20/05/2026
BPPV (Benign Paroxysmal Positional Vertigo)
کان کے اندرونی حصے کی ایک عام بیماری ہے جس کی وجہ سے شدید چکر آتے ہیں۔ جب آپ اپنے سر کی پوزیشن بدلتے ہیں (جیسے بستر پر کروٹ لینا یا لیٹنا) تو سیکنڈز کے لیے ہر چیز گھومتی ہوئی محسوس ہوتی ہے۔یہ کوئی جان لیوا یا دماغ کے فالج کی بیماری نہیں ہے۔
کیوں ہوتا ہے؟
ہمارے اندرونی کان میں توازن برقرار رکھنے کے لیے مائع (سیال) اور کیلشیم کے چھوٹے چھوٹے باریک ذرات (Crystals) ہوتے ہیں۔
ذرات کا ہٹنا:
جب یہ ذرات اپنی اصل جگہ سے ٹوٹ کر کان کی توازن والی نالیوں (Semicircular Canals) میں گر جاتے ہیں۔
سر ہلانے پر یہ ذرات نالی کے مائع میں حرکت کرتے ہیں اور دماغ کو حرکت کا غلط سگنل بھیجتے ہیں۔
دماغ یہ سمجھتا ہے کہ آپ گھوم رہے ہیں، جس سے شدید چکر کا احساس ہوتا ہے۔یہ مسئلہ عمر بڑھنے، سر پر چوٹ لگنے یا کان کے وائرل انفیکشن کی وجہ سے ہو سکتا ہے۔
عام علامات:
سر ہلانے، جھکنے، یا بستر پر کروٹ لینے سے اچانک تیز چکر آنا۔چکر کا دورہ عام طور پر ایک منٹ سے کم وقت تک رہتا ہے۔چکر کے ساتھ متلی (دل خراب ہونا) یا الٹی آنا۔جسم کا توازن بگڑنا اور آنکھوں کا غیر ارادی طور پر تیزی سے ہلنا (Nystagmus)۔
علاج (Treatment):
خوش قسمتی سے BPPV کا علاج بہت آسان ہے اور اس کے لیے کسی بڑی سرجری یا زیادہ ادویات کی ضرورت نہیں ہوتی
گھریلو احتیاط:
چکر آنے کی صورت میں فوراً بیٹھ جائیں تاکہ گرنے سے بچ سکیں۔
اچانک سر جھکانے یا تیزی سے کروٹ بدلنے سے گریز کریں۔
اگر آپ کو اکثر چکر آتے ہیں تو کسی ای این ٹی (ENT) ڈاکٹر کو چیک کرائیں تاکہ وہ درست تشخیص کر سکیں۔
