23/06/2024
وائٹ ہانڈی بریانی
اجزاء۔
بکرے کا گوشت آدھا کلو
چاول ڈیڑھ پیال
نمک حسب ذائقہ
ادرک دو انچ کا ٹکڑا
لہسن چار جوئے
پیاز پانچ سے چھ عدد درمیانی
ثابت لال مرچیں آٹھ سے دس عدد
سفید زیرہ ایک کھانے کا چمچ
چکن پاؤڈر ایک چائے کا چمچ
ثابت گرم مصالحہ ایک کھانے کا چمچ
دہی ایک پیالی
پودینہ دو کھانے کے چمچ
دودھ ایک چوتھائی پیالی
کوکنگ آئل حسب ضرورت
ترکیب۔
پیاز کو باریک چوپ کرلیں اور اس میں کچلا ہوا ادرک لہسن،نمک،لال مرچیں اور دہی ڈال کر اچھی طرح ملا لیں
اس مکسچر سے گوشت کو میرینیٹ کرکے رکھ دیں،پھر مٹی کی ہانڈی کو گرم کرکے اس میں دو کھانے کے چمچ کوکنگ آئل کو گرم کریں اور اس میں ایک چائے کا چمچ زیرہ کڑکڑا کر مصالحہ لگا ہوا گوشت ڈال دیں۔
شروع میں تین سے چار منٹ آنچ تیز رکھیں پھر ہلکی آنچ پر پکاتے ہوئے جب گوشت گلنے پر آجائے تو گھی علیحدہ ہونے تک بھون لیں۔
علیحدہ پین میں ایک کھانے کا چمچ کوکنگ آئل میں گرم مصالحہ اور زیرہ ڈال کر کڑکڑا لیں،پر اس میں بھگو کر رکھے ہوئے چاول اور باریک کٹا ہوا پودینہ ڈال کر بھونیں۔چکن پاؤڈر کو ڈیڑھ پیالی پانی میں ملا کر ابال کر یخنی بنا لیں اور اسے چاولوں میں ڈال دیں
ڈھک کر درمیانی آنچ پر پکائیں اور پانی خشک ہونے پر اسے ہانڈی میں گوشت پر ڈال دیں۔دودھ ڈال کر ہلکی آنچ پر دم پر رکھ دیں۔
