صيدلية د/رؤى ناجي Dr.Roua Naji Pharmacy

صيدلية د/رؤى ناجي Dr.Roua Naji Pharmacy Contact information, map and directions, contact form, opening hours, services, ratings, photos, videos and announcements from صيدلية د/رؤى ناجي
Dr.Roua Naji Pharmacy, Pharmacy / Drugstore, الكلاكلة ابو آدم مربع 7 شمال مستشفى مكة لطب العيون, Khartoum.

هنا مساحتكم الصحية الموثوقة، نشارككم محتوى توعوي يومي يعزز وعيكم الصحي، ونتطلّع لعودة صيدليتكم قريباً على أرض الواقع بخدمات دوائية موثوقة تُكمل رسالتنا في دعمكم نحو حياة صحية افضل.🌹💊♥️

16/05/2026

📍 خلي دكتورك يعرف كل الحاجات البتاخدها

لو بتاخد أدوية، فيتامينات، أعشاب أو مكملات، لازم تقول للدكتور.
التداخل بين الأدوية ممكن يسبب مشاكل خطيرة زي:
⚠️ نزيف
⚠️ فشل كلوي
⚠️ مشاكل في القلب

📍 حتى الحاجات البتفتكرها بسيطة ممكن تأثر!

✔️ قول كل شي بتستعملو للطبيب او الصيدلي عشان يوصّف ليك علاج آمن وفعّال ويتم تنظيم ادويتك بطريقة أمنة .

📲 شارك البوست مع أي زول بتهمو صحتو، وخلي الكل يكون واعي!





09/05/2026

🇸🇩✨
نحنا بنحب الصناعة السودانية… وبنفتخر بأي منتج من بلدنا ❤️
الصناعة الدوائية المحلية بقت تتطور شديد، وبقت تقدم جودة تنافس المستورد 💊
💡 المنتجات المحلية غالباً بتكون أقل تكلفة من المستوردة،
وده بيساعد ناس كتار يلقوا علاجهم بدون ضغط مادي كبير 💛
ومن الشركات البتثبت نفسها في المجال ده، Amipharma (أميفارما)😍 👏
الشركة اشتغلت على تطوير الجودة، وكمان اهتمت بـ الـ packaging (التغليف) بشكل حديث وجذاب، خلا منتجاتها تقيف جنب الشركات العالمية بكل ثقة ✨
✔️ جودة عالية
✔️ شكل احترافي
✔️ سعر منافس
النقطة المهمة؟
نحنا لما ندعم المنتج المحلي، بنقوي اقتصادنا وبنفتح باب لتطور أكبر وأفضل 🇸🇩💪
حقيقي أميفارما فخر الصناعة السودانيه🇸🇩💊

#أميفارما
#السودان

26/03/2026

✨لما تجينا في الصيدليه داير مضاد حيوي لي نزلة ونقول ليك لا ماينفع، ماتتضايق عشان نحن هنا همنا مصلحتك ✨
النزلة سببها فيروس
والمضاد الحيوي ما بشتغل على الفيروسات ❌
يعني حتى لو أخدتو ماحيفيدك
وبالعكس ممكن يضرك 💔
حيقلل مناعتك وممكن تحصل مقاومه من البكتريا و جسمك ما يستفيد منو لو احتجتو بعدين، وتتعب بالاثار الجانبيه بتاعتو وانت ماناقص اصلاً 🙄
💊 الحل شنو؟
راحة + سوائل غنية بالفيتامينات + علاج بسيط للأعراض ❤️


21/03/2026

أدام الله بَهجة أعيادكم بقرب من تحبون، كل عَام وأنتم في أتم الصحة والعافية ، أسأل الله أن يتقبَل منّا ومنكم صالح الأعمال وأن يعيده علينا وعليكم بأفضل حال ❤️


✨ بخاخات وقطرات الأنف لعلاج الاحتقان كتير من الناس بيستخدموا بخاخات وقطرات الأنف زي ال Xynosin, Oxyet, Nostamin عشان يخ...
07/03/2026

