Rahman Children Clinic Takht Bhai

Call Website

Rahman Children Clinic Takht Bhai Contact information, map and directions, contact form, opening hours, services, ratings, photos, videos and announcements from Rahman Children Clinic Takht Bhai, https://maps. app. goo. gl/MQfB4mQCqTtV8KF77?g_st=aw, Takht-i-Bhai.

Dr Aamir Rahman Child Specialist MBBS FCPS(Paeds)

بچوں کی صحت مند مسکراہٹوں، مضبوط نشوونما اور روشن مستقبل کے لیے خصوصی طبی نگہداشت۔
آپ کے بچے کی صحت ہماری اولین ترجیح ہے—

14/09/2026

سانس لینے میں مشکل سے مسکراہٹ تک

یہ بچہ دمہ (Asthma) اور غذائی کمی (Malnutrition) دونوں مسائل کا شکار تھا۔
دمہ صرف سانس کی بیماری نہیں، اسے سمجھنا بھی ضروری ہے۔
بار بار کھانسی، سانس میں سیٹی کی آواز، سینے میں جکڑن یا سانس پھولنا بچوں میں دمہ کی علامات ہو سکتی ہیں۔
دمہ کا بروقت اور درست علاج بچے کو معمول کی زندگی گزارنے میں مدد دے سکتا ہے۔
دمہ کو نظر انداز نہ کریں

بروقت اور مناسب علاج، بہتر غذا، والدین کی توجہ اور مسلسل فالو اَپ کے ساتھ الحمدللہ بچے کی حالت میں واضح بہتری آئی۔

آج اسے آرام سے سانس لیتے، صحت مند ہوتا اور مسکراتا دیکھنا ہمارے لیے سب سے بڑی خوشی ہے۔

الحمدللہ، ایک اور ننھی سی جان صحت کی طرف واپس۔

Dr Aamir Rahman Child Specialist
MBBS FCPS Paeds

Rahman Children Clinic Takht Bhai

Timings 4 pm to 10 pm daily
For appointments 03109039026

#دمہ #الحمدللہ

11/09/2026

Anencephaly (اینسفیلی) ایک سنگین پیدائشی نقص ہے جس میں بچے کے دماغ اور کھوپڑی کے کچھ اہم حصے مکمل طور پر نشوونما نہیں پاتے۔
یہ مسئلہ حمل کے بالکل ابتدائی ہفتوں میں پیدا ہوتا ہے، جب بچے کے دماغ اور ریڑھ کی ہڈی کی ابتدائی تشکیل ہو رہی ہوتی ہے۔ اسے نیورل ٹیوب کا نقص کہا جاتا ہے۔
اکثر اینسفیلی کا اندازہ حمل کے دوران الٹراساؤنڈ سے لگایا جا سکتا ہے۔
اس حالت کا ایسا علاج موجود نہیں جو دماغ اور کھوپڑی کے بن نہ پانے والے حصوں کو دوبارہ بنا سکے۔
اس لیے حمل کے دوران بروقت معائنہ اور مناسب طبی مشورہ بہت اہم ہے۔
حمل سے پہلے اور ابتدائی حمل میں مناسب مقدار میں فولک ایسڈ استعمال کرنے سے نیورل ٹیوب کے نقائص کے خطرے کو کم کرنے میں مدد ملتی ہے۔


#اینسفیلی #حمل

10/09/2026

نوزائیدہ بچے میں دورہ (Neonatal Seizure) مختلف انداز میں ظاہر ہو سکتا ہے۔
کبھی ہاتھ پاؤں بار بار جھٹکتے ہیں، کبھی آنکھیں ایک طرف مڑتی ہیں، پلکیں بار بار جھپکتی ہیں، جسم اکڑتا ہے یا بچہ اچانک غیر معمولی حرکات کرنے لگتا ہے۔
⚠️ ہر جھٹکنا seizure نہیں ہوتا، لیکن نوزائیدہ میں مشتبہ دورے کو نظر انداز نہیں کرنا چاہیے۔
اس کی اہم وجوہات میں کم شوگر، کم کیلشیم، انفیکشن/meningitis، پیدائش کے وقت آکسیجن کی کمی، intracranial bleeding اور metabolic problems شامل ہو سکتی ہیں۔

والدین بچے کی غیر معمولی حرکات کی ویڈیو بنا سکیں تو ڈاکٹر کو دکھائیں،

Dr Aamir Rahman
MBBS FCPS Paeds

Timings daily 4 to 10pm
For appointment 03109039026
Clinic Rahman Children Clinic Takht Bhai

