Mera Hakeem - میرا حکیم

02/05/2026

Download from PlayStore:

https://play.google.com/store/apps/details?id=com.smartsolutionsite.merahakeem&pcampaignid=web_share

Get a Nuskha daily, subscribe whatsapp channel:

https://whatsapp.com/channel/0029VbCPJvxJUM2dVOirvz2X

(آپ کا نمبر کسی کو بھی شو نہیں ہو گا)

05/04/2026

ہلدی

مختلف زبانوں میں نام (Names in Different Languages)
اردو/ہندی: ہلدی (Haldi)

عربی: کرکم (Kurkum)

فارسی: زرد چوب (Zard Chob) - یعنی زرد لکڑی

انگریزی: Turmeric

لاطینی (سائنسی نام): Curcuma longa

2. مزاج (Temperament)
قدیم طب کے مطابق ہلدی کا مزاج گرم اور خشک (درجہ دوم) ہوتا ہے۔ یہ جسم میں حرارت پیدا کرتی ہے اور فاسد مادوں کو خشک کرنے میں مدد دیتی ہے۔

3. بہترین ہلدی کی پہچان (Identification of Quality)
مارکیٹ میں موجود پسی ہوئی ہلدی میں اکثر ملاوٹ ہوتی ہے۔ ایپ کے صارفین کے لیے یہ پہچان بہت مفید رہے گی:

رنگ اور خوشبو: خالص ہلدی کا رنگ گہرا زرد (Deep Yellow/Orange) ہوتا ہے اور اس کی خوشبو تیز اور مسحور کن ہوتی ہے۔

پانی کا ٹیسٹ: ایک گلاس نیم گرم پانی میں ایک چمچ ہلدی ڈالیں۔ اگر ہلدی نیچے بیٹھ جائے اور پانی صاف پیلا رہے تو وہ خالص ہے۔ اگر پانی دھندلا ہو جائے یا رنگ چھوڑے تو ملاوٹ کا خدشہ ہے۔

ساخت: ثابت ہلدی (گٹھی) توڑنے پر اندر سے چمکدار اور گہری زرد ہونی چاہیے، بھربھری یا مٹی جیسی نہیں۔

4. استعمالات و فوائد (Uses & Benefits)
درد اور سوزش کا خاتمہ: ہلدی میں "کرکومن" (Curcumin) پایا جاتا ہے جو جوڑوں کے درد اور جسمانی سوزش کے لیے قدرتی پین کلر کا کام کرتا ہے۔

زخموں کا علاج: چوٹ لگنے یا خون بہنے کی صورت میں ہلدی کا لیپ جراثیم کو ختم کرتا ہے اور زخم بھرنے میں مدد دیتا ہے۔

قوتِ مدافعت (Immunity): دودھ میں ابال کر پینا (Golden Milk) نزلہ، زکام اور موسمی بیماریوں کے خلاف ڈھال بنتا ہے۔

جلد کی خوبصورتی: ابٹن یا فیس ماسک میں ہلدی کا استعمال رنگت نکھارتا ہے اور کیل مہاسوں (Acne) کو روکتا ہے۔

جگر کی صحت: یہ جگر سے زہریلے مادوں کو نکالنے میں معاون ثابت ہوتی ہے۔

5. احتیاط (Precautions)

زیادتی سے پرہیز: ہلدی کی بہت زیادہ مقدار معدے میں جلن یا تیزابیت پیدا کر سکتی ہے۔

سرجری: کسی بھی سرجری سے دو ہفتے پہلے ہلدی کا زیادہ استعمال روک دینا چاہیے کیونکہ یہ خون کو پتلا کرنے کی خاصیت رکھتی ہے۔

پتھری: جن افراد کو پتے میں پتھری (Gallstones) ہو، وہ اسے معالج کے مشورے کے بغیر استعمال نہ کریں۔

حاملہ خواتین: خوراک میں عام استعمال ٹھیک ہے، لیکن بطور علاج بھاری مقدار میں لینے سے گریز کریں۔

مزید معلومات ، دیسی نسخوں اور صحت کے مسائل کے حل کے لیے ہمارا واٹس ایپ چینل جوائن کریں:

https://whatsapp.com/channel/0029VbCPJvxJUM2dVOirvz2X

Follow ‎Mera Hakeem - میرا حکیم‎'s WhatsApp channel. ‎میرا حکیم - Mera Hakeem – صحت مند زندگی کی طرف قدم 🌿

