Hermosa Super RHU

Home
Hermosa Super RHU

Opisyal na FB page ng Rural Health Unit (RHU) ng Bayan ng Hermosa, Bataan. Rivera Sr. Rural Health Center, Mandama, Hermosa, Bataan

Hermosa RHU and Lying In, Hermosa New Public Market, Palihan, Hermosa, Bataan

Dr. Alfredo V.

05/06/2026

𝗛𝗜𝗚𝗛𝗟𝗜𝗚𝗛𝗧𝗦 | 𝗥𝗲𝘀𝗶𝗱𝘂𝗮𝗹 𝗦𝗽𝗿𝗮𝘆𝗶𝗻𝗴 𝗔𝗰𝘁𝗶𝘃𝗶𝘁𝘆 𝗳𝗼𝗿 𝗕𝗿𝗶𝗴𝗮𝗱𝗮 𝗘𝘀𝗸𝘄𝗲𝗹𝗮 𝟮𝟬𝟮𝟲

Matagumpay na naisagawa ng Municipal Health Office ng Hermosa, sa pakikipagtulungan sa Department of Education (DepEd), ang 𝗿𝗲𝘀𝗶𝗱𝘂𝗮𝗹 𝘀𝗽𝗿𝗮𝘆𝗶𝗻𝗴 𝗮𝗰𝘁𝗶𝘃𝗶𝘁𝘆 sa mga pampublikong elementarya at mataas na paaralan sa ating bayan bilang bahagi ng paghahanda para sa ligtas at malusog na pagbubukas ng klase sa pagtatapos ng Brigada Eskwela 2026.

Pinangunahan ang aktibidad ng ating 𝗦𝗮𝗻𝗶𝘁𝗮𝘁𝗶𝗼𝗻 𝗣𝗿𝗼𝗴𝗿𝗮𝗺 at 𝗗𝗲𝗻𝗴𝘂𝗲 𝗣𝗿𝗲𝘃𝗲𝗻𝘁𝗶𝗼𝗻 𝗮𝗻𝗱 𝗖𝗼𝗻𝘁𝗿𝗼𝗹 𝗣𝗿𝗼𝗴𝗿𝗮𝗺 upang mabawasan ang panganib ng pagkalat ng dengue at masig**o ang kaligtasan ng mga mag-aaral, g**o, at kawani ng paaralan.

Ang gawaing ito ay isinagawa sa gabay at patnubay ni Mayor Anne Adorable-Inton at sa pamumuno ni Doc Warren S. Valencia, Municipal Health Officer, katuwang ang mga kawani ng Municipal Health Office na patuloy na naglilingkod para sa kalusugan ng bawat Hermoseño.

Patuloy nating isabuhay ang kalinisan sa kapaligiran at ang 4S Kontra Dengue upang mapanatiling ligtas at malusog ang ating mga paaralan at komunidad.

𝗦𝗮𝗺𝗮-𝘀𝗮𝗺𝗮 𝗻𝗮𝘁𝗶𝗻𝗴 𝘀𝘂𝗴𝗽𝘂𝗶𝗻 𝗮𝘁 𝗹𝗮𝗯𝗮𝗻𝗮𝗻 𝗮𝗻𝗴 𝗱𝗲𝗻𝗴𝘂𝗲!

01/06/2026

𝗛𝗜𝗚𝗛𝗟𝗜𝗚𝗛𝗧𝗦 | 𝗠𝗼𝗻𝗶𝘁𝗼𝗿𝗶𝗻𝗴 𝗮𝗻𝗱 𝗘𝘃𝗮𝗹𝘂𝗮𝘁𝗶𝗼𝗻 𝗼𝗳 𝗟𝗼𝗰𝗮𝗹 𝗟𝗲𝘃𝗲𝗹 𝗣𝗹𝗮𝗻 𝗜𝗺𝗽𝗹𝗲𝗺𝗲𝗻𝘁𝗮𝘁𝗶𝗼𝗻 𝗣𝗿𝗼𝘁𝗼𝗰𝗼𝗹 - 𝗠𝗘𝗟𝗟𝗣𝗜 𝗣𝗥𝗢

June 1, 2026 - RHU Palihan, Hermosa

Matagumpay na isinagawa ang monitoring at evaluation ng Nutrition Evaluation Team (NET) mula Provincial Government of Bataan at Municipal Nutrition Council ng ating bayan.