09/09/2026

ایگزیما (Atopic Dermatitis) صرف خارش نہیں ہے — یہ بچے کی جلد کی صحت، نیند اور روزمرہ آرام کو متاثر کر سکتا ہے۔
اگر والدین کو شدید خارش، سرخ یا خشک دھبے، یا بار بار جلن نظر آئے تو فوری طور پر ماہر بچوں کے معالج سے رجوع کرنا چاہیے۔
نیلسن پیڈیاٹرکس کے مطابق علاج میں بنیادی اقدامات شامل ہیں:
روزانہ ہلکی، بغیر خوشبو والی موئسچرائزنگ کریم کا استعمال
شدید خارش میں ڈاکٹر کی ہدایت کے مطابق محفوظ مقامی اسٹیرائڈ کریم یا غیر اسٹیرائڈل متبادل
جلد کو خشک ہونے سے بچانے کے لیے تیز گرم پانی اور سخت صابن سے پرہیز
الرجی بڑھانے والے عوامل جیسے سخت کیمیکل، بعض صابن یا مخصوص غذاؤں سے بچاؤ
بروقت تشخیص اور مناسب علاج سے بچے کی جلد کو صحت مند اور آرام دہ رکھا جا سکتا ہے۔

DR Aamir Rahman
Children Specialist
MBBS, FCPS (Paeds)
Rahman Children Clinic, Takht Bhai
For appointment: 0310-9039026

07/09/2026

"یہ بچہ 2 سال کا ہے، لیکن ابھی بھی بغیر سہارے کے ٹھیک سے نہیں چل سکتا… آخر وجہ کیا ہو سکتی ہے؟"

بچے کا دیر سے چلنا ہمیشہ صرف جسمانی کمزوری نہیں ہوتا۔

زیادہ تر بچے تقریباً 12 سے 15 ماہ کی عمر کے درمیان آزادانہ چلنا شروع کر دیتے ہیں۔ اگر بچہ 18 ماہ کی عمر گزرنے کے بعد بھی خود سے نہیں چل رہا یا 2 سال کی عمر میں بھی سہارا لے کر چلتا ہے تو بچے کا مکمل معائنہ ضروری ہے۔

🔍 اس کی ممکنہ وجوہات کیا ہو سکتی ہیں؟

▪️ بچے کی نشوونما میں تاخیر
▪️ دماغی یا اعصابی کمزوری
▪️ پٹھوں کی کمزوری
▪️ وٹامن ڈی کی کمی اور رکٹس
▪️ پٹھوں کا غیر معمولی طور پر ڈھیلا ہونا
▪️ کولہے یا ٹانگوں کا کوئی مسئلہ
▪️ اعصاب اور پٹھوں سے متعلق بیماریاں

👨‍⚕️ والدین کے لیے اہم پیغام:

اگر آپ کا بچہ:

❗ 18 ماہ کی عمر کے بعد بھی آزادانہ نہیں چل رہا
❗ صرف سہارے کے ساتھ چلتا ہے
❗ چلتے ہوئے بار بار گرتا ہے
❗ ایک ٹانگ کو دوسری ٹانگ کے مقابلے میں کم استعمال کرتا ہے
❗ یا پہلے سیکھی ہوئی صلاحیتیں کھو رہا ہے

تو اسے صرف "کمزور بچہ" یا "دیر سے چلنے والا بچہ" سمجھ کر انتظار نہ کریں۔

👨‍⚕️ بچے کا مکمل معائنہ ضروری ہے، جس میں بچے کی نشوونما، پٹھوں کی طاقت، جسمانی مضبوطی، اعصابی نظام اور چلنے کے انداز کا جائزہ لیا جاتا ہے تاکہ اصل وجہ معلوم کی جا سکے۔

⚠️ یاد رکھیں: ہر بچے میں دیر سے چلنے کی وجہ مختلف ہو سکتی ہے، اس لیے بغیر ڈاکٹر کے مشورے کے خود سے وٹامنز یا کوئی علاج شروع نہ کریں۔

بروقت تشخیص اور مناسب علاج بچے کے مستقبل کے لیے بہت اہم ہے۔

👨‍⚕️ ڈاکٹر عامر رحمان
ماہرِ اطفال
Dr. Aamir Rahman
Child Specialist | Rahman Medical Centre College Colony Takht Bhai !!

