الرُّقیةُ الشَّرعہ النَّبویة

14/03/2026

‏ہر عورت کا ماضی ہوتا ہے !
کچھ کو جسمانی زیادتی کا نشانہ بنایا گیا
کچھ کے والدین متشدد تھے
کچھ میں Puberty کے مسائل تھے
کچھ سے اپنے ہی خاندان کے افراد (چچا زاد بھائی وغیرہ) نے بچپن میں ہی جنسی زیادتی کی تھی
کچھ کو محبت کی داستانیں سنا کر ہوس کا نشانہ بنایا گیا تھا
کچھ کو محبت میں دھوکہ ہوا تھا
کچھ کو نشے دے کر ظلم کیا گیا تھا
کچھ کے ساتھ Date R**e ہوا تھا
کچھ ناجائز تعلقات میں تھیں
کچھ کا اک ٹوٹا ہوا کنبہ تھا
کچھ طلاق یافتہ تھیں
کچھ میں مالی مسائل تھے
کچھ نے خودکشی کی ناکام کوششیں کیں
اگر آپ کو کوئی ایسی عورت نظر آئے
جو ان میں سے کسی بھی مسئلے سے گزر چکی ہو ،
اپنے آنسو پونچھ کر اس نے اپنے بالوں کو باندھ لیا ہو
اپنے مستقبل کی طرف چلنا شروع کرلیا ہو کیونکہ اس کے اندر ابھی بھی کچھ امید باقی ہے
ایسا کسی بھی عورت سے ہو سکتا ہے
وہ انجان بھی ہو سکتی ہے اور وہ آپ کی اپنی دوست ،
آپ کی اپنی محبوبہ ، بیوی
یہاں تک کہ آپ کی اپنی ماں بھی ہوسکتی ہے
اس کے ماضی کے مطابق اس سے انصاف نہ کریں
اک مرد بنیں
مرد وہ ہوتا ہے جو غیرت مند ہو، حفاظت والا ہو
غلطیاں جب خُدا پاک معاف کرسکتا ہے
پھر ہم کیوں نہیں.

08/03/2026

⚠️ عوامی آگاہی پیغام ⚠️
انتہائی دکھ اور
افسوس کے ساتھ کہنا پڑتا ہے کہ کچھ عورتیں اپنی دلی مرادیں پوری کرنے کے لیے نام نہاد جعلی پیروں، جعلی عاملوں اور جعلی سیدوں کے پاس چلی جاتی ہیں،
جہاں دین کے نام پر سادہ لوح لوگوں کی کمزوری اور مجبوری کا فائدہ اٹھایا جاتا ہے۔
یاد رکھیں!
مرادیں صرف اللہ تعالیٰ پوری کرتا ہے۔
نہ کوئی تعویذ، نہ کوئی پیر، اور نہ ہی کوئی جعلی روحانی دعوے انسان کی تقدیر بدل سکتے ہیں۔
اگر معاشرے میں جہالت، اندھی تقلید اور خوف ختم ہو جائے،
تو ایسے 99٪ جعلی پیر جو آج دین کے نام پر دھندا کر رہے ہیں،
شاید کل سردیوں میں گرم سموسے اور انڈے بیچتے نظر آئیں۔
📢 خود بھی باخبر رہیں،
اور دوسروں کو بھی آگاہ کریں۔
📿 ایمان کو مضبوط کریں
🧠 عقل کو استعمال کریں
🛡️ اپنی عزت دار فیملی کو دھوکے بازوں سے محفوظ رکھیں۔

