27/08/2026
Management of trigeminal neuralgia.
ٹرائی جیمینل نیوریلجیا
یہ شدید درد کی ایک کیفیت ہے. جس میں مریض کے چہرے یا گال کے کچھ حصوں پر شدید جان لیوا قسم کا درد ہوتا ہے. اکثر مریض اس کو ایک شدید کرنٹ کے جھٹکے کی طرح بیان کرتے ہیں. دن کا اکثر حصہ اسی درد میں گزر جاتا ہے. اکثر اوقات یہی درد مہینوں سالوں پہ محیط ہو جاتی ہے. شروع میں درد کی دوائی کچھ دیر افاقہ دیتی ہے لیکن رفتہ رفتہ اس کا اثر بھی بہت کم ہو جاتا ہے. متاثرہ جگہ بہت نازک ہو جاتی ہے وہاں پہ ہلکا سا چھونا یا ہلکی سی ہوا لگنا بھی بعض اوقات شدید درد کی لہر کا باعث بنتا ہے. ایسی صورت میں مریض اپنی روز مرہ زندگی کے کام کرنے سے عاجز ہوتا ہے، کھانا پینا، منہ دھونا، کلی کرنا تقریباً ناممکن ہو جاتا ہے. ایسا مریض درد کی وجہ سے شدید ڈپریشن کا شکار ہو جاتا ہے اور اکثر زندگی سے بیزار ہو جاتا ہے.
جدید طریقہ ہائے علاج میں اس مرض کے لیے "ٹرائی جیمینل نرو بلاک" اور "ریڈیو فریکوئنسی ابلیشن" جیسے اچھے آپشنز موجود ہیں جن سے درد کو اگر مکمل آرام نہ ہو تو بھی کافی حد تک افاقہ ہو جاتا ہے. بعض اوقات مطلوبہ آرام پانے کے لئے یہ انجکشن ایک سے زیادہ دفعہ بھی لگانے پڑ جاتے ہیں. لیکن اس کے نتیجے میں مریض کی زندگی کافی بہتر ہو جاتی ہے.
یہ مریض پچھلے 4 سال اس مرض کی وجہ سے شدید ڈپریشن میں مبتلا ہے. اب کسی قسم کی دوا کارگر نہیں. تمام حالات کو مدنظر رکھتے ہوئے آج "گھرکی ٹرسٹ ٹیچنگ ہسپتال" میں ان کی "ٹرائی جیمینل ریڈیو فریکوئنسی ابلیشن ٹریٹمنٹ" کی گئی. الحمدللہ علاج بغیر کسی مشکل یا پیچیدگی کے، انتہائی کامیاب رہا اور اس کے فوراً بعد مریض کی درد بالکل ختم ہو گئی.
اگر آپ بھی اس طرح کی یا کسی بھی قسم کی پرانی درد میں مبتلا ہیں جس نے آپ کی زندگی اجیرن کی ہوئی ہے اور آپ اس درد کا فوری حل چاہتے ہیں تو ہم سےرابطہ کیجئے. ہو سکتا ہے ہم آپ کی مدد کر پائیں. ہمارے ہاں "ماہرِ امراضِ درد“ کی زیرِ نگرانی ہر قسم کی نئی اور پرانی اور کینسر کی درد کی تشخیص اور علاج کے لیے ہر قسم کی سہولت موجود ہے.
شفا منجانب اللہ.
