11/08/2026
تصویر میں نظر آنے والا ہاتھ میرے چھوٹے بھائی کا ہے جسکی عمر 24 سال ہے۔ ہو سکتا ہے ہاتھ کو دیکھتے ہوئے آپ کے ذہن میں سنی دیول کا مشہور ڈائیلاگ آ رہا ہو
"یہ ڈھائی کلو کا ہاتھ جب کسی پر پڑتا ہے تو آدمی اٹھتا نہیں ، اٹھ جاتا ہے۔"
مگر حقیقت اسکے بالکل برعکس ہے ۔
واقعہ کچھ یوں ہے کہ امی نے آواز دی ۔۔۔ " تمھارے بھائی کو چکر آ رہے ہیں ، آ کر کوئی دوائی دے دو ۔"
میں بھی فوراً آن پہنچا کہ جوان جہان بھائی ہے ، صحت بھی اچھی ہے (ماشاءاللہ) پھر یہ چکر کاہے کو ؟؟؟
پوچھنے پر معلوم پڑا کہ بھائی صاحب کو نہاتے دوران ہاتھ پر کیل لگی ہے اور ہاتھ پر نظر آنے والے چھوٹے سے زخم سے ہلکا ہلکا خون رس رہا ہے۔ جسے موصوف کاٹن سے مسلسل صاف کر رہے تھے اور کمزوری اور سر چکر محسوس کر رہے تھے ۔ بھائی نے مزید انکشاف کیا کہ
"کچھ عرصہ پہلے روڈ ایکسیڈنٹ ہوا تھا اور بازو پر چند خراشیں آ گئیں تھیں ۔ جب تک ان سے خون رستا رہا تب بھی مجھے سر چکر محسوس ہوتے رہے تھے ۔"
میں نے قدرے ناراضگی سے کہا ۔۔
"اور کھاؤ ، پیزے ، برگر اور چکن شوارمے۔۔ بظاہر تو صحت اچھی ہے مگر اندر سے اتنی ٹُھس کہ دو بوندیں خون نکلنا برداشت نہیں ہو رہا ۔۔"
پھر میں نے بھائی کو ہومیوپیتھک میڈیسن کی ایک خوراک دی ۔ جس سے سیکنڈوں میں اسکے چکر ختم ہو گئے ۔
کیس دلچسپ لگا تو شئیرنگ کی غرض سے بھائی سے ہاتھ کی تصویر بنوانے کا کہا ۔۔
اس نے ہاتھ آگے کیا اور اکڑ کر ڈائیلاگ مارا ۔۔
"یہ مزدور کا ہاتھ ہے کاتیا ۔ لوہا پگھلا کر اسکا آکار بدل دیتا ہے"
اور لمحہ بھر پہلے اسکی حالت سوچ کر، میرے منہ سے بے اختیار قہقہہ بلند ہوا ۔۔😂
(آپ بتائیں ۔۔ اس علامت پر کونسی دوا دی ہو گی ؟؟ اس بہانے تھوڑی نالج شئیرنگ بھی ہو جائے گی)
Dr.Athar Abbas - Homeopathic Expert
