24/08/2026
*Tehsil Barawal*
ڈپٹی کمشنر دیر بالا، جناب منظور احمد آفریدی کی ہدایات کی روشنی میں ڈرگ انسپکٹر دیر بالا ، ڈرگ کنٹرول کے زیرِ اہتمام ضلع کے مختلف تحصیلوں میں کنٹرولڈ اور نارکوٹک ادویات کے محفوظ، ذمہ دارانہ اور قانونی استعمال کے حوالے سے آگاہی و نگرانی مہم جاری ہے۔ اس مہم کا مقصد عوام کو کنٹرولڈ اور نارکوٹک ادویات کے غیر ضروری اور غیر قانونی استعمال، خود سے دوا لینے اور بغیر مستند طبی نسخے کے ادویات حاصل کرنے کے نقصانات سے آگاہ کرنا ہے۔ عوام الناس کو ہدایت کی جاتی ہے کہ کنٹرولڈ اور نارکوٹک ادویات صرف مستند ڈاکٹر کے Valid Prescription پر استعمال کریں اور کسی دوسرے فرد کے نسخے، سابقہ علاج یا ذاتی تجربے کی بنیاد پر خود سے ایسی ادویات استعمال نہ کریں۔ ان ادویات کا غیر محتاط یا طویل عرصے تک بلا ضرورت استعمال جسمانی و ذہنی صحت کے لیے سنگین نقصانات، انحصار اور دیگر پیچیدگیوں کا باعث بن سکتا ہے۔ عوام سے اپیل کی جاتی ہے کہ بیماری یا کسی طبی ضرورت کی صورت میں مستند طبی ماہر سے رجوع کریں، تجویز کردہ خوراک اور مدتِ علاج کی مکمل پابندی کریں اور بغیر نسخے کے کنٹرولڈ و نارکوٹک ادویات کی خرید و فروخت یا استعمال سے گریز کریں۔ ڈرگ کنٹرول دیر بالا کی جانب سے مختلف تحصیلوں میں اس حوالے سے آگاہی، معائنہ اور نگرانی کا سلسلہ جاری رکھا جائے گا تاکہ ان ادویات کے محفوظ اور قانونی استعمال کو یقینی بنایا جا سکے۔