Sa monitoring at evaluation na ito, kinilatis ang mga pagbabago o epekto ng mga programang pang nutrisyon sa pangunguna ng ating Hermosa Municipal Health Office. Layunin din natin malaman ang mga magagandang kasanayan at mga pagsubok na hinarap at kung papaano pa mapaigting ang implementasyon ng programa. Nakapaloob din dito ang pagpapalaganap ng kamalayan sa mga batas, regulasyon, at alintuntunin ukol sa nutrisyon.

Maraming salamat po sa ating Local Nutrition Committee sa pangunguna ni MHO Dr. Warren Valencia, sa patuloy na pagsuporta ni Mayora Anne Adorable Inton, at SB on Health Kon. Gelly Grace Santos.

Para sa malusog na Bayan ng Hermosa 💙💚

01/06/2026

𝗔𝗻𝘁𝗶-𝗦𝗺𝗼𝗸𝗶𝗻𝗴 𝗮𝗻𝗱 𝗩𝗮𝗽𝗶𝗻𝗴 𝗦𝘆𝗺𝗽𝗼𝘀𝗶𝘂𝗺

June 1, 2026 | Pulo, Hermosa, Bataan

Naimbitahan po tayo sa pagbubukas ng Brigada Eskuwela sa Pulo Elementary School at bilang pakiki-isa sa World No To***co Day kahapon, sa pangunguna ni Midwife Krischelle Quiambao, matagumpay na naisagawa ang symposium ukol sa anti-smoking and va**ng para sa mga mag-aaral na dumalo.

Maraming salamat po sa imbitasyon at kay Sir Artemio ng Pulo Elementary School!

***coDay

31/05/2026

𝗪𝗼𝗿𝗹𝗱 𝗡𝗼 𝗧𝗼𝗯𝗮𝗰𝗰𝗼 𝗗𝗮𝘆

"Ang Gapos ng Adiksyon sa Tabako ay Kayang Kalasin"

Ngayong May 31, sa pagdiriwang ng World No To***co Day, isang mahalagang katotohanan ang ipinapaalala sa atin: “Walang gapos ang masyadong mahigpit na hindi kayang kalasin ng determinasyon”.

Ang bawat adiksyon ay parang kadenang mahigpit na gumagapos sa ating kalusugan, sumisira sa ating mga pangarap, at unti-unting nagnanakaw sa ating kinabukasan. Sa bawat hithit ng sigarilyo o v**e, hindi lang usok ang ibinubuga natin kundi ang mga mahalagang sandali na dapat sana ay kasama natin ang ating pamilya.

"Ang pagtitigil sa paninigarilyo ay hindi isang sakripisyo, kundi isang Regalo, isang regalo ng mas mahabang buhay para sa iyong sarili at sa mga taong nagmamahal sa iyo."

Kaya nating putulin ang tanikala ng tabako! Hindi pa huli ang lahat para bumitaw sa bisyong ito. Ang pagpili sa mas malusog na mga baga ay pagpili sa mas masigla at mahabang buhay. Huwag nating hayaan na ang isang maliit na stick ng sigarilyo ang magdikta sa haba ng ating buhay.

Gumawa tayo ng hakbang ngayon. Piliin nating huminga nang malaya, piliin nating mabuhay nang buo, at piliin nating maging malusog para sa ating kinabukasan at para sa mga mahal natin sa buhay.

Kaya mo ito, at hindi mo kailangang mag-isa. Narito ang Hermosa Rural Health Unit para gabayan at tulungan ka sa iyong pagpaplano at tuluyang pag Quit sa bisyo ng sigarilyo at e-cigarette tulad ng v**e. Huwag mag-atubiling lumapit sa amin.

