21/08/2026
نعرے نہیں، نتائج — الحمدللّٰہ صوبائی کابینہ سے منظوری
پشاور: الحمدللّٰہ! انصاف ڈاکٹرز فورم خیبرپختونخوا کی مسلسل جدوجہد، مؤثر ادارہ جاتی رابطوں، بات چیت اور بھرپور فالو اَپ کے نتیجے میں ہاؤس آفیسرز (HOs) اور ٹرینی میڈیکل آفیسرز (TMOs) کے وظائف میں 15 فیصد اضافہ اور اس کے ساتھ ہر سال 5 فیصد سالانہ انکریمنٹ کی باقاعدہ منظوری صوبائی کابینہ نے دے دی ہے۔
▪️12 اگست 2026ء کو منعقدہ خیبرپختونخوا کابینہ کے 56ویں اجلاس میں محکمہ صحت کی جانب سے پیش کردہ ایجنڈا پر فیصلہ کرتے ہوئے کابینہ نے HOs اور TMOs کے موجودہ وظائف میں 15 فیصد اضافے کی منظوری دی، جبکہ مستقبل میں وظائف میں 5 فیصد سالانہ انکریمنٹ بھی منظور کیا گیا۔ اس فیصلے کے مالی اثرات 1 ارب 24 کروڑ 29 لاکھ روپے ہیں۔
▪️ 114 پیڈ ہاؤس جاب سلاٹس کی منظوری
اسی کابینہ اجلاس میں 114 نئے پیڈ ہاؤس جاب سلاٹس کی بھی منظوری دی گئی، جن کے مجموعی مالی اخراجات 10 کروڑ 34 لاکھ 21 ہزار روپے ہیں۔
منٹس کے مطابق ان 114 سلاٹس میں:
▪️ 30 MBBS ہاؤس جاب سلاٹس — KMU، انسٹیٹیوٹ آف میڈیکل سائنسز، کوہاٹ
▪️ 60 BDS ہاؤس جاب سلاٹس — سیدو کالج آف ڈینٹسٹری، سوات
▪️ 24 MBBS ہاؤس جاب سلاٹس — سیدو گروپ آف ٹیچنگ ہسپتال، سوات
شامل ہیں۔
کابینہ نے مزید فیصلہ کیا کہ فارن میڈیکل گریجویٹس کے لیے بھی ہاؤس جاب سلاٹس پیدا کیے جا سکتے ہیں۔ انصاف ڈاکٹرز فورم خیبرپختونخوا اس فیصلے کو فارن میڈیکل گریجویٹس کے لیے بھی ایک اہم اور مثبت پیش رفت قرار دیتا ہے۔
منٹس کے مطابق محکمہ خزانہ نے 114 پیڈ ہاؤس جاب سلاٹس کے قیام سے بھی اتفاق کیا تھا، جبکہ فنڈز ان سلاٹس پر عملی طور پر جوائن کرنے والے ہاؤس آفیسرز کی تعداد کے مطابق جاری کیے جائیں گے۔
انصاف ڈاکٹرز فورم خیبرپختونخوا کے مطابق یہ پیش رفت اس امر کا عملی ثبوت ہے کہ مسائل کو محض نعروں اور بیانات تک محدود رکھنے کے بجائے مسلسل جدوجہد، ادارہ جاتی رابطوں، مؤثر مذاکرات اور مستقل فالو اَپ کے ذریعے حقیقی اور قابلِ عمل نتائج حاصل کیے جا سکتے ہیں۔
انصاف ڈاکٹرز فورم خیبرپختونخوا تمام ہاؤس آفیسرز، ٹرینی میڈیکل آفیسرز، KIMS کوہاٹ، سیدو کالج آف ڈینٹسٹری اور سیدو گروپ آف ٹیچنگ ہسپتال سے وابستہ ڈاکٹرز کو اس اہم کامیابی پر مبارکباد پیش کرتا ہے۔
نعرے نہیں، نتائج۔
الفاظ نہیں، عملی اقدامات۔
وعدے نہیں، فیصلے۔
انصاف ڈاکٹرز فورم خیبرپختونخوا
میڈیا سیل
InsafDoctorsForum IDFKPHealthReforms
