06/06/2026
📢 عوام الناس کے لیے اہم اطلاع
ضلع کوہاٹ کے علاقے (Toolang Jadeed) میں ڈینگی بخار کا ایک کیس تشخیص ہوا ہے۔
ڈسٹرکٹ ہیلتھ آفیسر کوہاٹ کی ہدایات پر ڈاکٹر حسن گل، پبلک ہیلتھ کوآرڈینیٹر، نے ڈی ایچ کیو ہسپتال کوہاٹ میں مریض کا معائنہ کیا اور مریض کے تیمارداروں کو ڈینگی سے بچاؤ اور احتیاطی تدابیر کے بارے میں آگاہی فراہم کی۔
محکمہ صحت کوہاٹ کی جانب سے عوام سے اپیل کی جاتی ہے کہ ڈینگی سے بچاؤ کے لیے درج ذیل احتیاطی تدابیر اختیار کریں:
✅ گھر اور اردگرد کھڑا پانی جمع نہ ہونے دیں۔
✅ پانی ذخیرہ کرنے والے برتن، ٹینکیاں اور ڈرم ڈھانپ کر رکھیں۔
✅ پرانے ٹائر، گملے، بوتلیں اور دیگر ایسی اشیاء جن میں پانی جمع ہو سکتا ہو، صاف رکھیں یا تلف کریں۔
✅ مچھر دانی، جالیوں اور مچھر بھگانے والی ادویات کا استعمال کریں۔
✅ مکمل آستین والے کپڑے پہنیں، خصوصاً صبح اور شام کے اوقات میں۔
✅ بخار، جسم درد، سر درد یا قے کی صورت میں فوری طور پر قریبی سرکاری ہسپتال یا مرکز صحت سے رجوع کریں۔
✅ ڈینگی کے مریض کو مچھر دانی کے اندر رکھیں تاکہ بیماری مزید افراد تک منتقل نہ ہو۔
ڈینگی کی روک تھام صرف محکمہ صحت کی ذمہ داری نہیں بلکہ ہم سب کی مشترکہ ذمہ داری ہے۔ اپنے گھر، گلی اور محلے کو صاف رکھیں اور ڈینگی سے محفوظ رہیں۔
District Health Office Kohat
"صاف ماحول، صحت مند معاشرہ"
Health Department, KP
Emergency Operations Centre Khyber Pakhtunkhwa
Deputy Commissioner Kohat
DHO Kohat
