Drug's Control Admin: Balochistan

Drug's Control Admin: Balochistan Official page of Drug Control Administration, Balochistan for Social support, Health awareness and well-being of general public

انتباہ۔ریٹیلرز، فارمیسیز اور ڈسٹری بیوٹرز کو ہدایت کی جاتی ہے کہ اس Recall Notice میں درج انجیکشن کی متعلقہ بیچ (Batch) ...
19/08/2026

انتباہ۔
ریٹیلرز، فارمیسیز اور ڈسٹری بیوٹرز کو ہدایت کی جاتی ہے کہ اس Recall Notice میں درج انجیکشن کی متعلقہ بیچ (Batch) کی فوری طور پر فروخت، فراہمی اور تقسیم بند کر دیں۔
جن افراد یا اداروں کے پاس مذکورہ انجیکشن کی متعلقہ بیچ کا اسٹاک موجود ہو، وہ:
فوری طور پر مذکورہ انجیکشن کی فروخت، فراہمی اور تقسیم روک دیں۔
موجودہ اسٹاک کو الگ اور محفوظ رکھیں تاکہ اس کی مزید فروخت یا فراہمی نہ ہو سکے۔
اپنے موجودہ اسٹاک کی مقدار کے بارے میں متعلقہ ایریا ڈرگ انسپکٹر کو فوری طور پر مطلع کریں۔
مذکورہ انجیکشن کے اسٹاک، فروخت اور فراہمی سے متعلق ریکارڈ متعلقہ ایریا ڈرگ انسپکٹر کو فراہم کریں، تاکہ ادویات کی مکمل ٹریس ایبلٹی (Traceability) اور ریکارڈ کی تصدیق ممکن ہو سکے۔

10/08/2026

کوئٹہ: سیکرٹری صحت بلوچستان کی ہدایت پر غیر معیاری، غیر رجسٹرڈ، غیر منظور شدہ اور غیر قانونی ادویات و میڈیکل ڈیوائسز کے خلاف کارروائیوں کا سلسلہ جاری ہے۔ ڈرگ کنٹرول ٹیم بلوچستان، جس میں صوبائی و وفاقی ڈرگ کنٹرول افسران شامل تھے، نے یٹ روڈ کوئٹہ پر طبی مصنوعات کے خلاف دو الگ الگ کارروائیاں کیں۔ کارروائیوں کے دوران بڑی مقدار میں مختلف اقسام کی میڈیکل ڈیوائسز اور دیگر طبی مصنوعات برآمد کرکے سرکاری تحویل میں لے لی گئیں۔
برآمد شدہ اشیاء میں سرجیکل سوچرز، کینولاز، سرنجز، ڈرینیج ٹیوبز اور دیگر غیر رجسٹرڈ و غیر منظور شدہ سرجیکل آلات شامل ہیں، جبکہ غیر معیاری ڈیٹول بھی برآمد کیا گیا۔ مذکورہ مصنوعات کی قانونی حیثیت اور معیار کے حوالے سے متعلقہ قوانین و ضوابط کے مطابق مزید کارروائی عمل میں لائی جا رہی ہے۔
کارروائی کے دوران برآمد ہونے والی تمام متعلقہ میڈیکل ڈیوائسز اور طبی مصنوعات کو سرکاری تحویل میں لے لیا گیا ہے، جبکہ ذمہ دار افراد کے خلاف ڈرگ ایکٹ، 1976 اور دیگر متعلقہ قوانین و ضوابط کے تحت قانونی کارروائی شروع کر دی گئی ہے۔
ڈرگ کنٹرول انتظامیہ بلوچستان نے اس عزم کا اظہار کیا ہے کہ عوام کو غیر معیاری، غیر رجسٹرڈ اور غیر منظور شدہ ادویات و میڈیکل ڈیوائسز سے محفوظ رکھنے کے لیے صوبے بھر میں نگرانی اور کارروائیوں کا سلسلہ مزید مؤثر اور تیز کیا جائے گا۔ عوامی صحت کو خطرے میں ڈالنے والے عناصر کے خلاف قانون کے مطابق سخت اور بلاامتیاز کارروائی جاری رکھی جائے گی۔

