31/07/2026
💥🌹 Scabies (Isnadaamis):
💥 Waa maxay Scabies?
Scabies, oo Soomaaliga badanaa loogu yeero Isnadaamis, waa cudur maqaarka ku dhaca oo uu keeno cayayaan aad u yar (Sarcoptes scabiei) oo gasha lakabka sare ee maqaarka. Waa cudur si fudud ugu kala gudbi kara dadka marka ay yeeshaan xiriir dhow oo maqaarka ah.
■ Sidee Ayuu Ku Gudbaa?
Scabies wuxuu ku faafi karaa:
● Taabasho joogto ah oo qof qaba cudurka lala yeesho.
● Dadka isla guriga ku wada nool.
● Goobaha ay dad badani ku wada nool yihiin.
● Mararka qaarkood wadaagista dharka ama gogosha uu isticmaalo qofka cudurka qaba.
■ Calaamadaha
1. Cuncun aad u daran, gaar ahaan habeenkii.
2. Finan yaryar oo casaan ah.
3. Xariijimo dhuuban oo ka muuqda maqaarka.
■ Meelaha ugu badan ee uu ka soo baxo waxaa ka mid ah:
1. Faraha dhexdooda
2. Kilkilaha
3. Caloosha
4. Xubnaha taranka
5. Carruurta waxaa kale oo uu ka soo bixi karaa calaacalaha iyo cagaha.
■ Yaa Halis Ugu Jira?
1. Dadka ku nool guryo ciriiri ah.
2. Carruurta iskuulada iyo xarumaha xannaanada.
3. Dadka ku nool xeryaha ama goobaha ay dad badani ku badan yihiin.
4. Qoysaska uu hal qof cudurku ku dhaco.
■ Sidee Loo Yareeyaa Faafitaanka?
1. Ka fogow xiriirka dhow ilaa cudurka la xaqiijiyo lana maareeyo.
2. Dhaq dharka, gogosha, iyo tuwaallada si wanaagsan.
3. Nadaafadda guriga ilaali.
4. Haddii qof qoyska ka mid ah uu cudurka qabo, xubnaha kale ee qoyska waa in sidoo kale la qiimeeyaa.
■ Goorma Ayaa Loo Baahan Yahay In La Tashado Dhakhtar?
La xiriir dhakhtar haddii:
1. Cuncunku aad u daran yahay.
2. Finanku sii bataan.
3. Dad kale oo qoyska ka tirsan ay bilaabaan inay cuncunaan.
4. Calaamaduhu aysan iska yaraanin.
■ Xaqiiqooyin Muhiim ah
💥 Scabies ma aha calaamad muujinaysa nadaafad darro.
💥 Qof kasta wuu qaadi karaa, iyadoo aan loo eegin da'da ama xaaladda nololeed.
💥Ogaanshaha h**e iyo ka hortagga faafitaanku waxay yareeyaan inuu cudurku ku faafo bulshada.
Dr. Abdikadir Mustaf Abdullahi
Dermatology Resident
📞 WhatsApp: 61 9047408
** **
