دكتوره دعاء اسكين كير

11/11/2025

الترطيب… أساس البشرة الصحية
الترطيب ما بس كريم بنحطّو، الترطيب هو الحافظ الحقيقي لنضارة البشرة ونعومتها.
البشرة العطشانة بتظهر فيها مشاكل كتيرة: بهتان، جفاف، تشققات، خطوط، وحتى تزيد فيها الحساسية.
شنو فائدة الترطيب؟
• يحافظ على توازن البشرة
• يقلل الجفاف والشد
• يخلي الجلد ناعم ومريح
• يساعد المنتجات التانية تشتغل بطريقة أفضل
• يحمي من تهيج البشرة خصوصًا مع المقشرات
كيف نختار المرطب المناسب؟
• بشرة دهنية: جل خفيف أو لوشن سريع الامتصاص
• بشرة جافة: كريم غني وترطيب عميق
• بشرة مختلطة: نستخدم جل في المناطق الدهنية وكريم خفيف في المناطق الجافة
• بشرة حساسة: مرطب بسيط بدون عطور ولا كحول
كيف نستخدمو؟
— بعد الغسول مباشرة، عشان يحبس الرطوبة
— مرتين في اليوم: الصباح والمساء
— لو الجو جاف، بنكرر الترطيب حسب الحاجة
ونصيحة مهمة:
الترطيب ما رفاهية… الترطيب ضرورة.
لأنو البشرة المترطبة شكلها أريح، نتائجها أحسن، وتستحمل العناية بدون ما تتحسس.

Send a message to learn more

04/11/2025

لما بشرتك تتحسس وتحمّر… شنو العمل؟

أحيانًا بعد استخدام منتج أو مقشر جديد بنلاحظ البشرة بقت تحمّر أو تحرق خفيف، وده معناها بتقولك "ريحيني شوية 😅".

التحسس ممكن يحصل لأي زول، خصوصًا لو استخدم حاجة ما مناسبة لي نوع بشرته أو كان ما بحميها من الشمس.

💧 في الحالة دي أعملي الآتي:

وقّفي أي منتج جديد استخدمتيهو قريب.

اغسلي وشّك بلُطف، بدون فرك ولا صابون قاسي.

استخدمي كريم مهدّي أو جل ألوفيرا.

خليكِ بعيدة من الشمس لحدي ما تهدأ بشرتك.

وخلي في بالك، البشرة الحساسة بتحتاج راحة أكتر من علاج.
يعني بدل ما نكتر منتجات، نديها فرصة تتنفس.

Send a message to learn more

22/10/2025

الكلف .. شنو سببو وشنو الحل؟

الكلف يا بنات هو البقع البنّية أو الرمادية البتظهر في الخدود والجبهة والشنب وبيجي غالباً من الشمس والهرمونات و استخدام كريمات السوق

✨ أسباب الكلف:

التعرّض للشمس بدون واقي ☀️

الحمل أو الحبوب الهرمونية 💊

الوراثة

منتجات فيها مواد قوية أو زئبق

قلة النوم والتوتر 😴

🧴 الوقاية:

استخدمي واقي شمس كل يوم، حتى جوّا البيت

ابعدي عن الشمس

اختاري منتجات آمنة ومضمونة

اشربي موية كفاية ونومي كويس

💆‍♀️ الحلول:

كريمات فيها فيتامين C، أزيليك أسيد أو نياسيناميد

جلسات ليزر أو تقشير عند دكتور مختص

روتين بسيط وثابت + واقي شمس دايم

💬 نصيحة قولد سكين كير:
الكلف ما بيتعالج في يومين، لكن بصبرك والتزامك ممكن يخف بصورة كبيرة و مع الروتين بتاعنا اكيد🤍

Send a message to learn more

20/10/2025

لتصبغات.. من أكتر المشاكل البتواجه البشرة

التصبغات بتظهر لما يحصل خلل في إفراز الميلانين وده الصباغ المسؤول عن لون الجلد
يعني باختصار لما يزيد إفراز الميلانين في منطقة معينة بتغمق وتظهر كبقع أو لونها مختلف عن باقي البشرة.

📍 أسبابها شنو؟

التعرض الطويل للشمس بدون واقي

التهابات بعد الحبوب أو الجروح

الحمل أو تغيّرات الهرمونات

استخدام منتجات قوية أو خلطات غلط

وبعض الأدوية كمان ممكن تسببها

📍 العلاج ما سريع لكن ممكن 👌
لازم نكون صبورين، نستخدم منتجات تفتيح آمنة زي السيرومات أو الكريمات البتحتوي على مكونات فعّالة زي فيتامين C، النياسيناميد، أو الأحماض الخفيفة.
والأهم من كده: واقي الشمس ما بنفارقو كل يوم حتى لو داخل البيت.

🧴 في البوست الجاي حنتكلم عن الاحمرار والتحسس وبهتان البشرة، خليكم قريبين 🌸




#تصبغات

#نضارة #تفتيح

Send a message to learn more

19/10/2025

مشاكل البشرة ما بس شكل.. دي علامة بتقول ليك بشرتك محتاجة اهتمام

البشرة ممكن تمر بمراحل صعبة زي حب الشباب، الكلف والنمش، التصبغات، الاحمرار والتحسس، والدهون الزايدة، وبهتان البشرة…
لكن أكتر مشكلة بتقابل أغلب الناس هي 👇

🔥 حب الشباب
دي واحدة من أكتر المشاكل المزعجة، وبتظهر لأسباب مختلفة:

ممكن تكون من الدهون الزايدة البتسد المسام.