ادویات کا وارنٹی بل (Form-2A) ایک نہایت اہم قانونی دستاویز ہے۔ اس کا بنیادی مقصد ادویات کی سپلائی چین میں، مینوفیکچرر سے...
08/08/2026

ادویات کا وارنٹی بل (Form-2A) ایک نہایت اہم قانونی دستاویز ہے۔ اس کا بنیادی مقصد ادویات کی سپلائی چین میں، مینوفیکچرر سے لے کر ڈسٹری بیوٹر اور ریٹیلر/میڈیکل اسٹور تک، ادویات کی اصل، مستند اور قابلِ سراغ حیثیت کو یقینی بنانا ہے، تاکہ یہ تصدیق کی جا سکے کہ میڈیکل اسٹور پر موجود ادویات وہی ہیں جو قانونی ذرائع سے حاصل کی گئی ہیں۔
لہٰذا وارنٹی بل (Form-2A) میں درج کسی بھی لازمی تفصیل کو حذف کرنا، تبدیل کرنا یا نامکمل رکھنا قابلِ قبول نہیں ہوگا اور، جہاں قانون کے تحت قابلِ اطلاق ہو، اس کے خلاف قانونی کارروائی کی جا سکتی ہے۔ تمام متعلقہ افراد کو ہدایت کی جاتی ہے کہ ادویات کی فروخت اور سپلائی کے وقت وارنٹی بل (Form-2A) قانون میں مقررہ تمام ضروری کوائف کے ساتھ مکمل اور درست شکل میں جاری اور محفوظ رکھیں.

IV Drip Sets، Syringes اور Blood Transfusion Sets صرف ایک مرتبہ استعمال کیا جائے اور ان کے دوبارہ استعمال سے مکمل اجتنا...
08/08/2026

IV Drip Sets، Syringes اور Blood Transfusion Sets صرف ایک مرتبہ استعمال کیا جائے اور ان کے دوبارہ استعمال سے مکمل اجتناب کیا جائے۔ استعمال کے فوراً بعد انہیں مقررہ Infection Prevention and Control اور Healthcare Waste Management کے اصولوں کے مطابق مناسب اور محفوظ طریقے سے تلف کیا جائے، تاکہ متعدی بیماریوں اور انفیکشنز کے پھیلاؤ کے خطرے کو روکا جا سکے۔

28/07/2026

""" اہم انتباہ """
بلوچستان تھیراپیوٹک گڈز رولز، 2026 کے مطابق، وہ تمام افراد، ادارے یا دکانیں (بشمول ہومیوپیتھک سٹورز، ہربل سٹورز وغیرہ) جو متبادل ادویات (Alternative Medicines) کی خرید و فروخت یا سپلائی کا کاروبار کر رہے ہیں، انہیں ہدایت کی جاتی ہے کہ وہ مروجہ قوانین کے مطابق جلد از جلد متعلقہ لائسنس حاصل کریں۔ بصورتِ دیگر، بغیر لائسنس کاروبار جاری رکھنے کی صورت میں قانون کے مطابق کارروائی کی جا سکتی ہے، جس میں کاروبار کی بندش، مصنوعات کی ضبطی اور دیگر قانونی اقدامات شامل ہو سکتے ہیں۔
"متبادل ادویات (Alternative Medicines)" سے مراد درج ذیل مصنوعات ہیں:
1۔ یونانی (Unani) ادویات؛
2۔ ہومیوپیتھک (Homeopathic) ادویات؛
3۔ ہربل تیاریاں (Herbal Preparations)؛
4۔ ملکیتی ادویات (Proprietary Medicines)؛
5۔ فائٹو میڈیسنز (Phytomedicines)؛
6۔ نیوٹراسیوٹیکلز (Nutraceuticals)، یعنی ایسی مصنوعات جن میں وٹامنز، پرو وٹامنز، ملٹی وٹامنز، قدرتی معدنی اجزاء، لیپوپروٹینز، امینو ایسڈز، پروٹینز، انزائمز، فنجائی، سیلولوز وغیرہ شامل ہوں اور جو صحت سے متعلق مقاصد کے لیے دوا کی شکل میں پیش کی جائیں؛ اور
8۔ مذکورہ بالا کے علاوہ وہ تمام مصنوعات جن کی تعریف DRAP ایکٹ اور اس کے تحت بنائے گئے قواعد (Rules) میں کی گئی ہو.
ڈرگ کنٹرول ایڈمنسٹریشن بلوچستان