06/09/2026

اگر آپ کے بچے میں ڈاؤن سنڈروم کی تشخیص ہوئی ہے تو سب سے پہلے یہ بات یاد رکھیں: آپ اکیلے نہیں ہیں، اور یہ آپ کی کسی غلطی کی وجہ سے نہیں ہوا۔

ڈاؤن سنڈروم ایک جینیاتی کیفیت ہے جو عموماً کروموسوم نمبر 21 کی ایک اضافی کاپی کی وجہ سے ہوتی ہے۔ اس اضافی کروموسوم کی وجہ سے بچے کی جسمانی اور ذہنی نشوونما دوسرے بچوں کے مقابلے میں کچھ مختلف یا نسبتاً سست ہو سکتی ہے۔

والدین کو کن باتوں کا خیال رکھنا چاہیے؟

بچے کی نشوونما اور وزن و قد کی باقاعدہ نگرانی کریں۔
پیدائش کے بعد دل کا معائنہ ضرور کروائیں، کیونکہ بعض بچوں میں پیدائشی دل کی بیماری ہو سکتی ہے۔
👂 سماعت اور 👁️ بینائی کی باقاعدہ جانچ کروائیں۔
تھائیرائیڈ کی اسکریننگ ڈاکٹر کے مشورے کے مطابق کروائیں۔
اگر ضرورت ہو تو فزیوتھراپی اور ابتدائی تربیتی پروگرام شروع کریں۔
🗣️ بولنے میں تاخیر ہو تو سپیچ تھراپی سے مدد لیں۔

اہم بات: ہر ڈاؤن سنڈروم والے بچے کی صلاحیتیں اور ضروریات مختلف ہوتی ہیں۔ اس لیے اپنے بچے کا موازنہ دوسرے بچوں سے نہ کریں۔

بروقت طبی دیکھ بھال، مناسب تھراپی، تعلیم اور سب سے بڑھ کر والدین کی محبت اور حوصلہ افزائی بچے کو اپنی بہترین صلاحیتوں تک پہنچنے میں مدد دے سکتی ہے۔

ڈاؤن سنڈروم بچے کی پوری پہچان نہیں—وہ سب سے پہلے آپ کا بچہ ہے۔

#ٹرائسومی21

31/08/2026

ڈاکٹر عامر رحمن چائلڈ اسپیشلسٹ
MBBS, FCPS (Paediatrics)
بچوں کی بیماریوں کی تشخیص، علاج اور مکمل طبی رہنمائی کے لیے ماہرِ اطفال سے رجوع کریں۔

خصوصی خدمات:
✔️ نوزائیدہ بچوں سے لے کر بڑے بچوں تک مکمل طبی نگہداشت
✔️ بخار، کھانسی، نزلہ، سانس اور سینے کے مسائل
✔️ معدہ، اسہال اور الٹی کی بیماریوں کا علاج
✔️ بچوں میں غذائی کمی اور نشوونما کی نگرانی
✔️ بار بار ہونے والی بیماریوں کی تشخیص اور مناسب رہنمائی
✔️ جدید طبی اصولوں کے مطابق محفوظ اور مؤثر علاج

📍 مقام: کالج کالونی، تخت بھائی
⏰ اوقاتِ معائنہ: دوپہر 4 بجے سے رات 10 بجے تک
📞 رابطہ: 03345893882

🌸 اپنے بچے کی صحت کو نظرانداز نہ کریں۔

#مردان

27/08/2026

آج یہ بچی کمزوری کی شکایت کے سات ہمارے پاس آئی۔
عمر 15 ماہ اور وزن صرف 7 کلو تھا۔
والدین سے خوراک کے بارے میں پوچھنے پر معلوم ہوا کہ بچی کو صرف ماں کا دودھ اور چائے دی جا رہی تھی۔
والدین کو مناسب اور متوازن خوراک کے بارے میں رہنمائی دی گئی اور غذائی علاج شروع کر دیا گیا ہے۔
والدین کے لیے اہم پیغام:
👶 پیدائش سے 6 ماہ تک: صرف ماں کا دودھ۔
🥣 6 ماہ کے بعد: ماں کا دودھ جاری رکھتے ہوئے complementary foods شروع کریں۔
🍳 ابتدا میں انڈا، دال، دہی، نرم کھچڑی، سبزیاں، پھل اور گوشت مناسب مقدار میں دیں۔
📈 بچے کے وزن، قد اور مجموعی نشوونما پر باقاعدگی سے نظر رکھیں۔
👨‍⚕️ اگر بچہ وزن نہیں بڑھا رہا، بہت کمزور ہے یا کھانا نہیں کھاتا تو بچوں کے ڈاکٹر سے معائنہ کروائیں۔
یاد رکھیں: بچے کی صحت مند نشوونما صرف پیٹ بھرنے سے نہیں، متوازن غذا سے ہوتی ہے۔ ❤️

