Dr Mohamed Nyeusi

Dr Mohamed Nyeusi Contact information, map and directions, contact form, opening hours, services, ratings, photos, videos and announcements from Dr Mohamed Nyeusi, Medical and health, Baydhabo, Bay.

🔸️ HALIS CAAFIMAAD ⚠️🔹️ In badan oo dadkeena kamid ah oo ladhibban Dhiigkar iyo Sokor aan daawo xitaa lagu kantarooli ka...
01/06/2026

🔸️ HALIS CAAFIMAAD ⚠️
🔹️ In badan oo dadkeena kamid ah oo ladhibban Dhiigkar iyo Sokor aan daawo xitaa lagu kantarooli karin, Difaaca jirka oo aad u hooseeya, taas oo keenta in qofkii uu hargab yar xitaa u adkeysan waayo, bishiina dhowr jeer xanuunsado, Barar qeybta dhexe ee jirka ah sida Wajiga iyo Caloosha, Xooggii/Awooddii lafaha oo yaraada toos oo keenta in qofka uu si fudud u jabo, Murqaha oo yaraada, qofkiina uu yeesho gacmo iyo lugo dhuudhuuban, Daal faraban, Hurdo la'aan, Madax xanuun joogto ah, Finanka wajiga, Gaas iyo Bog xanuun joogto ah, intaas iyo inkaloo aan hadda qoraal kusoo koobi karinba, kawaran haddii aanku dhaho, waxaa kusababay labadaan daawo oo sawirkoodu uu idiin muuqdo!

🔸️ Prednisolone iyo Dexamethasone (Abuu Bariis) waa labo Daawo oo katirsan kooxda Corticosteroids.
Waxaa loo istacmaalaa in lagu yareeyo falcelinta xad dhaafka ah ee Jirka, Xasaasiyadda daran, Neefta, Difaaca jirka oo siqaldan u weerara jirka (Autoimmune diseases), iyo xaalado kaloo badan.
Daawooyinkaan waxaa laqaataa wakhti gaar ah, qiyaas (Dose) gaar ah, wakhti cayiman (Duration) ayayna socdaan.
Haddase sida Paracetamol ka ayaaba Farmashiyaasha looga iibsadaa!

🔹️ Gabdhaha qaarna waxayba u qaataan siday ugu naaxi lahaayeen, markaasey wajiga, dhabarka iyo caloosha kabararaan, gacmo iyo lugo dhuudhuuban na yeeshaan, waxaana intaas usii dheer, Finanka wajiga, hurdo la'aan, daal joogto ah iyo halis caafimaad oo aan qoraal lagusoo koobi karin!

🔹️ Kaaga darane, qaarbaa ula baxay Daawada sanboorka, oo waxayba istacmaalaan markastoo sanboor uu kukaco!

🔸️ Labadaan daawo iyo kuwa lamidka ahba looguma talogalin in Farmashiye lagu iibiyo, waa qasab in qof dhakhtar ah uu kuu qoro.

🔹️ Waxaad arkeysaa qof Farmashiye kasoo iibsanaya Prednisolone 10mg, 20 xabbo, wuxuu qaadanayaa 2 ilaa 3 waqti, sababta uu u qaatayna kaliya waa hargab/sanboor ❗️

🔹️ Prednisolone waxaa loogu talogalay hal wakhti in laqaato (Subixii), wey jiraan xaalado keena in intaas laga badiyo, marka bukaanka laga joojinaayana qiyaasta (Dose-ka) ayaa si tartiib ah loo yareeyaa.
Tusaale, qofka hadduu 2 asbuuc qaadanaayey Prednisolone 10mg (2 × 1), waxaa laga dhigaa (1 × 1), kadibna (1/2 × 1), oo min 1 asbuuc ah.
Waa halis in qofka uu halmar joojiyo daawooyinkaan asoon qiyaasta soo yarayn, waxayna keenaan xaalad halis ah oo lagu magacaabo "Adrenal Crisis"!

🔸️ Caruurtana sidookale dhibkaas ayaa lagu haayaa oo canugkasta oo qufacaba waxaa Farmashiye loogasoo iibiyaa Sharoobbo Prednisolone/Dexamethasone ah! Subxanallah!
Waa sababta keenta ilmaha yar inuusanba caafimaadin oo bishii intaasoo jeer Isbitaal/Farmashiye loo geeyo, illeen dawooyinkaan waxay aad u yareeyaan difaaca jirka.

