06/09/2026
“ တကယ်လို့ သင်က အရင်ကထက်ပိုဝလာတယ်ဆိုရင်တော့ ဒီစာလေးက သင့်အတွက်ပါ “
💕💕💕💕💕💕💕
👩⚕️ ဒီတစ်ပတ် Sunday tip လေးက ဝလာလို့ စိတ်ညစ်နေတဲ့သူလေးတွေ ဝိတ်ထိန်းရခက်လို့ ဘယ်လိုလုပ်ရမှန်းမသိဖြစ်နေတဲ့သူလေးတွေအတွက် အဓိကရေးသားပေးထားတာပါ။
📌 ဘယ်အဆင့်ထိဝနေသလဲဆိုတဲ့အပေါ်မူတည်ပြီး ကျန်းမာရေးအခြေအနေများ ကွဲပြားသွားတာကြောင့်အရင်ဆုံး ကိုယ့်ရဲ့ Body weight ကို ကိုယ်အလေးချိန်အညွှန်းကိန်း (Body mass index- BMI) နဲ့ တွက်ချက်ဖို့လိုပါတယ်။ BMI သိဖို့အတွက် မိမိကိုယ်အလေးချိန် (ကီလိုဂရမ်) ကို အရပ်အမြင့် (မီတာ) ၂ထပ်ကွမ်းနဲ့စားပါ။ ဥပမာပြောရရင်....
ကိုယ်အလေးချိန် - ၇၀ ကီလိုဂရမ်, အရပ် - ၁၇၀ စင်တီမီတာရှိရင် ၇၀ ÷ (၁.၇) x (၁.၇) အတွက် BMI (၂၄.၂) ရပါတယ်။ မိမိရဲ့ BMI ကို တွက်ပြီးရင်တော့ WHO က ဖော်ပြထားတဲ့ BMI သတ်မှတ်ချက်တွေနဲ့ ပြန်တိုက်ကြည့်ရအောင်...
18.5 kg/m2 – Underweight
18.5 - 24.9 kg/m2 – Normal weight
25 - 29.9 kg/m2 - Overweight
30 - 34.9 kg/m2 – Obese class I (အဝလွန်ရောဂါအဆင့် ၁)
35 - 39.9 kg/m2 - Obese class II (အဝလွန်ရောဂါအဆင့် ၂)
40 kg/m2 နှင့်အထက် - Obese class III (အဝလွန်ရောဂါအဆင့် ၃)
တကယ်လို့ Overweight , Obese ဖြစ်နေရင် ဘာတွေဖြစ်နိုင်သလဲ ?
🔺 BMI 30 နဲ့အထက်ဆိုရင် Obese အဝလွန်နေပြီလို့ ပြောလို့ရပါတယ်။ အဲဒီလို အရမ်းဝနေတဲ့သူတွေမှာ…
နှလုံးရောဂါ
သွေးတိုးရောဂါ
ဆီးချိုရောဂါ
ကင်ဆာရောဂါ
အသက်ရှူလမ်းကြောင်းဆိုင်ရာရောဂါများ
သည်းခြေကျောက်တည်ခြင်း
အဆစ်အမြစ်များရောင်ရမ်းခြင်း စတဲ့ရောဂါမျိုးစုံဖြစ်နိုင်ပါတယ်။ ဒါ့အပြင် အလွန်အမင်းဝတဲ့ သူတွေဟာ စိတ်ပိုင်းဆိုင်ရာပြဿနာတွေလည်း ပိုဖြစ်နိုင်ပါတယ်။
▶️ BMI 30 အောက် Overweight အဆင့်မှာရှိတဲ့သူတွေက Obese အဝလွန်အဆင့်မရောက်သေးပေမဲ့ သာမန်လူတွေထက် နောက်ဆက်တွဲရောဂါဝေဒနာတွေကို ခံစားရနိုင်ခြေများပါတယ်။
✅ ဒါကြောင့် ကျန်းမာရေးမထိခိုက်အောင် Overweight ဖြစ်နေပြီဆိုတာနဲ့ ဝိတ်ချဖို့ စပြီးကြိုးစားသင့်ပါတယ်။ တကယ်လို့ အဝလွန်ရောဂါအထိပါဖြစ်နေပြီဆိုရင် အမြန်ဆုံး ဝိတ်ချရမှာဖြစ်ပါတယ်။
ဒါဆို ဘယ်လိုဝိတ်ချကြမလဲ ??
