Municipal Health Office Libmanan

02/09/2026

🎓💚 Purok-Kalusugan @ Barangay Mambayawas | Mothers’ Class Graduation & Nutrition Counseling 🥗👩‍👧‍👦

Isang makabuluhang araw ng pagkatuto at tagumpay para sa ating mga nanay sa Barangay Mambayawas! 💐

Matagumpay na isinagawa ang Mothers’ Class Graduation bilang pagkilala sa kanilang aktibong pakikilahok at pagkatuto tungkol sa wastong pangangalaga sa kalusugan at nutrisyon ng buong pamilya. Kasabay nito ang isinagawang Nutrition Counseling na pinangunahan ni Ms. Kaycee Euste, Nutrition Dietitian, na nagbahagi ng mahahalagang kaalaman tungkol sa tamang pagkain, balanseng nutrisyon, at malusog na pamumuhay.

Maraming salamat sa ating mga Health Workers sa kanilang patuloy na serbisyo, paggabay, at suporta sa ating mga ina at pamilya. ❤️

Patuloy nating isulong ang malusog na ina, malusog na anak, at malusog na pamilya! 💪🌱

02/09/2026

🎉 HAPPY BIRTHDAY, MS. IVY B. PASCOGUIN! 🎂💐

Warmest birthday greetings to our wonderful HRH of RHU I, Ms. Ivy B. Pascoguin, RN! 🥳❤️

May your special day be filled with happiness, love, and countless blessings. Thank you for your dedication, compassion, and valuable service to our patients and the community. Your hard work and commitment are truly appreciated by all of us.

May God bless you with good health, continued success, and more meaningful years ahead. Keep inspiring others with your kindness and passion for service. 🌷✨

Happy Birthday, Ivy! 🎂🎈 May all your wishes come true!

With love and warmest wishes,
Your RHU I Family 💙🏥

01/09/2026

📍 MR-SIA MONITORING | SEPTEMBER 1, 2026

Patuloy ang pagsusumikap para sa matagumpay na implementasyon ng Measles-Rubella Supplemental Immunization Activity (MR-SIA)! 💉❤️

Ngayong September 1, 2026, isinagawa ang monitoring visit ng Department of Health (DOH) kasama ang Provincial Health Office (PHO) sa RHU I, Libmanan upang masubaybayan ang kalagayan at progreso ng MR-SIA vaccination campaign sa ating munisipyo.

Malugod na tinanggap nina Dr. Eddie R. Palima, Municipal Health Officer, at Ma’am Lingling Aureus ang monitoring team at buong-pusong nakipagtulungan upang matiyak ang maayos na pagpapatupad ng programa at patuloy na pagprotekta sa ating mga kabataan laban sa tigdas at rubella. 🧒💉

🤝 DOH + PHO + MHO + Barangay Health Workers = Mas matatag na laban kontra Tigdas at Rubella!

Bakuna ay proteksyon. Bakuna ay kaligtasan. Sama-sama nating gawing LIGTAS sa Tigdas ang bawat bata! ❤️

31/08/2026

"Araw ng mga Bayani: Pagkilala sa Lahat ng Mukha ng Kabayanihan"

Ngayong National Heroes Day, pinararangalan natin ang ating mga bayani sa kasaysayan, gaya nina Jose Rizal at Andres Bonifacio, na nag-alay ng buhay para sa kalayaan. Ngunit sa makabagong panahon, mayroon ding mga modernong bayani na kailangan nating kilalanin at pasalamatan.

Ang tunay na kabayanihan ay makikita sa bawat sulok ng ating lipunan. Ang RHU Libmanan ay nagbibigay-pugay sa ating mga:

👨‍⚕️ Healthcare Workers: Ang mga doktor, nars, at mga medical staffs na walang pagod na naglilingkod at nanggagamot, lalo na sa gitna ng pandemya.
👨‍🏫 G**o: Ang mga naghuhubog sa isipan at kinabukasan ng ating kabataan.
👮 Pulis at Militar: Ang mga nagpapanatili ng kapayapaan, kaayusan, at kaligtasan sa ating bansa.
🚛 Delivery Riders at Driver: Ang mga tinitiyak na makakarating ang ating mga kailangan, kahit sa pinakamalayong lugar.
🧹 Magsasaka, Mangingisda, at Garbage Collectors: Ang mga tinitiyak na mayroon tayong pagkain at isang malinis na kapaligiran.

Lahat sila ay mga modernong bayani na may kani-kaniyang papel sa pagbuo ng isang mas maunlad, ligtas, at malusog na bansa. Ang kanilang kabayanihan ay hindi matatawaran.

Muli, isang makahulugang National Heroes Day sa lahat ng bayani ng kahapon at ngayon!

28/08/2026

🌱 U4U Teen Trail: Kaalaman, Proteksyon at Kalusugan para sa Kabataan!💙

Nakibahagi si Mr. Ruel Huertas bilang resource speaker sa isinagawang U4U Teen Trail sa King Thomas Learning Academy, kung saan tinalakay ang mahahalagang usapin para sa kalusugan, kaligtasan, at kinabukasan ng ating mga kabataan.

