Claver Primary Care Facility

01/07/2026

🎉 Maayong Balita, mga Clavernon! 🎉

Usa na usab ka dakong kalampusan alang sa serbisyo sa panglawas sa atong lungsod!

Ang Lokal nga Gobyerno sa Claver, ubos sa liderato ni Mayor Georgia Gokiangkee, ug ang Municipal Health Office, malipayong nag-abiabi kang Dr. Chzurish Paqueo Ibarra isip pinakabag-ong doktor nga moalagad sa katawhang Clavernon. 👩‍⚕️💚

Mas espesyal kini tungod kay si Doc Chzurish usa ka lumad nga Clavernon, nga mipili sa pagbalik sa iyang kaugalingong lungsod aron gamiton ang iyang kahibalo ug kahanas sa pag-alagad sa iyang isigka-Clavernon.

Siya ang mahimong Facility Head ug Physician sa Taganito Super Health Center, nga karon padulong sa DOH accreditation isip ikaduhang Primary Care Facility sa Munisipyo sa Claver, aron mas mapaduol ang dekalidad nga serbisyong medikal ilabina sa atong mga barangay sa mining area.

Gusto usab nato ipadayag ang atong kinasingkasing nga pasalamat sa Taganito HPAL pinaagi sa Social Development and Management Program (THPAL-SDMP) sa ilang pagpamuhunan sa edukasyon sa atong kabatan-onan. Si Doc Chzurish usa sa mga benepisyaryo sa scholarship grant sa THPAL-SDMP, nga karon mibalik aron ihalad ang iyang propesyon ug serbisyo sa iyang kaugalingong lungsod.

Daghang salamat usab kang Mr. Eric Macabenta, ComRel Chief Officer, ug sa tibuok Community Relations Team sa THPAL, sa ilang padayon nga suporta sa pagpalambo sa edukasyon ug panglawas sa komunidad sa Claver. Ang inyong pagpamuhunan sa atong katawhan nagpadayon sa paghatag og maayong bunga alang sa umaabot.

Kini usa ka timaan sa padayon nga paningkamot sa administrasyon ni Mayor Georgia D. Gokiangkee uban ni Vice Mayor Leah Dagasdas Patan ug uban pang mga lideres sa lungsod sa pagpalig-on sa sektor sa panglawas pinaagi sa pagdugang og healthcare professionals, pagpalapad sa health facilities, ug pagdala sa serbisyong medikal nga mas duol, mas dali maabot, ug mas efficient alang sa tanang Clavernon.

Welcome home, Doc Chzurish! ❤️
Nalipay kami nga makabaton og usa ka doktor nga dili lamang adunay kahibalo ug dedikasyon, kondili usa usab ka tinuod nga anak sa Claver nga andam moalagad sa iyang kaugalingong lungsod.

Padayon ang LGU Claver sa pagpalig-on sa atong healthcare system alang sa mas himsog ug mas lig-on nga kaugmaon sa tanang Clavernon.

Garbo nan Clavernon! 💚

26/06/2026

📢 INTERNATIONAL DAY AGAINST DRUG ABUSE AND ILLICIT TRAFFICKING 2026

Isip kabahin sa Municipal Anti-Drug Abuse Council (MADAC), ang Claver Primary Care Facility nagpakita sa iyang suporta sa selebrasyon sa International Day Against Drug Abuse and Illicit Trafficking pinaagi sa Information, Education, and Communication (IEC) dissemination sa atong komunidad.

Nag-apod-apod kita og mga flyers ug IEC materials aron mapalig-on ang kahibalo sa publiko bahin sa mga peligro sa paggamit og ilegal nga droga ug ang importansya sa paghimo og husto nga mga desisyon alang sa usa ka himsog ug malinawon nga kaugmaon.

Nagpadayon ang Claver PCF sa pagtinabangay uban sa LGU Claver ug sa tanang miyembro sa MADAC sa pagpasiugda sa edukasyon, paglikay, ug pagpalig-on sa suporta alang sa usa ka drug-free nga komunidad.

Pilia ang Kahimsog. Pilia ang Paglaum. Pilia ang Kaugmaon.

12/06/2026

𝗠𝗔𝗟𝗜𝗚𝗔𝗬𝗔𝗡𝗚 𝗔𝗥𝗔𝗪 𝗡𝗚 𝗞𝗔𝗟𝗔𝗬𝗔𝗔𝗡! 🇵🇭

Mula sa Lokal na Pamahalaan ng Claver sa pangunguna nina Mayor Georgia Gokiangkee at Vice Mayor Leah Dagasdas Patan, isang taos-pusong pagbati sa lahat ng Pilipino sa pagdiriwang ng ika-128 Araw ng Kalayaan.

Sa araw na ito, ating ginugunita at pinaparangalan ang kagitingan at sakripisyo ng ating mga bayani na nagbigay-daan sa kalayaang ating tinatamasa ngayon. Nawa’y magsilbi itong inspirasyon upang patuloy nating mahalin ang ating bayan, isulong ang pagkakaisa, at makibahagi sa pag-unlad ng ating bansa.

05/06/2026

Ang Claver Primary Care Facility opisyal nang usa sa mga PhilHealth-Accredited Oral Health Benefit Package Providers sa Surigao del Norte!

Kini nagpasabot nga ang mga kwalipikadong PhilHealth members mahimo nang maka-avail og mga serbisyo para sa oral health pinaagi sa atong pasilidad. (PhilHealth)

💡 Ang PhilHealth naghatag og hangtod ₱1,000 nga oral health benefit matag tuig matag miyembro, nga magamit alang sa preventive oral health services.

Atong ampingan ang atong mga ngipon ug ang atong mga smile! 😁

02/06/2026

01/06/2026

📵 Dili tanan nga mahimong ma-access online angay para sa kabataan.

Gipahinumduman sa Philippine Pediatric Society nga dili girekomenda ang social media alang sa mga bata nga 16 anyos paubos tungod sa posibleng epekto niini sa ilang pangisip, tulog, ug kinatibuk-ang kahimsog.

Atong bantayan ug giya-an ang digital nga kinabuhi sa atong mga anak. 💙

26/05/2026

PUBLIC ADVISORY

Gipahibalo ang tanan nga ang Claver Primary Care Facility mahimong sirado ugma, Mayo 27, 2026, isip pag-obserbar sa regular holiday nga Eid’l Adha (Feast of Sacrifice).

Apan, ang atong:
• Birthing Facility
• Emergency response services
• Ambulance services

magpabiling available alang sa mga emergency ug uban pang importanteng serbisyo panglawas.

Daghang salamat sa inyong pagsabot.