خوش آمدید! یہ چینل پاکستان کا پہلا ڈیجیٹل حکیم ہے جو آپ کو خالص یونانی طب اور جڑی بوٹیوں کے آزمودہ نُسخے فراہم کرتا ہے۔

یہاں آپ کو ملے گا:
✅ روزانہ ایک خاص نُسخہ (گرتے بال، معدہ، جلد اور دیگر مسائل کے لیے)۔
✅ جڑی بوٹیوں کی پہچان اور ان کے فوائد۔
✅ صحت مند طرزِ زندگی کے آسان طریقے اور ٹوٹکے۔
✅ ہماری ایپ کی تمام نئی اپڈیٹس اور خاص فیچرز۔

🚫 کوئی سائیڈ ایفیکٹ نہیں، صرف خالص قدرتی حل۔
📱 مکمل نُسخہ جات اور ڈوزج کے لیے ہماری ایپ ڈاؤن لوڈ کریں: https://play.google.com/store/apps/details?id=com.smartsolutionsite.merahakeem

ابھی فالو کریں اور بیل (Bell) آئیکن ضرور دبائیں تاکہ کوئی نُسخہ مس نہ ہو!.‎ Join 25 followers for the latest updates.

05/04/2026

روزانہ نئی طبی ٹپس، اور مختلف مسائل کے بہترین حل کے لیے ہمارا واٹس ایپ چینل لائیک کریں۔ اور بیل آئیکن کلک کرنا نہ بھولیں۔ شکریہ

https://whatsapp.com/channel/0029VbCPJvxJUM2dVOirvz2X

Follow ‎Mera Hakeem - میرا حکیم‎'s WhatsApp channel. ‎میرا حکیم - Mera Hakeem – صحت مند زندگی کی طرف قدم 🌿

خوش آمدید! یہ چینل پاکستان کا پہلا ڈیجیٹل حکیم ہے جو آپ کو خالص یونانی طب اور جڑی بوٹیوں کے آزمودہ نُسخے فراہم کرتا ہے۔

یہاں آپ کو ملے گا:
✅ روزانہ ایک خاص نُسخہ (گرتے بال، معدہ، جلد اور دیگر مسائل کے لیے)۔
✅ جڑی بوٹیوں کی پہچان اور ان کے فوائد۔
✅ صحت مند طرزِ زندگی کے آسان طریقے اور ٹوٹکے۔
✅ ہماری ایپ کی تمام نئی اپڈیٹس اور خاص فیچرز۔

🚫 کوئی سائیڈ ایفیکٹ نہیں، صرف خالص قدرتی حل۔
📱 مکمل نُسخہ جات اور ڈوزج کے لیے ہماری ایپ ڈاؤن لوڈ کریں: https://play.google.com/store/apps/details?id=com.smartsolutionsite.merahakeem

ابھی فالو کریں اور بیل (Bell) آئیکن ضرور دبائیں تاکہ کوئی نُسخہ مس نہ ہو!.‎ Join 25 followers for the latest updates.

04/04/2026

کیا آپ کی رنگت ماند پڑ رہی ہے؟
عرقِ بہار (منہ دھونے کا قدرتی محلول): یہ نایاب نسخہ نہ صرف چہرے کو تروتازہ کرتا ہے بلکہ دانوں اور داغ دھبوں کا بھی خاتمہ کرتا ہے۔

✅ رنگت میں نکھار

✅ جلد کی قدرتی صفائی

🛑 مکمل نسخہ، اجزاء کی صحیح مقدار اور تیار کرنے کا طریقہ جاننے کے لیے ابھی "میرا حکیم" ایپ ڈاؤن لوڈ کریں۔

👇 ڈاؤن لوڈ لنک:

01/04/2026

"میرا حکیم" ایپ صحت کے مسائل کا بہترین اور قدرتی حل فراہم کرتی ہے۔ اس میں روزمرہ زندگی کے لیے انتہائی مفید نسخے اور مشورے موجود ہیں۔ آج ہی ڈاؤن لوڈ کریں اور اپنی صحت کا خیال رکھیں۔ ان شاء اللہ، آپ اسے بے حد کارآمد پائیں گے۔

30/07/2023

السلام علیکم
ایک دوست نے خوابوں کی تعبیر کے متعلق یہ چینل بنایا ہے. فالو اور لائک کریں اور ان کے علم سے فائدہ اٹھائیں.

