16/09/2026
چیف گیسٹ🥀 سفیر امن، پیر سید یاسر عرفات ایڈوکیٹ صاحب صدر💐 ڈسٹرکٹ بار ایسوسی ایشن منڈی بہاؤالدین🌹
زاہد محمود گوندل شہید پولیس لائنز منڈی بہاءالدین میں خواتین اور بچوں کو جنسی ہراسگی، بدسلوکی اور تشدد سے محفوظ رکھنے کے حوالے سے آگاہی سیمینار کا انعقاد کیا گیا۔
آگاہی سیمینار سے صدر ڈسٹرکٹ بار ایسوسی ایشن منڈی بہاؤالدین سید یاسر عرفات ایڈوکیٹ صاحب اور ڈسٹرکٹ پولیس آفیسر منڈی بہاءالدین کامران عامر خان نے خطاب کرتے ہوئے کہا کہ خواتین اور بچوں کا تحفظ معاشرے کی مشترکہ ذمہ داری ہے۔ جنسی ہراسگی اور بدسلوکی کے خلاف مؤثر اقدامات کے ساتھ ساتھ عوام میں شعور و آگاہی پیدا کرنا وقت کی اہم ضرورت ہے۔
صدر ڈسٹرکٹ بار سید یاسر عرفات نے کہا کہ محفوظ معاشرے کے قیام کے لیے وکلاء۔۔پولیس، سول سوسائٹی، تعلیمی اداروں، والدین اور تمام طبقات کو مل کر اپنا کردار ادا کرنا ہوگا۔ خواتین اور بچوں کے خلاف کسی بھی قسم کی ہراسگی، بدسلوکی یا تشدد کو برداشت نہیں کیا جائے گا اور ایسے عناصر کے خلاف قانون کے مطابق مؤثر کارروائی عمل میں لائی جائے گی۔
سیمینار میں سول سوسائٹی، امن کمیٹی، وکلاء کمیونٹی، سکول و کالج کے طلباء و طالبات، پروفیسرز اور صحافی برادری نے بھرپور شرکت کی۔
شرکاء نے خواتین اور بچوں کے تحفظ، جنسی ہراسگی کے خاتمے اور محفوظ و پُرامن معاشرے کے قیام کے عزم کا اظہار کیا۔
