د رزان عصفور أخصائية تغذية- Dr Razan Asfour nutritionist.

  • Home
  • د رزان عصفور أخصائية تغذية- Dr Razan Asfour nutritionist.

د رزان عصفور أخصائية تغذية- Dr Razan Asfour nutritionist. د. رزان عصفور أخصائية تغذية نفسية علاجية

حميات غذائية لجميع المرضى

أنظمة غذائية تنحيف وتسمين

*معلومة الأغلبية ماعندن فكرة عنها ومهمة كتير كتير كلنا نعرفها يلي هيي : #العلاقة بين الوزن والميزان وشكل الجسم*اذ...
06/01/2026

*معلومة الأغلبية ماعندن فكرة عنها ومهمة كتير كتير كلنا نعرفها يلي هيي :
#العلاقة بين الوزن والميزان وشكل الجسم
*اذا حسيتي حالك نحفانة بالشكل و زنتي حالك ع الميزان ولقيتي وزنك ع الميزان ثابت لا تزعلي وتفكري حالك مو نحفانة بالعكس هالشي طبيعي وصحي كتير.

*واذا اخدتي مقاساتك رح تلاحظي انو مقاساتك متغيرة ولو كان وزنك عالميزان ثابت وتفسير هالشي انو جسمك كان عندو نقص بالكتلة العضلية وعم يكتسب عضل بالوقت اللي عم يخسر فيه دهون وهالشي لازم يفرحك كتير .

*لما يوصل الجسم للنسبة المطلوبة من الكتلة العضلية مع الاستمرار بالنظام الغذائي والالتزام بالرياضة رح يتم حرق باقي دهون الجسم .

* لما تكوني متفائلة وواثقة بنفسك رح تحبي حالك وتحبي جسمك وتوصلي للنتيجة يلي بدك ياها بأسرع وقت، أما لما تعتبري النظام الغذائي مقيدك ومتعبك وتعدي الأيام لتخلصي هيك رح ينخفض معدل الحرق عندك ورح تتعبي عالفاضي..اعتبري نظامك الغذائي اسلوب حياة وعلميه لكل اللي حوليكي واستفيدي من كل معلومة وفكرة لان الاكل الصحي بيفيدك للوقاية من كتير امراض ومشاكل بالبشرة وغيرها

*غلط نقول بدنا نوصل ل وزن مثالي ،الصح نقول بدنا نوصل ل شكل جسم مثالي

مابحب احكي كتير نصائح تكون مجرد كلمات عابرة نقرأها وننساها..كل حدا فينا في جواته رغبة يطور ذاتو ويغير حياتو..ودائما مننت...
24/12/2025

مابحب احكي كتير نصائح تكون مجرد كلمات عابرة نقرأها وننساها..كل حدا فينا في جواته رغبة يطور ذاتو ويغير حياتو..ودائما مننتظر الظروف تخلص لحتى نبدأ نغير حالنا ..بس الظروف مارح تخلص اذا انتظرناها لهيك لازم نبلش نغير حالنا واجسامنا ونفسيااتنا وهيك الظروف لحالا بتصير مانها عائق قدامنا.. ابتدي من اليوم بنظامك الغذائي واذا صار معك ظروف مو يعني توقفي وتحبطي نفسيتك ..رح كون معك نتجاوز اي عائق نفسي لحتى توصلي لصحتك الجسدية والنفسية الحلوة المطلوبة💯👍
# أخصائية التغذية د رزان
#ماستر تغذية وحميات نفسية علاجية
#دراسة شاملة للحالة النفسية للوصول للعلاج الجسدي المطلوب ببرامج تنحيف او تسمين او تغذية علاجية لمرضى فقر الدم والسكري والضغط وغيره
#استشارات مجانية وبرامج غذائي بتكلفة رمزية
# تواصل على بريد الصفحة
# لا تنتظري نفسيتك تتحسن ولا ظروفك تخلص ابدأي من قلب الظروف واصنعي نفسك وكوني فخورة بحالك دائما 🖤

أكل الدايت مافيه حرمانالفكرة بس نعرف الكمية وطريقة تحضير الوجبةوهيك منقدر ناكل كل الاكل يلي منحبو وننظم وزننا بنفس الوقت...
23/11/2025

أكل الدايت مافيه حرمان
الفكرة بس نعرف الكمية وطريقة تحضير الوجبة
وهيك منقدر ناكل كل الاكل يلي منحبو وننظم وزننا بنفس الوقت
لتقدر تعمل نظام غذائي صحي ومغذي وتحصل ع النتيجة يلي بتحلم فيها بدون تعب او مجهود
اتواصل معي أخصائية التغذية النفسية والعلاجية عبر بريد الصفحة
وما مننسى أهم شي الحالة النفسية والاستعداد النفسي ل اي شي منعملو بحياتنا💯👍
وانشالله أقدر ساعد كل شخص يوصل للنتيجة يلي بيحبها بكل امان وثقة🖤🌹