🔹️ Dad aad u badan oo cudurkooda xal loo waayey, ugu danbeyn na dibadaha loo qaaday, ayaa la ogaaday in dhibka haayaba uu Prednisolone/Dexamethasone yahay! Marka daawadaas laga joojiyayna caafimaaday.
Qaar u dhintay ama u naafoobay ayaana jiro, anigaana marqaati ka ah, qaar laila wadaagay ama aan arkayba!

🔰 Walaal, Qoraalkaan ammaano ayuu kugu yahay, Sii Faafi oo gaarsii qoyskaaga iyo asxaabtaada.
Waa Waajib ina saaran inaan dadkeena uga digno waxkasta oo halis ku ah caafimaadkooda.

|Dr Mohamed Nyeusi|.

🔹️ Waligaa intaad Farmashiye tagtay oo lagaa baaray Malaariya iyo Tiifoow, malagu yiri labadoodaba maqabtid, mise waxaa ...
31/05/2026

🔹️ Waligaa intaad Farmashiye tagtay oo lagaa baaray Malaariya iyo Tiifoow, malagu yiri labadoodaba maqabtid, mise waxaa qasab ah in midkood ama labadoodaba lagaa helo?

🔸️ Wali madhacday inaad Farmashiye ama xaruun caafimaad oo gaar loolleeyay geyso ilmo yar oo qaba qufac iyo qandho, oo lagu yiraahdo ilmahan hargab ayuu qabaa ee qandho jabin taan u qaad, waxkale uma baahna, mise waxaa qasab ah in Burukiito laga helo oo waliba lagu yiraahdo, waa tii cirbadda oo sharoobbo way dhaaftay!, ama ugu yaraan lagusoo siiyo sharoobo Amoxicillin, Erythromycin ama Co-trimoxazole ah?

🔹️ Dhibaatada ugu weyn oo dadkeena ay dowlad la'aanta kadhaxleen waxaa koow ka ah inay iskumid noqdeen ganacsatada daawada iyo dhakhaatiirta!

🔸️ Inkastoo dhibaatada ay si guud u saameysay guud ahaan bulshada, hadana khatarta ugu weyn waxaa kusugan ilmaha 5-ta sanno kayar iyo dadka la nool cudurrada raaga sida Sokorta iyo Dhiigkarka.

🔰 Waan idiin tusaaleynayaa.

🔹️ Ilmo yar oo la xanuunsan hargab ama xasaasiyad, oo qaba qufac iyo qandho yar, haddii laggeeyo xaruun caafimaad oo gaar loolleeyay, albaabka markaad kagashidba hargabkii wuxuu isku badalayaa Burukiito iyo infekshonka dhiigga, waayo Farmashi lagamaba yaqaano hargeb iyo wax lamid ah....
Markaasaa ilmihii yaraa lasiinayaa Amoxicillin, Metronidazole, Paracetamol, Multivitamin Syrup oo 2 xabo ah iyo 6 cirbadood oo Ceftriaxone ah!
Hargeb intaas lagu daweynaayo Buug noocee ah ayay kuqorantahay?

🔸️ Daawooyinka antibiyootikada ah oo Soomaalida ay u taqaano qallajiyaha, dunida marka lajoogo waa Daawo, laakiin Somalia marka lajoogo waa Sun!

🔹️ Antibiotics (Qallajiye), waxaa loogu talogalay in lagu daweeyo cudur ay Bakteeriya sababtay, kaliya dhakhtar ayaana qori karo oo kuma jiraan daawooyinka farmashiyaha laga iibsan karo.
Daawooyinka noocaan ah waxaa loogu talogalay in laga qaato qiyaas gaar ah oo ilmaha yaryar iyo qofkastaba miisaankiisa lagu siinaayo, xilli laqaato ilaa wakhti ay soconeyso, Tusaale, 5 ilaa 10 maalmood.