25/07/2026

پاکستان میں جعلی اور غیر معیاری ادویات کی روک تھام: ایک مؤثر ریگولیٹری نظام کی ضرورت!
پاکستان میں جس طرح معاشرے کے دیگر شعبوں میں جرائم وقت کے ساتھ جدید، منظم اور پیچیدہ صورتیں اختیار کرتے جا رہے ہیں، اسی طرح ادویات کے شعبے میں بھی جعلی، غیر معیاری، غیر رجسٹرڈ اور اسمگل شدہ ادویات کی تیاری، ترسیل، ذخیرہ اندوزی اور فروخت کے نت نئے اور جدید طریقے سامنے آ رہے ہیں۔ یہ جرائم محض قانون کی خلاف ورزی تک محدود نہیں بلکہ براہِ راست انسانی جانوں، عوامی صحت، قومی معیشت اور صحت کے مجموعی نظام پر گہرے اور دیرپا منفی اثرات مرتب کرتے ہیں۔ ایسی ادویات کے استعمال سے نہ صرف مریضوں کی بیماری میں شدت پیدا ہو سکتی ہے بلکہ بعض اوقات قیمتی انسانی جانوں کا ضیاع بھی واقع ہوتا ہے۔ اس کے نتیجے میں عوام کا صحت کے نظام اور پاکستان میں تیار یا دستیاب ادویات کے معیار پر اعتماد بھی متاثر ہوتا ہے۔
ادویات کے شعبے میں ایک مضبوط، مؤثر اور جدید ریگولیٹری فریم ورک نہ صرف معیاری، محفوظ اور مؤثر ادویات کی فراہمی کو یقینی بنا سکتا ہے بلکہ فارماسیوٹیکل صنعت کی بین الاقوامی ساکھ میں اضافہ کرکے پاکستانی ادویات کی برآمدات کو بھی فروغ دے سکتا ہے، جس سے قومی معیشت کو نمایاں تقویت ملے گی۔
جدید دور میں جرائم پیشہ عناصر جدید ٹیکنالوجی، جعلی پیکنگ، نقلی لیبلنگ، غیر قانونی سپلائی چینز اور ڈیجیٹل ذرائع کا استعمال کرتے ہوئے اپنے نیٹ ورکس کو مزید منظم اور مؤثر بنا رہے ہیں۔ اس تناظر میں ناگزیر ہے کہ قومی پالیسیوں، قوانین، ریگولیٹری فریم ورک اور نگرانی کے نظام کو عصرِ حاضر کے تقاضوں سے ہم آہنگ کیا جائے۔ روایتی اقدامات اب اس بڑھتے ہوئے خطرے سے نمٹنے کے لیے کافی نہیں رہے۔ اس مقصد کے لیے جدید انٹیلی جنس، مؤثر انفورسمنٹ، ڈیجیٹل ٹریک اینڈ ٹریس سسٹمز، خطرات پر مبنی معائنہ (Risk-Based Inspection)، جدید لیبارٹری سہولیات، مضبوط قانونی کارروائی اور متعلقہ اداروں کے درمیان مؤثر باہمی تعاون کو فروغ دینا وقت کی اہم ضرورت ہے۔
اس کے ساتھ ساتھ ادویات کی تیاری سے لے کر آخری صارف تک پوری سپلائی چین کو شفاف، محفوظ اور قابلِ نگرانی بنانا بھی ناگزیر ہے۔ اس مقصد کے لیے مینوفیکچرر، مجاز ڈسٹری بیوٹر، فارمیسی اور دیگر مجاز ریٹیلرز کے درمیان ایسا مربوط نظام قائم کیا جانا چاہیے جس میں ہر دوا کی نقل و حرکت کا مکمل ریکارڈ محفوظ ہو اور کسی بھی مرحلے پر غیر قانونی مداخلت، جعل سازی یا سپلائی چین میں دراندازی کی فوری نشاندہی ممکن ہو۔ جدید ٹریک اینڈ ٹریس ٹیکنالوجی، بارکوڈنگ، ڈیجیٹل ویری فکیشن اور مؤثر مانیٹرنگ کے ذریعے سپلائی چین کی شفافیت، جوابدہی اور سکیورٹی میں نمایاں اضافہ کیا جا سکتا ہے۔