لكل شخص فينا ناطر تتحسن نفسيته,ليحسن شكل جسمه ووزنه،بحب قول انو الحقيقة هيي عكس هاد الشي،لما بتقرر تغير نظامك الغذائي وت...
09/11/2025

لكل شخص فينا ناطر تتحسن نفسيته,ليحسن شكل جسمه ووزنه،بحب قول انو الحقيقة هيي عكس هاد الشي،لما بتقرر تغير نظامك الغذائي وتحسن شكل جسمك هون بتبدي نفسيتك تتحسن وجسمك يتحسن والامراض تختفي وخصوصا امراض الجهاز الهضمي يلي أغلبها بسبب التعب النفسي بتصير معنا.
أبدأ نظامك الغذائي لخسارة أو زيادة الوزن معي انا أخصائية التغذية النفسية العلاجية الدكتورة رزان عصفور وبتحصل ع نتيجة بتغير كل حياتك لأن العامل النفسي داخل كل إنسان فينا أهم خطوة لتغيير مسيرة حياتنا للأفضل

بعض النصائح بهالصيف والحرارة:🌹اعتماد نظام غذائي بيقوم ع فكرة اكل كميات قليلة من الاكل ع عدة وجبات مثلا ٤ ل ٥ وجبات .🌹شرب...
15/08/2025

بعض النصائح بهالصيف والحرارة:
🌹اعتماد نظام غذائي بيقوم ع فكرة اكل كميات قليلة من الاكل ع عدة وجبات مثلا ٤ ل ٥ وجبات .

🌹شرب ماء بارد بكميات كبيرة لترطيب الجسم لان بهالشوب بيكون الجسم عم يفقد سوائل كتير ومحتاج ترطيب، لهيك منشوف اللي بيقلل شرب مي باردة بيحس بخمول وتعب و دوخة،المي الباردة بترطب الجسم وبتحمي البشرة من الجفاف وبتنظم ضغط الدم لمرضى الضغط وغيرها من الفوائد العديدة.

🌹تقليل اكل الخبز الأبيض والمعجنات والسكر،يلي بتعمل خلل بسكر الدم وتعب للجسم و دوخة،وبتعطينا للأسف شعور دائم بالجوع والرغبة ب اكل النشويات،يعني سيئة للجسم والنفسية.

🌹اعتمد ع الفواكه بشكل أساسي تعد المصدر الأساسي ل ترطيب البشرة والجسم وفيها سكر مناسب يزودنا بالطاقة، واكتر شي نركز ع البطيخ،الجبس،الخوخ، الدراق والفواكه اللي فيا نسبة مي كبيرة، أما العنب التين الموز ف كمان ضروري تناولها ولكن بكميات محددة.

🌹نقلل المنبهات شاي قهوة ،لأن بتزيد ادرار البول وتقليل الترطيب بالجسم،ولما نشربها منشرب بعدها فورا مي باردة للموازنة،ومنتجنب شرب المنبهات بالليل.

🌹منركز ع تحضير مختلف أنواع السلطات بشكل يومي مع الاكل،سلطة ،فتوش ،تبولة،السلطة بتعطيني سوائل وأفضل من خضار نيئة لوحدها.
🌹لتنزيل الوزن منركز وجبة المسا تكون خيار بلبن او متبلة او كاسة عيران مع توم، اللبن بيهدئ الاعصاب وبيساعد ع الاسترخاء ومفيد لتنزيل الوزن

🌹نقلل كمية الملح بالطبخ لعدم حدوث احتباس سوائل وتعب ل أعضاء الجسم وخصوصا الكليتين.

🌹نبلش فطورنا ب بروتين،متل بيض مسلوق ،لبنة،جبنة،قريشة،وما منبلش فطورنا بالسكريات والحلويات لان بتخلينا خمولين وتعبانين كل النهار
نقسم وجباتنا ع وجبة اساسية وبعدا سناك ويفضل السناك يكون فواكه متل ما حكينا.

