28/07/2026
مغص الرضيع او متل مامنسميه الطفل الذي يصعب ارضائه😱
دوا (Restropinal) عم شوفو كتير بالعيادة موصوف للرضع للأسف بدون وعي الاهل لمخاطرو
⚠️ شو هو هالدوا أصلاً؟
هالدوا بيحتوي على مركب بيرخي العضلات بالجهاز الهضمي
يعني بدل ما نطلع الغازات منحبسها 🤦🏽♀️
🤔 طيب شو يعني مغص رضيع؟؟
هي حالة فيزيولوجية طبيعية بتحدث بين الأسبوع الثالث والشهر الرابع
طفل عندو غازات بالامعاء صعب يطلعها بيبكي لساعات متواصلة وصعب نرضيه بسهولة
🙄 طيب هاد الدوا بفيد؟؟
للاسف هاد بزيد المشكلة لان بدل ما نطلعهن رح نحبسهن للي عم يوجعونا وممكن نعمل:
1️⃣ انسداد بالامعاء بسبب شلل حركية العضلات بشكل مؤقت وبطئ بحركتها🐢
2️⃣ التنويم وهو عَرَض جانبي خطير جداً: 🚨
و بيسبب أخطار كبيرة مثل انقطاع النفس 🫁، الخمول الزائد 😴، وجفاف السوائل 💧.
🤱 انتو يا ماميات كيف بتعالجو هالحالة؟؟
رح نحكي ببوست قادم عن طرق مختلفة للتخفيف عن بيبياتنا😊
ولادة