🔸️ Laakiin waxaad arkeysaa qof intuu Farmashiye tago dhahaayo, quman ayaa igu kacsane, Penicillin V 3 xabo ah isii!, Calooshaa laiga haayaa ee Metronidazole 5 xabo ah isii, lugtaa dhaawac yar uu igasoo gaaray ee Amoxicillin 7 xabo ah isii?!
War waxaasi dunida lagama istacmaalo, Buug ay kuqoranyihiinna malahan ee naftaada hasumeynin!

🔹️ Yaa yiri Tetracycline Cap ayaa calool xanuun loo istacmaalaa?
Waxaaba intaas kasii daran Loperamide cap oo waliba magac gaar ah loola baxay oo layiri Shamiiteeye, oo hadana lasiinaayo ilmo 2 sanno kayar!
Shaley ayaana iigu danbeysay canug 6 bilood jira oo Farmashiye lagasoo siiyay lix xabo oo Loperamide ah oo isbitaalka iigu yimid!
Hooyada ilmaha dhashay ayaan weydiiyay qaabka ay u siineyso maadaama canug 6 bilood jira kaabsool liqi karin, waxayna iigu jawaabtay, kala fur ee u qas ayaa laigu yiri?!

🔸 ️Sharoobooyinka qufaca loo istacmaalo ee Farmashiyaasha laga helo, dhammaantood lama siin karo ilmo kayar 2 sano, qaarkoodna 5 sano, (Only under Doctor's supervision).
Hadana waxaan si maalinle ah u aragnaa canug 1 sanno kayar oo Chloropheniramine syrup ama Loratadine syrup ama Dexaphen, Bronchophane, Tussilar iyo kuwa lamidka ah lasiinaayo?!
Sababta loosiiyayna ay tahay hargab!

🔹️ Faleebooyinkaaba kasii darano loomaba xisaabiyo ilmaha oo waa laiska siiyaa ayagoon miisaankooda lafiirin, sabab muuqata oo loosiiyayna aysan jirin!
Faleebada ilmaha yar lasiinaayo waa inay magac leedahay.
Ma Bolus baa, ma Deficit baa, mise waa Maintenance? Sababteed u siisay? Mise iskafaalaha ayay kudaahday oo waxaad rabtaa inaad isdhaafiso?
Canug aan Parol infusion 1g iyo Metronidazole infusion loo xisaabin oo sidooda lagu siiyay, beerkiisa siduu noqon karaa?

🔸️ Metoclopramide injection oo lasiinaayo canug 1 sano kayar!

🔹️ Qofkasta oo Farmashiye daawo lagasoo siiyo waxaa qasab ah in 2 sharoobbo oo Vitamin ah ay daawadaas lasocdaan, sababtana waxkale ma ahane sharoobooyinka fiitamiinka ah marka horaaba waxaa lagu cammiraa iskafaalada, waa qasab marka in qofkasta oo albaabka kasoo galaba ugu yaraan 2 xabo laga iibiyo!
Ogaada sharoobooyinka noocaas ah dhibka ay jirka u keenaan, gaar ahaa beerka, kilyaha iyo maskaxda, ayaa kabadan waxa laga faa'iido!

🔸️ Dadka da'da ahna dhibka lagu haayo mayara...!
🔹️ Tusaale, qof Dhiigkar qaba ayaa Farmashiye kadoonanaya Daawo, markaasaa lasiinayaa Atenolol!
Horta waxaaba qalad ah in qof Dhiigkar ama cudur lamid ah qaba uu Farmashiye daawo u doonto asoon dhakhtar kuxirneyn.
Tan labaad, Atenolol kaan oo bukaankasta oo Dhiigkar qaba lasiinaayo, Buug noocee ah ayaa lagasoo akhriyay?
🔸️ Sow maoga dadkaani in daawooyinka Dhiigkarka soo kala horreeyaan, sabab loo doortana ay jirto?
Waa run Atenolol waa Beta Blocker oo waliba Selective ah, Dhiigkar kana waa lagula tacaalaa, laakiin qasab ma aha bukaankasta in lasiiyo, ugu yaraan waxaa kahorreyso 4 nooc oo daawooyinka Dhiigkar ka kamid ah sida Calcium channel blockers iyo Diuretics.

🔹️ Dadka Sokorta qabana k**a dhib yara...!