🌹وطبعا ما مننسى في حالات خاصة من الامراض،مرضى السكري،مرضى الضغط،الحامل،
المرضع...
للي بيحب ينظم برنامج غذائي خاص فيه لا ينسى المتابعة معي عبر بريد الصفحة
ودامت صحتكم بألف خير 🖤🌹

الأوقات يلي ما لازم تزيني حالك فيها و الحالات اللي بيكون عنا زيادة وزن كاذبة:١ قبل موعد الدورة الشهرية ب ٤ ايام لحد ما ت...
10/07/2025

الأوقات يلي ما لازم تزيني حالك فيها و الحالات اللي بيكون عنا زيادة وزن كاذبة:
١ قبل موعد الدورة الشهرية ب ٤ ايام لحد ما تخلص الدورة الشهرية.
٢ بحال تناول الطعام او شرب الماء، لأن أخد الوزن الصحيح بيتم ع الريق بعد تفريغ الامعاء والمثانة قدر الإمكان.

٣ بحال كنتي متدايقة نفسيا او مكتئبة،الحالة النفسية إلها علاقة بإعطاء وزن غير دقيق( هالشي عن تجربة كتير مهم) بيتقل وزن الجسم والميزان بيعطي زيادة كاذبة

٤ بحال عم ناخد بعض انواع الادوية لفترة معينة متل مانعات الحمل الفموية لازم نعرف انو اذا ما شربنا مي منيح ف هي الادوية الهرمونية بتعمل احتباس سوائل وزيادة وزن كاذبة

٥ بحال أخد الوزن بعد المشي او لعب التمارين الرياضية إجباري رح يعطي زيادة وزن كاذبة، لازم ناخد وزننا قبل الرياضة مو بعدها.

٦ ما مناخد الوزن كل يوم، مناخد الوزن كل أسبوعين بشكل منتظم.

٧ وانا عم اعمل نظام غذائي ما بخلي كل همي اني اوزن حالي واطلع عالميزان نازلة،بهالحالة مارح ينزل وزني عالميزان حتى لو عم انحف،ليش؟ اذا جربتي وصار معك هالشي رح تعرفي ليش، خلي همك تقدمي لجسمك اكل صحي وبس واعتبريه نظام حياة وافهمي شو عم تعملي لتبقى هالمعلومات ببالك عطول.

٨ اذا عندك نقص فيتامينات متل فيتامين د، كلس، فقر دم، وأكلك قليل ورغم هيك مابتنحفي،لا تلومي الميزان انك ماعم تنحفي،عالجي نقص الفيتامينات ولحالو جسمك بينحف.

٩ في اوقات بيمر الجسم بحالات متل تلبك معوي، إمساك، وخصوصي هلى بالصيف والشوب،بيدايق الشخص وبيحس ب انزعاج،انتظري كم يوم لحتى تعالجي هالموضوع بعدين بتزيني حالك

ملاحظة: لازم نعرف انو الميزان مو كلشي، أثناء اتباع حمية غذائية تنحيف او تسمين، مثلا ب نظام التنحيف،اوقات بطلع عالميزان بكون نازلة كيلو وتنين وتلاتة بس شكل جسمي مو متغير، واوقات العكس بطلع عالميزان بيكون نفس الوزن أو أقل بشي بسيط بس بيكون شكل جسمي متغير كتير ومشدود ومقاساتي متغيرة(وهي الحالة اللي انا بحبا وبفضلها) ،هالشي إلو علاقة ب كتلتك العضلية انو عم تزيد مقابل الدهون اللي عم تخسريها وبيتم هالشي وإنتي عم تمشي ع نظام غذائي صحيح غني بالبروتين، منرجع منأكد قوام الجسم وكتلته العضلية المتناسقة أهم من رقمك عالميزان، ومع هيك في اشخاص بيربطو جمالن ب وزنن مع انو منشوف مثلا صبيتين ال ٢ نفس الطول مثلا ١٦٠ و ال ٢ وزنن ٦٠، بس وحدة منن جسما رياضي ومشدود وحلو والتانية جسما فيه زيادة مو حلو ومو مشدود،لهيك خلي عينك عالمراية ع قوام جسمك اكتر ما تخلي عينك عالميزان، وانشالله دائما كلكم بتكونوا بصحة منيحة ودائما بألف خير🖤🖤🖤
ل اتباع نظام غذائي مثالي تنحيف او تسمين والحصول ع نتائج خارقة وصحية عليكي التواصل معي عبر بريد الصفحة

سيدرا الغالية،وبسميكي الشجاعة،رغم التعب قدرتي تحققي نتيجة حلوة متلك ،الله يقويكي ويعطيكي الف عافية🖤🖤🖤🖤🌹🌹🌹
09/07/2025

سيدرا الغالية،وبسميكي الشجاعة،رغم التعب قدرتي تحققي نتيجة حلوة متلك ،الله يقويكي ويعطيكي الف عافية🖤🖤🖤🖤🌹🌹🌹

