healthy kids with Dr saima

05/07/2026

05/07/2026

"Aap ka bacha 6 mah ka ho gaya hai? Ab uski pehli thos ghaza kya honi chahiye?"
Description: Har maa ka sab se bara sawal yahi hota hai ke 6 mah ke baad bache ko pehli dafa kya khilaya jaye aur kis tarah shuru kiya jaye. Is video mein main aap ko bataungi ke weaning ya complementary feeding kab aur kaise shuru karni chahiye, kin ghazao se ibtida karni chahiye aur kin ghaltiyon se bachna chahiye.
Agar aap ka bacha bhi 6 mah ka ho gaya hai to yeh video zaroor dekhein aur dusri mummiyon ke sath bhi share karein.
Hashtags:

Next video will be share after a while IA

23/06/2026

🚨 Kya apke bache ko bar bar khansi hoti hai?
Agar khansi baar baar wapas aa jati hai, raat ko zyada hoti hai, ya saans lete waqt seetiyon jaisi awaz aati hai to isay sirf infection samajh kar nazarandaz na karein.
Ye bachon mein Dama (Asthma) ki alamat bhi ho sakti hai.
Is video mein main asan alfaaz mein samjha rahi hun:
✅ Dama ki aham alamat ✅ Wheezing kya hoti hai ✅ Bachon mein asthma ka shak kab karna chahiye ✅ Kab pediatrician se mashwara lena zaroori hai
Video ko poora dekhein aur doosre walidain ke sath bhi share karein.
👩‍⚕️ Dr. Saima Sikandar
Aapke bache ko khansi zyada kis waqt hoti hai? Comment mein zaroor batayein.

31/05/2026

⚠️ Maaon Ke Liye Khaas Paigham: Khasra Ki Alamat Aur Bachao
Khasra aik khatarnak magar qabil-e-bachao bimari hai. Har maa ko is ki alamat aur bachao ke tareeqon ka ilm hona chahiye. Is video ko dekhein aur dusri maaon tak bhi pohanchayein.

20/05/2026

🚨 Hantavirus – Aik Khamosh Magar Bohat Khatarnak Virus 😷

⚠️ Kya aap jante hain ke chuho se phailne wala aik virus lungs ko buri tarah affect kar sakta hai?

Shuru mein is ki symptoms aam flu jaisi lagti hain:
🤒 Bukhar
😖 Body pain
😴 Extreme thakan
😷 Saans lene mein mushkil

Lekin severe cases mein yeh jaan leva bhi ho sakta hai۔

Hantavirus zyadatar:
✔️ Chuho ke urine
✔️ Saliva
✔️ F***s
✔️ Ya contaminated hawa

ke zariye phailta hai۔

⚠️ Zaroori Ehtiyaat:
✅ Store room ya band jaghon ki safai se pehle hawa lagne dein
✅ Mask aur gloves use karein
✅ Chuho ki mojoodgi ko ignore na karein
✅ Bachon ko contaminated areas se door rakhein

Awareness aur prevention bohat zaroori hai 💙

Aisi health information ke liye page follow karein۔

Dr. Saima Sikandar | Child Health Awareness

14/05/2026

Karwi Dawai Pilana Ab Hua Asan! Maon Ke Liye Zabardast Khushkhabri
Kya aapka bacha karwi dawai peene se mana karta hai? Har maa ke liye yeh ek common problem hai! Is video mein janiye karwi dawai pilane ka asan, safe aur effective tareeka jo har maa ke liye bohat madadgar sabit ho sakta hai. Pediatrician Dr. Saima Sikandar ke valuable tips ke sath.

11/05/2026

Kya bar bar tind karwany se bachon ke baal ghane hote hain? 🤔
Kya aap bhi samajhtay hain ke bar bar tind karwany se bachon ke baal ghane ho jate hain? 🤔
Yeh aik common myth hai jo bohat parents follow karte hain.

Is video me Dr Saima Sikandar explain karti hain:
✔️ Hair growth ka asal science
✔️ Tind karwany ka haqeeqat me kya effect hota hai
✔️ Healthy hair growth ke liye kya zaroori hai

👉 Video end tak dekhein
👉 Comments me apni raaye dein
👉 Share karein taake dusre parents bhi sach jaan saken

04/05/2026

Kya Apka Bacha Mobile Cheenny Par Rota Hai? Kahi Ye Screen Addiction To Nahi?
Agar apka bacha mobile band karne ya cheen lene par rota, cheekhta ya zid karta hai, to ye sirf aadat nahi balke screen addiction ki nishani bhi ho sakti hai.Zyada screen time bachon ki zehni, jismani aur jazbati sehat ko nuqsan pohcha sakta hai.
Is video mein janain:

Screen addiction ki alamat

Bachon par nuqsanat

Parents kya karein?

Apne bache ki sehat ke liye ye video zaroor dekhein aur share karein.

03/05/2026

Newborn Baby Ka Sar Hargiz Na Banayein | Har Maa Ke Liye Zaroori Paigham
Kya aap bhi nozaida bachay ka sar shape dene ki koshish karti hain? Yeh aadat bachay ke liye nuqsan deh ho sakti hai. Is video mein Dr. Saima Sikandar batayengi ke newborn ke sar ko zabardasti shape dena kyun ghalat hai aur maaon ko kin baton ka khayal rakhna chahiye. Har new parent ke liye important maloomat.