🔸️ Gaas, Tiifoow, Malaria iyo Infekshon oo iska noqday wax lagu faano, qofkastana uu qabo!
Xitaa haddii qofka uu qabo cudurradaas mid kamid ah, daawada lasiinaayo ayaaba qaldan!
Tusaale, qof layiri Tiifoow ama infekshon ayaa laga helay oo lasiinaayo 6 cirabdood oo Ceftriaxone ah, iyo labadii sharoobbo oo fiitamiinka ahaa....
Adduunkaan intaan la eg, Tiifoow ama infekshon noocaas loo daweynaayo ma arkeysid!

🔹️ Horta Gaaska iyo Tiifoow ga lagamaba raysto miyaa? Ma qasab baa in lala noolaado?
Waxaad arkaysaa qof kudhahaayo waligeyba k**a caafimaadin Gaas, Tiifoow, Gooryaan iyo Baabasiir oo wey igusoo kacaan..!!

🔸️ Cudur hal daawo lagula tacaali karo oo lagu daweynaayo 4 nooc oo daawo ah?!

🔹️ Daawada waddanka soo gasha oo aan tayadeeda laisku hubin, meesha lagu gado/kaydiyo oo ah meel aad u kulul oo aan mukeef lahayn iyo kan iibinaayo oo aan dhakhtar ahayn, waligiisna meel caafimaad lagu barto tagin!

🔸️ Maxaa keena ilmaha yar inuusanba caafimaadin oo bishii 5 jeer Farmashiye loo geeyaa?

🔹️ Walaal, Farmashiyuhu waa Dukaan ee isbitaal ma ahan, kan joogana waa Ganacsade ee Dhakhtar ma ahan.

|Dr Mohamed Nyeusi|.

🔹️ Maku dhibtootay baruurtaan wajiga kaa saaran iyo calooshaan kaasoo horreysa ee aad ka xarragoon la'dahay?🔹️ Majiraa q...
29/05/2026

🔹️ Maku dhibtootay baruurtaan wajiga kaa saaran iyo calooshaan kaasoo horreysa ee aad ka xarragoon la'dahay?

🔹️ Majiraa qof waalidkaa/qaraabadaada ah oo ladhibban Dhiigkar iyo Sokor?

🔹️ Madareentaa daal farabadan, Gaas/Bog xanuun joogto ah, maqaarkaaga oo qallalan iyo finanka maqaarka/wajiga?

🔰 Hadaba samee qodobadan hoos kuxusan, qoyskaaga/asxaabtaadana lawadaag.

1. Iska ilaali waxkasta oo Bur laga sameeyo, Baastada, Cabitaannada iyo cuntooyinka gasacadaha/caagadaha lagu keeno, Saliid caddey iyo Sokor badan.
N/B: Sokorta iyo Cusbada inyar oo qiyaas ah oo jirkaaga uu u baahanyahay waadka istacmaali kartaa.
N/B: Canjeerada Burka laga sameeyo kubadalo mid laga sameeyay Qamadi lasoo shiiday oo baalkiisa wata, rootigana sidookale.

2. Cashada ayaa ugu muhiimsan.
Hadii aad k**aarmi kartid waxaa fiican inaad iska deysid, hadaadan k**aarmi karin na 8:00pm wixii kahorreeya cun cashadaada, mar haddii salaadda cishaha lagasoo baxo, casho majirto!
Wax lagu casheeyana waxaa ugu fiican Cambuulada.
Sabaayad, Malawax, Baasto iyo wixii lamid ah afkaada hasaarin!

3. Salaadda subax kadib, cab galaas biyo ah, kadibna samee socod boobsiis ah, 90 daqiiqo maalintii (10,000 tallaabo), 5 maalmood asbuucii.
Hadaadan subixii fursad u heli karin na, galabtii ama habeenkii xitaa waadka dhigan kartaa.

4. Cuntada ugu muhiimsan oo miisaan dhimisna kaa caawin karta, Jir qurxoon oo caafimaad qabana aad kaheli doonto waa Hilibka noocyadiisa kala duwan, dalagyada kala duwan ee kabaxa beeraheena, Ukunta, Caanaha, Baradho/Bataati, oo lagu daray Malab, Siliid Zeytuun, Timir, Moos, Tufaax, Canab, Zeytuun, Cambe, Loos, Zabiib, Subag.

