العياده النسائية د.راما هلال خضور

01/06/2026

مواليدنا الحلوين برفقة طبيبة النسائية وطبيبة الأطفال😍😍
الحمدلله على سلامة الأمهات والمواليد
والله يرزق الذرية الصالحة لكل مشتهي🤲🤲💙🩷

17/05/2026

#جنس #الجنين
أكتر شي بكونوا الأهل متلهفين ليعرفوه خلال رحلة الحمل هوي جنس البيبي🤔🤔🤔
من أكتر الاسئله اللي منسمعا بالعيادة:
بأي عمر بيتحدد جنس الحنين؟؟
ممكن يصير خطأ بتحديد الجنس ؟؟
ممكن يتغير الجنس يعني يكون صبي ويصير بنت أو العكس؟؟
عادةً جنس الجنين بيبان بين الأسبوع 14–16 من الحمل وبتكون الدقة أفضل وأوضح في فحص منتصف الحمل حوالي الأسبوع 18–22.
يعتمد ذلك على:
وضعية الجنين وقت الفحص وهي الأهم.
جودة جهاز الإيكو.
خبرة الطبيب.
كمية السائل الأمنيوسي ووزن الأم وكمية الشحم عندا.🤗
أكيد مابتغير الجنس إذا كان التشخيص اساسا صحيح وواضح.
دمتم سالمين...♥️♥️♥️

04/05/2026

#الاورام الليفية
٠٠هي نمو غير سرطاني في الأنسجة العضلية للرحم.
رغم أنها غالباً لا تسبب أعراضاً لكن قد تؤدي إلى نزيف غزير، ألم بالحوض، أو صعوبة في الحمل.
٠٠يمكن أن تتفاوت في الحجم والموقع داخل الرحم.
٠٠العلاج يتراوح بين المراقبة الطبية والعلاج بالأدوية أو الجراحة في الحالات المتقدمة.
هل ممكن يصير حمل بوجود ورم ليفي بالرحم؟؟.؟
نعم،لكن ذلك يعتمد على حجم الورم ومكانه.
في بعض الحالات قد يؤثر الورم الليفي على القدرة على الحمل أو يسبب مشاكل أثناء الحمل.
إذا كان الورم في مكان يعوق عملية تخصيب البويضة أو يتسبب في انسداد قناة فالوب، فقد يكون الحمل أكثر صعوبة.
كما أن الأورام الليفية قد تؤدي إلى مضاعفات بالحمل مثل الإجهاض أو الولادة المبكرة.
استشيري طبيبك للحصول على التوجيه والعلاج المناسب. 🌸
دمتم سالمين ♥️🥰♥️

23/04/2026

يسعد صباحكم🌺🌺
سؤال مكرر دوماً🧐🧐 دكتوره قدي بضل بشهري حتى أولد؟؟؟ إذا كان الخيار قيصرية...
الولادة القيصرية هي خيار آمن منلجأ الو ببعض الحالات لضمان صحة الأم والطفل. غالبًا ما نحدد موعد الولادة القيصرية بين الأسبوع 37 و 39 من الحمل وهالشي بيعتمد على صحة الأم وحالة الجنين والتاريخ الطبي للأم.
استشارة طبيبك هيي المفتاح ناقشي مع طبيبك لتحديد الوقت المثالي للولادة القيصرية الك.
دمتم سالمين...♥️♥️

21/04/2026

13/04/2026

حالة عيادة 🤗🤗
مفاجأه بس حلوه🫣
كيفك دكتوره فطمت الصغير من شهر بس حاسه في شي عم يخبط ببطني..🧐🤔
مبروك مدام حامل شهر سادس وصبي كربوج
حلوه المفاجآت من هالنوع😅
الله يفاحئ كل مين بدو 🙌🙌
دمتم سالمين ♥️

06/04/2026

النهايات مو دائماً بتكون سعيدة ومتل مابدنا🥹
وهيك صار مع مريضتنا الغالية بعد رحلة حمل حوالي ٩أشهر كانت طبيعية تماما ومراقبة وتحت السيطرة
فجأة الأم بتكشي من عدم إحساس بحركات الجنين لنكتشف إنو الجنين توقف نبضه للأسف💔💔
ليش وكيف هيك صار؟؟؟ بقينا على حيرة لبين ما دخلنا ع العمليات وعرفنا السبب!!!!!
وجود عقدة حقيقة بالحبل السري يعني ماعاد عم يوصل غذاء وأوكسجين للبيبي لهيك توقف قلبه🥹
الحمدلله على سلامة مريضتنا والله يعوض عليها قريبا بالأحسن وانشالله السلامة لجميع الماميات والبيبيات🤲🤲
دمتم سالمين...♥️♥️♥️
#دـراماـخضورـنسائيةـتوليد
#جبلةـالعمارةـبنايةـالأطباء
0993105260

10/03/2026

يسعد أوقاتكم مني ومن هالملائكة اللي اجونا بخير وسلامة و نوروا الدنيا بالفترة الاخيرة♥️♥️🥰 كل بيبي حكاية ورحلة ٩ أشهر قضيناها مع الأم سوا بعذابا وتعبا وبالاخر حلاوتها🥰
انشالله السلامه للجميع والله يبعت لكل مشتهي صبيان وبنات
#دـراماـخضورـنسائيةـتوليد
#جبلةـالعمارةـبنايةـالاطباء
٠٩٩٣١٠٥٢٦٠

25/02/2026

حمل بعد قصة عقم ثانوي #ست سنوات
تحليل السائل المنوي وعلاج الزوج هو نصف العلاج
بعد الالتزام بالأدوية شهرين اكرمهم الله بهذا المنظر👇👇👇
الله يتمم بخير ويطعم كل مشتهي 🙏🙏
دمتم سالمين...❤❤

03/02/2026

بوست بناتي🥰🥰
المؤنسات الغاليات 🎀🎀
الله يخليهم لأهاليهم ويرزق كل مين مشتهي صبيان وبنات🧒👧