13/07/2026
پلیکسی فارم نیوروفائبروما (Plexiform Neurofibroma) کیا ہے؟
پلیکسی فارم نیوروفائبروما ایک ایسا رسولی نما (Tumor) بڑھاؤ ہے جو اعصاب (Nerves) کے گرد موجود خلیات سے بنتا ہے۔ یہ عموماً نیوروفائبروماٹوسس ٹائپ 1 (NF1) نامی موروثی بیماری سے تعلق رکھتا ہے۔ یہ کینسر نہیں ہوتا، لیکن بعض مریضوں میں وقت کے ساتھ اس کا سائز بڑھ سکتا ہے، جس سے درد، جسمانی بگاڑ اور اعصاب پر دباؤ پیدا ہو سکتا ہے۔
آنکھ اور چہرے پر اس کی علامات کیا ہو سکتی ہیں؟
اگر پلیکسی فارم نیوروفائبروما چہرے یا آنکھ کے اردگرد ہو تو ایک طرف چہرے کی سوجن یا ابھار، پلک کا بھاری ہو جانا یا لٹک جانا، آنکھ کا باہر کی طرف نمایاں نظر آنا، نظر کی کمزوری، دھندلا پن، ڈبل نظر، چہرے کی غیر معمولی ساخت، درد، سن ہونا یا جھنجھناہٹ جیسی علامات ظاہر ہو سکتی ہیں۔ بعض بچوں میں یہ علامات پیدائش سے موجود ہوتی ہیں جبکہ بعض میں عمر کے ساتھ آہستہ آہستہ نمایاں ہوتی ہیں۔
اس کی وجوہات کیا ہیں؟
اس کی سب سے بڑی وجہ NF1 جین میں تبدیلی (Mutation) ہے۔ یہ تبدیلی والدین سے وراثت میں بھی مل سکتی ہے اور بعض اوقات بغیر خاندانی تاریخ کے بھی خودبخود پیدا ہو جاتی ہے۔ یہ بیماری کسی انفیکشن، نظر لگنے، خوراک یا روزمرہ عادات کی وجہ سے نہیں ہوتی۔
کیا اس کا مستقل علاج ممکن ہے؟
مستقل علاج ہر مریض میں ممکن نہیں ہوتا کیونکہ یہ رسولی اعصاب کے اندر اور اردگرد پھیلی ہوتی ہے، جسے مکمل طور پر نکالنا اکثر ممکن نہیں ہوتا۔ اگر رسولی چھوٹی ہو اور مکمل طور پر نکالی جا سکے تو سرجری فائدہ مند ثابت ہو سکتی ہے، لیکن کئی مریضوں میں دوبارہ بڑھنے کا امکان موجود رہتا ہے۔
حالیہ برسوں میں کچھ مریضوں، خصوصاً بچوں میں، مخصوص ادویات جیسے Selumetinib سے رسولی کے سائز اور علامات میں کمی دیکھی گئی ہے۔ علاج کا انتخاب مریض کی عمر، رسولی کے مقام، سائز اور علامات کو مدنظر رکھ کر کیا جاتا ہے۔ اس لیے ایسے مریضوں کا علاج تجربہ کار نیوروسرجن، پلاسٹک سرجن، آنکھوں کے ماہر اور جینیٹکس کے ماہر پر مشتمل ٹیم کی نگرانی میں ہونا چاہیے۔
اہم پیغام
اگر بچے یا بڑے میں چہرے پر غیر معمولی سوجن، پلک کا لٹکنا، نظر میں تبدیلی، یا جسم پر کافی کے رنگ جیسے دھبے (Café-au-lait spots) اور متعدد گلٹیاں موجود ہوں تو جلد از جلد ماہر پلاسٹک سرجن سے معائنہ کروائیں۔ بروقت تشخیص اور باقاعدہ فالو اپ سے بینائی اور دی
