13/06/2023
آئس لانڈھی مسلم أباد کے علاقے نگریاپارک گل احمد چورنگی شیر پاؤ مظفر اباد میں آلو پیاز کی طرح بک رہی ہے اور کھلے عام سڑک کنارے نوجوان اور کم عمر لڑکے بیٹھ کر پیتے ہیں ۔ افسوس کہ ہم جیسے عام لوگوں کو تو یہ چیزیں نظر آتی ہیں لیکن ان کے روک تھام کےلیے بنائے ہوئے ادارے کو یہ سب نظر نہیں آتا اور نہ ہی کوئی پوچھنے والا ہے ۔
آئس ( شیشہ) کیا ہے ؟
آج کل ایسے فروخت ہوتا ہے جیسے الو پیاز اور ٹماٹر
آئس ایک ایسا نشہ ہے جس کے پہلی بار استعمال سے انسان کے اندر خوشی کے ہارمونز انتہائی ایکٹیو ھو جاتے ہیں ۔ جس سے انسان انتہائی خوشی محسوس کرتا ہے ، آئس کا نشہ 36 سے 72 گھنٹے تک ہوتا ہے اور وہ انسان 72 گھنٹوں تک جاگتا رہتا ہے ۔ پہلی دفعہ انسان کو آئس استعمال کرنے سے جو لذت اور خوشی محسوس ہوتی ھے وہ آہستہ آہستہ کم ہو جاتی ہے اور اس کے ساتھ انسان آئس کی ڈوز پے ڈوز بڑھاتا جاتا ہے تاکہ وہ پہلے والی خوشی محسوس کر سکے ۔
کسی بھی نشے سے انسان کے اندر رشتے کی تمیز نہیں رہتی مگر آٸس ایک خطرناک چیز ھے جو وقت کے ساتھ ساتھ انسان کی ہڈیوں کو پکڑ لیتی ہے ۔ آئس استعمال کرنے والے انسان پر بھروسہ کرنا بیوقوفی ہے۔ آئس استعمال کرنے والے انسان کے ہاتھوں سے کسی بھی وقت کوٸی بھی ناخوشگوار واقعہ پیش آسکتا ہے جب وہ نشے کی حالت میں ہو۔
پوسٹ لگانے کا مقصد یہ ہے کہ نوجوان نسل اس سے دور رہیں یا اپنے نوجوانوں کو اس سے دور رکھیں ، اپنے اور اپنے پیاروں کی خاطر ۔ اب ھم سب کا فرض بنتا ھے کہ اس ناسور کے خلاف آواز اٹھائیں ۔