25/01/2026

24/01/2026

*ناف پر دلچسپ معلومات*
ناف اللہ سبحان و تعالیٰ کی طرف سے ایک خاص تحفہ ھے ۔ 62 سال کی عمر کے ایک بوڑھے آدمی کو دائیں آنکھ سے صحیح نظر نہیں آ رہا تھا - خاص طور پر رات کو تو اور نظر خراب ھو جاتی تھی
ڈاکٹروں نے انہیں بتایا کہ آپ کی آنکھیں تو ٹھیک ہیں
بس ایک پرابلم ہے ، کہ جن رگوں سے آنکھوں کو خون فراہم ھوتا ہے وہ سوکھ گئی ہیں
سائنس کے مطابق سب سے پہلے اللہ کی تخلیق انسانمیں ناف بنتی ہے ، جو پھر ایک کارڈ کے ذریعے ماں سے جڑ جاتی ہے ، اور اس ہی خاص تحفے سے جو باظاہر ایک چھوٹی سی چیز ہے ، ایک پورا انسان فارم ھو جاتا ہے سبحان اللہ
*ناف کا سوراخ ایک حیران کن چیز ہے*
سائنس کے مطابق ایک انسان کے مرنے کے تین گھنٹے بعد تک ناف کا یہ حصہ گرم رہتا ہے ، وجہ اس کی یہ بتائی جاتی کہ یہاں سے بچے کو ماں کے ذریعے خوراک ملتی ھے ۔ بچہ پوری طرح سے 270 دن میں فارم ھو جاتا ہے یعنی 9 مہینے میں
یہ وجہ ہے ، کہ ہماری تمام رگیں اس مقام سے جڑی ھوتی ہیں ، اس کی اپنی ایک خود کی زندگی ھوتی ہے
پیچوٹی ناف کے اس سوراخ کے پیچھے موجود ھوتی ہے جہاں تقریبا 72،000 رگیں موجود ھوتی ہیں
*علاج*
آنکھ اگر سوکھ جائے ، صحیح نظر نا آتا ھو
پتہ صحیح کام نا کر رہا ھو ، پاؤں یا ھونٹ پھٹ جاتے ھوں ، چہرے کو چمک دار بنانے کے لیے بال چمکانے کے لیے ، گھٹنوں کے درد ، سستی ، جوڑوں میں درد، سکن کا سوکھ جانا ہے
*طریقہ علاج*
آنکھوں کے سوکھ جانا - صحیح نظر نہیں آنا ، گلونگ کھال اور بال کے لیے روز رات کو سونے سے پہلے تین قطرے خالص دیسی گھی کے یا ناریل کے تیل کے ناف کے سوراخ میں ٹپکائیں اور تقریبا ڈیرھ انچ سوراخ کے ارد گرد لگائیں
گھٹنوں کی تکلیف دور کرنے کے لیے تین قطرے ارنڈی کے تیل کے تین قطرے سوراخ میں ٹپکائیں اور ارد گرد لگائیں جیسے اوپر بتایا ہے
کپکپی اور سستی دور کرنے کے لیے اور جوڑوں کے درد میں افاقہ کے لیے اور سکن کے سوکھ جانے کو دور کرنے کے لیے سرسوں کے تیل کے تین قطرے اوپر بتائے گئے طریقے کے مطابق استعمال کریں
*ناف کے سوراخ میں تیل کیوں ڈالا جائے*
ناف کے سوراخ میں اللہ نے یہ خاصیت رکھی ہے
کہ جو رگیں جسم میں اگر کہیں سوکھ گئی ہیں
تو ناف کے ذریعے ان تک تیل پہنچایا جا سکتا ہے
جس سے وہ دوبارہ کھل جاتی ہیں
بچے کے پیٹ میں اگر درد ھو تو ہینگ پانی اور تیل میں مکس کر کے ناف کے ارد گرد لگائیں چند ہی منٹوں میں ان شاءاللہ اللہ کے کرم سے آرام آ جائے گا
*تناو کی کمی کے لئے ناف میں*
آب پیاز بیس گرام
روغن ذیتون آدھ پاو
میں جلا کے لگانے سے یہ مسلہ حل ھو جاتا ہے
ناف کے اندر اور باہر مالش کرنے سے
*برائے کان کے لئے*
کانوں میں سائیں سائیں کی آواز آتی ھو
تو سرسوں کے تیل پچاس گرام میں تخم ہرمل دو عدد پیس کر ناف میں پندرہ دن لگانے سے سائیں سائیں کی آواز آنا ختم ھو جاتی ہے
*قوت سماعت کے لئے*
قوت سماعت کی کمی دور کرنے کے لئے
سرسوں کے پچاس گرام تیل میں دار چینی پیسیں ،
بیس گرام جلا کے وہ تیل ناف میں لگانے سے قوت سماعت میں بہتری آتی ہے
*پیٹ کا پھولنا*
پچاس گرام سرسوں کے تیل میں بیس گرام کلونجی کا تیل ملا کے ہلکا گرم کر کے ٹھنڈا کر کے لگانے سے دو ماہ میں پیٹ کنٹرول ھو جاتا ہے
بڑا قبض کشا نسخہ ھے*
اگر نہانے کے بعد روغن زیتون ناف میں لگا دیں
اور مزے کی بات یہ کہ الرجی اور زکام نہیں ھوتا