أو التغيرات الهرمونية خصوصاً في سن المراهقة أو مع التوتر.

أو منتجات ما مناسبة لنوع بشرتك.

أو حتى نظام أكل ما صحي فيهو دهون وسكريات كتيرة.

النتيجة؟ بشرة بتتهيج، حبوب مؤلمة، وأحياناً بتخلي آثار بتطوّل في وشّك.
لكن المهم تعرفي إن حب الشباب بيتعالج، بس داير صبر وروتين مناسب لي نوع بشرتك.

البوستات الجاية حنتكلم عن باقي مشاكل البشرة بالتفصيل:
زي الكلف والنمش
التصبغات
الاحمرار والتحسس
والدهون وبهتان البشرة 🩷


#
#
#

Send a message to learn more

11/10/2025

يا بنات مرات كتيرة بنسمع عن كريم مرطب وكريم مغذي لكن الفرق بيناتهم بسيط ومهم شديد

الترطيب
ده بساعد البشرة تحتفظ بالمويه جواتها وما تنشف
يعني هو زي المويه للبشرة
لازم تستخدميهو كل يوم خصوصا بعد الغسيل او التعرض للشمس

التغذية
ده البيدي بشرتك الفيتامينات والزيوت المهمة
يعني هو الاكل للبشرة
الافضل تستخدميهو بالليل او لما تحسي بشرتك تعبانة ومحتاجه عناية زيادة

نصيحة من قولد سكين كير
الروتين الصح ترطيب زائد تغذية يعني بشرة مرتاحة ونضارة من اول نظرة
نحن عندنا افضل كريم مرطب ومغزي لي بشرتك.

09/10/2025

أكبر غلطة بتدمّر بشرتك من غير ما تحسي
بتبدلي منتجاتك كل شهر؟
خليكي عارفة إنو كده بتربكي بشرتك بدل ما تعالجيها
البشرة محتاجة وقت تتأقلم وتفهم المكونات الجديدة مش تغيير كل شوية

السر الحقيقي للبشرة النضرة ما في عدد المنتجات...
بل في الثبات والاستمرارية

💬 نصيحة من Gold Skin Care
خلي عندك روتين ثابت واصبري على النتيجة اقل شي تلات شهور
بشرتك حتشكرِك بنضارة ما بتتفوت 😍

08/10/2025

لعناية بالبشرة هي سر الإطلالة المشرقة

البشرة الصحية ما بتجي صدفة بتحتاج روتين ثابت واهتمام مستمر
ابدئي بخطوات بسيطة تنظيف و ترطيب وحماية من الشمس
لأن الجمال الحقيقي يبدأ من بشرة نظيفة ومتوازنة

اهتمي ببشرتك اليوم... عشان تشكري نفسك بكرة 💛

06/10/2025

رسيروم النياسيناميد من Gold Skin Care

يا بنات، السيروم دا بسيط لكن فعّال شديد
مافيهو تعقيد وما محتاج خطوات كتيرة
بتستخدميهو بعد الغسيل قبل المرطب وبتلاحظي الفرق مع الوقت

_ فايدتو شنو؟

_ بيوحّد لون البشرة

_ بيخفف الحبوب وآثارها

_ بيقلل الدهون في الوش

وبيخلي البشرة نضيفة ومشرقة

يعني لو بشرتك بتتعب بسرعة أو فيها تصبغات السيروم دا بيساعدها ترجع متوازنة ونضيفة من غير تعب

جربيهو شهر بس وشوفي الفرق بنفسك

05/10/2025

المقشّر... سرّ النضاره الحقيقيه لبشرتك!

يا جميله في ناس بفتكرو التقشير رفاهيه و منو فايده لكن الحقيقه هو أهم خطوه في روتين العنايه بالبشره
المقشر بساعد يشيل الجلد الميت ينضف المسام ويخلي بشرتك تتنفس وترجع ليها اللمعه الطبيعيه

لكن أهم حاجه تختاري المقشر المناسب لي بشرتك 👇🏽

_ عايزه مقشر ناعم بيحتوي على زيوت طبيعيه و الأفضل مقشر خفيف بمكونات زي الساليسيليك أسيد

و البشره الحساسه بناسبها المقشر الطبيعي زي السكر والعسل

وهنا بيجي دورنا
مقشّرنا مصنوع بمكونات ناعمه وآمنه 100%
ينضف بعمق بدون ما يجهد البشرة وبيخليها ناعمه و لامعه ومليانه نضاره
استخدميه مرّه أو مرتين في الأسبوع وبعدها رطّبي بشرتك كويس...
وشوفي الفرق بنفسك

_ خلي بشرتك تتكلم عنك... مش الفلاتر!
طلبيه الآن وخلي التقشير يكون لحظه دلع ليك ولجمالك الحقيقي

Gold Skin Care