13/04/2026
الجرب مو قلة نظافة … الجرب قلة وعي !!
لازم نكسر حاجز الخجل ونحكي الحقيقة: الجرب عم ينتشر بالمدارس، والسبب مو إنو بيوتنا مو نظيفة، السبب هو السكوت عن الإصابة اللي عم يخلي العدوى تلف وترجع للكل.
الجرب طفيلي ذكي، ماألو علاقة كم مرة بتتحمم، هو ببساطة "عدوى" بتنتقل بلمسة مع شخص مصاب.
و ليش الجرب "غدّار"؟
لأنو الشخص المصاب ممكن ما تظهر عليه الحكة إلا بعد أسبوعين لـ 6 أسابيع (فترة حضانة)، وخلال هالفترة بكون عم يعدي رفقاتو وعيلتو وهو مو حاسس!
وكيف منعرف إنو الإصابة جرب ؟؟
• حكة هستيرية: بتزيد بشكل غريب ومزعج جداً بالليل وعند الدفا.
• حبوب ونقط: بتظهر بمناطق الثنيات (بين الأصابع، المعصم، والإبط).
• خطوط رمادية: أنفاق صغيرة جداً تحت الجلد.
طيب صار وانصبنا بالجرب شو هوي العلاج ؟؟
1. علاج جماعي: بإشراف طبيب لكل أفراد العيلة .. حتى اللي ما عم يحك!
2. الغلي والكوي: غسيل التياب والشراشف بمي مغلية + شمس هو الضربة القاضية.
3. العزل: الأغراض اللي ما بتنغسل بتتحط بكيس نايلون مسكر 10 أيام.
كيف بتحمي عيلتك من عدوى الجرب؟
بتعليق صغير بتوصلكون التفاصيل 🩷
البوست منقول للتوعية
#صيدلية
