05/07/2026
ہم کدھر جا رہے ہیں۔۔۔۔۔۔۔۔۔
سوشل میڈیا پہ نظَر آنے والے عجیب عجیب نسخے دیکھ کر یوں لگتا ہے کہ۔۔۔۔ہر شخص ڈاکٹر اور ہر شخص ہی حکیم ہے ، نہ مشاہدہ اور نہ ہی تشخیص۔۔۔۔بس نسخہ چلا دیا۔۔۔۔بھئی۔۔۔اگر علاج کرنا۔۔۔۔۔۔۔۔۔۔ اسی طرح ہی ممکن ہو سکتا تو ڈاکٹر یا حکیم چار پانچ سال مسلسل متعلقہ تعلیم حاصل نہ کرتے۔۔۔
فقیری نسخے دینے والوں کو تو یہ بھی علم نہیں ہوتا کہ انسانی جسم میں تِلی کہاں ہوتی ہے اور گردے کس حصے میں ہیں۔۔۔
ہر دواء کا اپنا عمَل ہوتا ہے اس کے استعمال کے نتیجے میں پیدا ہونے والے بدنی حالات۔۔۔۔۔۔معالج کے علم میں ہونے چاہئیں۔۔۔اور یہ بھروسہ صرف مستند یعنی کوالیفائڈ حکیم پر ہی کیا جا سکتا ہے ۔
یہ بات یاد رکھئے کہ کوالیفائڈ حکیم کو چیک اپ کروائے بغیر علاج کروانا۔۔۔۔۔کسی بھی بڑے نقصان کا پیش خیمہ ثابت ہو سکتا ہے.........
براہِ کرَم فیس بک کے فی سبیل اللہ نسخوں سے بچئے کیوں کہ اتائیت نے معاشرے سے حصول علم کا شوق اور انسانی خدمت کا جذبہ چھین لیا ہے جس کے باعث جسم کے ساتھ ساتھ روح بھی بیمار ہونے لگی ہے۔۔۔
آج کا آدمی ،حقیقی زندگی کو چھوڑ کر بہت دور نکل گیا ہے۔ قانون تو بنائے گئے مگر عمل درآمد کے لئے کوئی لائحہ عمل طے نہیں کیا گیا کہ اتائیوں کو ہی پکڑا جاتا۔
لیکن یہ بھی المیہ ہے کہ عوام نے اتائیت کو ہی عِلاج کا آسان ذریعہ سمَجھ لیا ہے۔۔۔۔۔۔۔۔۔۔..
بواسیر کی دواء شیرینی فروش سےلینا بہتر سمجھا جاتا ہے،چہرے کے کیل مہاسوں کا علاج نائی سے پوچھا جاتا ہے،پاؤں کے چھالوں کی دواء موچی سے مانگی جاتی ہے،یرقان کا فقیری نسخہ جنرل سٹور سے فی سبیل اللّٰہ مل جاتا ہے، اور گردے کی بیماری کی دواء کریانے کی دوکان سے فری لے لی جاتی ہے،
اَب۔۔ ۔۔ سب سے بڑھ کر یہ کہ زہریلی اور ممنوع دواؤں پر مبنی غَیر تحقیق شُدہ نُسخے عام ہو چُکے ہَیں ،اور تو اور۔۔۔۔
اِنتہائی خطرناک امراض کے عِلاج کے لئے قُرآنِ پاک کو بھی اِستعمال کِیا جانے لگا ہے،ہر شخص اپنی مرضی کے اوراد و وظائف اُٹھائے پِھرتا ہے۔
ہم یہ نہیں سوچتے کہ جو لوگ اپنے پنڈتوں سے نرینہ اولاد کےحصول کی خاطر جھاڑ پھونک کروا کے پھولے نہیں سماتے اُن کو بیٹے کون دیتا ہے۔ ۔۔۔
اتائیت ہماری فطرت بن چکی ہے؟
تحریر حکیم خلیق الرحمٰن صاحب
P.C Punjab Healthcare Commission - PHC
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