🔸️ Quraacda ugu fiican waa Hilib, Baradho/Bataati, 3 Timir ah iyo 1 moos.
Maalmaha qaar booska Hilibka kubaddalo 2 ilaa 3 xabbo Ukun ah. Beerka waxaa la oggolyahay asbuucii halmar.
Canjeero Qamadina 2 xabo haka badin.

🔸️ Qadada: Bariis + Hilib ama Bariis + Ukun, iyo Qudaar inta aad heli karto.
Soor + Hilib, ama Soor + Caano.
Qamadi ama Masago iskukaris ah oo lagu dhex kariyay hilib/maraq.

Soomaalida waxaa layiri Jikada ayay faqiir katahay ee cunno kariska halla barto!

5. Soon Isniin kasta, haddaad khamiis kudarsan kartidna kabasii fiican.

6. Biyaha caadiga ahna waa Muhiim, ugu yaraan 2 liitar, ugu badnaan 2 liitar iyo bar.
Biyaha oo laisku badiyo waxay keeni kartaa halis caafimaad oo lagu magacaabo "Water Intoxication", waxayna keentaa sodium ta inay jirka kuyaraato (Hyponatremia)....

7. Haddii aad tahay qof aad u Cayilan, 2 arrin ayaad dadka intooda kale uga duwantahay:
🔹️: Sokorta: Ha istacmaalin ilaa aad miisaan fiican kaheleysid.
🔹️: Intermittent Fasting:
24-ta saac waxaad u qeybisaa 8 saacadood iyo 16 saacadood. Inta aad wax cuneyso kusoo koob 8 saacadood, 16 da kalana wax ha cunin.
Tusaale, 1 saac subaxnimo ilaa 9 saac galabnimo ha ahaato mudada aad wax cuneysid (Quraac iyo Qado), wixii markaas kadambeeyana cunto culus majirto, kaliya waxaa laguu oggolyahay 1 Moos, 1 Tufaax, 3 Xabo Timir ah iyo Loos.

▪️ Biyaha iyo caanaha waxaa fiican in gooni loo cabo oo aan lala sugin cuntada.
Tusaale: Adoo qadeeyay inaad cabto galaas caano ah iyo labo galaas kale oo biyo ah! Dheefshiidkaaga uma fiicna!

8. Intaan samee adoo xusuusan taladii Nabi Muxammad SCW oo ahayd in cuntada laiska yareeyo, calooshana loo qeybiyo saddex qeybood, (1/3), qeyb biyo ah, qeyb cunto ah iyo qeyb hawo ah oo ay kunafisaan.

|Dr Mohamed Nyeusi|.

Mahadsanid Hooyo 🤱♥️Guulkasta oo aan gaaro, Farxad iyo Khayr kasta oo nolosheyda kusoo ziyaada, Allah kasokoow Hooyadeey...
28/05/2026

Mahadsanid Hooyo 🤱♥️

Guulkasta oo aan gaaro, Farxad iyo Khayr kasta oo nolosheyda kusoo ziyaada, Allah kasokoow Hooyadeey Mcn ayaa kadambeyso, ayadaana heerka aan maanta joogo isoo gaarsiisay ❤️
In maanta magaceyga "Doctor" laga hormariyo Hooyadey ayaa 100% kadambeyso, ayadaana igula talisay, anoo kuwareersan faculty-gii aan dooran lahaa....

Hooyo Mcn, abaalkaaga qoraal aan meel soodhigay kumasoo koobi karo, kaliya waxaan kulleeyahay Abaalkaaga Jannat-al-Firdaws Allah haka dhigo 🤲🏼

"Ilaaheey maddii késhalbiyoo, Ummulusoodiné fadhiidoo, unnoo haduungtébbé néniingku gooynee, ooyow hoogalnoo, illé hanii godoodeey, Alla meydaari ertoodeey, o yeebbé miis aragdoodeey, ugnégii maraasoo, Umma abaalkaa, abaalkaa Ilaaheey maa eykalee gudee" 🤱♥️

"Éngtii niing qabooytoo oo nésaarté boqaa, unuunné naasoo afké lé eednoo, kii eleeng hungduraaneey, Umma abaalkaa, abaalkaa Ilaaheey maa eykalee gudee" 🤱♥️