👩⚕️ ကျန်းမာလှပချင်လို့ ဝိတ်ချတာဖြစ်လို့ ကျန်းမာရေးနဲ့ညီညွတ်တဲ့ ဝိတ်ချနည်းလမ်းတွေဖြစ်ဖို့ အရေးကြီးပါတယ်။
(၁) နေ့စဥ် Healthy plate လေးအတိုင်းစားပေးပါ။
🍛 Healthy plate ကို ပြင်ဆင်ပုံလေးပြောပြမယ်နော်.... စားမယ့်ပန်းကန်ပြားမှာ ၄ပုံ ၂ပုံက ဟင်းသီးဟင်းရွက်နဲ့ သစ်သီးဝလံတွေ၊ ၄ပုံ ၁ပုံက အသားဓာတ်၊ ကျန်တဲ့ ၄ပုံ ၁ပုံကတော့ ကစီဓာတ်ထည့်ပြီး စားသုံးရပါမယ်။
(၂) လေ့ကျင့်ခန်းပုံမှန်လုပ်ပါ။
🏋️♀️ လေ့ကျင့်ခန်းတွေမလုပ်နိုင်ရင်တောင် ကိုယ်လက်လှုပ်ရှားမှုလေးတွေကို တတ်နိုင်သမျှ လုပ်စေချင်ပါတယ်။ တစ်နေ့ကို အနည်းဆုံး မိနစ် (၃၀) ခန့် လေ့ကျင့်ခန်းအတွက် အချိန်ပေးပါ။
(၃) အစားစားရင် သတိလေးနဲ့ စားပါ။
▪️စားချင်တာတွေကြိုက်သလောက်စားတာမျိုးမလုပ်ပဲ “ ဒီအစားအစာက အာဟာရဖြစ်ရဲ့လား ၊ အရမ်းချို/ငန်နေလား ၊ အဆီတွေပါလား ၊ အသင့်စားအစားအသောက်တွေဖြစ်နေလား ၊ ကယ်လိုရီများသလား “ စသဖြင့် အရင်စဥ်းစားပါ။ အစားအစာမှာပါတဲ့ အာဟာရအညွှန်းကိန်းလေးတွေ (Nutrition facts) ကို ဖတ်ပါ။ ကိုယ်စားမယ့်ပမာဏကိုလည်း ချင့်ချိန်ပြီး စားပေးပါရှင်...
(၄) ပုံမှန်ဝိတ်ချိန်ပေးပါ၊။ စားဖြစ်တဲ့အစားအစာတွေကို မှတ်သားပါ။
📉 ကျွန်မတို့ ဒိုင်ယာရီမှတ်သလိုမျိုး ကိုယ်စားဖြစ်တဲ့အစားအသောက်တွေကို တတ်နိုင်သလောက်လိုက်မှတ်ထားရင် ကိုယ့်ရဲ့ စားသောက်မှုပုံစံ (Eating habits) ကို သိနိုင်ပါတယ်။ စာအုပ်ထဲမှာဖြစ်ဖြစ် ၊ ဖုန်းထဲမှာဖြစ်ဖြစ်မှတ်လို့ရတယ်နော်... ထိုနည်းတူ ဝိတ်အတက်အကျကိုသိဖို့ ၂/၃ရက်တစ်ခါ တစ်ပတ်တစ်ခါ ဝိတ်ချိန်တဲ့အလေ့အကျင့် လေးကို ပြုလုပ်ပေးပါ။ ဒါဆို မိမိလိုချင်တဲ့ဝိတ်ကို ထိန်းထားနိုင်ပါလိမ့်မယ်။
(၅) အပြုသဘောဆောင်တဲ့ ပတ်ဝန်းကျင်မှာနေပါ။
✳️ ဝိတ်ချတာဟာ ထင်သလောက်မလွယ်ကူပါဘူး ... ကျွန်မတို့ကြိုးစားနေစဥ်အတွင်းမှာ ကိုယ့်လိုပဲ ဝိတ်ချနေတဲ့အဖော်လေးတွေရှိရင် ၊ လေ့ကျင့်ခန်းတွေအတူတူလုပ်ကြရင် ၊ တစ်ယောက်နဲ့တစ်ယောက်အားပေးပြီး ရှေ့ဆက်ကြရင် ကျွန်မတို့ရဲ့ပန်းတိုင်ကို လွယ်ကူစွာနဲ့ မြန်မြန်ဆန်ဆန်ရောက်နိုင်မှာ ဖြစ်ပါတယ်...
ဒီစာလေးကြောင့် ဝိတ်ချတဲ့အခါ အထောက်အကူဖြစ်ရင်ပဲ ဝမ်းသာပီတိဖြစ်မိမှာပါရှင်... ကိုယ့်ရဲ့ ခံစားချက်လေးတွေကို ပြောပြခဲ့လို့ရသလို BMI လေးတွေတွက်ပြီး comment ပေးခဲ့လို့ရပါတယ်။ အချင်းချင်း motivation ပေးရင်း sharing လုပ်ကြရအောင်နော်.... 💌💝❤️
ချစ်ခြင်းများစွာဖြင့်
ဒေါက်တာထား
#ကျန်းမာလှပစေကြောင်းနည်းလမ်းကောင်းများ
