AMAAR child Clinics & LAB

19/08/2026

عوامی آگاہی پیغام: ٹائیفائیڈ بخار
ٹائیفائیڈ (Enteric Fever) بچوں اور بڑوں میں ایک اہم بیکٹیریا کی بیماری ہے، جو عموماً آلودہ پانی اور غیر محفوظ خوراک کے ذریعے پھیلتی ہے۔
⚠️ اہم علامات
مسلسل یا کئی دن رہنے والا بخار
سر درد اور کمزوری
بھوک میں کمی
پیٹ میں درد
متلی یا قے
قبض یا دست
بعض بچوں میں جگر یا تلی کا بڑھ جانا
🩺 تشخیص
مسلسل بخار کی صورت میں بچے کا معائنہ ضروری ہے۔ Blood Culture ٹائیفائیڈ کی تشخیص کے لیے اہم ٹیسٹ ہے۔ صرف Widal test کی بنیاد پر ٹائیفائیڈ کی تشخیص اور اینٹی بائیوٹک شروع کرنا مناسب نہیں۔
💊 علاج
ٹائیفائیڈ کا علاج مناسب اینٹی بائیوٹک سے کیا جاتا ہے، لیکن پاکستان میں اینٹی بائیوٹک مزاحمت (Antibiotic Resistance) ایک اہم مسئلہ ہے۔ اس لیے ڈاکٹر کے مشورے اور، جہاں ممکن ہو، Culture & Sensitivity کے مطابق دوا استعمال کریں۔
❌ خود سے اینٹی بائیوٹک شروع نہ کریں اور نہ ہی علاج ادھورا چھوڑیں۔
🛡️ بچاؤ
✅ صاف اور محفوظ پانی استعمال کریں
✅ کھانا اچھی طرح پکا کر کھائیں
✅ کھانے سے پہلے اور واش روم کے بعد ہاتھ ضرور دھوئیں
✅ کھانے کو ڈھانپ کر رکھیں
✅ بچوں کی ویکسینیشن مکمل کروائیں
✅ مشتبہ علامات کی صورت میں بروقت ڈاکٹر سے رجوع کریں
بچوں میں مسلسل بخار کو معمولی نہ سمجھیں۔ بروقت تشخیص اور مناسب علاج پیچیدگیوں سے بچا سکتا ہے۔
ڈاکٹر ساجد الرحمان
District Children Specialist
📞 03459663760

12/08/2026

ہم سب دن رات محنت کرتے ہیں کہ گھر بن جائے۔۔۔ گاڑی آجائے۔۔۔ گھر کی کوئی چیز بن جائے۔۔۔ بچوں کے مستقبل کے لئے کچھ جڑ جائے۔۔۔ اور جانے کیا کیا۔۔۔۔

ایک بات بتائیں

اس دن رات میں اپنے لئے کیا کرتے ہیں؟

قبر میں تنہا ہونگے کسی ساتھ کا بندوبست کرلیا۔۔۔؟
زمین سخت ہوگی۔ کوئی بیڈ کوئی میٹرس، کوئی گدا، چٹائی۔۔۔؟
حبس گرمی ہو گی۔ کوئی ٹھنڈی ہوا کا جھونکا۔۔۔؟
اندھیرا ہوگا۔ کوئی روشنی، کوئی نور، کوئی دیا۔۔۔؟
تنگ ہوگی۔ کشادگی کا کوئی طریقہ۔۔۔؟
تنہائی اور وحشت ہوگی۔ کوئی ساتھ۔۔۔؟
کوئی خوشبو؟
کیڑوں کو بھگانے کا کوئی سسٹم۔۔۔؟

آئیں۔ آج سے پلاننگ کریں
آئیں! وہاں کے سامان کی فکر کریں

اللہ کے ذکر کے نور کی روز ایک کرن وہاں چھوڑ آئیں
کسی کونے میں سورہ ملک۔۔۔
کسی میں کلمہ توحید کا یقین
کسی میں سنت رسول کی پیروی
کہیں کسی خاموش مدد کا ڈیکوریشن پیس
کہیں تنہائی کے آنسوؤں کی ٹھنڈک
کسی سچی توبہ اور استغفار کی رونق
کہیں دعا کی خوشبو
کہیں مخفی صدقات کی نرمی

سوچیں تو درجنوں چھوٹی چھوٹی کوششیں ہیں جو اپنی روزانہ کی روٹین میں شامل کر سکتے ہیں

بس فکر کر لیں
آئیں اپنی قبر کو ڈیکوریٹ کرلیں

اللہ تعالٰی ہمارا خاتمہ ایمان پر فرمائے اور ہم دنیا سے اس حال میں جائیں کہ ہمارے دونوں ہاتھ بہترین اعمال سے بھرے ہوئے ہوں

09/08/2026

ڈاکٹر مجاہد اللہ بروز اتوار دوپہر 2 بجے تا رات8 بجے عمار کلینکل لیباٹری بلمقابل وومن اینڈ چلڈرن ہسپتال کرک سٹی کلینک میں موجود ھونگے