جزاک اللہ خیرا

Youtube:
https://youtube.com/

Tiktok:
tiktok.com/

خواب میں سانپ دیکھنے کی تعبیر دشمن یا کوئی حاسد ہے.خواب میں سانپ پکڑنا طاقت یا اتھارٹی حاصل کرنا ہے.خواب میں سانپ کا گوشت ملنے کا مطل...

20/09/2021

Personally tested
Excellent results
100% satisfaction guaranteed

20/11/2020

ٹھہرئیے۔۔۔!

جس نیلی گولی کا وہ تذکرہ کر رہی تھیں وہ تیز ترین درد کُش انسیڈ یعنی فلربیبروفن ہے ، جو معدے کے ساتھ ، جگر ، گُردے کا ستیاناس کردیتی ہے اور وہ بھی اس کم عُمر بچے کو کیوں دی؟

سب سے محفوظ تصّور کی جانے والی پیناڈول گولیوں سے لاکھوں کروڑوں لوگ جگر کی سُکڑنے والی بیماری کا شکار ہوچکے ہیں اور ہو رہے ہیں۔ پونسٹان ، بروفین ، ڈائکلو ، وورین ، بریکسین ، فیلڈین وغیرہ دردوں کو کم کرنے والی گولیاں ہیں ، لیکن یہ ادویات فائدے کے ساتھ ساتھ بہت زیادہ نقصان کی حامل بھی ہیں ۔ اس کا زیادہ یا متواتر استعمال دِل ، جگر اور گُردوں کے لیے بے حد نقصان دہ ہے ۔

آج کل تو ہر کوئی بیفلام دھڑادھڑ استعمال کررہا ہے*۔ یہ کام نہ کریں، بِلاضرورت اور کم تکلیف میں دردوں کی دوائیوں سے پرہیز کریں

🌹آسان حل🌹 ۔۔۔

آپ دردوں اور بُخار کی صورت میں اجوائن کو جوش دے کر پیئیں۔ اجوائن سے ہومیوپیتھک دوائی بیلاڈونا بنتی ہے جو بُخاروں کی مُجرب دوائی ہے۔

مقامی خودرو پودے شماکے کو پانی میں جوش دے کر پیا لریں۔ اگر درد ہمیشہ رہے تو ادرک ، لہسن ، کالی مرچ کو سالن میں ڈبل ، ٹربل کرلیں۔ کچی ہلدی کو جوش دے کر پیا کریں ۔

دردوں کے لیے سورنجانِ شیریں پیس کر دودھ سے لیا کریں۔
اپنا دُشمن خود نہ بنیں۔ ۔

آپ نے ٹی وی پر پیناڈول کا اشتہار دیکھا ہوگا جس میں کہتے ہیں کہ سردرد میں دو گولیاں پیناڈول لیں تو ایسا بِالکل بھی نہ کریں۔ یہ ایک ہزار ملی گرام بنتی ہے جبکہ آپ کا سردرد صرف بھاپ لینے سے بھی ٹھیک ہوسکتا ہے ۔

جسمانی درد تھکاوٹ کی وجہ سے ہوتا ہے تو آپ جی بھر کر آرام کریں۔ *خالی پیٹ دردوں کی کوئی دوائی نہ خود لیں نہ کسی کو دیں ۔ بچّوں کو لگاتار کیل پول ، پیڈرال یا بروفین شربت نہ پلائیں ۔

بچّوں اور بڑوں کی زیادہ بیماریاں ناک بند ہونے کی وجہ سے ہوتی ہیں تو ایسے میں گرم بھاپ دیا کریں ، جوشاندہ اور توت سیاہ شربت پلایا کریں۔ سبز قہوہ ، ادرک اور شہد ملا کر پلایا کریں

لکیر کے فقیر نہ بنیں۔ ذرا سی تکلیف کی صورت میں اتنی نُقصان دہ انگریزی ادویات دھڑادھڑ استعمال نہ کریں۔ ہمیشہ کے نُقصان سے بچیں۔

