Batangas Medical Center, Bihi Road Kumintang Ibaba, Ibaba (2026)

07/05/2026

𝐁𝐀𝐓𝐌𝐂 𝐑𝐄𝐑𝐂, 𝐍𝐚𝐦𝐚𝐲𝐚𝐠𝐩𝐚𝐠 𝐌𝐚𝐭𝐚𝐩𝐨𝐬 𝐌𝐚𝐤𝐚𝐦𝐢𝐭 𝐚𝐧𝐠 𝐏𝐇𝐑𝐄𝐁 𝐋𝐞𝐯𝐞𝐥 𝐈𝐈𝐈 𝐀𝐜𝐜𝐫𝐞𝐝𝐢𝐭𝐚𝐭𝐢𝐨𝐧 𝐚𝐭 𝐅𝐄𝐑𝐂𝐀𝐏 𝐑𝐞𝐜𝐨𝐠𝐧𝐢𝐭𝐢𝐨𝐧

Muling gumawa ng kasaysayan ang Batangas Medical Center (BatMC) matapos gawaran ang kanilang Research Ethics Review Committee (RERC) ng prestihiyosong Level III Accreditation mula sa Philippine Health Research Ethics Board (PHREB) at pagkilala mula sa Forum for Ethical Review Committees in the Asian and Western Pacific Region (FERCAP). Ang nasabing mga pagkilala ay nagpapatunay sa world-class na pamantayan ng ospital sa etika ng pananaliksik. Ang selyo ng kahusayan ay magsisilbing gabay at pamantayan ng BatMC sa loob ng tatlong taon, na may bisa mula Oktubre 12, 2025 hanggang Oktubre 11, 2028.

Pormal na ipinagkaloob ang lokal na parangal noong Marso 18, 2026, sa virtual awarding ceremony ng PHREB, na nagtaon sa pagdiriwang ng ika-44 na anibersaryo ng Philippine Council for Health Research and Development (PCHRD). Ang tagumpay na ito ay patunay ng hindi matatawarang dedikasyon ng BatMC sa pagtiyak na bawat medikal na pananaliksik ay dadaan sa pinakamahigpit at pinaka-etikal na proseso para sa kaligtasan at kapakanan ng publiko.

Samantala, pormal namang kinilala ang BatMC sa ginanap na 25th FERCAP General Assembly sa Bangkok, Thailand noong Nobyembre 26, 2025. Personal na tinanggap ni Dr. Deborrah Castillo-Aban, ang Chairperson ng RERC at opisyal na kinatawan ng BatMC, ang tropeo bilang pagkilala sa pagsunod ng ospital sa internasyonal na pamantayan ng ethical review, na naglalagay sa ospital sa mapa ng mga nangungunang institusyong medikal sa Asya.

Sa naturang pandaigdigang pagtitipon, namukod-tangi ang BatMC sa pagiging nag-iisang ospital ng pamahalaan mula sa Pilipinas na kinilala sa asembliya, at ang BatMC-RERC din ang kauna-unahan at tanging tertiary government hospital sa buong Region IV-A (CALABARZON) na nakasungkit ng PHREB Level III Accreditation.

Ang makasaysayang tagumpay na ito ay bunga ng kolektibong pagsisikap, pagpupursigi, at dedikasyon ng mga nakaraan at kasalukuyang miyembro ng RERC, katuwang ang walang-sawang suporta ng kanilang mga kalihim. Sa pagpapatuloy ng kanilang misyon, layon ng komite na higit pang payabungin at pangunahan ang kultura ng makabuluhan, ligtas, at etikal na pananaliksik sa Batangas Medical Center at sa buong rehiyon.