08/01/2026

آج کل ایک لفظ بہت اِن ہے:
" اورا"
کہا جاتا ہے جس کا اورا مضبوط ہو، اس کے کام سنور جاتے ہیں، بات میں وزن آ جاتا ہے، عزت خود چل کر آتی ہے، راستے بنتے چلے جاتے ہیں۔
غرض دنیا میں ہر طرح سے کامیابی قدم چومتی ہے
اور جس کا اورا کمزور ہو، وہ بندہ درست بھی ہو تو غلط سمجھا جاتا ہے، نیت صاف ہو پھر بھی شک اس کے حصے میں آتا ہے، ہر کام میں رکاوٹ، ہر موڑ پر دیوار۔
جتنا مرضی لاحق فائق ہو کامیاب نہیں ہو سکتا
اس کی کئی وجوہات ہو سکتی ہیں جیسے کہ جادو نظر بد حسد ارادے کی کمزوری وغیرہ وغیرہ
یہ بات سننے میں بڑی پرکشش لگتی ہے، اس لیے لوگ اورا مضبوط کرنے کے لیے کیا کچھ نہیں کر رہے۔
کوئی عجیب و غریب ایکسرسائز بتا رہا ہے، کوئی سانسوں کی مشقیں، کوئی آنکھیں بند کر کے خیالی دائرے بنانے کو کہتا ہے، اور اب تو جدید حلیے میں “بابے” بھی آ گئے ہیں جو مہنگی سروسز بیچ رہے ہیں:
آؤ، ایک دفعہ اورا ٹھیک کروا لو، زندگی بدل جائے گی۔
شرعی حیثیت ایک الگ بحث ہے، مگر ذرا حقیقت پر غور کریں۔
آپ ایک دفعہ اورا “ٹھیک” کروا بھی لیں، تو کچھ دن بعد وہ پھر کسی نہ کسی وجہ سے “خراب” ہو جائے گا۔
بھئی جادو کرنے والے نظر بد لگانے والے تو اپ کے ساتھ ساتھ ہی ہیں نا وہ پھر کر دیں گے کچھ نہ کچھ
پھر دوبارہ جانا پڑے گا، پھر پیسے، پھر وعدے، پھر وقتی تسلی۔
بالکل وہی پرانا سائیکل جو نسلوں سے بابوں، تعویذوں اور عاملوں کے گرد گھومتا آ رہا ہے، بس نام بدل گئے ہیں، پیکج اپڈیٹ ہو گیا ہے۔
اللہ کے نبی ﷺ نے ہمیں دو نوروں کی خوشخبری دی تھی،
لیکن ہم نے یا تو انہیں بھلا دیا
یا اپنی سستی کو مصروفیت کا نام دے دیا۔
ہم کہتے ہیں وقت نہیں ہے۔
ہم کہتے ہیں روٹین بہت مصروف ہے۔
اورا انرجی بوسٹ کرنے والی ایکسرسائزز پر ہم گھنٹہ گھنٹہ لگا سکتے ہیں،
مگر قرآن پڑھنے کے لیے دس منٹ بھی مشکل لگتے ہیں۔
رسول اللہ ﷺ نے فرمایا:
“قرآن پڑھو، یہ قیامت کے دن اپنے پڑھنے والوں کی شفاعت کرے گا،
خاص طور پر سورۃ البقرہ اور سورۃ آل عمران۔
یہ دونوں قیامت کے دن اس طرح آئیں گی جیسے بادل یا سایہ،
یا پرندوں کے دو غول، اور اپنے پڑھنے والوں کی طرف سے جھگڑا کریں گی۔”
ایک اور حدیث میں فرمایا:
“سورۃ البقرہ پڑھا کرو، اس کا پڑھنا برکت ہے،