بچوں کو تباہ ہونے سے بچائیں اور اس پیغام کو مفادِعامہ کی خاطر زیادہ سے زیادہ شئیر کریں ۔۔۔۔شُکریہ۔
(کوئی بھی دوائی لینے سے پہلے اپنے معالج سے مشورہ ضرور کریں) .
منقول

29/08/2020

وفات سے 3 روز قبل جبکہ حضور اکرم صلی اللہ علیہ وسلم ام المومنین حضرت میمونہ رضی اللہ تعالٰی عنہا کے گھر تشریف فرما تھے، ارشاد فرمایا کہ
"میری بیویوں کو جمع کرو۔"
تمام ازواج مطہرات جمع ہو گئیں۔
تو حضور اکرم صلی اللہ علیہ وسلم نے دریافت فرمایا:
"کیا تم سب مجھے اجازت دیتی ہو کہ بیماری کے دن میں عائشہ (رضی اللہ عنہا) کے ہاں گزار لوں؟"
سب نے کہا اے اللہ کے رسول آپ کو اجازت ہے۔
پھر اٹھنا چاہا لیکن اٹھہ نہ پائے تو حضرت علی ابن ابی طالب اور حضرت فضل بن عباس رضی اللہ تعالٰی عنہما آگے بڑھے اور نبی علیہ الصلوة والسلام کو سہارے سے اٹھا کر سیدہ میمونہ رضی اللہ تعالٰی عنہا کے حجرے سے سیدہ عائشہ رضی اللہ تعالٰی عنہا کے حجرے کی طرف لے جانے لگے۔
اس وقت صحابہ کرام رضی اللہ عنہم نے حضوراکرم صلی اللہ علیہ وسلم کو اس (بیماری اور کمزوری کے) حال میں پہلی بار دیکھا تو گھبرا کر ایک دوسرے سے پوچھنے لگے
رسول اللہ (صلی اللہ علیہ وسلم) کو کیا ہوا؟
رسول اللہ (صلی اللہ علیہ وسلم) کو کیا ہوا؟
چنانچہ صحابہ مسجد میں جمع ہونا شروع ہو گئے اور مسجد شریف میں ایک رش لگ ہوگیا۔
آنحضرت صلی اللہ علیہ و سلم کا پسینہ شدت سے بہہ رہا تھا۔
حضرت عائشہ رضی اللہ تعالٰی عنہا فرماتی ہیں کہ میں نے اپنی زندگی میں کسی کا اتنا پسینہ بہتے نہیں دیکھا۔
اور فرماتی ہیں:
"میں رسول اللہ صلی اللہ علیہ و سلم کے دست مبارک کو پکڑتی اور اسی کو چہرہ اقدس پر پھیرتی کیونکہ نبی علیہ الصلوة والسلام کا ہاتھ میرے ہاتھ سے کہیں زیادہ محترم اور پاکیزہ تھا۔"
مزید فرماتی ہیں کہ حبیب خدا علیہ الصلوات والتسلیم
سے بس یہی ورد سنائی دے رہا تھا کہ
"لا إله إلا الله، بیشک موت کی بھی اپنی سختیاں ہیں۔"
اسی اثناء میں مسجد کے اندر آنحضرت صلی اللہ علیہ و سلم کے بارے میں خوف کی وجہ سے لوگوں کا شور بڑھنے لگا۔
نبی علیہ السلام نے دریافت فرمایا:
"یہ کیسی آوازیں ہیں؟
عرض کیا گیا کہ اے اللہ کے رسول! یہ لوگ آپ کی حالت سے خوف زدہ ہیں۔
ارشاد فرمایا کہ مجھے ان پاس لے چلو۔
پھر اٹھنے کا ارادہ فرمایا لیکن اٹھہ نہ سکے تو آپ علیہ الصلوة و السلام پر 7 مشکیزے پانی کے بہائے گئے، تب کہیں جا کر کچھ افاقہ ہوا تو سہارے سے اٹھا کر ممبر پر لایا گیا۔
یہ رسول اللہ صلی اللہ علیہ و سلم کا آخری خطبہ تھا اور آپ علیہ السلام کے آخری کلمات تھے۔
فرمایا:
" اے لوگو۔۔۔! شاید تمہیں میری موت کا خوف ہے؟"
سب نے کہا:
"جی ہاں اے اللہ کے رسول"
ارشاد فرمایا:
"اے لوگو۔۔!
تم سے میری ملاقات کی جگہ دنیا نہیں، تم سے میری ملاقات کی جگہ حوض (کوثر) ہے، خدا کی قسم گویا کہ میں یہیں سے اسے (حوض کوثر کو) دیکھ رہا ہوں،
اے لوگو۔۔۔!