✨ بخاخات وقطرات الأنف لعلاج الاحتقان

كتير من الناس بيستخدموا بخاخات وقطرات الأنف زي ال Xynosin, Oxyet, Nostamin عشان يخففوا احتقان الأنف بسرعة في حالات الزكام أو الحساسية او الجيوب الأنفية .
الأدوية دي بتشتغل عن طريق تضييق الأوعية الدموية داخل الأنف، وده بيساعد على فتح مجرى التنفس مؤقتاً.
لكن مهم جداً نعرف إنو:❗
⚠️ استخدامها لأكثر من 5–7 أيام ممكن يسبب مشكلة اسمها الاحتقان الارتدادي (يعني الأنف تسد تاني أسوأ من قبل).
⚠️ الاستخدام الطويل ممكن يخلي الشخص يعتمد عليها وما يقدر يتنفس بدونها.
⚠️ ممكن تسبب جفاف أو تهيج في بطانة الأنف.
✅ الأفضل استخدامها لفترة قصيرة فقط وعند الضرورة.
✅ لو استمر الاحتقان أكثر من أسبوع الأفضل استشارة الطبيب المختص
📌 نصيحة:
غسل الأنف بالمحلول الملحي ممكن يساعد في تخفيف الاحتقان بطريقة آمنة.



21/02/2026

🌙✨ رمضان فرصة نبدأ صح
تغيير بسيط في روتينك ممكن يعمل فرق كبير في صحتك 💙
✔️ نظم وجباتك
✔️ اشرب موية كفاية
✔️ أدي جسمك حقو من النوم
✔️ استشير قبل ما تغيّر مواعيد أدويتك
نحن هنا عشان نساعدك تختار الصح
خلّي رمضانك صحي… ونحنا معاك في كل خطوة 💙
📲 للاستفسار: 249914351068


رمضان كريم تصوموا وتفطروا علي خير ان شاء الله أعاننا الله وإياكم علي الصيام والقيامربنا يتقبل منا ومنكم صالح الاعمال ✨🌙✨...
18/02/2026

رمضان كريم
تصوموا وتفطروا علي خير ان شاء الله
أعاننا الله وإياكم علي الصيام والقيام
ربنا يتقبل منا ومنكم صالح الاعمال
✨🌙✨


💊 علاقة فيتامين B12 بالميتفورمين ؟؟؟الميتفورمين هو دواء اساسي لعلاج مرض السكري النوع التاني، لكن مع الزمن الميتفورمين مم...
16/02/2026

💊 علاقة فيتامين B12 بالميتفورمين ؟؟؟

الميتفورمين هو دواء اساسي لعلاج مرض السكري النوع التاني، لكن مع الزمن الميتفورمين ممكن يقلل من امتصاص الجسم لفيتامين B12، ودا ممكن يسبب نقص في الفيتامين ده بدون ما تحس .

🔍 أعراض نقص فيتامين B12 :

- تنميل في اليدين والرجلين
- تعب وإرهاق بدون سبب واضح
- ضعف في الذاكرة والتركيز
- صداع وشحوب في اللون
- دوخة أو فقدان توازن
- فقر الدم

💡نصائح مهمه!!

- راجع دكتورك وأعمل فحص لفيتامين B12
- لو في نقص، ممكن تبدأ مكملات B12 (حبوب أو حقن حسب رأي الطبيب)
- تابع مستوى الفيتامين ده كل فترة، خاصة لو ماشي في الميتفورمين لفترة طويلة

📌 الدراسات الطبية أكدت إنو الميتفورمين مع الاستعمال الطويل ممكن يعمل نقص فيتامين B12، عشان كده الوعي والمتابعة مهمين شديد.

#ميتفورمين


💊 بتستخدم سيبروفلوكساسين؟ انتبه للنقطتين ديل ⚠️🔹 أولًا:لازم تشرب موية كتير طول فترة العلاج ✔️ عشان الجسم يتخلص من الدواء...
19/01/2026

💊 بتستخدم سيبروفلوكساسين؟
انتبه للنقطتين ديل ⚠️
🔹 أولًا:لازم تشرب موية كتير طول فترة العلاج
✔️ عشان الجسم يتخلص من الدواء بطريقة آمنة
✔️وعشان تقلل من احتمالية حدوث أملاح أو مشاكل في البول

🥛 ثانياً: ابعد عن الحليب ومشتقاته وقت الجرعة
لانهم بيقللوا امتصاص الدواء وده بخلي العلاج أضعف وممكن ما يدي نتيجة نصيحة:
اخد الجرعة مع مويه فقط
وابعدي عن الحليب او الزبادي قبل الجرعة بساعتين او بعدها ب 6 ساعات
✅ استخدامك الصحيح = علاج أسرع ونتيجة أفضل

📍 صيدلية د. رؤى ناجي
الكلاكلة – أبو آدم – مربع 7
شمال مستشفى مكة لطب العيون


#سيبروفلوكساسين

Address

الكلاكلة ابو آدم مربع 7 شمال مستشفى مكة لطب العيون
Khartoum
12218

Website

Alerts

Be the first to know and let us send you an email when صيدلية د/رؤى ناجي Dr.Roua Naji Pharmacy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category