مزید برآں، عوامی آگاہی اس جدوجہد کا ایک بنیادی ستون ہے۔ عوام کو اس بات کی ترغیب دی جانی چاہیے کہ وہ صرف مستند اور لائسنس یافتہ فارمیسیوں سے ادویات خریدیں، مشکوک یا غیر معیاری ادویات کی بروقت نشاندہی متعلقہ حکام کو کریں اور دوا کے استعمال سے قبل اس کی اصلیت کی تصدیق کی اہمیت سے آگاہ ہوں۔ اسی طرح فارماسیوٹیکل صنعت، ریگولیٹری اداروں، قانون نافذ کرنے والے اداروں، عدلیہ، صحت کے ماہرین اور عوام کے درمیان مؤثر اشتراک اور مسلسل رابطہ اس مسئلے کے پائیدار حل کے لیے ناگزیر ہے۔
اگر حکومت، ریگولیٹری ادارے، فارماسیوٹیکل صنعت اور دیگر متعلقہ اسٹیک ہولڈرز بروقت، مربوط اور مؤثر اقدامات اختیار کریں تو جعلی، غیر معیاری، غیر رجسٹرڈ اور اسمگل شدہ ادویات کے کاروبار پر مؤثر انداز میں قابو پایا جا سکتا ہے۔ ادویات کی مینوفیکچرر سے مجاز ڈسٹری بیوٹر، وہاں سے ریٹیلر، اور آخرکار صارف تک محفوظ، شفاف اور قابلِ اعتماد ترسیل پر مبنی نظام نہ صرف عوام کو معیاری اور محفوظ ادویات کی فراہمی یقینی بنائے گا بلکہ صحتِ عامہ کے تحفظ، قانون کی بالادستی، فارماسیوٹیکل شعبے کی ترقی اور قومی معیشت کے استحکام میں بھی کلیدی کردار ادا کرے گا۔ یہی جامع، جدید اور مربوط حکمتِ عملی پاکستان کو جعلی ادویات کے سنگین مسئلے سے نجات دلانے اور عوام کے صحت کے حق کے مؤثر تحفظ کی ضمانت بن سکتی ہے۔تمام پاکستانیوں سے کردار ادا کرنے کی استدعا ہے۔

معیاری سطح کی فارمیسی کے لیے اہم نکات۔
24/07/2026

معیاری سطح کی فارمیسی کے لیے اہم نکات۔

23/07/2026

آج مورخہ 23 جولائی 2026 کو ڈرگ کنٹرول ٹیم نے خفیہ اطلاع پر کارروائی کرتے ہوئے جیو کالونی، لہڑی چوک، کوئٹہ میں واقع زیب میڈیکل اسٹور کا اچانک معائنہ کیا۔
انسپکشن کے دوران مذکورہ غیر قانونی میڈیکل اسٹور سے غیر رجسٹرڈ، سرکاری، اور غیر معیاری ادویات برآمد ہوئیں، جنہیں موقع پر سرکاری قبضے میں لے لیا گیا۔ لیبارٹری تجزیے کے لیے ادویات کے نمونے بھی حاصل کیے گئے۔
قانونی کارروائی کرتے ہوئے میڈیکل اسٹور سیل کر دیا گیا، جبکہ ملزم کے خلاف ڈرگ ایکٹ 1976 کے تحت مقدمہ درج کر لیا گیا۔