مجھے تم پر تنگدستی کا خوف نہیں بلکہ مجھے تم پر دنیا (کی فراوانی) کا خوف ہے، کہ تم اس (کے معاملے) میں ایک دوسرے سے مقابلے میں لگ جاؤ جیسا کہ تم سے پہلے (پچھلی امتوں) والے لگ گئے، اور یہ (دنیا) تمہیں بھی ہلاک کر دے جیسا کہ انہیں ہلاک کر دیا۔"
پھر مزید ارشاد فرمایا:
"اے لوگو۔۔! نماز کے معاملے میں اللہ سے ڈرو، اللہ سےڈرو۔ نماز کے معاملے میں اللہ سے ڈرو، اللہ سے ڈرو۔"
(یعنی عہد کرو کہ نماز کی پابندی کرو گے، اور یہی بات بار بار دہراتے رہے۔)
پھر فرمایا:
"اے لوگو۔۔۔! عورتوں کے معاملے میں اللہ سے ڈرو، عورتوں کے معاملے میں اللہ سے ڈرو، میں تمہیں عورتوں سے نیک سلوک کی وصیت کرتا ہوں۔"
مزید فرمایا:
"اے لوگو۔۔۔! ایک بندے کو اللہ نے اختیار دیا کہ دنیا کو چن لے یا اسے چن لے جو اللہ کے پاس ہے، تو اس نے اسے پسند کیا جو اللہ کے پاس ہے"
اس جملے سے حضور صلی اللہ علیہ و سلم کا مقصد کوئی نہ سمجھا حالانکہ انکی اپنی ذات مراد تھی۔
جبکہ حضرت ابوبکر صدیق رضی اللہ تعالٰی عنہ وہ تنہا شخص تھے جو اس جملے کو سمجھے اور زارو قطار رونے لگے اور بلند آواز سے گریہ کرتے ہوئے اٹھہ کھڑے ہوئے اور نبی علیہ السلام کی بات قطع کر کے پکارنے لگے۔۔۔۔
"ہمارے باپ دادا آپ پر قربان، ہماری مائیں آپ پر قربان، ہمارے بچے آپ پر قربان، ہمارے مال و دولت آپ پر قربان....."
روتے جاتے ہیں اور یہی الفاظ کہتے جاتے ہیں۔
صحابۂ کرام رضی اللہ عنہم (ناگواری سے) حضرت ابوبکر صدیق رضی اللہ عنہ کی طرف دیکھنے لگے کہ انہوں نے نبی علیہ السلام کی بات کیسے قطع کردی؟ اس پر نبی کریم صلی اللہ علیہ و سلم نے حضرت ابوبکر رضی اللہ عنہ کا دفاع ان الفاظ میں فرمایا:
"اے لوگو۔۔۔! ابوبکر کو چھوڑ دو کہ تم میں سے ایسا کوئی نہیں کہ جس نے ہمارے ساتھ کوئی بھلائی کی ہو اور ہم نے اس کا بدلہ نہ دے دیا ہو، سوائے ابوبکر کے کہ اس کا بدلہ میں نہیں دے سکا۔ اس کا بدلہ میں نے اللہ جل شانہ پر چھوڑ دیا۔ مسجد (نبوی) میں کھلنے والے تمام دروازے بند کر دیے جائیں، سوائے ابوبکر کے دروازے کے کہ جو کبھی بند نہ ہوگا۔"
آخر میں اپنی وفات سے قبل مسلمانوں کے لیے آخری دعا کے طور پر ارشاد فرمایا:
"اللہ تمہیں ٹھکانہ دے، تمہاری حفاظت کرے، تمہاری مدد کرے، تمہاری تائید کرے۔
اور آخری بات جو ممبر سے اترنے سے پہلے امت کو مخاطب کر کے ارشاد فرمائی وہ یہ کہ:
"اے لوگو۔۔۔! قیامت تک آنے والے میرے ہر ایک امتی کو میرا سلام پہنچا دینا۔"
پھر آنحضرت صلی اللہ علیہ وسلم کو دوبارہ سہارے سے اٹھا کر گھر لے جایا گیا۔
اسی اثناء میں حضرت عبدالرحمن بن ابی بکر رضی اللہ عنہ خدمت اقدس میں حاضر ہوئے اور ان کے ہاتھ میں مسواک تھی، نبی اکرم صلی اللہ علیہ وسلم مسواک کو دیکھنے لگے لیکن شدت مرض کی وجہ سے طلب نہ کر پائے۔ چنانچہ سیدہ عائشہ رضی اللہ تعالٰی عنہا حضوراکرم صلی اللہ علیہ وسلم کے دیکھنے سے سمجھ گئیں اور انہوں نے حضرت عبدالرحمن رضی اللہ عنہ سے مسواک لے نبی کریم صلی اللہ علیہ و سلم کے دہن مبارک میں رکھ دی، لیکن حضور صلی اللہ علیہ و سلم اسے استعمال نہ کر پائے تو سیدہ عائشہ رضی اللہ تعالٰی عنہا نے حضوراکرم صلی اللہ علیہ وسلم سے مسواک لے کر اپنے منہ سے نرم کی اور پھر حضور نبی کریم صلی اللہ علیہ و سلم کو لوٹا دی تاکہ دہن مبارک اس سے تر رہے۔