"Unnoo eretaa fuulnoo ummaayow ooyténg kiingké daraaneey, amalkaa ii dhéréfkaa, isjiljiloow ii amaangaa, Umma abaalkaa, abaalkaa Ilaaheey maa eykalee gudee" 🤱♥️

🔹️ Haawo Mohamud Hassan (Haawo Mugaalle), Maternity Supervisor of Bakol Regional Hospital, Senior Health Officer, Senior Qualified Nurse, Senior Midwife, with Multiple Health Certificates 👏🏽👏🏽🤎

Barnaamijka wuxuu soo xirmi doonaa Caawa 11:00pm (Shan saac habeen nimo).Xaqul-ciid baa kusoo doontay maantee kafaa'idey...
27/05/2026

Barnaamijka wuxuu soo xirmi doonaa Caawa 11:00pm (Shan saac habeen nimo).
Xaqul-ciid baa kusoo doontay maantee kafaa'ideyso oo nasiibkaaga kukalsoonoow 😍😁

CIIDUL CAAFIYA, CIID MUBAARAK, CIID WANAAGSAN KUCIIDA.Waan Ku Faraxsanahay Inaan Kula Wadaagayo Munaasabadda Iyo Farxadd...
27/05/2026

CIIDUL CAAFIYA, CIID MUBAARAK, CIID WANAAGSAN KUCIIDA.

Waan Ku Faraxsanahay Inaan Kula Wadaagayo Munaasabadda Iyo Farxadda Eid-al-Adxa.

Allah Waxaan Kaaga Baryayaa Inuu Kuu Dambi Dhaafo, Kuguna Daro Malyuumaadka Ducadooda La Aqbalay.

MarKale Hambalyo Walaal, Ciid Qurxoon.

Dr Mohamed Nyeusi.

Acmaasha suubban Allah hainaga aqbalo, Ballantuna sidaa hainoo ahaato.
26/05/2026

Acmaasha suubban Allah hainaga aqbalo, Ballantuna sidaa hainoo ahaato.

Anigaa Tusaale kugu Filan.... Go'aankana adigaa iska leh.Labadaas waddo, mid waxay kuu horseedeysaa inaad yeelato Jir Qu...
24/05/2026

Anigaa Tusaale kugu Filan.... Go'aankana adigaa iska leh.

Labadaas waddo, mid waxay kuu horseedeysaa inaad yeelato Jir Qurxoon oo Caafimaad qaba, waxaana kuusii dheer Kalsooni iyo Farxad.

Halka wadada kalana ay kugu hoggaamin doonto Jir aan soo jiidasho lahayn oo khatar ugu jira cudurro halis ah, waxaana kuusii dheer kalsooni darro, cabsi, inaadan xiran karin dharka aad jaceshahay iyo inaad kaxishooto meelaha ay dadka kukulmaan!

Jirkaaga ixtiraam ayuu kaa mudanyahay,
Waa ceeb qof dhallinyaro ah (Rag iyo Dumarba), oo Calool leh/Cayilan!

|Dr Mohamed Nyeusi|.

Qofka Soomaaliga ah wuxuu wax beeran karaa Bilkasta oo Sannadka kamid ah, halka qofka jooga Ruushka, Norway iyo waddamad...
23/05/2026

Qofka Soomaaliga ah wuxuu wax beeran karaa Bilkasta oo Sannadka kamid ah, halka qofka jooga Ruushka, Norway iyo waddamada lamidka ah uu sannadkii kaliya 3 bilood wax beeran karo.

9-ka bilood ee kale barafka ayaa 3 mitir kakorreeya dhulka, Qorraxna ma arkaan.

Waddamada carabtaaba kasii darano, dhul beereedba maheystaan oo waa dhul saxarro ah, roobkana aadbuu ugu yaryahay, laga yaabaa sannad dhan inaysan roob arkin.

Su'aasha yaabka leh ayaa waxay tahay, "Sideebay suurogal kutahay inaan gargaar kasugno qof 3 bilood kaliya wax beeran kara?!

Maxay dadkeena safaf dhaadheer ugu galaan Qamadi, Galley ama Bariis laga keenay Cumaan iyo Imaaraat, oo aan lahayn dhul beereed?!

Dadkaas sow ma ahayn inay annaga naga sugaan gargaarka iyo quudinta?

