Medicine and healthy

18/10/2025

18/10/2025

هل الإيرقان دواهو الكي ؟!☻
لالا الكي دا عذاب ساااي
عذاااب في الفاضي
ما بعالج اي حاجة

عيونك صفراء كدا مالها ما يكون عندك يرقان

يعني شنو يرقان "jaundice"؟ ولاي بظهر في العيون ؟
طيب عشان نفهم القصة
عندنا الآنسة "كرت دم حمراء RBC" بعد تمت 120 يوم "اللهو دا عمر كريات الدم الحمراء" اتوفت ربنا يرحمها
المهم بعد الوفاة شيعوها مقابر الطحال "spleen"
طييب الطحال "spleen" دا بعمل شنو لكريات الدم الميتة؟
بكسرها وبطلع منها مواد عشان يعمل ليها إعادة تدوير
من ضمن المواد البتطلع دي بطل قصتنا
اسمو البايلوروبين "bilirubin" وهو المادة الصفراء المسببة للإيرقان وبتظهر في العيون
معناها البايلوربين دا مادة ضارة ؟
في الوضع الطبيعي البايلوربين "bilirubin" دا بعد يطلع من الطحال بمشي الكبد"liver" وهناك الكبد بتصرف معاو بوديهو المعدة عشان يساعد في عملية الهضم وبعد المعدة تستفيد منو جزء منو بترسل للكلى "kidneys" وبطلع مع البول "urine" وبدي البول لونو الأصفر
طييب في الأوضاع الما طبيعية لما تكون في مشكلة في الكبد ما قادر يتعامل مع البايلوربين "bilirubin"
او يكون في انتاج عالي للبايلوربين بسبب موت كريات الدم الحمراء بصورة أكبر من طاقة الكبد "liver" ود بتكون في الناس العندهم أنيميا "anemia"
في الحالتين ديل بس بيظهر الإيرغان بي سبب انو البايلوربين بقى لافي في الدم ساي لانو الكبد ما قادر يتعامل معاو
وبما انو لافي في الدم فممكن يمشي اي عضو من الجسم وبعمل مشاكل مختلفة
وأول حتة بمشي ليها بمشي العيون لانو في العين في مادة اسمها elastin عندها جاذبية عالية للبايلوربين
بعديها بظهر في الجلد عامة
وممكن يمشي المخ ويعمل مشاكل في الجهاز الحركي "musclo skeletal"
وفي اسواء الظروف ممكن يؤدي للموت
مشاكل الكبد والدم كتيرة ومتنوعة الممكن تسبب لينا الإيرقان عشان كدا الإيرقان يعتبر عرض وليس مرض
لانو بكون نتيجة لامراض متعددة
دا مفهوم عام للإيرقان "jaundice"
أعمل متابعة للصفحة عشان يصلك كُل جديد 🔥

04/10/2025

تحية خاصة لأحدث المتابعين لي! يسرني انضمامك! Saba Saeed Mana, يقين عادل

24/05/2025

دكاترة معليش علي عدم النشر لقد كنت مشغول و بسبب ظروف الحرب
لكن لقد عدنا لكم

21/10/2024

لماذا في حالة القيء نستخدم محلول Normal saline ⁉️
ولماذا في حالة الإسهال نستخدم محلول Ringer 🤔⁉️

08/10/2024

✅️الخطة العلاجية لعلاج جرثومة المعدة H.pylori:

✅️1/Amoxcillin 500 mg
حبة كل 12 ساعة
او نستخدم Metronidazole اذا كان المريض يعاني من حساسية البنسلينات

✅️2/Clarithromycin 500mg
حبة كل 12 ساعة
او نستخدم Levofloxcin اذا حصل مقاومة بكتيرية ضد Clarithromycin

✅️3 /Pantoprazole 40 mg
حبة كل 12 ساعة
يتسخدم لتقلل حمض Hcl لان البتكريا تتخبي في وجوده
تستخدم لمدة اسبوعييييين.

05/10/2024

السلام عليكم
نهاركم سعيد
السادة طلاب المجالات الطبية
الرجاء ساعدونا بالتعليق و الاعجابات و المتابعة
و الناس تحاول تتاقي أصحابها عشان تستفيد ولا تبخل بالمعلومات
أي شخص قرأ هذا المنشور المطلوب منه يعمل لايك و يتاقي أكثر عدد من أصحابه عشان الناس تستفيد
و جزاكم الله خير الجزاء