Isinulat ni: Manilyn P. Naredo

07/05/2026

📣 𝐍𝐨𝐭𝐢𝐜𝐞 𝐨𝐟 𝐕𝐚𝐜𝐚𝐧𝐜𝐢𝐞𝐬 - 𝐁𝐚𝐭𝐌𝐂 𝐂𝐨𝐧𝐭𝐫𝐚𝐜𝐭 𝐨𝐟 𝐒𝐞𝐫𝐯𝐢𝐜𝐞 (𝐂𝐎𝐒) 𝐏𝐨𝐬𝐢𝐭𝐢𝐨𝐧𝐬

Walk In/Online Applications:

4 COS ADMINISTRATIVE AIDE I (HOUSEKEEPING)
1 COS ADMINISTRATIVE AIDE I (LAUNDRY AND LINEN)
Online Applications:
1 COS NURSE I
1 COS RADIOLOGIC TECHNOLOGIST I
2 COS NURSING ATTENDANT
1 COS ADMINISTRATIVE ASSISTANT (EMERGENCY DEPARTMENT)

All interested and qualified applicants, including persons with disability (PWD), members of indigenous communities, and those with diverse sexual orientation, gender identity, and expression (SOGIE), are encouraged to apply.

COS APPLICATION PERIOD : May 7-12, 2026

𝐇𝐨𝐰 𝐭𝐨 𝐀𝐩𝐩𝐥𝐲:

Interested applicants are requested to submit application documents to: https://tinyurl.com/cosrecruitment by May 12, 2026.

You may visit the Recruitment, Selection and Placement (RSP) sites for updates: https://sites.google.com/batmc.doh.gov.ph/batmc-rsp/rsp

Applications for ADMINISTRATIVE AIDE I (HOUSEKEEPING & LAUNDRY AND LINEN) positions can apply thru online or walk in.
━━━━━━━━━━━━━━━━━━━━━━━━━━━━
APPLICATIONS SUBMITTED BEYOND THE DEADLINE AND THOSE WITH INCOMPLETE DOCUMENTS SHALL NOT BE ENTERTAINED.

Thank you and stay safe, .

HRMS - RSP Team

07/05/2026

𝐁𝐚𝐭𝐌𝐂-𝐃𝐅𝐂𝐌, 𝐈𝐧𝐢𝐥𝐮𝐧𝐬𝐚𝐝 𝐚𝐧𝐠 𝐅𝐚𝐦𝐢𝐥𝐲 𝐚𝐧𝐝 𝐂𝐨𝐦𝐦𝐮𝐧𝐢𝐭𝐲 𝐌𝐞𝐝𝐢𝐜𝐢𝐧𝐞 𝐌𝐨𝐧𝐭𝐡 𝟐𝟎𝟐𝟔

Opisyal na inilunsad noong ika-4 ng Mayo 2026 ng Batangas Medical Center –Department of Family and Community Medicine (BatMC-DFCM) ang pagdiriwang ng Family and Community Medicine Month sa EFM Grounds ng ospital, sa temang “Compassionate Care in a Digital World.”

Ito ay pinangunahan ng Department Chairperson na si Dr. Daisy M. Medina, kasama ang mga Consultants, Medical Officers III at IV, at mga Administrative Staff na tumulong sa paghahanda ng isang buwang serye ng mga aktibidad.

Nagsimula ang paglulunsad sa isang warm-up exercise na sinabayan ng “Doktor ng Pamilya,” ang opisyal na jingle ng Philippine Academy of Family Physicians (PAFP). Ang kanta ay isinulat ni Dr. Michael Angelo Arteza at inawit ni Dr. Edmund Paolo Pascua.

Ipinresenta naman ni External Chief Resident Dr. Maejoy Kristine Balino ang kalendaryo ng mga aktibidad na isasagawa sa buong buwan. Ayon sa departamento, layunin ng selebrasyon na ipaalala na sa kabila ng patuloy na pag-unlad ng teknolohiya, nananatiling mahalaga ang serbisyong pangkalusugan na nakasentro sa pasyente, pamilya, at komunidad.

Hinihikayat ng BatMC-DFCM ang publiko na makilahok sa mga nakatakdang gawain, na naglalayong itaguyod ang kalusugan ng kabataan at nakatatanda. Ang malilikom na pondo mula sa mga aktibidad ay gagamitin para sa pagpapalakas ng DFCM Family Health Care Program (FHCP), na nagbibigay ng mahahalagang serbisyong pangkalusugan sa mga pamilya sa komunidad.

