Guadalupe Viejo Family and Community Medicine Clinic

12/09/2026

Kumusta? Baka ito ang tanong na kailangan natin marinig ✨

Sa simpleng “Kumusta” nagsisimula ang usapan at makapagbigay liwanag sa mga panahong may mabigat na dinadamdam.

Sa pagdiriwang ng World Su***de Prevention Month, inaanyahan namin ang lahat ng residente ng Guadalupe Viejo na makiisa sa isang talakayan na may temang “Kumusta: Isang Tanong, Isang Pag-asa”

📅 Petsa: Setyembre 17, 2026
🕐 Oras : 9:00 AM
📍 Lugar: Barangay Guadalupe Viejo Multipurpose Hall

08/09/2026

🌧️ Baha? Mag-ingat sa leptospirosis!
Habang patuloy ang pagtaas ng mga kaso ng leptospirosis sa Pilipinas, mahalagang alam natin kung paano ito maiiwasan.

🌧️ Iwasang lumusong sa baha kung maaari.
🩹 Kung hindi maiiwasan, protektahan ang mga sugat
🩺 Kung makaranas ng sintomas matapos ma-expose sa baha, magpatingin agad sa health center o doktor.

Maging alerto. Maging maingat. Protektahan ang sarili at pamilya.

29/08/2026

Tamang Gawi sa Kalusugan ang Bawi! 💚

Isang makabuluhang araw ng pagkatuto, pagbabahagi, at sama-samang pagkilos tungo sa mas malusog na pamumuhay ang ating ginawa noon August 25, 2026 sa Brgy. Guadalupe Viejo Multipurpose Hall 🩺✨

Sa pamamagitan ng ating mga gawain, napalalim natin ang kaalaman tungkol sa tamang pag-monitor ng blood pressure, wastong lifestyle habits, pag-iwas at pagkontrol sa hypertension at diabetes, at tamang pagbasa ng nutrition facts. 📚❤️

Lubos na nagpapasalamat ang OSMAK DFCM sa lahat ng nakiisa at nakilahok. Nawa’y maibahagi natin ang mga natutunan sa ating mga pamilya at kabarangay.

Sama-sama nating gawing gawi ang pagkakaroon ng malusog na buhay! 💚

24/08/2026

Ang Buwan ng Agosto ay Buwan ng pagpapaalala na ang...
Malusog na Baga, Maginhawang Paghinga! 🫁💙

Alagaan ang ating baga dahil ang bawat hinga ay mahalaga. Iwasan ang paninigarilyo, panatilihing malinis ang paligid, at huwag balewalain ang matagal na ubo; magpasuri agad kung kinakailangan.

Sa laban kontra TB, maagang pagtuklas at tamang gamutan ang susi. Sama-sama nating pangalagaan ang kalusugan ng baga at ng ating komunidad! 💪

24/08/2026

🤱🏾Gatas ni Nanay, Batang Matibay!

Ang gatas ng ina ay hindi lamang pagkain—ito ay nagbibigay ng nutrisyon, proteksyon, at pagmamahal na mahalaga sa malusog na paglaki at pag-unlad ng bawat bata. 🌱

Bilang pagdiriwang ng National Breastfeeding Awareness Month 2026, inaanyayahan namin ang lahat sa “Gatas ni Nanay, Batang Matibay!” at Pagpapasusong TSEK: Tama, Sapat, at EKsklusibo—isang talakayan tungkol sa wastong pagpapasuso at mga benepisyo nito para sa ina at anak.

Sama-sama nating suportahan ang mga ina at isulong ang wastong pagpapasuso para sa mas malakas na kalusugan at mas maayos na pag-unlad ng mga bata. 💗

📅 Agosto 25, 2026 | 9:00 N.U.
📍 Guadalupe Viejo Health Center – Waiting Area

Wastong pagpapasuso, malakas na kalusugan, maayos na pag-unlad.

23/08/2026

18/08/2026

17/08/2026

🎉 TAMANG GAWI, KALUSUGAN ANG BAWI! 🎉

Inaanyayahan ng Ospital ng Makati – Department of Family and Community Medicine ang lahat sa isang espesyal na pagtitipon tungkol sa tamang gawi para sa kalusugan, lalo na sa altapresyon at diabetes, na inihahandog ng Ospital ng Makati Interns 2026 - Cluster 2.

📅 Agosto 19, 2026 (Miyerkules)
🕘 9:00 AM
📍 Guadalupe Viejo Multipurpose Hall

✅ Alamin ang:

Tamang pagbilang ng calories...

Wastong paraan ng pagkuha ng blood pressure...

Mga gawi para makontrol ang altapresyon at diabetes...

At iba pa!

💚 Sama-sama nating palakasin ang kaalaman tungo sa mas malusog na pamumuhay!