Kabilang sa mga paksang binigyang-diin ang Teenage Pregnancy, Reproductive Health, Fertility Awareness, STI/HIV-AIDS, at Mental Health—mga kaalamang makatutulong sa kabataan upang makagawa ng responsable at ligtas na mga desisyon para sa kanilang sarili.

Kasama rin si GAD Focal Person Ms. Michelle Dollente, na nagbahagi ng mahahalagang kaalaman tungkol sa Teen/Child Protection, na naglalayong palakasin ang kamalayan ng mga kabataan sa kanilang mga karapatan at kung paano mapoprotektahan ang kanilang sarili laban sa anumang uri ng pang-aabuso, karahasan, at pagsasamantala.

💡 Kabataan na may sapat na kaalaman ay mas handang protektahan ang sarili, gumawa ng tamang desisyon, at bumuo ng mas ligtas at mas malusog na kinabukasan.

28/08/2026

👩‍🍼💙 3-DAY MOTHER’S CLASS: KAALAMAN AT KALUSUGAN PARA SA INA AT ANAK SA BARANGAY CANDATO 💙👶

August 25-27, 2026
Matagumpay na naisagawa ang tatlong araw na Mother’s Class Activity na dinaluhan ng 20 kalahok, na naglalayong magbigay ng dagdag na kaalaman at praktikal na gabay sa mga ina para sa mas ligtas, malusog, at maayos na pag-aalaga sa kanilang mga sarili at mga anak.

📌 Unang Araw – Safe Motherhood & National Immunization Program
Tinalakay ang kahalagahan ng 8 ANC (Antenatal Care) at 4 PNC (Postnatal Care) upang masiguro ang kaligtasan ng ina at sanggol bago at pagkatapos ng panganganak. Binigyang-diin din ang kahalagahan ng National Immunization Program sa pagbibigay ng proteksyon laban sa mga vaccine-preventable diseases.

📌 Ikalawang Araw – Exclusive Breastfeeding & Complementary Feeding
Nagkaroon ng talakayan tungkol sa kahalagahan ng **Exclusive Breastfeeding at wastong pagsisimula ng Complementary Feeding para sa sapat na nutrisyon at malusog na paglaki ng sanggol. Maraming salamat kay Nurse Rubie Ann Bacurin sa pagbabahagi ng kaalaman at gabay sa ating mga ina. 🤱💕

📌 Ikatlong Araw – Dengue Awareness & Family Nutrition
Tinalakay ni Ma’am Edith Bogate, RHM, ang mahahalagang kaalaman tungkol sa Dengue Awareness, kabilang ang pag-iwas at mga paraan upang maprotektahan ang pamilya laban sa dengue. 🦟🚫

Samantala, nagbigay naman si Ma’am Kaycee Euste, Nutritionist-Dietitian (ND) ng talakayan tungkol sa Family Nutrition, kasama ang nutrition counseling upang matulungan ang mga pamilya na magkaroon ng wastong pagkain at mas malusog na pamumuhay. 🥗🍎

Maraming salamat sa lahat ng naging bahagi ng matagumpay na aktibidad—mga health workers, resource speakers, at higit sa lahat, sa ating 20 masisipag na kalahok na mga ina. 💙

Dahil ang isang kaalamang ina ay susi sa isang malusog na pamilya! 👩‍👧‍👦✨

28/08/2026

27/08/2026

ERPAT: Kalusugan ng Isipan at Pag-iwas sa Bisyo

🧠 Mental Health, Stress Management, at Substance Abuse Prevention

Nakiisa si Mr. Ruel Huertas bilang resource speaker sa isinagawang ERPAT (Empowerment and Reaffirmation of Paternal Abilities) Program sa Barangay Malansad Viejo.

Tinalakay niya ang mahahalagang usapin tungkol sa kalusugan ng isip (mental health), wastong pamamahala ng stress, at pag-iwas sa pag-abuso sa ipinagbabawal na droga at iba pang nakalululong na sangkap.

Layunin ng aktibidad na mabigyan ang mga ama ng sapat na kaalaman at kamalayan upang maging matatag na katuwang ng pamilya at komunidad sa pagpapanatili ng mabuting mental health at pag-iwas sa masasamang bisyo. 💙

Kalusugang Pangkaisipan ay Alagaan, Stress ay Pamahalaan, Bisyo ay Iwasan! 🤝

27/08/2026

🥗🤱 PUROK-KALUSOGAN: NUTRITION MONTH & BREASTFEEDING AWARENESS MONTH CELEBRATION 💚

📅 Agosto 26, 2026
📍 Barangay Mambayawas, Libmanan, Camarines Sur

Matagumpay na isinagawa ang Purok-Kalusogan bilang bahagi ng pagdiriwang ng Nutrition Month at Breastfeeding Awareness Month sa Barangay Mambayawas.

Layunin ng aktibidad na patuloy na palakasin ang kaalaman ng bawat pamilya tungkol sa wastong nutrisyon, healthy lifestyle, at kahalagahan ng breastfeeding para sa kalusugan at tamang paglaki ng mga bata. 🥦🍎👶

Sa pamamagitan ng sama-samang pagkilos ng komunidad,mga Barangay Officials at mga health workers, maisusulong natin ang isang mas malusog, masigla, at malusog na pamilya at komunidad! 💚

RHU I — Patuloy na naglilingkod para sa kalusugan at nutrisyon ng bawat Libmaneño! 🩺