07/05/2026

𝐁𝐚𝐭𝐌𝐂–𝐀𝐧𝐞𝐬𝐭𝐡𝐞𝐬𝐢𝐨𝐥𝐨𝐠𝐲 𝐇𝐨𝐥𝐝𝐬 𝐅𝐢𝐫𝐬𝐭 𝐀𝐧𝐞𝐬𝐭𝐡𝐞𝐬𝐢𝐚 𝐂𝐫𝐢𝐬𝐢𝐬 𝐑𝐞𝐬𝐨𝐮𝐫𝐜𝐞 𝐌𝐚𝐧𝐚𝐠𝐞𝐦𝐞𝐧𝐭 𝐒𝐢𝐦𝐮𝐥𝐚𝐭𝐢𝐨𝐧

The Department of Anesthesiology of Batangas Medical Center, in partnership with the Operating Room Department Nursing Staff, successfully conducted its first Anesthesia Crisis Resource Management (ACRM) Simulation Run on Wednesday, May 6, 2026, from 8:00 AM to 11:00 AM.

The activity marked a breakthrough in simulation-based learning through an interprofessional setup that brought together anesthesiology consultants, residents, and operating room nursing personnel in a collaborative training environment focused on patient safety, teamwork, communication, and crisis management.

The simulation activity was led by Dr. Erlynda I. Masangcay II, Assistant Training Officer of the Department of Anesthesiology, with faculty facilitators composed of Dr. Jose Apollo Arago, Department Chair; Dr. James Andrew Bollozos of Transplant Anesthesia; Dr. Myla Joy Maranan; Dr. Ma. Angelica Libas of Pediatric Anesthesia; Dr. Marife Paragas-Herbolario of High-Risk Obstetric Anesthesia; and Dr. Karla Go.

Representatives from the Operating Room Department, nursing staff, and sixteen anesthesiology residents participated in the activity. The program opened with orientation and preliminaries, after which participants were divided into three groups that rotated through three operating room clinical scenarios utilizing medium-fidelity simulation and the Resus-App platform. Each group underwent a 15-minute simulation exercise followed by a 20-minute structured debriefing and reflection session.

The activity concluded with a wrap-up session highlighting key learning points on situational awareness, leadership, communication, and coordinated perioperative response during anesthesia-related crises.

The Department of Anesthesiology, in coordination with the Professional Education, Training, and Research Unit (PETRU), expressed its commitment to strengthening simulation-based education, interprofessional collaboration, and patient safety initiatives through continuous training programs that enhance teamwork, communication, and crisis management in the perioperative setting.

Written by: Dr. Jose Apollo Arago
Photos by: Geoffrey N. Javier

05/05/2026

𝐌𝐆𝐀 𝐏𝐑𝐎𝐆𝐑𝐀𝐌𝐀 𝐀𝐓 𝐌𝐀𝐇𝐀𝐋𝐀𝐆𝐀𝐍𝐆 𝐀𝐍𝐔𝐍𝐒𝐘𝐎 𝐒𝐀 𝐒𝐄𝐑𝐁𝐈𝐒𝐘𝐎𝐍𝐆 𝐏𝐀𝐍𝐆𝐊𝐀𝐋𝐔𝐒𝐔𝐆𝐀𝐍
𝐅𝐥𝐚𝐠 𝐂𝐞𝐫𝐞𝐦𝐨𝐧𝐲 | 𝐌𝐚𝐲𝐨 𝟎𝟒, 𝟐𝟎𝟐𝟔

Maayos at makabuluhan ang isinagawang Flag Ceremony ng Batangas Medical Center ngayong ika-4 ng Mayo 2026 na pinangunahan ng Department of Family and Community Medicine (DFCM), kung saan inilahad ang mahahalagang anunsyo, programa, at inisyatiba ng ospital para sa patuloy na pagpapalakas ng serbisyong pangkalusugan.

Isa sa mga tampok na ulat ang ibinahagi ni Dr. Maritess Teresita M. Torio, Medical Center Chief II, tungkol sa matagumpay na soft opening at blessing ng bagong Emergency Department (ED) Triage Room, na layong mapabuti ang sistema ng agarang pagtanggap at paunang pagsusuri sa mga pasyente.