ادویات سے متعلق جاری کردہ قوانین، ضوابط اور ہدایات پر سختی سے عمل درآمد کو یقینی بنایا جائے۔ کسی بھی قسم کی خلاف ورزی، غ...
22/07/2026

ادویات سے متعلق جاری کردہ قوانین، ضوابط اور ہدایات پر سختی سے عمل درآمد کو یقینی بنایا جائے۔ کسی بھی قسم کی خلاف ورزی، غفلت یا غیر مجاز فروخت ہرگز برداشت نہیں کی جائے گی۔ خلاف ورزی کی صورت میں متعلقہ افراد کے خلاف قانونی کارروائی عمل میں لائی جائے گی-

عوامی آگاہی / فارمیسی مالکان کے لیے اہم اطلاع:شکایات اور موصولہ اطلاعات کے مطابق بعض افراد کنٹرولڈ ادویات، مثلاً Pregaba...
20/07/2026

عوامی آگاہی / فارمیسی مالکان کے لیے اہم اطلاع:
شکایات اور موصولہ اطلاعات کے مطابق بعض افراد کنٹرولڈ ادویات، مثلاً Pregabalin، Tramadol اور دیگر ایسی ادویات کو کولڈ ڈرنکس یا دیگر مشروبات میں شامل کرکے غیر قانونی اور غیر اخلاقی مقاصد کے لیے استعمال کر رہے ہیں۔ اس قسم کا غلط استعمال نہ صرف ان ادویات کے مضر اثرات میں اضافہ کر سکتا ہے بلکہ متاثرہ افراد کی صحت، شعور، جسمانی و ذہنی حالت اور حتیٰ کہ جان کے لیے بھی سنگین خطرات کا باعث بن سکتا ہے۔
واضح رہے کہ Pregabalin، Tramadol اور دیگر کنٹرولڈ ادویات کی فروخت، خرید و فروخت اور فراہمی متعلقہ قوانین اور ضوابط کے تحت صرف کسی رجسٹرڈ میڈیکل پریکٹیشنر کے درست، مستند اور قابلِ قبول نسخہ (Prescription) کی بنیاد پر ہی کی جا سکتی ہے۔ ان ادویات کی بغیر نسخہ فروخت، غیر مجاز فراہمی یا کسی بھی غیر قانونی مقصد کے لیے دستیابی قانون کی خلاف ورزی ہے اور اس پر متعلقہ قوانین کے تحت کارروائی کی جا سکتی ہے۔
لہٰذا تمام فارمیسی مالکان، فارماسسٹ حضرات اور ادویات کی فروخت سے وابستہ افراد کو ہدایت کی جاتی ہے کہ وہ کنٹرولڈ ادویات کی فروخت صرف قانونی تقاضوں کے مطابق کریں، ہر نسخے کی مناسب جانچ کریں، بغیر مستند نسخے کے ایسی ادویات ہرگز فروخت نہ کریں، اور کسی بھی مشکوک یا غیر قانونی سرگرمی میں ملوث ہونے یا اس میں سہولت فراہم کرنے سے مکمل اجتناب کریں۔ قانون پر عمل درآمد، عوامی صحت کے تحفظ اور ادویات کے ذمہ دارانہ استعمال کو یقینی بنانا ہم سب کی مشترکہ ذمہ داری ہے۔

Address

Quetta
87300

Website

Alerts

Be the first to know and let us send you an email when Drug's Control Admin: Balochistan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category