فرماتی ہیں:
" آخری چیز جو نبی کریم علیہ الصلوة والسلام کے پیٹ میں گئی وہ میرا لعاب تھا، اور یہ اللہ تبارک و تعالٰی کا مجھ پر فضل ہی تھا کہ اس نے وصال سے قبل میرا اور نبی کریم علیہ السلام کا لعاب دہن یکجا کر دیا۔"
أم المؤمنين حضرت عائشہ صدیقہ رضی اللہ تعالٰی عنہا مزید ارشاد فرماتی ہیں:
"پھر آپ صلی اللہ علیہ و سلم کی بیٹی فاطمہ تشریف لائیں اور آتے ہی رو پڑیں کہ نبی کریم صلی اللہ علیہ وسلم اٹھہ نہ سکے، کیونکہ نبی کریم علیہ السلام کا معمول تھا کہ جب بھی فاطمہ رضی اللہ تعالٰی عنہا تشریف لاتیں حضور اکرم صلی اللہ علیہ و سلم انکے ماتھے پر بوسہ دیتےتھے۔
حضور صلی اللہ علیہ و سلم نے فرمایا اے فاطمہ! "قریب آجاؤ۔۔۔"
پھر حضور صلی اللہ علیہ و سلم نے ان کے کان میں کوئی بات کہی تو حضرت فاطمہ اور زیادہ رونے لگیں، انہیں اس طرح روتا دیکھ کر حضور صلی اللہ علیہ وسلم نے پھر فرمایا اے فاطمہ! "قریب آؤ۔۔۔"
دوبارہ انکے کان میں کوئی بات ارشاد فرمائی تو وہ خوش ہونے لگیں۔
حضور اکرم صلی اللہ علیہ وسلم کے وصال کے بعد میں نے سیدہ فاطمہ رضی اللہ تعالی عنھا سے پوچھا تھا کہ وہ کیا بات تھی جس پر روئیں اور پھر خوشی اظہار کیا تھا؟
سیدہ فاطمہ رضی اللہ تعالی عنھا کہنے لگیں کہ
پہلی بار (جب میں قریب ہوئی) تو فرمایا:
"فاطمہ! میں آج رات (اس دنیاسے) کوچ کرنے والا ہوں۔
جس پر میں رو دی۔۔۔۔"
جب انہوں نے مجھے بےتحاشا روتے دیکھا تو فرمانے لگے:
"فاطمہ! میرے اہلِ خانہ میں سب سے پہلے تم مجھ سے آ ملو گی۔۔۔"
جس پر میں خوش ہوگئی۔۔۔
سیدہ عائشہ رضی اللہ تعالی عنھا فرماتی ہیں:
پھر آنحضرت صلی اللہ علیہ وسلم نے سب کو گھر سے باھر جانے کا حکم دیکر مجھے فرمایا:
"عائشہ! میرے قریب آجاؤ۔۔۔"
آنحضرت صلی اللہ علیہ وسلم نے اپنی زوجۂ مطہرہ کے سینے پر ٹیک لگائی اور ہاتھ آسمان کی طرف بلند کر کے فرمانے لگے:
مجھے وہ اعلیٰ و عمدہ رفاقت پسند ہے۔ (میں الله کی، انبیاء، صدیقین، شہداء اور صالحین کی رفاقت کو اختیار کرتا ہوں۔)
صدیقہ عائشہ رضی اللہ تعالی عنہا فرماتی ہیں:
"میں سمجھ گئی کہ انہوں نے آخرت کو چن لیا ہے۔"
جبرئیل علیہ السلام خدمت اقدس میں حاضر ہو کر گویا ہوئے:
"یارسول الله! ملَکُ الموت دروازے پر کھڑے شرف باریابی چاہتے ہیں۔ آپ سے پہلے انہوں نے کسی سے اجازت نہیں مانگی۔"
آپ علیہ الصلوة والسلام نے فرمایا:
"جبریل! اسے آنے دو۔۔۔"
ملَکُ الموت نبی کریم صلی الله علیہ وسلم کے گھر میں داخل ہوئے، اور کہا:
"السلام علیک یارسول الله! مجھے اللہ نے آپ کی چاہت جاننے کیلئےبھیجا ہے کہ آپ دنیا میں ہی رہنا چاہتے ہیں یا الله سبحانہ وتعالی کے پاس جانا پسند کرتے ہیں؟"
فرمایا:
"مجھے اعلی و عمدہ رفاقت پسند ہے، مجھے اعلی و عمدہ رفاقت پسند ہے۔"
ملَکُ الموت آنحضرت صلی الله علیہ وسلم کے سرہانے کھڑے ہوئے اور کہنے لگے:
"اے پاکیزہ روح۔۔۔!
اے محمد بن عبدالله کی روح۔۔۔!