اس کو چھوڑ دینا حسرت ہے،
اور باطل قوتیں اس کا مقابلہ نہیں کر سکتیں۔”
اب ذرا سادہ زبان میں سمجھیں۔
جسے آج لوگ “اورا” کہتے ہیں،
قرآن اسے نور، سکینت، وقار اور حفاظت کہتا ہے۔
سورۃ البقرہ اور سورۃ آل عمران: دل کے اندر خوف کو کم کرتی ہیں
سوچ کو سیدھا کرتی ہیں
غلط اثرات، حسد، نظر اور منفی دباؤ کے خلاف ڈھال بنتی ہیں
انسان کے رویے میں ٹھہراؤ اور بات میں وزن پیدا کرتی ہیں
جب اندر نور آتا ہے تو باہر کی فریکوئنسی خود ٹھیک ہو جاتی ہے۔
لوگ بلاوجہ آپ سے الجھنا چھوڑ دیتے ہیں۔
فیصلے آسان ہوتے ہیں۔
اور راستے وہاں سے کھلتے ہیں جہاں آپ نے سوچا بھی نہیں ہوتا۔
یہ معجزات کرتی ہیں زندگی میں بس تھامنے کی دیر ہے
یہ مسلسل نور ہے۔
وہ نور جو خراب نہیں ہوتا،
جو بار بار “ریچارج” کروانے کے لیے کسی کے پاس لے کر نہیں جانا پڑتا۔
اب سوال یہ ہے کہ
اگر روزانہ مکمل سورۃ البقرہ اور آل عمران پڑھنا مشکل لگے تو کیا کریں؟
حل بالکل سادہ ہے۔
آپ ان دونوں سورتوں کو 7 دن یا 10 دن میں تقسیم کر لیں۔
روزانہ ایک معقول حصہ، جتنا سکون سے پڑھ سکیں۔
نیت یہ ہو کہ میں نور جمع کر رہی ہوں،
اور اگر بالکل ہی مصروف دن ہو تو کم از کم: سورۃ البقرہ کی آیت الکرسی اور آخری دو آیات
اور سورۃ آل عمران کا ابتدائی حصہ یا آخری رکوع
یہ بھی مستقل مزاجی سے پڑھنا بہت بڑا فرق ڈال دیتا ہے۔
اب سب سے اہم بات ۔۔۔۔بچوں کی۔
اگر آپ کے بچے ناظرہ قرآن پڑھ سکتے ہیں،
تو بچپن سے ہی ان میں یہ عادت ڈالیں کہ
روزانہ سورۃ البقرہ یا آل عمران کے چند صفحات پڑھیں۔
ایک ربع، آدھا پارہ، جتنی ان کی عمر اور توجہ اجازت دے۔
یہ بچے: کم عمری میں ہی ذہنی مضبوطی سیکھتے ہیں
ان کا دل جلدی بہکنے والا نہیں ہوتا
ان کی آنکھ درست ہونا شروع ہو جاتی ہے
وہ حق اور باطل میں فرق پہچاننا سیکھتے ہیں
یہی اصل “اورا ڈیولپمنٹ” ہے۔
جو دنیا میں بھی کام آتی ہے
اور آخرت میں بھی سرخرو کرتی ہے۔
ہمیں فیصلہ کرنا ہے ہم وقتی چمک کے پیچھے دوڑنا چاہتے ہیں یا مستقل نور کے ساتھ جینا چاہتے ہیں۔قرآن کے نور کا کوئی نعم البدل نہیں۔نہ کوئی ایکسرسائز، نہ کوئی سروس،
نہ کوئی پرانا بابا نہ جدید بابا۔
بس قرآن،
اور اس کے ساتھ جڑی مستقل مزاجی۔