Dr Aamir Rahman Child Specialist
MBBS FCPS Paeds

Rahman Children Clinic College Colony Takht Bhai !!
Daily 5 t0 10 pm
For appointment 03109039026

26/08/2026

ایک معمولی سا انجیکشن… اور بچے کی چال کیوں بدل گئی؟
یہ بچہ کولہے میں عضلاتی انجیکشن لگنے کے بعد ہمارے پاس اچانک لنگڑاہٹ (acute limp) کے ساتھ آیا۔
انجیکشن کے بعد نئی لنگڑاہٹ کو محض injection-site pain سمجھ کر نظر انداز نہیں کرنا چاہیے۔ خاص طور پر کولہے کے علاقے میں غلط جگہ یا غلط تکنیک سے انجیکشن لگنے کی صورت میں سائیاٹک عصب کو نقصان پہنچ سکتا ہے۔
ایسے بچے میں صرف انجیکشن کی جگہ دیکھنا کافی نہیں؛
چال، muscle power، حس، reflexes اور پاؤں کی حرکات کا باقاعدہ اعصابی معائنہ ضروری ہے۔
علاج کا انحصار اعصابی نقصان کی شدت پر ہوتا ہے؛ درد کا مناسب علاج، فزیوتھراپی اور rehabilitation اہم حصے ہیں، جبکہ واضح یا برقرار رہنے والی neurological deficit میں ماہرِ اعصاب/آرتھوپیڈک سے بروقت معائنہ ضروری ہے۔
⚠️ بچوں میں IM injection کی درست anatomical site اور technique صرف ایک technical detail نہیں—یہ nerve injury سے بچاؤ کا بنیادی حصہ ہے۔
ایک انجیکشن، ایک غلط جگہ… اور ایک بچے کی walking متاثر ہو سکتی ہے۔

Dr Aamir Rahman Child Specialist
MBBS FCPS Paeds

For appointment
03109039026

23/08/2026

الحمدللہ آج شاہ نور پل، تخت بھائی میں فری میڈیکل کیمپ کامیابی سے مکمل ہوا، جہاں 60 بچوں کا مفت طبی معائنہ کیا گیا اور ضرورت مند بچوں کو مفت ادویات بھی فراہم کی گئیں۔
کیمپ کے دوران کچھ اہم کیسز بھی سامنے آئے:
🔹 ایک بچے کو بار بار UTI کی شکایت تھی۔ معائنے کے دوران Meatal Stenosis کی تشخیص ہوئی اور مزید management کے لیے رہنمائی کی گئی۔
🔹 ایک بچے کو بار بار سینے کے انفیکشن (Recurrent Chest Infections) کی شکایت تھی۔ تفصیلی معائنے کے دوران دل میں murmur محسوس ہوا، جس پر اسے بروقت مزید evaluation کے لیے Paediatric Cardiologist کے پاس refer کیا گیا۔
🔹 ایک بچے کو پاخانے کے ساتھ خون آنے کی شکایت تھی۔ مکمل history اور examination کے بعد Re**al Polyp کا شبہ ہوا اور اسے مزید treatment کے لیے Paediatric Surgery refer کیا گیا۔
اس کے علاوہ بہت سے بچوں کے والدین کو بیماریوں، غذائیت اور نشوونما کے حوالے سے رہنمائی فراہم کی گئی۔
سب سے بڑھ کر خوشی اس بات کی ہوئی کہ ایسے خاندانوں تک طبی سہولت پہنچانے کا موقع ملا جو شہر جا کر ڈاکٹر کو دکھانے کی استطاعت یا سہولت نہیں رکھتے تھے۔
60 بچے، 60 خاندان، اور خدمت کا ایک خوبصورت موقع۔ ❤️
اللہ تعالیٰ ہمیں ہمیشہ اپنی مخلوق کی خدمت کرنے کی توفیق عطا فرمائے۔ آمین 🤲
Dr. Aamir Rahman
Child Specialist | MBBS, FCPS (Paediatrics)
Registrar, Child Ward, CMH Peshawar

Address

Https://maps. App. Goo. Gl/MQfB4mQCqTtV8KF77?g_st=aw
Takht-I-Bhai
23160

Telephone

+923109039026

Website

Alerts

Be the first to know and let us send you an email when Rahman Children Clinic Takht Bhai posts news and promotions. Your email address will not be used for any other purpose, and you can unsubscribe at any time.

Shortcuts

Share