الله کی رضا و خوشنودی کی طرف روانہ ہو۔۔۔!
راضی ہوجانے والے پروردگار کی طرف جو غضبناک نہیں۔۔۔!"
سیدہ عائشہ رضی الله تعالی عنہا فرماتی ہیں:
پھر نبی کریم صلی الله علیہ وسلم ہاتھ نیچے آن رہا، اور سر مبارک میرے سینے پر بھاری ہونے لگا، میں سمجھ گئی کہ آنحضرت صلی الله علیہ وسلم کا وصال ہو گیا۔۔۔ مجھے اور تو کچھ سمجھ نہیں آیا سو میں اپنے حجرے سے نکلی اور مسجد کی طرف کا دروازہ کھول کر کہا۔۔
"رسول الله کا وصال ہوگیا۔۔۔! رسول الله کا وصال ہوگیا۔۔۔!"
مسجد آہوں اور نالوں سے گونجنے لگی۔
ادھر علی کرم الله وجہہ جہاں کھڑے تھے وہیں بیٹھ گئے پھر ہلنے کی طاقت تک نہ رہی۔
ادھر عثمان بن عفان رضی الله تعالی عنہ معصوم بچوں کی طرح ہاتھ ملنے لگے۔
اور سیدنا عمر رضی الله تعالی عنہ تلوار بلند کرکے کہنے لگے:
"خبردار! جو کسی نے کہا رسول الله صلی اللہ علیہ وسلم وفات پا گئے ہیں، میں ایسے شخص کی گردن اڑا دوں گا۔۔۔! میرے آقا تو الله تعالی سے ملاقات کرنے گئے ہیں جیسے موسی علیہ السلام اپنے رب سے ملاقات کوگئے تھے، وہ لوٹ آئیں گے، بہت جلد لوٹ آئیں گے۔۔۔۔! اب جو وفات کی خبر اڑائے گا، میں اسے قتل کرڈالوں گا۔۔۔"
اس موقع پر سب زیادہ ضبط، برداشت اور صبر کرنے والی شخصیت سیدنا ابوبکر صدیق رضی الله تعالی عنہ کی تھی۔۔۔ آپ حجرۂ نبوی میں داخل ہوئے، رحمت دوعالَم صلی الله علیہ وسلم کے سینۂ مبارک پر سر رکھہ کر رو دیئے۔۔۔
کہہ رہے تھے:
وآآآ خليلاه، وآآآ صفياه، وآآآ حبيباه، وآآآ نبياه
(ہائے میرا پیارا دوست۔۔۔! ہائے میرا مخلص ساتھی۔۔۔!ہائے میرا محبوب۔۔۔! ہائے میرا نبی۔۔۔!)
پھر آنحضرت صلی علیہ وسلم کے ماتھے پر بوسہ دیا اور کہا:
"یا رسول الله! آپ پاکیزہ جئے اور پاکیزہ ہی دنیا سے رخصت ہوگئے۔"
سیدنا ابوبکر رضی اللہ عنہ باہر آئے اور خطبہ دیا:
"جو شخص محمد صلی الله علیہ وسلم کی عبادت کرتا ہے سن رکھے آنحضرت صلی الله علیہ وسلم کا وصال ہو گیا اور جو الله کی عبادت کرتا ہے وہ جان لے کہ الله تعالی شانہ کی ذات ھمیشہ زندگی والی ہے جسے موت نہیں۔"
سیدنا عمر رضی الله تعالی عنہ کے ہاتھ سے تلوار گر گئی۔۔۔
عمر رضی الله تعالی عنہ فرماتے ہیں:
پھر میں کوئی تنہائی کی جگہ تلاش کرنے لگا جہاں اکیلا بیٹھ کر روؤں۔۔۔
آنحضرت صلی اللہ علیہ و سلم کی تدفین کر دی گئی۔۔۔
سیدہ فاطمہ رضی اللہ عنہا فرماتی ہیں:
"تم نے کیسے گوارا کر لیا کہ نبی علیہ السلام کے چہرہ انور پر مٹی ڈالو۔۔۔؟"
پھر کہنے لگیں:
"يا أبتاه، أجاب ربا دعاه، يا أبتاه، جنة الفردوس مأواه، يا أبتاه، الى جبريل ننعاه."
(ہائے میرے پیارے بابا جان، کہ اپنے رب کے بلاوے پر چل دیے، ہائے میرے پیارے بابا جان، کہ جنت الفردوس میں اپنے ٹھکانے کو پہنچ گئے، ہائے میرے پیارے بابا جان، کہ ہم جبریل کو ان کے آنے کی خبر دیتے ہیں۔)
اللھم صل علی محمد کما تحب وترضا۔
میں نے آج تک اس سے اچّھا پیغا م کبھی پوسٹ نہیں کیا۔
اسلۓ آپ سے گزارش کہ آپ اسے پورا سکون و اطمینان کے ساتھ پڑھۓ۔ان شاء اللہ, آپکا ایمان تازہ ہوجاۓگا۔“
منقول