07/08/2026

27/07/2026

پیدائشی تل (Congenital Nevus) — والدین کے لیے اہم آگاہی
بعض بچوں کی پیدائش کے وقت جلد پر سیاہ یا بھورے رنگ کا تل موجود ہوتا ہے، جسے پیدائشی تل (Congenital Nevus) کہا جاتا ہے۔ یہ عموماً پیدائش سے ہی موجود ہوتا ہے اور زیادہ تر صورتوں میں بے ضرر ہوتا ہے۔
والدین کیا کریں؟ ✅ بچے کے تل کو باقاعدگی سے دیکھتے رہیں۔ ✅ اگر تل کا سائز تیزی سے بڑھے، رنگ بدل جائے، کنارے بے قاعدہ ہو جائیں، اس میں زخم، خون یا مسلسل خارش ہو تو فوراً بچوں کے ماہر ڈاکٹر یا جلد کے ماہر (Dermatologist) سے رجوع کریں۔ ✅ بڑے پیدائشی تل والے بچوں کو باقاعدہ طبی معائنے کی ضرورت ہو سکتی ہے۔ ✅ بغیر ڈاکٹر کے مشورے کے کسی کریم، دیسی ٹوٹکے یا علاج کا استعمال نہ کریں۔
یاد رکھیں: زیادہ تر پیدائشی تل خطرناک نہیں ہوتے، لیکن باقاعدہ معائنہ اور بروقت طبی مشورہ بچے کی صحت کے لیے ضروری ہے۔
ڈاکٹر ساجد الرحمٰن
ڈسٹرکٹ چلڈرن اسپیشلسٹ
ویمن اینڈ چلڈرن ہسپتال، کرک سٹی

22/07/2026

ہیپاٹائٹس بی سے متاثرہ ماؤں کے لیے اہم پیغام

اگر کسی ماں کو ہیپاٹائٹس بی ہو تو پریشان نہ ہوں، بلکہ بروقت احتیاط کریں۔

👶 بچے کی پیدائش کے 12 گھنٹوں کے اندر ہیپاٹائٹس بی کی ویکسین ضرور لگوائیں، اور جہاں دستیاب ہو ہیپاٹائٹس بی امیونوگلوبیولن (HBIG) بھی اسی مدت میں لگوائیں۔ اس کے بعد ویکسین کا مکمل کورس مقررہ شیڈول کے مطابق لازماً مکمل کریں۔

🤱 اگر بچے کو بروقت حفاظتی ٹیکہ (اور جہاں دستیاب ہو HBIG) لگ چکا ہو تو ماں بچے کو اپنا دودھ بھی پلا سکتی ہے۔

🩺 بچے کی 9 سے 12 ماہ کی عمر میں ڈاکٹر کے مشورے سے خون کا ٹیسٹ کروا کر اس کی حفاظت کی تصدیق کریں۔

بروقت ویکسین، بروقت تحفظ — ہیپاٹائٹس بی سے اپنے بچے کو محفوظ بنائیں۔

ڈاکٹر ساجد الرحمٰنڈسٹرکٹ چلڈرن اسپیشلسٹ📞 03459663760

16/07/2026

🌸 والدین کے لیے اہم پیغام: پیدائشی ایڈرینل گلینڈ کی بیماری (CAH) 🌸
اگر آپ کے خاندان میں پہلے کسی بچے کو CAH (Congenital Adrenal Hyperplasia) کی تشخیص ہو چکی ہے، تو آئندہ حمل میں بھی اس بیماری کا خطرہ موجود ہو سکتا ہے۔
✅ حمل کی منصوبہ بندی یا حمل کے ابتدائی مرحلے میں ماہر ڈاکٹر سے ضرور مشورہ کریں۔
✅ جینیاتی مشاورت (Genetic Counseling) اور ضروری ٹیسٹ مستقبل کے بچے کی بروقت تشخیص میں مددگار ثابت ہو سکتے ہیں۔
نوزائیدہ میں درج ذیل علامات کو ہرگز نظر انداز نہ کریں: 🔹 بچی کے بیرونی اعضائے تناسل کا غیر واضح ہونا (Ambiguous Genitalia)
🔹 بار بار قے آنا
🔹 دودھ نہ پینا
🔹 شدید کمزوری یا غنودگی
🔹 پانی اور نمکیات کی کمی
⚠️ ایسی صورت میں فوراً بچوں کے ماہر ڈاکٹر سے رجوع کریں۔ بروقت تشخیص اور علاج سے بچے کی جان بچائی جا سکتی ہے اور وہ صحت مند زندگی گزار سکتا ہے۔
یاد رکھیں: CAH قابلِ علاج بیماری ہے، بشرطیکہ اس کی بروقت تشخیص اور باقاعدہ علاج کیا جائے۔
ڈاکٹر ساجد الرحمٰن
ڈسٹرکٹ چلڈرن اسپیشلسٹ
📞 03459663760

13/07/2026

🦟 ملیریا سے بچاؤ – عوامی آگاہی پیغام

حالیہ دنوں میں پہاڑی علاقوں سے ملیریا کے متعدد مریض سامنے آ رہے ہیں۔ اپنی اور اپنے بچوں کی حفاظت کے لیے درج ذیل احتیاطی تدابیر اختیار کریں:

رات کے وقت مچھر دانی استعمال کریں، خصوصاً بچوں اور حاملہ خواتین کے لیے۔

مچھر بھگانے والی کریم یا اسپرے استعمال کریں۔

مکمل آستین والے کپڑے پہنیں، خاص طور پر شام اور رات کے وقت۔

گھر اور اردگرد پانی کھڑا نہ ہونے دیں، کیونکہ یہی مچھروں کی افزائش کی جگہ بنتی ہے۔

پانی کے ٹینک، ڈرم اور برتن ڈھانپ کر رکھیں۔

کھڑکیوں اور دروازوں پر جالیاں لگائیں۔

بخار، کپکپی، سردی لگنا یا شدید پسینہ آنے کی صورت میں فوراً قریبی ہسپتال سے رجوع کریں۔ خود علاج کرنے کے بجائے ملیریا کا ٹیسٹ ضرور کروائیں۔

ڈاکٹر کی تجویز کے مطابق پوری دوا مکمل کریں، چاہے بخار پہلے ہی ختم ہو جائے۔

بروقت تشخیص اور مکمل علاج ملیریا سے بچاؤ اور پیچیدگیوں کی روک تھام کے لیے نہایت ضروری ہے۔

ڈاکٹر ساجد الرحمٰنDistrict Children SpecialistWomen & Children Hospital, Karak City📞 0345-9663760

11/07/2026

Four specialists under one floor

23/05/2025

فارمو لا دودھ( جب کمپنی بھی 3rd class ھو )یا بچے کیلئے بیماریوں کا پروانہ۔۔۔۔۔

کیا آپ جانتے ہیں؟
آج دنیا میں فارمولا ملک (ڈبے کا دودھ) کی صنعت سالانہ 300 ملین ڈالر سے زیادہ کی مارکیٹ بن چکی ہے — اور اس کی ایک بڑی وجہ یہ ہے کہ لاکھوں مائیں اپنے بچوں کو اپنا دودھ نہیں پلاتیں۔

ماں کے دودھ کا کوئی نعم البدل نہیں۔ یہ صرف غذا نہیں، یہ بچے کی محبت، تحفظ، ذہنی نشوونما اور مدافعتی نظام کی بنیاد ہے۔
ورلڈ ہیلتھ آرگنائزیشن (WHO) کے مطابق اگر تمام مائیں بچوں کو پیدائش کے پہلے گھنٹے میں دودھ پلانا شروع کریں، اور پہلے چھ ماہ صرف ماں کا دودھ دیں، تو ہر سال 820,000 بچوں کی جانیں بچائی جا سکتی ہیں۔

لیکن یہ صرف ماں کی "چاہت" یا "غفلت" کا مسئلہ نہیں ہے۔
ہمیں سسٹم کو بھی دیکھنا ہوگا:

ورکنگ ماؤں کو مناسب میٹرنٹی لیو (چھٹی) نہیں ملتی۔ کئی اداروں میں ماؤں کو دودھ پلانے کی سہولیات ہی نہیں ملتیں۔

سماجی دباؤ اور غلط فہمیاں، جیسے کہ "ماں کا دودھ کافی نہیں ہوتا" یا "فارمولا زیادہ طاقتور ہے"، اکثر ماؤں کو گمراہ کرتی ہیں۔

میڈیا اور مارکیٹنگ کا منفی کردار بھی اہم ہے۔ اشتہارات فارمولا دودھ کو "بہتر انتخاب" کے طور پر پیش کرتے ہیں، جب کہ اصل حقیقت اس کے برعکس ہے۔

خاندان کا دباؤ بھی بعض اوقات ماؤں کو مجبور کرتا ہے کہ وہ ماں کا دودھ چھوڑ دیں۔

ہمیں یہ سمجھنا ہوگا کہ جب ایک ماں بچے کو اپنا دودھ نہیں پلاتی، تو اکثر وہ اکیلی فیصلہ نہیں کر رہی ہوتی۔ اس کے اردگرد کا ماحول، سہولیات، تعلیم، اور تعاون سب اہم کردار ادا کرتے ہیں۔

لیکن یہ بھی سچ ہے کہ جو ماں بغیر کسی مجبوری کے اپنا دودھ نہیں پلاتی، وہ نادانستہ طور پر اپنے بچے کے حق سے محروم کر رہی ہے۔
ماں کا دودھ صرف خوراک نہیں، یہ محبت کا پہلا لمس، حفاظت کی پہلی ڈھال، اور زندگی کی پہلی بنیاد ہے۔

آئیے!

ماؤں کو سپورٹ کریں

سچائی عام کریں

دفاتر میں دودھ پلانے کی سہولت فراہم کریں

اور ہر ماں کو یہ احساس دلائیں کہ اس کا دودھ اس کے بچے کا پہلا حق ہے۔
ڈاکٹر ساجد الرحمن انچارج نرسی ویمن اینڈ چلڈرن ہسپتال کرک