***coDay ***coEXPOSED ***coFreeGeneratiom

30/05/2026

𝗛𝗲𝗿𝗺𝗼𝘀𝗮 𝗠𝗲𝗱𝗶𝗰𝗮𝗹 𝗖𝗮𝗿𝗮𝘃𝗮𝗻: 𝗕𝗮𝗿𝗮𝗻𝗴𝗮𝘆 𝗖𝘂𝗹𝗶𝘀 🚑

May 30, 2026 | Barangay Culis, Hermosa, Bataan

Matagumpay na idinaos ang Hermosa Medical Caravan: Serbisyong On the Go, Para sa Pamilyang Hermoseño.

Ito ay ginanap sa Barangay Culis na kung saan ang Municipal Health Office (MHO) ay mayroong dalang iba't ibang serbisyong medikal para sa mga Hermoseño.

Nakapaloob dito ang medical check-up sa pangunguna ng ating MHO Dr. Warren S. Valencia, Dra. Nicole Abigail B. Cruz, Dra. Aena Marii C. Besilia, Dr. Gilead Tungol, Dr. Bryan Jaustin Datu Lazatin, Dr. Justin Perez Pestio, Dr. Aaron Jericson Medina, at Dr. Jose Marco R. Landicho. Naghatid din ng optical service si DR.

Kabilang din sa aktibidad na ito ang pagpunta ng mga Barangay Health Workers (BHWs), Barangay Nutrition Scholars (BNS), at DOH Human Resource for Health (DOH HRH) sa mga purok ng barangay upang maghatid ng impormasyong medikal, mag-assist ukol sa PhilHealth Membership, at magbigay ng gamot sa mga nangangailangan.

Mayroon din libreng laboratory tests, at pamimigay ng 3-buwang supply ng gamot para sa hypertension at diabetes, at libreng anti-rabies vaccination para sa mga pusa at a*o katuwang ang Municipal Agriculture Office (MAO). Naging kaakibat naman natin ang Bataan General Hospital (BGH) sa blood letting program. 🩸

Naging kaakibat din natin ang Americares Philippines sa multivitamins for pregnant women at hygiene kits, at Hermosa Multispecialty Diagnostic Center (HMDC) sa mga iba pang kinakailangan na gamot para sa ating mga kababayan.

Naki-isa muli ang Rotary Club of Freeport Zone (Subic Bay) upang maghatid ng Hot Malunggay Pandesal katuwang ang Llana Hermosa sa distribusyon ng mga bottled water. Namahagi naman ng probiotic drink ang Yakult Supreme Health Marketing Inc kasama ang kanilang Yakult mascot.

Naki-isa din sa ating programa ang DITO Telecommunity at PHirst Hermosa, Bataan.

Taos-pusong pasasalamat din sa lahat na patuloy ang pagsubaybay at pagsuporta sa lakbay medikal ng MHO. Sa bumubuo ng Sangguniang Barangay ng Culis sa pangunguna ni Kap. Manolito S. Paule, sa mga staff, tanod, at sa Sangguniang Kabataan ng barangay.

Lubos din kaming nagpapasalamat sa lahat ng ating mga naging kaakibat na organisasyon, mula sa Rotary, sa BGH, MAO, Llana Hermosa,

Maraming salamat din sa pakiki-isa ni Mayora Anne Adorable Inton sa ating isinagawang aktibidad at sa kanyang walang sawang pagsuporta sa mga programang pangkalusugan ng MHO.

Higit sa lahat, lubos na pasasalamat sa ating mga healthcare workers at sa DOH HRH na patuloy ang paghahatid ng serbisyo sa taumbayan.

Ang programang ito ay inisyatibo ni SB Chair Committee on Health, Kon. Gelly Grace Santos, sa pangunguna ng ating Municipal Health Office na pinamumunuan ni MHO, Dr. Warren S. Valencia.

💚💙

27/05/2026

𝗛𝗜𝗚𝗛𝗟𝗜𝗚𝗛𝗧𝗦 | 𝗠𝗼𝗻𝗶𝘁𝗼𝗿𝗶𝗻𝗴 𝗮𝗻𝗱 𝗘𝘃𝗮𝗹𝘂𝗮𝘁𝗶𝗼𝗻 𝗼𝗳 𝗟𝗼𝗰𝗮𝗹 𝗟𝗲𝘃𝗲𝗹 𝗣𝗹𝗮𝗻 𝗜𝗺𝗽𝗹𝗲𝗺𝗲𝗻𝘁𝗮𝘁𝗶𝗼𝗻 (𝗠𝗘𝗟𝗟𝗣𝗜)

Matagumpay na isinagawa ang unang araw Municipal Nutrition Evaluation kasama ang Municipal Nutrition Council as evaluators sa mga barangay sa ating bayan.

