15/09/2026
افغان طلبہ کے خلاف خیبر کالج آف ڈینٹسٹری (KCD) کا اقدام ناقابلِ قبول ہے!
افغان طلبہ کے معاملے پر خیبر میڈیکل یونیورسٹی (KMU) کی جانب سے تاحال کوئی واضح ہدایت سامنے نہیں آئی، جبکہ خیبر کالج آف ڈینٹسٹری کی انتظامیہ کی جانب سے افغان ہاؤس آفیسرز کو ہاسٹل خالی کرنے کی ہدایت دینا انتہائی تشویشناک اور قابلِ مذمت ہے۔
پاکستان میڈیکل اینڈ ڈینٹل کونسل (PMDC) کے نوٹیفکیشن کی بنیاد پر پنجاب اور سندھ میں ہونے والی کارروائیوں کے خلاف اسلامی جمعیت طلبہ نے عدالت سے رجوع کیا، اور معاملہ اس وقت عدالت میں زیرِ سماعت ہے۔
ایسے میں سوال یہ ہے کہ جب KMU کی جانب سے کوئی ہدایت جاری نہیں ہوئی اور معاملہ عدالت میں زیرِ سماعت ہے، تو کے -سی-ڈی انتظامیہ کو یہ اقدام کرنے کی اتنی جلدی کیوں ہے؟
کیا KCD انتظامیہ شاہ سے زیادہ شاہ کی وفادار بننے کی کوشش کر رہی ہے؟ طلبہ کے مستقبل سے متعلق ایسے حساس معاملے میں انتظامیہ کو اپنی حدود کا خیال رکھنا چاہیے اور عدالت کے فیصلے کا انتظار کرنا چاہیے۔
اسلامی جمعیت طلبہ واضح کرتی ہے کہ افغان طلبہ کے خلاف کسی بھی غیر ضروری، یکطرفہ یا قبل از وقت کارروائی کو قبول نہیں کیا جائے گا۔
ہم KCD انتظامیہ سے مطالبہ کرتے ہیں کہ افغان ہاؤس آفیسرز کو ہاسٹل خالی کرنے کا حکم فوری طور پر واپس لیا جائے اور معاملے کو عدالت کے فیصلے تک زیرِ التوا رکھا جائے۔
معاملہ عدالت میں ہے، فیصلہ عدالت کو کرنے دیا جائے۔
انتظامیہ اپنی حدود میں رہے؛ طلبہ کے مستقبل سے کھیلنے کی اجازت
نہیں دی جائے گی۔