Waa arrin aad looga naxo, halisna ku ah jiritaanka waddankeena, in qof kasoo jeeda Sh/Hoose, Sh/Dhexe, Jubbooyinka, Bay, Bakool iyo Guud ahaan Somalia uu saf u galo Qamadi iyo Bariis laga keenay Imaaraat, Ingiriiska iyo Ruushka.

Dhallinyarooy, waad hurdeysaane, hurdada kakaca, howl adag ayaa ina sugeysee!

Dadkeenii wax soosaarka lahaa waa la naafeeyay, waxaa laga dhaadhiciyay inay yihiin dad liita oo aan isku filnayn, waxaa lagu qasbay inay kutiirsanaadaan gacan shisheeye!

Gargaarkaan lasheego waxaa lagusoo aadiyaa xilli roobaadka, si dadku ay isu dhigtaan, beerna aysan u xusuusan!
Diyaarad ayaa waxaa lagusoo kireeyaa 50 kun oo doollar, waxa saaran na 2 kun oo doollar madhama, intaas ayaad kagaran kartaa dadkaan ujeedkooda inuusan ahayd caawimaad ee uu yahay Maskax Gumeysi!

Maskax gumeysiga dadkeena lagu haayo, waa mid aan uga saari karno Midnimo, Aqoon iyo Waddaniyad.

|Dr Mohamed Nyeusi|.

Maxaa keena ilmaha yar inuusanba caafimaadin oo bishii 5 jeer kabadan isbitaal/farmashiye loo geeyaa?Dhibka ugu weyn ee ...
21/05/2026

Maxaa keena ilmaha yar inuusanba caafimaadin oo bishii 5 jeer kabadan isbitaal/farmashiye loo geeyaa?

Dhibka ugu weyn ee Farmashiyaasha iyo Isbitaallada gaarka loo leeyahay kuhaayaan bulshada, waxay si gaar ah u saameysaa carruurta kayar 5-ta Sanno.

Dhibaatooyinka aan sida maalinlaha ah u aragno waxaa kamid ah ilmo yar oo 2 jir ah amaba kasii yar oo Parol infusion 1g ah lasiiyay, dhaladii 100-ka ML ahayd oo isqabta!
Sidookale Metronidazole infusion oo sideeda lagu siiyo!
Faleebooyinkaaba kasii daranoo loomaba xisaabiyo! Markaas ayaad arkeysaa ilmihii yaraa oo bararay, naqaskana uu dhibaayo!

Canug 6 bilood jiro oo Loperamide lasiinaayo...
Mid kasii yar oo Metoclopramide inj lasiinaayo..

Maalin dhexdaas ah waxaan arkay canug 9 bilood jiro oo loosoo qoray Albendazole, Metronidazole, Metoclopramide, Loperamide iyo Sharoobbo Multivitamin ah!

Canug 4 bilood jira oo Bronchophane ama Dexaphen ama Chloropheniramine syrup looqoraayo!

Amoxicillin Syrup ooba iska noqotay caano/shaah!

Yaa yiri Hargebka waxaa lagu daweeyaa Amoxicillin iyo Co-trimoxazole syrup?

Loperamide cap 2mg ayay ula baxeen kiniiniga shubanka caruurta! Oo yaa yiri Loperamide baa ilmo yar lasiiyaa?

Bal waxaasi buug noocee ah ayay kuqoranyihiin?
Dadkaanu, Guideline noocee ah ayay istacmaalaan?

Maoga miyaa ilmaha in daawada miisaankooda lagu siiyo?
Ma oga miyaa daawooyinka qaar ilmaha yaryar inaan laga ag dhaweyn!
Maoga miyaa daawada oo siqaldan loo istacmaalo inay ka halis badan tahay cudurka?

Farmashiye aan mukeyf iskadhaafee marwaaxad xitaa lahayn, sideebay dowladdu ku oggolaatay inuu furnaado?
Oo ninkaan ganacsadaha ah goormuu dhakhtar noqday?

Waxaa waajib ah dadka noocaas ah in Bulshada looga digo, waana sameyneynaa Insha Allah.

|Dr Mohamed Nyeusi|.

Address

Baydhabo
Bay

Telephone

+252616014967

Website

Alerts

Be the first to know and let us send you an email when Dr Mohamed Nyeusi posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dr Mohamed Nyeusi:

Shortcuts

Share

Category