Sa monitoring at evaluation na ito, kinilatis ang mga pagbabago o epekto ng mga programang pang nutrisyon ng mga nasasakupan ng barangay. Layunin din natin malaman ang mga magagandang kasanayan at mga pagsubok na hinarap at kung papaano pa mapaigting ang implementasyon ng programa.

Maraming salamat po sa ating teams na nag-ikot at nag-evaluate.

21/05/2026

𝗛𝗜𝗚𝗛𝗟𝗜𝗚𝗛𝗧𝗦 | 𝗟𝗶𝗯𝗿𝗲𝗻𝗴 𝗧𝘂𝗹𝗶 𝗣𝗿𝗼𝗴𝗿𝗮𝗺

Matagumpay na isinagawa ang Oplan Tuli sa 534 na batang lalaki sa Hermosa, Bataan.

Ang programang ito ay dahil sa suporta ng mga bata at magulang, at pakikipagtulungan ng mga barangay sa ating tanggapan.

Maraming salamat po sa ating mga Healthcare Staff sa pangunguna ni MHO Dr. Warren Valencia, at sa Hermosa LGU sa serbisyong hatid sa ating kababayan.

Lubos na pasasalamat din sa walang sawang suporta nila Mayora Anne Adorable Inton at SB Committee Chair on Health, Gelly Grace Santos. 💚💙

19/05/2026

𝗛𝗜𝗚𝗛𝗟𝗜𝗚𝗛𝗧𝗦 | 𝗛𝗲𝗮𝗹𝘁𝗵𝘆 𝗪𝗼𝗿𝗸𝗽𝗹𝗮𝗰𝗲 𝗜𝗻𝗶𝘁𝗶𝗮𝘁𝗶𝘃𝗲 𝗮𝘁 𝗛𝘆𝗽𝗲𝗿𝘁𝗲𝗻𝘀𝗶𝗼𝗻 𝗔𝘄𝗮𝗿𝗲𝗻𝗲𝘀𝘀 𝗠𝗼𝗻𝘁𝗵

Nagtungo ang Municipal Health Office ng Hermosa sa 𝗕𝗼𝘂𝗻𝘁𝘆 𝗣𝗹𝘂𝘀 𝗜𝗻𝗰𝗼𝗿𝗽𝗼𝗿𝗮𝘁𝗲𝗱 upang magsagawa ng iba’t ibang serbisyong pangkalusugan para sa ating mga empleyado bilang bahagi ng 𝗛𝗲𝗮𝗹𝘁𝗵𝘆 𝗪𝗼𝗿𝗸𝗽𝗹𝗮𝗰𝗲 𝗜𝗻𝗶𝘁𝗶𝗮𝘁𝗶𝘃𝗲 at pagdiriwang ng 𝗛𝘆𝗽𝗲𝗿𝘁𝗲𝗻𝘀𝗶𝗼𝗻 𝗔𝘄𝗮𝗿𝗲𝗻𝗲𝘀𝘀 𝗠𝗼𝗻𝘁𝗵.

Isinagawa ang 𝗳𝗿𝗲𝗲 𝗵𝘆𝗽𝗲𝗿𝘁𝗲𝗻𝘀𝗶𝗼𝗻 𝘀𝗰𝗿𝗲𝗲𝗻𝗶𝗻𝗴 sa pamamagitan ng NCD Risk Assess Tool, 𝗳𝗿𝗲𝗲 𝗺𝗲𝗱𝗶𝗰𝗮𝘁𝗶𝗼𝗻𝘀 sa tulong ng PhilHealth YAKAP Program, at 𝗣𝗖𝗨 𝗖𝗵𝗲𝗰𝗸 𝗮𝘁 𝗘𝗺𝗽𝗮𝗻𝗲𝗹𝗺𝗲𝗻𝘁 para sa pag-uupdate ng PhilHealth YAKAP records ng mga empleyado.

