21/05/2026
21-05-2026
ممتا پروگرام کے تحت اللہ والے فائونڈیشن اور شیخ زید ہسپتال رحیم یار خان کے مابین ایک ایم او یو سائن کیا گیا، جس کے تحت خواتین کی صحت کی بہتری کے لیے او پی ڈی میں ایک نیوٹریشنسٹ تعینات کی گئی ہے۔ یہ نیوٹریشنسٹ خواتین کو غذائیت اور ملٹی وٹامنز کے حوالے سے آگاہی فراہم کریں گی اور ایسی ادویات مہیا کریں گی جو غذائی کمی کو پورا کرنے میں مددگار ثابت ہوں۔
خواتین میں خون کی کمی کے باعث بچوں کا وزن کم ہو جاتا ہے، جس کی پیچیدگیاں بہت زیادہ ہوتی ہیں۔ اس کی روک تھام اور ماں کی بہتر صحت کے لیے یہ وٹامنز انتہائی ضروری ہیں۔
اسی سلسلے میں اللہ والے فائونڈیشن کے ہیڈ آف نیوٹریشن پروگرام، سرفراز کاظمی نے آج پرنسپل شیخ زید میڈیکل کالج و ہسپتال رحیم یارخان پروفیسر ڈاکٹر محمد سلیم لغاری، ایم ایس شیخ زید ہسپتال ڈاکٹر عامر محمود بخاری اور گائنی ڈیپارٹمنٹ سے ڈاکٹر نورین نسیم کے ساتھ سے ملاقات کی۔
ملاقات کے دوران گائنی او پی ڈی شیخ زید ہسپتال میں ماں اور بچے کی بہترین نگہداشت کے لیے کلینک اور پروگرام کا باقاعدہ آغاز کیا گیا۔ یہ پروگرام گورنمنٹ آف پنجاب اور ہیلتھ ڈیپارٹمنٹ کے تعاون سے پہلے بھی مختلف ہسپتالوں میں اس فاؤنڈیشن کی جانب سے جاری ہے، اور اب شیخ زید ہسپتال رحیم یار خان کو بھی اس پروگرام میں شامل کر لیا گیا ہے۔ اس موقع پر پرنسپل پروفیسر ڈاکٹر محمد سلیم نے اللہ والے فائونڈیشن کے ہیڈ آف نیوٹریشن سرفراز کاظمی کا شکریہ ادا کیا انہوں نے کہا کہ
اس پروگرام کا دائرہ کار مزید بڑھایا جائے گا، جس سے ماں اور بچے کی صحت میں نمایاں بہتری آئے گی۔ اس اقدام کے ذریعے خواتین کو بہتر غذائیت، ضروری وٹامنز اور بروقت طبی سہولیات فراہم کی جائیں گی تاکہ خون کی کمی، کم وزن بچوں کی پیدائش اور دیگر پیچیدگیوں کی مؤثر روک تھام ممکن بنائی جا سکے۔