30/09/2024

#التايفويد :
اولا : نجب على هذه الاسئله التي تتبادر إلى أذهان العامه :
ما هو مرض التايفويد : عباره عن مرض بكتيري ينتقل عن طريق الاكل والشرب الملوث بالبكتيريا
هل للتايفويد علاقه بالملاريا ؟
لا توجد أي علاقه بين المرضين ف الاول مرض بكتيري كما أسلفنا والآخر مرض طفيلي ينتقل بشكل أساسي عن طريق انثى البعوض #الانوفيلس، واي كلام غير هذا غير مدعوم علميا
هل التايفويد مرض خطير؟
التايفويد مثله مثل الامراض المعديه الأخرى التي تعالج ب استخدام المضادات الحيوية ولكن تتمثل خطورة التايفويد في أنه يتسبب في انقاص الدم الأبيض ويؤثر على الاعضاء الداخليه ومن السهل أن يتحول الى عدوى مزمنه ويصبح الشخص مصدر للعدوى
ما هي افضل وسيله لتشخيص التايفويد ؟
التزريع culture لعينة الدم وعينات اخري
Bone marrow
Stool
Urine
#والآن نبذة عن بكتيريا السالمونيلا Salmonella :
هى بكتيريا عصوية متحركة تحتوي على flagella بجميع الاتجاهات
سالبة لصبغة جرام Gram negative bacilli
لا هوائيه اختياريه :
facultatve unaerobic
و لبكتيريا السالمونيلا أكثر من 1400 نوع مصلي Serotypes بعضها يسبب أمراضاً للإنسان كما أن لبكتيريا السالمونيلا عدة أجناس أهمها طبياً :
S.Typhi
S.Paratyphi
و التي تسبب مرض حمى التايفود Typhoid fever
S. Typhimurium
S. Enteretidis
التي تسبب مرض التسمم الغذائى و مرض التهاب القولون
S.Choleraesus
التي يسبب مرض تسمم الدم
تحتوي بكتيريا السالمونيلا على 3 أنواع من مولدات الأجسام المضادة Antigens و هى :
جسم البكتيريا Somatic ويرمز له بـ
O Antigen
السوط Flagellar ويرمز له بـ H Antigen
الكبسولة Capsulate و يرمز لها بـ
K Antigen
اختبار فيدال :
هو تحليل من تحاليل الدم التي تكشف عن وجود مرض التيفويد الذي تسببه بكتيريا السالمونيلا للكشف عن الأجسام المضادة الخاصة ببكتيريا السالمونيلامن نوع IgG IgM فى دم المريض
و يتميز هذا الاختبار بسهولة عمله و حساسيته إذا تم عمل الاختبار بطريقة التخفيف
واختبار فيدال هو للكشف عن الإصابة بأنواع معينة من السالمونيلا هى :
S. Typhi
S. Paratyphi

أما بقية الأنواع فمن الأفضل الكشف عنها بطريقة الزراعة في معمل المايكروبيولوجي
و كما ذكرنا سابقاً فإن الاختبار يبحث عن الأجسام المضادة المتكونة فى جسم المصاب و أهم هذه ا

29/09/2024

السلام عليكم
لو عملتا مساج لزول في رقبتو "neck" من قدام ممكن تقتلو 😀😱
كيف الكلام دا ؟!
اوريك كيف
القصة وما فيها
انو في شرينانين "carotid arteries"
متفرعات من الشريان الاورتي بتاع القلب "aorta
الشريانين ديل بمشو بي الرقبة من قدام" anteriorly"
واحد بالشمال "left"
والتاني باليمين "right"
وبغذو لينا الراس والجهاز العصبي المركزي بالدم "blood supply to CNS"
الشريانين ديل فيهم اجسام حساسة لضغط الدم "blood pressure"
وضغط الدم طبعاً عندو تلاتة إحتمالات
الإحتمال الأول : انو يكون طبيعي "normal "وهنا ما ح تكون في مشكلة طبعاً
الإحتمال التاني : انو يرتفع ودا ح يسبب مشاكل كتيرة
الإحتمال التالت : انو يكون منخفض ودا برضو ح يسبب مشكلة كبيرة
طييب
نبدأ بالإحتمال التاني :
لمن ضغط الدم يرتفع بشد الاجسام الحساسة القلناها "baroreceptors"
الحساسات دي طوالي بترسل رسالة للمخ "CNS" انو ضغط الدم زاد
طوالي المخ برسل رسالتين
واحدة للقلب "heart" انو يقلل ضغط الدم "decrease blood pressure "
والرسالة التانية للاوردة والشرايين "blood vessels "
انو تتوسع "vasodilation"
عشان ضغط الدم ينقص زيادة
وبالتالي ضغط الدم بنقص لغاية ما يصل الحد الطبيعي
طييب
لو حصل الإحتمال التالت:
يعني لو ضغط الدم كان ناقص
البحصل شنو ؟!
كُل البحصل انو الآية الفوق دي بنتنعكس بس
يعني الحساسات بترسل رسالة للمخ
والمخ ح يرسل رسالتين
رسالة للقلب انو يزيد ضغط الدم
ورسالة للأوردة والشرايين انو تضيَّق "vasoconstriction"
وبالتالي ضغط الدم بزيد لغاية يحصل النسبة الطبيعية
-اسي دا علاقتو شنو بالسؤال الأول ؟ 🙄
-انت سايقنا بالخلا ولا شنو ؟!🫠😒
=لوك الصبر 😁 مستعجل زي بولة الصباح 🙄

طيييب نرجع ل سؤالنا الأول
كيف المساج في الرقبة ممكن يقتل
كُل البحصل انو انت لمن تعمل مساج للرقبة من قدام بالجنبتين
ح تضغط على الحساسات دي "baroreceptors"
وبالتالي
الحساسات ح ترسل اشارة خاطئة انو ضغط الدم زاد "blood pressure increased"
وهو في الحقيقة لا زاد ولا شي 🫠
إشاعة ساي 😬
المهم
المخ طوالي ح يرسل للقلب انو يقلل ضغط الدم
وبرضو ح يرسل للأوعية الدموية انو تتوسع "vasoconstriction"
وبالتالي ح يحصل هبوط حاد في اللضغط
ح ينتج عنو فشل في الدورة الدموية
وممكن الزول يموت 😀
وقعت ؟! 🤸‍♂️💛