Nagkaroon din ng 𝗺𝗶𝗻𝗱𝗳𝘂𝗹 𝗲𝘅𝗲𝗿𝗰𝗶𝘀𝗲𝘀, 𝗴𝗮𝗺𝗲𝘀, at health lecture tungkol sa hypertension at kahalagahan ng healthy lifestyle. Ang symposium ay pinangunahan ng ating NCD Coordinator at Health Promotion Officer na si Nurse YanneYanne, sa gabay at patnubay ni Doc Warren Valencia at suporta sa programang pangkalusugan ni Mayor Anne Adorable-Inton .

Katuwang din natin sa matagumpay na aktibidad na ito ang ating mga masisipag na BHWs at encoders na patuloy na sumusuporta sa serbisyong pangkalusugan para sa bawat Hermoseño.

Patuloy nating isulong ang isang mas malusog at produktibong pamayanan at workplace para sa lahat!

PhilHealth Region III

16/05/2026

𝗛𝗜𝗚𝗛𝗟𝗜𝗚𝗛𝗧𝗦 | 𝗗𝗼𝗻𝗮𝘁𝗶𝗼𝗻 𝗳𝗿𝗼𝗺 𝗔𝗺𝗲𝗿𝗶𝗰𝗮𝗿𝗲𝘀 𝗣𝗵𝗶𝗹𝗶𝗽𝗽𝗶𝗻𝗲𝘀

Nagbigay ng donasyon ang Americares Philippines ng multivitamins for pregnant women, deworming tablet-mebendazoke, at Vitamin A para sa programang pangnutrisyon.

Para sa malusog na Bayan ng Hermosa! 💙💚

15/05/2026

𝗛𝗜𝗚𝗛𝗟𝗜𝗚𝗛𝗧𝗦 | 𝗛𝘆𝗽𝗲𝗿𝘁𝗲𝗻𝘀𝗶𝗼𝗻 𝗔𝘄𝗮𝗿𝗲𝗻𝗲𝘀𝘀 𝗠𝗼𝗻𝘁𝗵

Matagumpay na isinagawa noong ika-14 ng Mayo 2026 sa Sacrifice Valley, Hermosa, Bataan ang pagdiriwang ng 𝗛𝘆𝗽𝗲𝗿𝘁𝗲𝗻𝘀𝗶𝗼𝗻 𝗔𝘄𝗮𝗿𝗲𝗻𝗲𝘀𝘀 𝗠𝗼𝗻𝘁𝗵 sa pangunguna ng ating Non-Communicable Disease Coordinator at Health Promotion Officer na si Nurse Yanne
Nagkaroon ng health lecture tungkol sa hypertension at mga paraan upang ito ay maiwasan.

Binigyang-diin din ang mga programang pangkalusugan ng Pamahalaang Lokal ng Hermosa na prioridad Ng ating Mayor Anne Adorable-Inton at katuwang ang PhilHealth YAKAP Program kung saan libre ang check-up, laboratoryo, at gamot para sa mga mamamayan.

Nagkaroon din ng 𝗹𝗶𝗯𝗿𝗲𝗻𝗴 𝗽𝗮𝗺𝗮𝗺𝗮𝗵𝗮𝗴𝗶 𝗻𝗴 𝗴𝗮𝗺𝗼𝘁, 𝗳𝗿𝗲𝗲 𝘂𝗿𝗶𝗻𝗮𝗹𝘆𝘀𝗶𝘀, at 𝗯𝗹𝗼𝗼𝗱 𝗰𝗵𝗲𝗺𝗶𝘀𝘁𝗿𝘆 sa tulong ng Bataan Provincial Health Office.

Patuloy nating isulong ang isang Healthy Pamayanan ng Hermosa!

Address

Mandama, Hermosa

2111

Opening Hours

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00

Website

facebook.com

Alerts

Be the first to know and let us send you an email when Hermosa Super RHU posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Health & Beauty Business?

Country:

City:

05/06/2026

01/06/2026

01/06/2026

31/05/2026

30/05/2026

27/05/2026

21/05/2026

19/05/2026

16/05/2026

15/05/2026

Address

Opening Hours

Website

Alerts

Shortcuts

Share