Sa usapin ng Gender and Development (GAD), matagumpay na naisagawa ang oryentasyon na may temang “Awakening the GAD Champion Within: An Orientation on Gender Mainstreaming in the Hospital.” Tinalakay dito ang pagpapalalim ng kaalaman at kamalayan ng mga kawani sa gender sensitivity, inclusivity, at responsableng pagtugon sa mga isyung pangkasarian sa loob ng ospital.

Ibinahagi rin na pormal nang sinimulan ang tradisyong Flores de Mayo noong ika-1 ng Mayo, sa pamamagitan ng isang simpleng panalangin na pinangunahan ng Batangas Medical Center Employees Association (BatMCEA). Inaasahan din ang isang espesyal na aktibidad mula sa BatMCEA bilang pagdiriwang ng National Health Workers’ Day bilang pagkilala sa dedikasyon ng mga kawani ng ospital.

Samantala, nagbigay si Dr. Michael Angelo T. Francisco, Chair ng Office for Strategy Management (OSM), ng ulat hinggil sa estado ng mga Specialty Centers at pagpapaalala sa pangmatagalang bisyon ng ospital na naglalayong higit pang palakasin ang serbisyong medikal sa pamamagitan ng mas makabago at espesyalisadong pangangalaga.

Ipinabatid naman ni Mrs. Merlita P. Dampil, Chief Health Program Officer, ang gaganaping General Assembly para sa Solo Parents o “MARIPOSA” sa ika-8 ng Mayo sa PETRU Conference Room bilang bahagi ng patuloy na suporta sa sektor.

Bilang paggunita sa Family and Community Medicine Month na may temang “Compassionate Care in the Digital World,” ibinahagi ni Dr. Daisy M. Medina, Chair ng DFCM, ang layunin ng pagdiriwang na palakasin ang malasakit at dekalidad na pangangalaga sa pasyente sa makabagong panahon ng teknolohiya. Kasabay nito, ipinakilala rin ang mga miyembro ng departamento at tinalakay ang mga planong aktibidad para sa buong buwan.

Nakibahagi rin ang Infection Prevention and Control Unit (IPCU) sa paggunita ng World Hand Hygiene Day ngayong Mayo 5 sa pamamagitan ng sabayang hand hygiene activity at isang maikling talakayan sa OPD area upang palakasin ang kamalayan sa tamang kalinisan at infection control.

Sa huli, binigyang-pugay ang tagumpay ni Dr. Teresita Risalyn V. Villanueva, Chief ng Professional Education, Training and Research Unit (PETRU) at Presidente ng Philippine Pediatric Society - Southern Tagalog Chapter (2024-2025), matapos kilalanin ang kanilang organisasyon bilang Most Outstanding Chapter in Research at Most Outstanding Chapter in Continuing Professional Development. Ang pagkilalang ito ay patunay ng patuloy na kahusayan, dedikasyon, at mataas na antas ng propesyonalismo hindi lamang sa loob ng institusyon.

Patuloy ang BatMC sa paghahatid ng dekalidad, makatao, at makabagong serbisyong pangkalusugan para sa bawat Batangueño at karatig-bayan nito.

Isinulat ni: Jarren V. Basilan
Larawan ni: Juan Paulo Gabito

05/05/2026

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘!

Batangas Medical Center reminds everyone to remain vigilant against individuals falsely claiming to be hospital personnel who demand immediate payments. The hospital does NOT collect payments through personal e-wallets or unofficial channels.

For your safety, avoid sharing unredacted hospital documents online, as these may be used for fraudulent activities. Always verify first before making any payment and coordinate only with our official Billing / Cash Operations Office.

Stay alert and help protect other BatMC clients by sharing this advisory!

05/05/2026

𝐁𝐚𝐠𝐨𝐧𝐠 𝐄𝐃 𝐓𝐫𝐢𝐚𝐠𝐞 𝐑𝐨𝐨𝐦 𝐧𝐠 𝐁𝐚𝐭𝐌𝐂, 𝐁𝐢𝐧𝐮𝐤𝐬𝐚𝐧 𝐧𝐚!