27/03/2020

دسمبر 2019 میری والدہ کو جن کی عمر اسی برس کے قریب ہے، کرونا کی شدید علامات ظاہر ہوئیں. جو کہ دو چیزوں سے بالکل ٹھیک ہو گئیں.

1. انجیر خشک 2 عدد کو ایک کپ پانی میں پکایا کہ آدھا کپ رہ گیا. پھر اس میں تھوڑا سا شہد ملا کر نیم گرم انجیر
کھلائیں اور ان کا پانی پلا دیا.

‏‎2. سونف اور ملٹھی کا قہوہ رات کو سوتے وقت نیم گرم پلانا شروع کیا.

پہلا نسخہ 2،3 دن استعمال کیا جبکہ دوسرا کئی دن تک جاری رکھا. میری والدہ کے سینے سے ایسا لیسدار بلغم نکلا کہ جب وہ تھوکتی تھیں تو ڈسٹ بن تک تار بن جاتا. لیکن الحمد اللہ، تھوڑے دنوں کے بعد وہ بالکل ٹھیک ہو گئیں.

آپ سب سے گزارش ہے کہ دیگر احتیاطی تدابیر کے ساتھ یہ نسخے حفظ ماتقدم کے طور پر استعمال کرتے رہیں. میرے رب کے فضل یہ آپ کے پھیپھڑوں کی قوت مدافعت بڑھا کر کرونا جیسے مرض سے بچائیں گے.

دعا ہے کہ اللہ رب العزت وطن عزیز کے ہر فرد کو بالخصوص اور تمام دنیا کے لوگوں کو کرونا وائرس کے اثر سے محفوظ رکھے. آمین ثم آمین



اپنے پیاروں کے ساتھ ضرور شئیر کریں، ہو سکتا ہے آپ کی وجہ سے کسی کی جان بچ جائے.