🩺 ४. कलेजो मा - फ्याटी लिभर, हेपाटाइटिस, लिभर सिरोसिस जस्ता गम्भीर रोग हुन सक्छन्

🍽️ ५. पाचन प्रणालीमा -पेट दुख्ने, ग्यास्ट्रिक र अल्सर, भोक कम लाग्ने समस्या

🧍‍♂️ ६. मानसिक र सामाजिक - लत (addiction) लाग्न सक्छ, रिस, तनाव र डिप्रेसन बढ्न सक्छ, परिवार र समाजमा विवाद सिर्जना हुन सक्छ

🚗 ७. दुर्घटनाको जोखिम - मदिरा सेवनपछि सवारी दुर्घटना, झगडा तथा हिंसाको जोखिम बढ्छ

👶 ८. गर्भावस्थामा - गर्भवती महिलाले मदिरा सेवन गर्दा बच्चाको स्वास्थ्यमा गम्भीर असर पर्न सक्छ।

शारीरिक, मानसिक र सामाजिक हिसाबले स्वस्थ जीवनका लागि मदिरा सेवनबाट टाढा रहनु नै उत्तम बानी हो।

#

Dr Toshima Karki -Health for All

08/06/2026

06/06/2026

04/06/2026

03/06/2026

01/06/2026

31/05/2026

28/05/2026

28/05/2026

24/05/2026

22/05/2026

Address

Website

Alerts

Shortcuts

Share

Category