Upang mas mapabuti ang sistema ng pagtanggap at pagsusuri sa mga pasyente, isinagawa ng Batangas Medical Center ang soft opening ng bagong Emergency Department (ED) Triage Room noong ika-30 ng Abril, 2026.

Ang bagong pasilidad ay nakatuon sa mas mahigpit na implementasyon ng Emergency Severity Index (ESI). Layunin ng sistemang ito na matiyak ang mas mabilis na pagsusuri sa bawat pasyente upang matukoy ang antas ng agarang pangangailangan sa kanilang gamutan. Sa halip na “paunahan sa pila,” isinasaalang-alang dito ang antas ng kondisyon ng bawat pasyente:

Ang mga pasyenteng Level 1 o nasa kritikal na lagay ang unang bibigyang-pansin.

Samantala, ang mga Level 5 o may mas magaang nararamdaman naman ay maaaring maghintay nang kaunti upang mabigyang-daan ang mga nasa mas seryosong kalagayan.

Sa ganitong paraan, ang dagdag na pasilidad ay hindi lamang nakatuon sa pagtanggap ng pasyente, kundi sa mas mabilis, tama, at makataong pagdedesisyon para sa kaligtasan at kapakanan ng pasyenteng Batangueño at mga karatig bayan nito.

Dinaluhan ang nasabing okasyon ng mga miyembro ng Executive Committee (ExeCom), bilang pagpapakita ng buong suporta ng pamunuan sa mga inobasyong naglalayong itaas ang antas ng serbisyong pangkalusugan sa komunidad.

Isinulat at Larawan ni: Kim Paolo P. De Villa

05/05/2026

𝐄𝐀𝐒𝐄 𝐎𝐅 𝐃𝐎𝐈𝐍𝐆 𝐁𝐔𝐒𝐈𝐍𝐄𝐒𝐒 (𝐄𝐎𝐃𝐁) 𝐌𝐎𝐍𝐓𝐇 𝟐𝟎𝟐𝟔

“𝐴𝑐ℎ𝑖𝑒𝑣𝑖𝑛𝑔 𝑅𝑒𝑠𝑢𝑙𝑡𝑠 𝑡ℎ𝑟𝑜𝑢𝑔ℎ 𝑇𝑟𝑎𝑛𝑠𝑝𝑎𝑟𝑒𝑛𝑐𝑦 𝑎𝑛𝑑 𝐴𝑐𝑐𝑜𝑢𝑛𝑡𝑎𝑏𝑖𝑙𝑖𝑡𝑦: 𝑇𝑜𝑤𝑎𝑟𝑑𝑠 𝑎 𝑀𝑜𝑟𝑒 𝑃𝑟𝑜𝑑𝑢𝑐𝑡𝑖𝑣𝑒 𝐵𝑎𝑔𝑜𝑛𝑔 𝑃𝑖𝑙𝑖𝑝𝑖𝑛𝑎𝑠”

Sa Batangas Medical Center, ang serbisyong mabilis, malinaw, at may malasakit ay patuloy na isinusulong.

Kaisa kami sa pagdiriwang ng Ease of Doing Business (EODB) Month 2026 sa pangunguna ng Anti-Red Tape Authority, isang paalala na ang bawat proseso ay dapat simple, tapat, at para sa kapakanan ng bawat pasyente.

Sama-sama nating itaguyod ang serbisyong pangkalusugan na walang red tape para sa mas maayos na Bagong Pilipinas.

04/05/2026

Bulletin of Procurement Opportunities ( Request for Quotation) of Batangas Medical Center Bids and Awards Committee for the following project/s for May 4, 2026

https://batmc.doh.gov.ph/public-bidding/procurement/request-for-quotation -04-2026

For more bidding opportunities, please visit the Batangas Medical Center website ( opportunities menu) at:
https://batmc.doh.gov.ph
or the PhilGEPS website.
https://www.philgeps.gov.ph/

Batangas Medical Center

07/05/2026

07/05/2026

07/05/2026

07/05/2026

05/05/2026

05/05/2026

05/05/2026

05/05/2026

04/05/2026

Address

Website

Alerts

Shortcuts

Share

Category