05/07/2025

# التمارين الرياضية منلعبها ع معدة فاضية
# لازم نشرب كمية منيحة من الماء خلال ممارسة التمارين الرياضية
# للي حابين ينحفوا، ممنوع الاكل بعد الرياضة لمدة ساعتين على الاقل،وخلال هالوقت مناخد كمية منيحة من المي الباردة والراحة
# ممنوع نلعب رياضة بعد ما نتعب ،لازم العضلة ترتاح وتمر بمرحلة الاستشفاء، مسموح يوميا لعب تمارين رياضية مدة ٤٥ دقيقة .
# قبل ما نبدأ تماريننا لازم نعمل إحماء مشي وتهيئة الجسم للبدء بالتمارين وبعد ما نخلص تمارين منعمل تبريد يلي هوي كمان حركات خفيفة ومشي.
# فينا ناخد كوب قهوة صغير أو كوب شاي اخضر، قبل ما نبدأ بالتمارين بيعطينا طاقة ونشاط لنقوم بتماريننا وما ننسى نكتر مي باردة
# مابيصير نلعب تمارين رياضية طيلة ايام الاسبوع مسموح نلعب ٤ او ٥ ايام حسب شدة التمارين وحسب راحة جسمنا، وجسمنا هوي اللي بيخبرنا انو ارتاح وصار جاهز للتمارين.
# منقلل تناول الكاربوهيدرات ومنزيد معدل البروتين وخصوصا البروتين الحيواني ب وجبات بعد التمرين
# عند أداء التمرين نقوم به ببطء وهدوء لكي لا تتأثر عضلاتنا تأثير سلبي، ومدة الاستراحة بين كل تمرين وتمرين اخر ٣٠ ثانية لدقيقة ليس اكثر
للمزيد من المعلومات المفيدة عن العلاقة بين البرنامج الغذائي والرياضة ،بحال الرغبة بزيادة الوزن أو انقاصه،يؤجر متابعتي والتواصل عبر واتساب 0994387711

رابط يحوي على أهم تمارين حرق دهون البطن👇

https://www.facebook.com/jerseydemic/videos/691544300332528/?mibextid=9drbnH&s=yWDuG2&fs=e

04/07/2025

من أسباب عدم نزول الوزن رغم تقليل كميات الطعام:

1 عدم شرب الماء البارد بكميات كافية حيث أن الماء يحفز الجسم على استقلاب الدهون والتخلص من احتباس السوائل
2تناول فطور غني بالحلويات والسكريات ،يؤثر على عمل الهرمونات في الجسم
3 تناول الطعام في وقت متأخر من الليل يسبب تخزين السعرات الحرارية بدلا من حرقها.
4 نقصان الفيتامينات من الجسم متل فيتامين د،الكلس، وحتى المعادن كالحديد وغيرها.. ،يمنع الجسم من فقدان الوزن رغم تقليل كميات الاكل إضافة إلى الشعور بالارهاق والاكتئاب.
5 عدم تنظيم مواعيد الوجبات يؤدي إلى خلل في عمل الهرمونات المسؤولة عن العمليات الاستقلابية في الجسم.

6 التوتر والتعب النفسي يؤدي إلى زيادة إفراز هرمون الكورتيزول الذي يحفز تخزين الدهون خاصة في منطقة البطن،لذلك اقول دائما أن الحالة النفسية هي أساس علاج مشكلة الوزن
7 عدم النوم ساعات كافية مساءا،لأن قلة النوم تؤثر على إفراز الجسم للهرمون اللازم لحرق الشحوم وعمليات الاستقلاب.

بناءا ع رغبة بعض الصبايا يلي بيسالوني دكتورة قدي ممكن ينزل وزني بالاسبوع( والادق نقول بالاسبوعين), رح نزل بعض النتائج لي...
02/07/2025

بناءا ع رغبة بعض الصبايا يلي بيسالوني دكتورة قدي ممكن ينزل وزني بالاسبوع( والادق نقول بالاسبوعين), رح نزل بعض النتائج ليكونو حافز إلنا كلنا بالمثابرة والالتزام🌹🌹🌹
ملاحظة: انا مابحب فكرة تنزيل بوست صور قبل وبعد، بحب الخصوصية وكل صبية حلوة بجسما قبل وبعد ،كل مرحلة من حياتنا حلوة ومالازم نلغيها ،انتي نفسك بالماضي كان عندك مشكلة بجسمك بس لولا تصبري وتكافحي وتكوني قوية ماكنتي وصلتي للبعد،لا تلغي شخصيتك ب ولا مرحلة من مراحل حياتك ،والروح الحلوة احلى شي بكل شخص فينا 🖤🙏

Address

طرطوس

Telephone

+963994387711

Website

Alerts

Be the first to know and let us send you an email when د رزان عصفور أخصائية تغذية- Dr Razan Asfour nutritionist. posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Health & Beauty Business?

Share